Lesbók Morgunblaðsins - 10.02.1996, Blaðsíða 8

4-
ÞORKELL ARNAR EGILSSON
Ástin
Hún er eldurinn, krafturinn og ljósið.
Hún er þjáningin, sorgin og gráturinn.
Hún er brosið, glettnin og gleðin.
Hún er gáskinn, iéttleikinn og jafnvel Guð.
Hún er fullnægingin, hjartslátturinn og þú.
Hún er allt og stundum ekkert.
Hún kemur þegar hún vill en fer aldrei alveg þótt flest-
um finnist það.
Hún er glampinn af lífsins eldi.
Hún er spennan, óttinn og örvæntingin.
Hún er röklaus, en hún er upphafning andans yfir efnið.
Hún svíkur engan en allir halda það samt.
Hún beygir gáfumenn jafnt sem hálfvita í duftið.
Hún er tárið úr lífsins lind.
Höfundur er ungur Reykvíkingur.
8