Lesbók Morgunblaðsins - 22.10.1978, Blaðsíða 7

Lesbók Morgunblaðsins - 22.10.1978, Blaðsíða 7
eiri fjölhœfasta söngkona heimsins syngur ífyrsta skipti á Islandi Svo er bættum samgöngum, listahátíðum og einstökum áhuga- mönnum fyrir aö þakka, að við þekkjum nú orðið ýmsa heims- fræga tónlistarmenn ekki aöeins af afspurn ellegar hljómplötum. Á þessu ári hafa til dæmis úrvals- menn eins og Emil Gilels og Rostropovits látið sjá sig og heyra og enn er von á hvalreka: Söng- konan Anna Moffo er væntanleg frá Bandaríkjunum og mun hún efna til tvennra tónleika í tilefni af tvítugsafmæli Fulbright-stofnunar- innar á íslandi. En hver er Anna Moffo? Fyrir áhugafólki um sðnglist þarf naumast aö kynna hana, en til upplýsingar til handa þeim, sem minna þekkja til í músíkheiminum, má nefna aö hún er talin hvorki meira né minna en ein allra fjölhæfasta söngkona heimsins um þessar mundir. I því felst, að hún er jafnvíg í óperum og á einsöngs- sviöi, í útvarpi, í sjónvarpi, á hljómplötum og í kvikmyndum. Óperur hefur Anna Moffó sungiö við Metropolitan-óperuna í New York, í San Francisco, Chicago, La Scala, Vínarborg, Budapest, í Stokkhólmi, Berlín og Miinchen. Sem konsertsöngvari hefur hún komið fram um öll Bandaríkin og Evrópu. Hún haföi sinn eigin sjónvarpsþátt í ítalska sjónvarpinu, sem fylgzt var meö í allri sunnan- verðri Evrópu í 35 vikur á ári og hún hefur komið fram í bandarísku sjónvarpi. Fyrir hljóöritun sína hjá RCA á „Söngvum frá Auvergne" undir stjórn Leopolds Stokowskis, hlaut hún heiðursverðlaunin „Grand Prix du Disque", og fyrir „Kvenhetjur" Verdis hlaut hún „Orfée d'Or". Hjá Stereo Review hlaut „Hans og Greta" verðlaun sem „Plata ársins" og Record World valdi hana einnig sem „Óperu ársins". Anna Moffo hefur auk þess komiö fram í meira en tylft kvikmynda. Til dæmis má þar nefna óperurnar „La Traviata" og „Lucia di Lammermoor", sem kvikmyndaöar voru í Evrópu, en sýndar víða um veröld og meðal annars í íslenzka sjónvarpinu. í viöurkenningarskyni hefur ítalska stjórnin sæmt Önnu Moffo heiöurs- orðu ítalska lýðveldisins sem er æðsta heiðursmerki þar flandi. Anna Moffo er fædd í Phila- delphia í Bandaríkjunum, en for- eldrar hennar eru ítalskir. Hún hlaut snemma á listamannsferli sínum Fulbright-styrk til söngnáms á ítalíu. Fyrir utan sönghæfileikann vakti hún snemma athygli fyrir framúrskarandi fegurð og gerir raunar enn. Hér á landi ætti hún að vera kunn fyrir söng sinn af hljómplötum, sem til dæmis hafa heyrst í útvarpinu og fyrir hlutverk sitt í óperunni „La Traviata" eftir Verdi, sem sýnt var í sjónvarpinu ekki alls fyrir löngu. Anna Moffo mun vera liölega fertug að aldri og hún er gift David Sarnoff yngra, sem stjómar Radio Corporation of America. Þau búa í New York. Þeir sem gerst þekkja til söng- mála eru sammála um, aö koma Önnu Moffo til íslands sé verulegur tónlistarviöbúrður og er gert ráð fyrir aö efna til tvennra frekar en einna tónleika svo að sem flestum gefist tækifæri til að sjá og heyra þessa glæsilegu söngkonu. Hún hefur ekki fyrr komið til íslands og aö sögn Frank Ponzis, formanns Fulbright-nefndar og Guðlaugs Þorvaldssonar háskólarektors, gerir söngkonan sér sérstaka ferð til islands vegna þessa. Tón- leikarnir verða haldnir í Háskóla- _ I hlutverki Violettu í La Traviata. I hlutverki Mimi í La Boheme. í Madame Butterfly. bíói fimmtudaginn 26. október kl. 20.30 og sunnudaginn 29. október kl. 14.30. Það skal tekið fram, að miöasala verður einungis á skrif- stofu Happdrættis Háskóla íslands í Tjarnargötu 4. Anna Moffo í hlutverki sínu í Tosca. ©

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.