Lesbók Morgunblaðsins - 08.05.1999, Blaðsíða 17
Hlín Agnarsd.: „Hvað er verið að
gera og hvers vegna?“
aldrei fær styrk en elur með sér þann
draum að koma upp sýningu. Það má ekki
leggja þetta að jöfnu við eitthvað sem er úr-
elt og gamaldags. Ég hef sjálf fengið synjun
með verk sem ég vil koma á svið. Ekki bara
hjá Leiklistarráði heldur líka hjá stóru leik-
húsunum. Maður heldur áfram og lætur
ekki slá sig niður þótt aðrir séu ekki sam-
mála manni.
Þórarinn: Mér finnst miklu meira vit í að
tala um starf leikhópanna út frá þessari for-
sendu. Utfrá listrænni sýn þeirra. Sem er
jafn fjölbreytt og hóparnir eru margir.
Hlín G.: Það er líka forsendan sem reynt er
að leggja til grundvallar þegar styrkjum
Leiklistarráðs er úthlutað. Það er allavega
ekki meiningin að styrkirnir séu ætlaðir til
að halda fólki uppi fjárhagslega. Þetta eru
styrkir til listrænnar starfsemi.
Hlín A.: Mér finnst líka gjörsamlega út í
hött að ætlast til þess að hið opinbera haldi
öllum sem útskrifast úr listaskólum uppi á
styrkjum og starfslaunum. Eitthvað verður
að koma á móti. Við tökum ákveðna áhættu
með því að leggja út á þessa braut. En það
er eitt sem gleymist alveg í þessari um-
ræðu. Það er gott og blessað að fá styrk upp
í kostnað við að setja upp leiksýningu. Én
eftir frumsýningu tekur annað reiknings-
dæmi við, rekstur sýningarinnar með aug-
lýsingum, húsaleigu, launum til leikara og
starfsmanna sýningarinnar o.s.frv.
Blm: Þá koma væntanlega einhverjar tekj-
ur á móti af seldum aðgangseyri.
Hlín G.: Fólk gerir sér oft mjög óraunhæfar
væntingar um viðtökur og aðsókn. Það hef-
ur margoft komið á daginn. Ymsir hafa tek-
ið bankalán til uppsetningarinnar í þeirri
trú að miðasalan muni borga það upp.
Þórarinn: Þetta er áhætta sem fólk tekur
sjálfviljugt. Stundum gefur og stundum
ekki.
Hlín A.: Það eru oft talsverð vonbrigði því
samfara að uppgötva að sýningin þín, „list-
viðburðurinn sjálfur" er bara ein af þessum
þrjátíu sem eru í gangi og almenningur tek-
ur aðrar sýningar framyfir. Markaðurinn er
heldur ekki það stór að hann geti staðið
undir þessu. Bjartsýnin er oft ansi mikil.
Þórarinn: Gæðin eru auðvitað mjög mis-
jöfn. En markaðurinn er stór. Samanlagður
Hlín Gunnarsd.: „Starfslaunin úr Listasjóði
hafa breytt miklu.“
áhorfendafjöldi sjálfstæðu atvinnuleikhús-
anna á síðasta leikári, 1997-98, var um 120
þúsund manns. Þetta gerist án þess að að-
sóknin að stóru leikhúsunum minnki svo
nokkru nemi. Markaðurinn hefur semsagt
stækkað og áhorfendur vilja koma á sýning-
ar sjálfstæðu atvinnuleikhúsanna.
Hlín G.: í starfi leikhópanna má heldur ekki
einblína á aðsókn sem endanlegan mæli-
kvarða um listrænan árangur.
Blm: Mikil aðsókn hlýtur þó að vera til
marks um aukinn áhuga almennings á leik-
listinni, þótt seint verði hægt að komast að
niðurstöðu um gæðin, innihaldið og úthald-
ið. Þakka ykkur fyrir spjallið.
FIMM LISTAMENN í
SÖLUM NÝLISTASAFNS
VERK Peters Friedl.
FIMM listamenn opna sýningar í
Nýlistasafninu við Vatnsstíg 3b í
Reykjavík í dag kl. 16. Á neðri hæðinni
sýna þeir Eggert Pétursson, Kenneth
G. Hay og Jyrki Siukonen. Á miðhæð
sýna Sol Lyfond og Karin Schlechter á
miðhæð og Peter Friedl í Súmsal.
Eggert Pétursson hefur síðastliðin
tíu ár nær eingöngu fengist við að mála
olíuverk sem sýna íslenskar plöntur og
sýnir nú nokkur nýleg málverk í þeim
dúr. Eggert er nýlega fluttur til Is-
lands eftir sjö ára dvöl í Leeds á
Englandi.
Kenneth G. Hay sýnir tölvuunnar
myndir þar sem verur og gínur svífa
um himininn. Kenneth er Skoti búsett-
ur í Leeds, Englandi, þar sem hann er í
forsvari fyrir listadeild háskólans.
Hann starfar jöfnum höndum sem lista-
maður, fyrirlesari og listgagnrýnandi.
f list sinni fæst hann við málverk, ljós-
myndun, tölvuunnin verk og fjöltækni.
Hann hefur sýnt víðs vegar um heim
og greinar hans hafa birst í fjölda
tímarita.
Jyrki Siukonen sýnir í Nýlistasafninu
ljósmyndir og þrívíð verk. Hann segir
verkin fjalla um hversdagsleg augna-
blik undrunar framan við Iftil smáat-
riði. Jyrki er finnskur listamaður sem
setur saman verk sín úr margvíslegum
efnum. Vanalega eru verk hans inn-
setningar. Síðan á miðjum níunda ára-
tugnum hefur hann oftsinnis sýnt í
Finnlandi, á Norðurlöndunum og víða
um heim. Jyrki hefur m.a. sýnt á
Englandi, þar sem hann hafði vinnuað-
stöðu í háskólanum í Leeds á vegum
Henry Moore Foundation. Hann býr .nú
í Tampere í Finnlandi. Jyrki hefur
fengist töluvert við skrif um listir,
heimspeki og fleira og um tíma var
hann ritstjóri listtímaritsins Taide.
Karin Schlechter og Sol Lyfond búa
og starfa í Köln í Þýskalandi. Þau
vinna hvort sína innsetninguna í Svarta
sal og Bjarta sal. Þau hafa unnið að
ýmsum listverkefnum saman í gengum
árin og rekið galleríið Herzgehirn í
Köln ásamt nokkrum listamönnum og
tónskáldum.
Um verk Karin segir svo í fréttabréfi
Nýlistasafsins: „Ef henni tækist að
halda sér nægjanlega lengi við rót upp-
hafsins (þarna þar sem orðin verða til),
þá myndi hún vinna fyrir stríðandi
hreyfingu allra möguleika.“
Snjókarl
úr pappír
f Svarta sal sýnir Sol Lyfond mynd-
bandsinnsetningu sem hann hefur sér-
staklega hugsað fyrir sýninguna. Þar
skapar verk hans ákveðna vísun til
þess andrúmslofts er myndast á mörk-
um þess sem er og þess sem ekki er.
Það eru hin sérstöku landfræðilegu
einkenni íslands sem hafa orðið hvat-
inn að þessu verki en það leiðir áhorf-
andann inn í einskonar míkrókosmos,
sem minnir á tilraunastofu, segir í
fréttatilkynningu.
Peter Friedl er Austurríkismaður
búsettur ýmist í Berlín eða New York.
Hann hefur tekið þátt í fjölda alþjóð-
legra sýninga í Evrópu og Bandaríkj-
unum, m.a. átt verk á Feneyjatvíær-
ingnum 1993, á Documenta X í Kassel
1997 og hefur verið valinn til að sýna á
Feneyjatvíæringnum í sumar í skála
Austurríkis. Verk hans eru ekki hrein-
ar form- og fagurfræðipælingar heldur
fjalla þau meir um afhjúpun eðlis hlut-
anna. Skrift, lit og hlutföll nýtir hann
sem efnivið í sjálfu sér. Efnivið sem
samtengist hans eigin þróun sem lista-
manns og fræðilegum hugtökum list-
iðnaðarins."
íslandsför hans er gamall draumur,
draumur um að búa til snjókarl úr
pappír innandyra og lætur hann
drauminn rætast í Súmsalnum í
Nýlistasafninu með aðstoð nokkurra
barna.
EIN tölvumynda Kenneths G. Hay. VERK eftir Eggert Pétursson.
LESBÓK MORGUNBLAÐSINS ~ MENNING/LISTIR 8. MAÍ 1999 17