Lesbók Morgunblaðsins - 08.01.1983, Blaðsíða 12

Isabel Penafort Castro frá
Mexico City dúðaði fjögurra
vikna gamla dóttur sína, sem
Karla heitir, og ók síðan með
hana í ungbarnaeftirlitið á
næstu heilsugæzlustöð. Fyrir
framan húsið sat ókunnug kona
og engdist af kvölum. Náföl og í
mikilli geðshræringu stamaði
hún: „Hjálpið mér! Hringið í
manninn minn og segið honum
að sækja mig undireins." Isabel
setti frá sér burðarrúmið með
úngbarninu og hljóp í símann.
Þegar hún kom eftir örfáar mín-
útur aftur, var ókunna konan
horfin — og hafði haft hvítvoð-
unginn á brott með sér.
Þegar Jorge Ramírez, kaupa-
maður í sveitahéraði í Kol-
umbíu, kom heim í kofann sinn
seint um kvöld, sá hann að tvö
af sjö börnum hans vantaði í
hópinn. Velklæddur maðúr frá
höfuðborginni hafði stungið 600
Bandaríkjadölum að mágkonu
hans, síðan sett þau systkinin,
José Daníel (8 ára) og Helenu
Maríu (7 ára), inn í stóra bílinn
sinn og ekið á brott með þau á
fleygiferð.
Sumanawathie, ung Sri
Lanka-stúlka, var óttaslegin.
Það var alveg komið að fæðingu
fyrsta barnsins hennar, og hún
' vissi ekki hvernig hún ætti að
fara að því að sjá sér og barninu
farborða sem einstæð móðir í
hinu afar stranga singhalíska
þjóðfélagi. En hjúkrunarmaður-
inn hvíslaði einhverju í eyra
henni. Fáeinum dögum síðar fór
Sumanawathie af sjúkrahúsinu
með 1000 rúpíur (um 600 ísl.
krónur) í hendinni, en án ný-
fædda barnsins síns. Hjúkrun-
armaðurinn var þá þegar búinn
að afhenda kornabarnið ung-
barnakaupmanni, sem svo kom
því áleiðis til hjóna í ættleið-
ingahugleiðingum í Svíþjóð,
Hollandi eða Vestur-Þýzka-
landi.
Börn eru söluvarningur
í þriðja heiminum
Börn eru sem sagt orðin alveg
ágætur söluvarningur í þriðja
heiminum: „Ungbörn, allt frá
Manila til Madras, eru auðseld-
ur útflutningsvarningur, og
nema árleg viðskipti af þessu
tagi orðið mörgum milljónum
Bandaríkjadala," segir tímaritið
„Asiaweek", sem gefið er út í
Hong Kong. Hvítvoðungur, sem
seldur er á 50 dali í Bangkok,
getur komizt upp í 15.000
12
Nú er mjög í tízku að eiga „lítinn svarthöfða“. Þúsundir
barnlausra hjóna í Vestur-Evrópu og í Bandaríkjunum kaupa
sér börn í Suður-Ameríku eða Asíu. Svíþjóð, Holiand, Vestur-
Þýzkaland og Svissland eru þau Evrópulönd, sem langmest
láta að sér kveða í kaupum og innflutningi á ungbörnum.
Ýmis fyrirtæki í þessum löndum annast útvegun barnanna og
aðstoða við ættleiðingu þeirra fyrir dálaglegar fjárfúlgur. Það
eru sérstaklega hollenzk einkafyrirtæki, sem raka saman fé í
þessum nýstárlegu viðskiptum; þau skipuleggja ferðir fyrir
barnlaus hjón m.a. til Sri Lanka eða annarra Asíulanda eða
til Suður-Ameríku, og er þátttakendum í slíkum ferðum jafn-
an tryggt, að þeir geti þar ættleitt ungbarn bæði fljótt og
umsvifalítið.
Kornabörn til sölu
Sérstök fyrirtæki í Evrópu annast útvegun á börnum frá Austur-Asíu eöa Suöur-
Ameríku og fólk í Bandaríkjunum og Vestur-Evrópu bíöur þess meö óþreyju aö fá aö
ættleiöa þau. Þaö er svo önnur saga, hvernig blessuö börnin eru fengin og er vikið aö
því hér í grein, sem þýdd er úr þýzka vikuritinu Stern.
Bandaríkjadali á sölumarkaðn-
um í New York.
Aðalmarkaðirnir fyrir ung-
barnaverzlun eru þó landa-
mæraborgin Tijuana í Norður-
Mexíkó og gleðikvennabyggðin
Angeles, rétt við bandarísku
herstöðina „Clark Air Force
Base“ á Filippseyjum.
Það eru engin minnstu vand-
kvæði á nægilegu framboði á
varningi í ungbarnaverzluninni
eins og stundum er reyndin með
eiturlyfjamarkaðinn, því í hin-
um vanþróuðu löndum er feikn-
arlegur fjöldi barna á lausu.
• Fimmtíu þúsund „criancas de
ninguem", yfirgefin, vegalaus og
umkomulaus börn, sem enginn
spyrst fyrir um, dúsa á munað-
arleysingjahælum í hinni risa-
vöxnu brasilísku stórborg Sao
Paulo einni saman, svo ekki sé
minnst á ástandið í öðrum borg-
um landsins. „í 70% tilvika bera
annaðhvort feður eða mæður
þessi börn sín hreinlega út, af
því að þau eiga alls engan mat-
arbita til handa þeim,“ segir Lia
Junqueira, forseti brasilísku
barnaverndarsamtakanna í Sao
Paulo.
• í Bogotá, Kólumbíu, mynda
hin ógæfusömu „gamines", tugir
þúsunda athvarfs- og umkomu-
lausra barna, stóra ræningja-
flokka; þau sofa í rennusteinum
stórborgarinnar, leita sér að
einhverju ætilegu í sorptunnun-
um, betla eða stela sér til lífs-
viðurværis.
• Á Indlandi flakkar hátt á
aðra milljón heimilislausra
barna, ein og umkomulaus, frá
einum stað til annars. „Enginn
kemst hjá því að sjá, hvernig
þau enda í algjöru volæði," segir
einn þeirra manna, sem vinna
að þróunarhjálp í Indlandi. For-
eldrar þessara barna eru oft á
tíðum sjálf börn, of ung eða of
snauð til að sjá afsprengi sínu
farborða.
Stórvirk samtök
barnasmyglara
Það skal því engan furða, að
kornabarnasala er hinn blóm-
legasti atvinnuvegur um heim
allan. Barnasalar og barnaræn-
ingjar fara stöðugt nýjar og nýj-
ar leiðir og viðhafa ólíkar að-
ferðir til þess að afla sér varn-
ings alls staðar, þar sem fátækt-
in ríkir.
Aðeins stöku sinnum kemst
lögreglan í þessum þróunarlönd-
um á snoðir um starfsemi vissra
glæpasamtaka:
• í júlí í fyrra gat lögreglan í
Kólumbíu leyst upp fyrstu veru-
lega stórvirku samtök barna-
smyglara í Suður-Ameríku, af
því að áðurnefndur Jorge Ram-
írez, kaupmaður, kom þeim á
slóðina. I ljós kom, að velþekkt-
ur lögmaður í Bogotá, Roberto
Vásques Morales að nafni, hafði
þá selt meira en 500 smábörn úr
landi til Evrópu og Bandaríkj-
anna. Verð á hverju barni var
sem svarar til 120 þúsunda ís-
lenzkra króna.
• í Lima, höfuðborg Perú,
handtók lögreglan í júní síðast-
liðnum nokkra forsprakka álíka
velskipulagðra glæpasamtaka,
sem þegar höfðu selt 630 perú-
önsk börn til Vestur-Evrópu á 3
milljónir sol stykkið (um 72 þús-
und ísl. króna). Barnasalan fór
fram á lúxushótelum borgarinn-
ar.
• Á Norður-Italíu komst fyrir
tilviljun upp um lögfræðing
nokkurn, sem stundaði sölu á
kornabörnum; ástæðan til þess,
að upp um hann komst var sú,
að hinir ítölsku fósturforeldrar
tveggja barna, sem hann hafði
selt, höfðu misþyrmt þessum
ættleiddu börnum sínum.
• 1 Istanbúl, Tyrklandi, komst
alveg nýlega upp um hóp 14
manna undir stjórn læknisins
Oktay Cumhur Ákkent. Læknir
þessi, sem er vel þekktur, hafði
falsað fæðingarvottorð ný-
fæddra barna, og bara á þessu
ári hafði glæpaflokkurinn selt
33 hvítvoðunga úr landi, flesta
til Vestur-Þýzkalands eða Sví-
þjóðar.
• í byrjun maímánaðar í ár
handtók lögreglan á Taiwan
(Formósu) 25 Kínverja. Var
þeim gefið að sök að hafa rænt
og flutt úr landi fjölda hvítvoð-
unga; voru ungbörnin seld til
Vestur-Evrópu, Ástralíu og til
Bandaríkjanna.
• Senora Gloria Rosales, for-
stöðukona spænsks fæðingar-
heimilis á Gran Canaria, kom
við og við að máli við sængur-
konur og skýrði þeim frá því, að
börn þeirra hefðu fæðst and-
vana. Voru þetta orðin allmörg
börn, þegar upp um hana komst.
Sumum börnum er rænt f þvf skyff að selja þau vestrænum fósturforeldrum; þar á
meðal þessum börnum Jorges Ramírez, sem rænt var í Kolombíu.
í fátækrahverfum borga Suður-Ameríku mynda útigangsbörn
flokka, sem bjarga sér með hnupli og ránum, en oftast er líf þeirra
algert volæði.