Lesbók Morgunblaðsins - 08.10.1983, Blaðsíða 15

BÍLAR
Sífellt fleiri bílaverksmiðjur
framleiða nú jeppa í einhverri
mynd og allir eiga þeir sameig-
inlegan forföður: herjeppann
sem fram kom á stríðsárunum
og varð upphafið á bílaeign
æði margra íslendinga rétt
eftir stríðið. Allur ættbálkur
jeppa á það sameiginlegt að
vera með drifi á öllum hjólum,
en þar að auki gætir þess nú í
vaxandi mæli, að bílaframleið-
endur gefi kost á fjórdrifnum
fólksbílum. Þeir eru sex sem
stendur og tveir þeirra fokdýr-
ir: Eagle frá American Motors,
sem hefur verið vinsæll bíll
hér — og Audi Quattro, sem er
algert spyrnu-tryllitæki með
7,1 sek. í hundraðið og 222 km
hámarkshraða. Fjórir eiga að
heita viðráðanlegir í verði:
Lancia Delta Turbo, Renault
18 Break 4x4, Subaru og sá sem
hér verður gerður að umtals-
efni: Toyota Tercel 4WD, og
kostar um 400 þúsund.
Fljótt á litið virðast þeir all-
ir vera eitthvað hærri en miðl-
ungs fólksbíll, sem er kannski
14 sm undir lægsta punkt. En
það munar ósköp litlu. Lancia
er 14,5, Renault 18 er 16,5 og
bæði Subaru og Tercel eru 17,5
sm. Munurinn er kannski 3 sm
sem skiptir ekki verulegu máli.
Þessi gerð af Toyota Tercel
leit dagsins ljós 1982 og aðeins
Renault er nýrri viðbót í flokk-
inn. Tercel vakti strax athygli
fyrir sérstæða hönnun: Til
dæmis er afturendinn ekki
eins hægra og vinstra megin
(ekki symmetrískur).
Að öllu samanlögðu virðist
hér á ferðinni framúrskarandi
hagkvæm lausn; úrvals mála-
miðlun, sem hentar ekki hvað
sízt fyrir land eins og ísland.
Það væri óneitanlega minni
ástæða til að kvíða fyrir snjón-
um og hálkunni, ef maður gæti
— meira að segja á fullri ferð
— sett bílinn sinn í drif á öll-
um.
Vegna þess að Tercel verður
allur gildari eftir því sem aftar
kemur, er flutningsrými mjög
gott og hægt að auka það með
því að leggja aftursætið niður í
heilu lagi, eða að hálfu leyti.
Sætin eru hæfilega mjúk, en
vel formuð og það fer vel um
ökumann undir stýri. Og stýrið
er ástæða til að geta um
sérstaklega, því Toyota Tercel
er svo pottþéttur í rásinni, að
trúlega yrði erfitt að finna bíl
sem tæki því fram. Hann er
það að sjálfsögðu með drifið á
öllum, en hitt kom dálítið á
óvart hvað hann var frábær
með framhjóladrifinu einu.
Auk þessara tveggja kosta er
Tercel búinn extra Iágum gír.
Annað sem kom á óvart var
mjög hljóð og þýðgeng vél, sem
platar mann aðeins í þá veru,
að viðbragð og vinnsla virðast
meiri en raun ber vitni um. Til
dæmis er viðbragðið í 100 km
hraða 15,5 sek., sem er ekkert
sérstakt, en einhverra hluta
vegna virðist það mun skarp-
ara þegar bílnum er ekið.
Toyota Tercel er sumsé
bráðskemmtilegur í akstri, en
því miður hafði ég ekki að-
stöðu til að reyna hann á veru-
lega vondum vegi eða vegleysu.
I ljósi þess sem áður er sagt
um hæð undir lægsta punkt,
má þó slá því föstu að á ójöfn-
um eigi hann sín takmörk
vegna þessa. Hann er traustur
og góður malarvegabíll, nema
hvað fjöðrunin er heldur í
styttra lagi fyrir holur.
Einn meö drifi á öllum
T0Y0TA
TERCEL
Sparneytinn og skemmtilegur í
akstri — málamiölun milli jeppa
og fólksbfls, sem hefur tekizt vel
og ætti að henta íslenzkum að-
stæðum
Um gerð og stærð bílsins er
annars það að segja, að lengd-
in er 4,17 m og breidd 161 sm.
Vélin er fjögurra strokka, 52
hestafla á 5600 snúningum og
eyðslan getur í sparakstri far-
ið niður í 7 lítra á hundraðið.
Betra er að taka slíkar tölur
varlega. Hjá umboðinu var
sagt raunhæft að reikna með
10 lítrum sem meðaltali af
akstri við margskonar aðstæð-
ur á sumri og vetri. Það er góð
útkoma miðað við þá vinnslu
sem þarna er í boði.
Toyota-bílar hafa gott orð á
sér fyrir endingu og þykja
lausir við þreytandi smábilan-
ir. Þetta er ekki tilgáta út í
bláinn, heldur er byggt á
niðurstöðum Consumers
Report í Bandaríkjunum. En
til þessa hefur farið lítið fyrir
frumlegri hugsun hjá þeim
sonnm
Qol urinno"
lllllUl f
£---
iram-
leiða Toyota. En nú hafa þeir
tekið á honum stóra sínum og
bjóða einstaklega þekkilegt og
fjölhæft ökutæki og mér þótti
meira til hans koma en ann-
arra Toyota-bíla, sem fjallað
hefur verið um í þessum þætti.
GS.
Tercel er ekkert torfærutröll, en hann fer auðveldlega yfir það sem ekki þýðir að bjóða
venjulegum fólksbfl.
Stýri og mælaborð í Tercel. Efst til hægri er hallamælir, sem sýnir hversu mikið bfllinn hallast og er ekki
talið ráðlegt að hallinn fari yfir 30 gráður.
15