Lesbók Morgunblaðsins - 29.10.1961, Side 1
XXXVI. árg.
JEoygiutM&íiá iinð
31. tbl.
Sunnudagur 29. október 1961
tJr sögu Reykjavíkur:
Ingólfur á Arnarhóli
ARNARHÓLL er ekki óbyggður
vegna þess, að engum hafi sýnzt
ráð að reisa þar hús. Hvað eftir
annað hefir verið ráðgert að reisa
þar stórhýsi. Þar var hinu mikla
gistihúsi „Hotel de Nord“ ætlað-
ur staður, að vísu ekki á háhóln-
um. Þar var ráðgert að reisa
Latínuskólann, þegar hann var
fluttur frá Bessastöðum. Þar var
einnig ráðgert að reisa Alþingis-
húsið.
En hvernig stóð þá á því, að
ekkert þessara húsa reis þar?
Hvernig stóð á því að það var
engu líkara en að hóllinn væri
geymdur til þess að reisa þar
mynd Ingólfs Arnarsonar?
Forlögin fara oft einkennilegar
leiðir. Þau hafa verndað Arnar-
hól og ráðið til þess var mjög
einfalt. Þegar tukthúsið var
reist, var Arnarhóll lagður undir
það. Seinna fengu stiftamtmaður
og landshöfðingi afnot jarðarinn-
ar. Og þeim var ekki um að láta
skerða túnið fyrir sér. Þess vegna
stjökuðu þeir öllum byggingum
frá Arnarhóli. Eiginhagsmunir
þeirra vernduðu hólinn. Svo átti
)
Árið 1863 var því
fyrst hreyft að
reisa Ing-ólfi Arn-
arsyni minnis-
merki. En mynd-
in, sem nú stend-
ur á Arnarhóli
var afhjupuð 24.
febr. 1924.