Lesbók Morgunblaðsins - 12.10.1991, Blaðsíða 7

Frá vorsýningu Myndlista-og handíðaskóla íslands 1991 í tilvonandi húsakynnum
skólans í nýja húsinu í Laugarnesi.
eins 10% af nemendum skólans eigi erindi
þangað, þá hlýtur honum að hafa yfirsést
með hlutverk skólans. Þá mætti eins segja,
að læknadeild Háskólans ætti bara að
mennta skurðlækna; allt annað væri óþarft.”
„Á bak við útlitið á öilum þeim varningi
sem við kaupum, eru hönnuðir, að ekki sé
nú talað um umbúðirnar, sem skipta gífur-
legu máli á frjálsum markaði. Þyrfti ekki
að beina fleiri nemendum inná brautir hönn-
unar?
„Jú, það er alveg rétt. Við höfum verið
að beijast fyrir því í mörg ár að auka hönn-
unarnám. Við gerðum tilraun með eins árs
hönnunarnám síðastliðinn vetur og erum
nú að vinna úr niðurstöðum þeirrar reynslu.
Að ári vonumst við til að geta aftur boðið
uppá slíkt nám í samvinnu við nokkra skóla
í Reykjavík, t.d. tækniskólann, Iðnskólann
og Háskóla Við höfum einnig lagt vaxandi
áherzlu á hönnunarþáttinn í ýmsum greinum
innan skólans.”
„Vegna listkynninga í Lesbókinni hefur
ég á undanförnum árum hitt margar ungar
listspírur, nýkomnar frá framhaldsnámi í
útlöndum og í þann veginn að hefja feril
sinn hér með listsýningu. í samtölum við
þetta fólk hefur komið fratn í fyrsta lagi,
að það vill búa og starfa á Islandi og í öðru
lagi það, að það ímyndar sér að hægt sé
að lifa af Iistinni einvörðungu. Svarið hefur
oftast verið á eina lund:- Ég ætla mér að
vinna að list minni og ekkert annað að
gera.- Vegna þess að ég veit hvernig raun-
veruleikinn er - og það veizt þú líka - hefur
mér oft komið til hugar, hvort ekki sé verið
að leiða fólk út í eitthvað, sem síðar veldur
sálarangist og vonbrigðum?
„Eg held að menn geri sér mjög fljótt
grein fyrir því, að það sé ekki feitan gölt
að flá með því að gerast myndlistarmaður.
En þegar nemendur vilja fara í framhalds-
nám til útlanda, held ég að orðin sé svo
mikil alvara á bak við þá ákvörðun, að eitt-
hvað mikið þurfi til að beina þeim á aðrar
brautir. Areiðanlega hafa ýmsir vel mennt-
aðir myndlistarmenn orðið fyrir vonbrigðum
og fundið óþyrmilega fyrir því, að brauð-
stritið var krefjandi. En svona hefur þetta
alltaf verið; menn láta sig hafa þetta og
neita sér þá um margskonar þægindi og
munað. Það er vaxandi hópur af ungu mynd-
listarfólki, sem stundar list sína af kappi,
þó eitthvað annað verði að grípa í sér til
framfæris. Núna er talsvert algengt að ung-
ir myndlistarmenn séu að sýna hér og
kannski á 2-3 stöðum erlendis. Þarna er
mikill dugnaður á ferðinni.”
„Hefur konsept eða hugmyndalist, sem
talsvert hefur verið áberandi innan og utan
skólans um árabil, haft áhrif á skólann al-
mennt ogþá kannski orðið til þess að áherzl-
um væri breytt?
„Ef við tökum Nýlistadeildina, sem fyrir
nokkrum árum var rekin innan MHÍ, þar
sem markvisst var greitt fyrir umræðu um
erlenda strauma eins og konsept, þá hafði
sú umræða mikil áhrif á aðrar deildir skól-
ans. Það má segja, að almenn umræða um
myndlist innan skólans hafi breyzt veru-
lega, án þess þó að kennslufyrirkomulagi
væri breytt. En ég undrast það oft hve litl-
ar breytingar hafa orðið á kennslu í hinum
hefðbundnu myndlistargreinum á síðustu
áratugum. Ef maður lítur t.d. á samband
myndlistar og tækni áður fyrr, þá gæti
maður búizt við að öll þessi hátækni hefði
meiri áhrif, en svo er ekki. En allar stefnur
og straumar sem upp koma í listum skilja
þó eftir sig einhver spor.”
„Sagt hefur verið með réttu eða röngu,
að ekki sé hægt að kenna neinum að verða
listamaður, ef hann hefur ekki góð innri
efni til þess. Það séu hæfileikarnir sem
skipti máli. Telur þú að hlutverk skóla af
þessu tagi sé að kenna fyrst og fremst
vinnubrögð og tækni, eða viltu skora á hólm
þessa viðteknu skoðun og reyna beinlínis
að búa til góða listamenn úr nemendum,
sem hafa kannski listræna hæfileika rétt í
meðallagi?
„Sjálfsagt er það rétt, að til þess að verða
góður listamaður þurfi hæfileika. Eg er hins-
vegar ekki viss um að þeir séu frábrugðnir
þeim hæfileikum, sem þarf til þess að gera
ýmsa aðra hluti vel. Burtséð frá þessu hæfi-
leikatali, þá tel ég að myndlist sé fyrst og
fremst spurning um ögun og einbeitni. Ég
held að það sé hægt að aga sig við listræna
tjáningu og sköpun ekkert síður en við vél-
ritun eða hástökk. Þessu hlýtur listaskóli
að gera ráð fyrir. í mínum huga er sá
myndlistarskóli góður, sem gerir hvort-
tveggja i' senn að þjálfa nemendur til sjálf-
stæðrar, skapandi vinnu og kennir þeim líka
þá tækni, sem þeir þurfa til þess að ná
markmiðum sínum.”
LESBÓK MORGUNBLAÐSINS 12. OKTÓBER 1991 7