Lesbók Morgunblaðsins - 12.05.1968, Blaðsíða 14

Snorrason, flugmaður segir í viðtali er
haft var við hann.
Ég hef aldrei séð meiri ís milli Vest-
fjarða og Grænlands síðan ég fór að
fljúga þessa leið. Þéttleiki íssins er 5. 8
og síðan 7—8, en víða eru skipgengar
lænur.
Um þetta leyti voru taisverðar frost-
hörkur, einkum fyrir norðan og snjó-
þungt á Norðausturlandi. Útlitið talið
slæmt.
26. marz. Mikill ís fyrir Vestur og
Norðurlandi, og nú er ísinn kominn
austur fyrir Langanes og er kominn
langt austur fjær landi. Hann hefur sézt
frá Breiðdalsvík og spöng er orðin
landföst við Gerpi. Bakkafoss, sem var
á leið til Norðurlandshafna, varð að
snúa við út af Vopnafirði en þar
kom hafísinn æðandi á móti skipinu á
miklum hraða. Talið er að ísinn nái 30-
40 sjómílur til hafs. Þistilfjörður var
aiþakinn ísi, þar upphófast mikð höfr-
ungadráp í smá vökum sem voru í ísn-
um, talið er að þeir séu 100 talsins.
RABB
Framh. af bls. 16.
hamla gegn því að slíkt ástand skap
ist hér á landi.
Þetta hvorttveggja ber okkur að
hafa í huga þegar rætt er um heil-
brigða mótun unglinga í œðstu
menntastofnunum landsins. Með
hlutlœgri frœðslu í heimspeki verð-
ur þeim bezt gefinn kostur á að
mynda sér rökstuddar skoðanir á
stefnum og hugmyndakerfum, sem
fara yfir hverju sinni. Slík frœðsla
gæti líka forðað unglingum frá því
að verða öfgastefnum að bráð áður
en þeir hafa náð fullum þroska.
Jón Hnefill Aðálsteinsson.
A Húsavík lá Herðubreið og komst ekki
þaðan sökum íss. Út á ísnum fyrir norð-
an Melrakkasléttu heyrðust bjarndýr
öskra.
21. apríl. ís fyrir öllu Norðurlandi
langt norður í haf. Ófært öllum skipum
þangað bæði að austan og vestan. Víða
er farið að ganga á heybingðir bænda,
einkum á Norðausturlandi og erfitt um
aðdrætti vegna snjóþyngsla.
Fréttir frá Vopanfirði 1. maí.
Enn liggur hafísinn á firðinum, þó
hefur myndazt renna út frá Hofsárósum
út eftir firðinum. Vitaskipið Árvakur
brauzt gegnum ísinn í gær eftir endur-
teknar tilraunir. Þokuna birti andar-
tak og var þá hægt úr landi að benda
honum á greiðfærustu leiðina, en síðustu
5—6 metrana var samfelldur ís, sem
skipinu tókst þó að brjótasf í gegnum
Áður hafði Hekla þurft að snúa frá
vegna íss, en hún var með 14 farþega
hingað og 80 tonn af vörum. Hér hoirf-
ir til vandræða og stórtjóns ef ekki fer
eitthvað að greiðast úr með skipakomur.
Hér er m.a. orðið fó'ðurbætislaust.
Fréttir af Norðurlandi 2. júni.
Stöðug norðanátt síðari hluta maí. f
Miðfirði og Hrútafirði er enn hafís og
hefur hann hamlað aðflutningum. Tals-
verður ís er hér og þar allt austur á
Vopnafjörð, en víða er hann þó farinn
að gisna og sumir firðir íslausir að heita
má. í Axarfirði hefur verið mjög kalt
að undanförnu og tún víða kalin og
svo mun víðar.
Sagt er, að þrátt fyrir kuldana hafi
sauðburður gengið vel. —Víðast hvar er
farið að hleypa lambám út, enda hefur
hlýnað til muna síðustu dagana. Hitinn
komizt upp í 10 stig á Vestfjörðum, en
allt upp í 18-20 stig á Norður og Austur
landi.
—Gróður tók fljótt við sér, þótt hita
bylgjan stæði stutt.-------
Að sjálfsögðu mætti skrifa, ekki að-
eins stutta grein um góðæri til lands
og sjávar á því tímabili, sem þessi
grein spannar yfir, heldur heila bók. En
hollt tel ég æskunni í dag, sem iifað
hefur að heita má samfelld góðæri, að
hafa það í huga að ísland hefur ekki
færzt úr stað —-. Hinn forni fjandi —.er
enn og verður nábúi okkar, tilbúinn til
árásar á landið hvenær sem er —. Lát-
ið hann aldrei koma að ykkur óviðbún-
um --Verið viðbúin--.
Hvað grein þessa snertir, er mér ijóst
að hún er næsta ófullkomin. Ég hef
reynt að taka það sem ég áleit mestu
máli skipta. En þegar um samanþjappað
efni er að ræða er alltaf álitamál
hvað á að taka og hverju að sleppa.
Ég bið því þá, sem þetta kunna að lesa
og halda til haga, að taka viljann fyr-
ir verkið.
Þess skal getið að þegar þessi grein er
prentuð 12. maí er enn mikill hafís fyrir
Norður- og Austurlandi og siglingar að
mestu tepptar.
HUGLEIÐSLA
Framhald af bls. 12
undar og hægt sé að ná því, er auð-
skilið hversvegna fullfleygur hugleið-
andi ætti að finna til fullnægju og ör-
yggis. Um þetta atriði ber Maharish-
anum saman við alla dulspekinga fyrr
og síðar, kristna eða ekki kristna. Vizk-
an sem þeir hafa allir öðlazt er sú
að maðurinn sé ekki aðskilinn heimur,
heldur hluti af alheimsheildinni, sam-
ofinn gervöllu sköpunarverkinu. Og það
er þessi vizka, segir Dr. B., sem sefar
kvíða og taugaþenslu hjá hugleiðandan-
um, sem forðar honum frá óttablöndnum
fjandskap gagnvart öðrum mönnum með
því að „byggja honum traustan grund-
völl, sem sé hafinn yfir ógnanir“, ó-
hagganlega staðfestu.
Andstæðingar hugleiðslu í sérhverri
mynd hafa ávallt sakað hana um sjálfs-
hyggju. Líf einsetumannsins, sem afneit-
ar „heimi veruleikans" og gerist honum
sýnilega fráhverfur, hlýtur að virðast
fullt sjálfselsku i augum þess sem ekki
hefur skilning á markmiði hans, enda
þótt enn séu þúsundir manna í hinum
austræna heimi, sem gera sér ljósa gagn-
semi þess og gildi eins og áður var
gert á Vesturlöndum. En Maharishinn
og áhangendur hans afneita ekki heim-
inum. Hið eina takmark þeirra er að
verða virkari og áhrifaríkari innan
hans.
Engu að síður virðast nútíma hug-
leiðendur ekki vera hópsálir. Að vísu
skiptast þeir í hópa víðsvegar um Bret-
land, en þessir hópar voru undantekn-
ingarlaust tengdir kunningjaböndum
áður en þeir tóku upp hugleiðslu. Þeir
hafa fréttablað sem verkar eins og
grannur og óreglulegur tengiliður milli
aðalstöðvanna í London og félaganna
úti um landið, en það er augljóst að
þessir hugleiðendur hafa ekki mikinn
áhuga á að koma saman á félagsleg-
um eða pólitískum grundvelli. Bræðra-
lag þeirra á sér annarsstaðar rætur. Og
það væri ekki úr vegi að ímynda sér
að að minnsta kosti nokkur hluti hinn-
ar auknu orku þeirra stafaði af því að
nú eyða þeir minna af henni í staS-
hæfingar og mótmæli, sem þeir álíta nú
tilgangslaus.
„Sá maður, sem iðkar hugleiðslu,"
segir Dr B., „auðgar þjóðfélagið vegna
þess að hann hefur sjálfur auðgazt af
þrótti og hæfileikum, hjartahlýju og um-
fram allt sálarfriði." Með öðrum orðum,
hann sýrir brauðdeig mannkynsins með
tilveru sinni einni saman.
14 LESBÓK MOBGUNBLAÐSINS
12. maí 1968