Lesbók Morgunblaðsins - 22.06.1968, Blaðsíða 11
FYRSTA FJÖLDAFRAM-
LEIÐSLA Á ÍBÚÐUM
Á ISLANDI
Það eru vissulega myndarleg umsvif í Breiðholtinu þar sem blokkir framkvæmdanefndarinnar rísa. — Tveir
geysistórir kranar ganga á járnbraut milli blokkanna. I»eir eru m.a. notaðir til að hreyfa stálmótin fyrir
þann hluta, sem steyptur er á staðnum. Stálmótin eru svo slétt, að hvergi þarf að múrhúða, hvorki utanhúss
né innan. Aðeins eru veggirnir sléttaðir og siðan mál aðir. Þrátt fyrir þessa mikilsverðu tækni hefur ekki
tekizt að lækka byggingarkostnaðinn svo neinu nemi og þess munu ófá dæmi að einstaklingar, sem byggja
blokkir frá grunni, hafi náð betri árangri. Þannig kost ar 3ja herbergja íbúð í Breiðholtinu kr. 900.000,00. —
Þess ber þó að gæta, að þarna er sjálfsagt meðtalinn ýmis stofnkostnaður við framkvæmdina, skrifstofukostn
aður til dæmis, kranarnir og járnbrautin og fleira þessháttar.
það er að sumt að minnsta kosti sé verksmiðju
framleitt og staðlað eftir mætti. Oft hefur ver-
ið fundið að því, að fyrst byggjum við timbur-
hús úr mótunum, rífum það síðan niður og
fáum steinhús í staðinn; byggjum múrhús þar
innan í eða jafnvel timburhús innan í stein-
húsið. Svo ekki er að udra, þótt margir kveinki
sér undan byggingakostnaðinum. Á myndinni
sjást nokkrir hinna verksmiðjuframleiddu hús
hluta, þar sem verið er að koma þeim fyrir
í Breiðlioltinu.
Það er óvenjulegt að sjá marga samskonar
hluta úr einu húsi standa upp á rönd og bíða
þess að kraninn kippi í þá og lyfti þeim á sinn
stað, einhversstaðar í útvegg. Hér á myndinni
er sú eining, scm myndar umgjörð utan um
aðalinngang. í baksýn sjást stálmótin á efstu
plötunni.
Björn Óiafs, arkitekt, hefur verið fastráðinn
lijá Framkvæmdanefndinni og hann á heiður-
inn af útliti húsanna. Hann hefur einnig ráðið
útliti íbúðanna að innan. Hér er sannarlega
ekki fátæklegt um að litast og ættu allir að
vera fullsæmdir af íbúðum sem þessum. Þegar
þar við bætist að íbúðahafar verða aðnjótandi
algerlega óvenjulegra lánakjara, er ekki að
furða þó margir vildu teljast í hópi hinna
tekjulágu, sem hnossið gátu hreppt.
Margir hafa undrazt þann íburð að hafa alls
staðar parketgólf, cn ástæðan var sú, að hag-
kvæmara var að koma öllum leiðslum fyrir
undir parketinu en í veggjum. Takið eftir inn-
stungunni við gólfið á súlunni. Þar kemur raf-
magnsrörið einungis beint upp úr gólfinu. Auk
þess er parketið furðu ódýrt eða innan við 300
krónur fermetrinn. Hér á myndinni s’ést úr
stofunni inn í eldhús til vinstri og borðstofu
til hægri. Þar á milli er ekki veggur, en eld-
húsborðið myndar milligerð. Sjálf eldhúsinn-
réttingin er úr Oregon Pine og kostaði aðeins
kr. 26 þús. í hverja íbíið. Gluggar eru svertir
með Pinotexi en veggir og loft málað hvítt.
Allar innréttingar eru úr samskonar harðfuru
og eldhúsinnréttingin. Húsgögnin, sem þarna
eru, voru fengin í húsgagnaverzlunum, meðan
íbúu; nar voru til sýnis.
Svalirnar eru úr steinsteypueiningum, sem
framleiddar eru í verksmiðju. Stakur biti ofan
á myndar einskonar handrið og steinklossar
sem standa lítið eitt út fyrir, mynda bil á
milli bitans og plötunnar. Takið eftir, að ekki
er fyllt með múr í þau skil, sem verða á plötu
samskeytunum.
Til vinstri:
Blokkir framkvæmdanefnd
arinnar eru svipmiklar á að
sjá, sérstaklega er eftirtekt
arvert samspil gluggaflat-
anna og steinsteyptra ein-
inga yfir dyrum. — Milli
glugganna er tréverk, sem
hefur verið svert með pino
texi ásamt gluggapóstun-
um. Þessir svörtu fletir
mynda hressilega mótsvör-
un við steinplöturnar.
22. júní lðM
LESBÓK MORGUNBLAÐSINS
11