Lesbók Morgunblaðsins - 30.08.1986, Síða 6
Ulf Trotzig
Sænskur myndlistamaður í Norræna húsinu.
m þessa helgi
er opnuð sýn-
ing í Norræna
húsinu á verk-
um sænska
myndlista-
mannsins Ulf
Trotzig. Hann er talinn meðal
fremstu málara og grafíklista-
manna í Svíþjóð og hefur vakið
verðskuldaða athygli fyrir vönduð
og nýstárleg vinnubrögð. Hann leit-
ar sér víða fanga að því er yrkisefni
varðar — í goðsagnir og fom minni,
jafnframt því að náttúran er honum
dýrmætur sjóður að sækja í.
Þeir sem gerst þekkja, skynja í
verkum hans náin tengsl við aðrar
listgreinar — og þá el.ki hvað síst
við tónlist, þar sem litir og form
eiga samleið í taktfastri hrynjandi.
Sjálfur segir hann í sýningarskrá
sem gefin var út í tilefni sýningar
á verkum hans árið 1972:
„ .. . ég hef alltaf heillast af tóm-
inu og reyni að fylla það litum og
formum og um leið hlaða það gagn-
verkandi hreyfingu. Þetta upphaf
myndbyggingarinnar er þó ekki
markmið í sjálfu sér. Ég legg höf-
uðáherslu á að túlka upplifun —
áhrif — bæði hið ytra og innra . . .
Ég þreifa mig áfram með mismun-
andi tækni og efnivið til þess að
reyna að „sjá“ frá nýjum og óvenju-
legum sjónarhomum. Þannig vil ég
reyna að örva hugsun og hug-
myndaflug skoðandans. Ekki sýna
honum það sem hann hefur séð
áður heldur nýjan raunveruleika —
annan sannleika.
Með þessu vona ég að einhver
fari að skoða hvernig til dæmis tré
og haf og fólk getur leikið við og
samtvinnast sólarbirtunni og vind-
um sem um loftið fara . ..“
„Lífsreynsla listamanna birtist
með ýmsu móti í verkum þeirra,"
segir vinur Ulf Trotzig, Sven Sand-
ström, í bók sem gefin var út í
Svíþjóð um grafík-list hans árið
1981. „Þegar ég kynntist Trotzig
árið 1941 átti hann ekki litríka
lífsreynslu að baki. Hins vegar var
hann þá þegar öðrum miklu næm-
ari á allt sem hrærðist í kringum
hann og færðist með því á svolítið
annað svið en gengur og gerist.
Þessi hughrif hans voru oft tengd
tónlist en líka öðrum listgreinum.
Á sjöunda áratugnum beindust
sjónir hans einkum að dýralífi,
gróðri jarðar, börnum, trjám, stein-
um — og heimsóknum og einsemd.
— Ef til vill mætti nefna alla helstu
þætti hins hversdagslega veruleika,
sem við flest látum líða áreynslu-
laust hjá, en sem skiptir þó höfuð-
máli — styrkir hugmyndir okkar
um að við séum til.“
Ulf Trotzig fæddist í Jamtalandi
árið 1925. Hann stundaði hefð-
bundið myndlistamám fyrst í
Gautaborg en snéri sér líka að tré-
skurði og grafík. Síðar dvaldist
hann langdvölum í París, en er nú
búsettur í Lundi.
Auðséð er af verkum þessa
sænska listamanns að þar fer lang-
skólagenginn og reyndur þjónn
listagyðjunnar sem hefur ótvírætt
vald á tækni, en hefur ekki síður
til að bera mikla listræna innsýn.
H.V.
Leda
(1965).
Hellirinn
(1975).
Kona leikur á flautu
(1954).
Fuglinn flýgur úr trénu (koparstung'a í lit)
(1977)
Ulf Trotzig
staddur í vinnustofu sinni.
6