Lesbók Morgunblaðsins - 05.12.1976, Blaðsíða 8

kjj
»"líá \ *U ■■ sh \ S % % >íú
Kistufellíð er mjög giljum skorið og þar verða fallegir lækir og fossar, þegar betur
er að gáð. Með þessum hlíðum eru skemmtilegar gönguleiðir. Til hægri: Bærinn
Hrafnhólar í Mosfellshreppi stendur við brúna á Leirvogsá. Þaðan er um kortérs
gangur upp að Tröllafossi. í Baksýn er Hátindur, vinstra megin við hann er
Grafardalur og Þverárdalur til hægri.
Síðdegissólin myndar langa skugga inn eftir Leirvogsárgljúfri, sem verður, þar
sem Leirvogsá fellurfram úrdalnum. í baksýn er Mosfell.

HAUSTDAGUR
VIÐ LEIRVOGSA
Þegar ekið er útaf Þingvallaveginum hjá Seljabrekku og sem
leið liggur út að Hrafnhólum og Tröllafossi og síðan eftir
dalnum niður með Leirvogsá, getur að líta umhverfi, sem er I
senn í næsta nágrenni við höfuðborgarsvæðið, en um leið er
því líkast að vera kominn inn í óbyggðir. Þarna sést Esjan frá
alveg nýju sjónarhorni, eða öllu heldur Kistufellið, Grafardalur,
Hátindur og Þverárdalur. Dalurinn, sem þarna verður á bak við
Mosfellsdalinn, er nafnlaus eftir því sem Guðmundur í Selja-
brekku segir. Leirvogsáin rennur framúr dalnum í fallegu
gljúfri. Þarna í dalnum er eyðibýlið Þverárkot, en aðrir bæir
hafa ekki verið þar. Vegurinn niður eftir dalnum er að vísu
engin hraðbraut og farið yfir nokkra óbrúaða læki, en leiðin
telst fær hvaða bíl sem er. Á fögrum haustdegi — og ugglaust
á öllum árstiðum — er þetta friðsæll og fallegur dalur og
afburða gönguslóð fyrir þá sem nenna að hreyfa sig.
Myndirnar tók enginn Ijósmyndari — Lesbókin tók þær sjálf.