Lesbók Morgunblaðsins - 04.08.1968, Blaðsíða 14
M'
A
erlendum
bókamarkaði
The School of Shakespeare. The Influ-
enoe of Shakespeare on English Drama,
1600—42. David L. Frost. Cambridge Uni
versity Press 1968. 55,—
Höfundur segir að „leikritahöfundar og
Skáld fyrri hluta 17. aldar á Englandi
og verk þeirra, skiljast betur, séu þeir skoð-
aðir í ljósi Shakespeares". Höfundur rekur
hér áhrif Shakespeares á verk samtíðar
manna sinna og sýnir fram á hin ótvíræðu
áhrif meistarans til breytinga á leikrits-
íormmm þessara tíma. Ýmsir þessara höf-
unda hafa hingað til verið álitnir braut-
ryðjendur inman vissra takmarka, en höf-
undur telur kveikjuna hafa verið Shake-
speare. Cambridge útgáfan gefur út árlega
ársrit helgað Shakespeare og auk þess rit,
sem birta nýjar rannsóknir á rithöfunda-
ferli hans og verka hans. Þessi bók er ein
slíkra sem sýnir áhrif Shaikespeares í nýju
ljósi og tengir hann öðrum leikritaskáldum.
The History of Man. Carleton S. Coon.
Penguin Books 1967. 10,—
Coon er manmfræðingur að mennt, hann
setti saman bókina „The Raoes of Europe",
sem kom út 1939 og vakti þá mikla athygli.
í þessari bók rekur hann þróunarsögu
mannsins frá forsögulegum tímum og fram
á okkar daga. Meginlhluti bókarinnar
spannar forsöguleg tímabil, sem er eðli-
legt, þar sem sá tími, sem liðinn er síðan
menn tóku að skrá sögu sína, er mjög
skammur miðað við allan þann tíma, sem
mannkynið hefur byggt jörðina. Höfundur
lýkur riti siínu á þeirri ályktun, að nú blasi
við mannkyni, annaðhvort friðsamleg sam-
búð allra þjóða eða gjöreyðing. Bókin er
ágætlega skrifuð og mjög fróðleg.
Das Jahrhundert der Detektive: Das zei-
chen des Kain - Report der Toten - Hand
buch fur Giftmörder. Weg und Abenteuer
der Kriminalistik. Jurgen Thorwald.
Droemer Knaur 1968.
Þessar þrjár bækur fjalla um baráttu lög
reglu og glæpamanna. í fyrsta bindi er rak
in lauslega saga þessarar baráttu frá því
um miðja 19. öld. Þá var svo komið, að
menn stóðu ráðþrota gagnvart vaxandi
glæpum. Með vaxandi fólksfjölda og vax-
andi stórborgum varð margfalt erfiðara
heldur en áður að koma í veg fyrir glæpi
og hafa hernii á morðingjum og þjófum.
En þá hugkvæmist mönnum að nota fingra-
fór sem sönnunargagn í glæpamálum. Höf-
undur segir sögur af ýmsum glæpamönnum,
sem fingrafarasérfræðingar komu upp um.
í öðru bindi er rakinn þáttur læknavisinda
í uppljóstrun glæpa og 1 því þriðja saga
eiturmorða. Höfundur segir skemmtilega
frá. Hann er læknir að menntun og hefur
sett saman bækur varðandi sögu læknis-
fræðinnar og einnig bók um ósigur Þjóð-
verja á austurvígstöðvunum og flóttann und
an sókn rússnesku herjanna vorið 1945.
Michael Scot. Lynn Thorndika. Nelson
1965. 30,—
Miohael Scot er með merkari andans
mönnum á fyrsta þriðjungi 13. aldar. Hon-
orius páfi III sagði að „hann væri einkar
vel að sér í vísindum". Hann fæddist í Skot
landi 1175, stundaði nám I Oford og einn-
ig í París. Hann varð síðar stjörnuspámað
ur Friðriks keisara II. Scot er merkastur
fyrir þýðinga sínar. Hann gerði nýja þýð
ingu á Aristóteles og kynnti verk Averroes
á Vesturlöndum. Þessi bók fjallar um þau
svið mannlegrar þekkingar, sem Scot
kynnti sér og kynnti öðrum. Höfundurinn
hefur sett saman fjölda bóka sagnfræðilegs
efnis og er með merkari fræðimönnum i
sagnfræði og einkum hefur hann lagt stund
á sögu miðaldaivísinda.
Die grossen Religionen der Welt. Von der
Redaktipn „Life“. Droemer Knaur 1968.
Þetta kver er skreytt litauðugum mynd-
um og höfundar skrifa um helztu trú-
arbrögð nútímans, inntak þeirra og stefnu.
Þetta er afgreitt á 218 blaðsíðum og rýra
myndirnar textann töluvert. Bókin er ætl-
uð þeim, sem óska eftir auðveldri fram-
setningu efnisins. Höfundum hefur tekist að
útlista og útþynna efnið, svo að bókin verð-
ur gagnslítil og léleg myndabók.
King Arthur and his Knights. Sir Thomas
Malory. A Sel'ection from what has been
known as Le Morte Darthur, made and
edited by R. T. Davies. Faber and Faber
1967. 30,—
Thomas Malory setti saman fyllstu frá
sögn af Arthur konungi og köppum Hring-
borðsins. Það er lítið vitað um höfundinn,
nema hvað talið er að hann hafi setið á
þingi og í fangelsi, þar sem hann setti
saman þessa bók sína, sem talið er að hann
hafi lokið við um 1469, hann lézt 1471.
Bók hans var fyrst prentuð 1485. í þessu
úrvali eru frægustu þættirnir, sögurnar um
Tristran og ísold, Lancelot og Gral sögnin.
Þessar sögur eru allar snar þáttur miðalda
bókmennta og þær urðu kveikja ljóða og
umskrifta. Höfunduir hefur fært stafsetn-
ingu að nútíma hætti og í bókarlok fylgja
skýri-ngar og orðasafn.
Pascal — The Provincial Letters. Translat
ed with an Introduction by A. J. Krails-
heimer. Pen-guin Books 1967. 6,—
Bréf Pascals fjölluðu um guðfræðilegar
deilur á 17. öld, sem nú eru öllum gleymdar
nema fræðimönnum, en efni bréfanna blif-
ur þótt ti'lefnið sé öllum gl-eymt. Höfundur
snertir mál-efni, sem fyrnast ekki þótt
tímar líði og sem bókmenntaverk eru bréf
in einstök. Voltaire taldi lýsingar Pascals
á Jesúítum væru listaverk í sa-trískum bók
menntum. Penguin útgáfan hefur einnig
gefið út Pensées Pascals.
Everyday Life in Byzantium. Tamara Tal-
bot Rice. B. T. Batsford 1967. 25,—
Frú Tamara er eiginkona Davids Talbot
Rice, sem er sérfræðingur í byzanskri lista-
sögu. Tamara lýsir daglegu lífi í hinni
nýju Róm, sem lifði þúsund árum lengur
sem höfuðborg Austurrómversda ríkisins,
en hin forna Róm. Höfundur skiptir bók
sinni í tíu kafla. Fyrst lýsir hún borginni,
síðan koma kaflar um keisaraihirðina,
kirkjuna, embættismannastéttin-a, h-er og
flota og verzlun og iðnað. f síðari köflun-
um ræðir hún borgarlífið, sv-eitalífið og
lýsir skólaihaldi og loks er kafli um listir
og listamenn. Höfundur ræðir áhrif Byzans
á mennin-gu Vesturevrópu og menningar-
mótun Byzans í Austurevrópu. í bókarlok
fylgir bókaskrá og efnisyfirlit. Bókin er
smekklega myndskreytt. Batsford hefu-r
einnig gefið út bækur um da-gl-egt lif í
Egypralandi, Babyloníu, Grikklandi og
Róm og víðar.
John Galswort-hy: The Forsyte Saga - A
Moderne Comedy - End of the Chapter.
Heinemann 1967. 30,— 30,— 42,—
Forsyte Sagan spannar þrjár fyrstu bæk-
ur Galsworthys, þótt nafnið sé látið ná
yfir hinar sex. Persónurnar eru svipuðu
marki brenndar, dugandi borgarar sem
meta flest til fjár eða stöðu í þjóðfélaginu.
Sagan hefst, þegar tíu eldri meðlimir ættar
innar eru ennþá lífs, en helztu persónumar
eru Soa-mes Forsyte og Young Jolyon og
börn þeirra. Forsyte sögurnar voru settar
saman á löngum tíma, og viðhorf höfundar-
ins sjálfs breyttust gagnvai"t persónum sfn-
um á þessu tímabili. í fyrri bókunum hæðir
Soames Forsyte og allt það, sem hann taldi
til verðmæta, en hélt fram hlut þeirra, sem
voru á einhwern hátt utan-gátta þjóðfélag
Forsytanna. Þetta mat höfundar breyttist í
síðari bókunum og varð öfugt. Þetta eru
ágæt heimildarrit um höfundinn sjálfan og
vissar stéttir á Bretlandseyjum síðast á 19.
og á fyrsta fjórðungi 20. aldar. Ritin eru nú
gefin út í til-efni 100 ára afmælis höfundar.
William Shakespeare — A Biography.
A.L. Rowse. The English Library 1967.10,6
Höfundurinn er sérfræðingur í Elísarbet-
artímanum og því manna færastur til þess
að skrifa um þeirra tíðar menn, þ.m. Shake
speare. Höfundur gefur fyllri mynd af
skáldinu og verkum þess, einkum sonnett-
unum. Þetta er meðal merkustu bóka, sem
settar hafa verið saman um skáldið. Fyrsta
útgáfa kom út 1963.
14 LESBÓK MORGUNBLAÐSINS
4. ágúst 1968