Lesbók Morgunblaðsins - 15.09.1957, Qupperneq 13

LESBÓK MORGUNBLAÐSINS
465
Kr. Linnet:
Einkennilegir draumar
I.
MIG hefur nokkrum sinnum á lið-
inni ævi dreymt drauma, er eg af
reynslu minni taldi mark á tak-
andi og skrifaði þegar í stað á blað
mér til minnis. Þessir draumar
mínir voru þannig að þeir snerust
umbúðalaust um eitthvert lítið
atriði, sem var mjög skýrt en ekk-
ert draumarugl í sambandi við
það. Skal hér sagt frá örfáum
dæmum um þetta.
Aðfaranótt fjórða dags septem-
bermánaðar árið 1942 vaknaði eg
allt í einu gagnstætt venju minni
klukkan tæplega sex og var þá
að dreyma Stefán Björnsson pró-
fast frá Dal í Fáskrúðsfirði og sá
hann fyrir mér í svefninum. Þótti
mér þetta einkennilegt því eg haf ði
hvorki hugsað um hann né til hans
áratugum saman og því síður
dreymt hann. Vorum ,við saman
einn vetur í Flensborgarskólanum
1 Hafnarfirði ásamt uppeldisbróður
mínum Carl O. Steinsen, sem var
fæddur árið 1878 en Stefán árið
1876 og ég 1881. Voru þeir Carl
og Stefán eitthvað saman og kom
Stefán eitthvað á heimili okkar.
Síðan fór Stefán í „latínuskólann“
og áttum við þar alls ekkert sam-
an að sælda enda hann í einum
bekk neðar og það eldri að um
munaði á þeim árum. Síðan varð
hann prestur á Austurlandi en ég
sýslumaður á öðrum landshomum
og sáumst við aldrei þessi ár eftir
að ég sigldi á Hafnarháskóla og
hugsaði ég áreiðanlega aldrei um
hann öll þessi ár. Þótti mér svo
einkennilegt að mig skyldi dreyma
hann áðurnefnda nótt að ég skrif-
aði drauminn hjá mér þegar um
morguninn.
Um andlát hans vissi eg ekkert
fyrr en ég las í Morgunblaðinu 8.
janúar 1943, að Stefán hefði and-
azt daginn áður en mig dreymdi
hann og einnig er dánardagur hans
í prestatali talinn 3. sept. 1943.
Mér þykir ekki ólíkleg sú skýr-
ing á þessu, sem Magnús skáld
Gíslason bar fram við mig er eg
sagði honum þennan draum. Hún
var sú, að fyrir Stefáni hefði
skömmu eftir andlátið rifjast ó-
sjálfrátt upp atriði úr liðinni æsku
hans og persóna mín í því sam-
bandi. Tilviljunarskýrmgin kemur
að því er mér virðist ekki til greina
enda aldrei dreymt hann síðan.
II.
Aðfaranótt sunnudagsins 18. ág.
1946 dreymdi mig að ,.Eldborgin“
skipstjóri Ólafur Magnússon, sem
ég vissi að var „á síld“, en hafði
ekki hugmynd um hvað var búin
að afla mikið, hefði fengið 3700
mál. Þessum draumi tók ég í raun
og veru lítið mark á, en sagði hann
þó daginn eftir Svavari, tengdasyni
mínum, syni Ólafs skipstjóra, rétt
til gamans. Hann vissi ekki heldur
hve mikið „Eldborgin“ hafði þá
veitt.
Þriðjudaginn næstan á eftir
mátti lesa í síldarskýrslum þeim,
sem blöðin birtu, að „Eldborgin"
hafði laugardaginn áður verið bú-
in að afla þessi nákvæmlegu 3700
mál.
Eg veit ekki hvernig á að skýra
þetta. Um tilviljun getur ekki ver-
ið að ræða. Dulhrif koma varla til
mála. Mér dettur helzt í hug þessi
þáttur vitundar minnar, dulvitund-
in, sem skynjar á annan hátt en
dagvitundin, hafi komið þessari
vitneskju sinni til hennar, hvött ó-
sjálfrátt af því að eg var vanur,
ví
og er enn vanur, að fylgjast með
aflaskýrslum síldarskipanna eins
og þær birtast í blöðunum.
III.
Hjón í Vestmannaeyjum, sem
voru góðir kunningjar mínir, eign-
uðust barn. Það kom fljótt í ljós að
barnið var andlegur aumingi.
Barnið var mjög höfuðstórt og aug-
un alveg „sálarlaus“. Eg bar barnið
fyrir brjósti og óhamingju foreldr-
anna. Lét það oft í ljós.
Nótt eina — ég sleppi hvaða nótt
það var en skrifaði það þó þegar
hjá mér — dreymdi mig þetta litia
barn. Eg sá hana í draumnum mun
höfuðsmærri, fínlegri og með sál
í augunum eins og heilbrigt barn.
Þessa sömu nótt andaðist barnið.
Mín skýring er sú að vegna sam-
úðar minnar með barninu var mér
sýnt eða dulvitund mín skynjaði
barnið eins og það var orðið í hinu
nýja lífi sínu.
Óskandi væri að fleiri legðu rækt
við hina fræðilegu hlið þessa máls.
Þetta gæti líklegast orðið til þess
að beina mönnum eitthvað frá hin-
um miklu villigötum efnishyggj-
unnar.
Nýtt penicillin
EIN S og kunnugt er hefir penicillín
verið framleitt úr myglu, en nú hafa
tveir læknar, John C. Sheehan og K.
R. Henry-Logan við tæknideild há-
skólans í Massachusetts, fundið upp
nýa aðferð við framleiðslu lyfsins og
hafa þegar búið til 10 tegundir af gerfi-
penicillín. Þessi nýu lyf verða dýrari
en talið er að þau muni reynast enn
betur og duga þar sem bakteríur hafa
staðizt penicillín og orðið ónæmar fyr-
ir því. Þessi nýu lyf munu og ekki
hafa nein eftirköst fyrir sjúklinga.
LEIÐRÉTTING
Prentvilla varð í seinustu Lesbók
bls. 443 í 3. dálki: „loftköstulum" á
að vera loftköstum.
á
t