Lesbók Morgunblaðsins - 28.10.2000, Blaðsíða 13

HÖNNUN
NÝSTÁRLEG ÍSLENSK HÚSGÖGN Á
HEIMSSÝNINGUNNI í HANNOVER
Morgunblaðið/Golli
Stóllinn og borðiö sem valin voru í skála íslands á Heimssýningunni (Hannover. Hönnunar- og húsgagnatímaritinu Moebel Interior Design þótti svo
mikið til þessara húsgagna koma að um þau er fjallað sérstaklega í heilli opnu í tímaritinu. Framleiðsla er að hefjast í Þorlákshöfn.
i 1

Teikning sem sýnir hvernig flórir stólar nást út
úr einni plötu.
EITT virtasta og þekktasta hönnunar-
og húsgagnatímarit í Evrópu heitir
Moebel Interior Design og fjallaði
það nýlega um hönnun á heimssýn-
ingunni í Hannover, sem lýkur þessa dag-
ana. Par var ekki aðeins fjallað um sýning-
arskálana, heldur það sem þar var
innanstokks og þótti nýstárlegt. Athygli
Lesbókar var vakin á því, að á heilli síðu í
tímaritinu er fjallað um hinn gullfallega, ís-
lenzka skála, en á tveimur síðum til viðbótar
um Delta-stólinn og borð í sama stíl. Nú er
von að einhver spyrji, því nafnið kemur ekki
kunnuglega fyrir sjónir. Hvers konar fyrir-
bæri er þessi Delta-stóll?
Delta-stóllinn og þríhyrnt borð með hon-
um eru splunkuný, íslenzk hönnun. Höfund-
ur er Óli Jóhann Asmundsson arkitekt og er
fyrrnefnt tímarit ekki sízt hrifið af því,
hvernig stóllinn er gerður af tveimur plöt-
um úr vatnsheldum krossviði. Stykkin sem
mynda setuna eru söguð út úr örmunum
þannig að nánast ekkert efni gengur af. Það
er síðan einn kostur við stólinn, að hægt er
að brjóta hann saman og eins er um borðið.
Draumur hvers hönnuðar er að hanna
frumlegan stól. Frægir arkitektar eins og
Alvar Aalto og le Corbusier hönnuðu
snemma á öldinni stóla sem enn eru fram-
leiddir. Það verður sífellt erfiðara að finna
frumlegt útlit, en Óli Jóhann hefur þarna
dottið niður á frábæra lausn. Delta-stóllinn
er vitaskuld ekki beint hægindastóll, en það
er meiri skúlptúr í honum en gengur og
gerist og lausnin er frábær.
Astæðan fyrir því að Delta-stóllinn var
hafður í skála Islands á heimssýningunni í
Hannover er sú, að hönnuður íslenzka skál-
ans, Árni Páll Jóhannsson, hafði séð gripinn
hjá Óla Jóhanni og skildi undir eins að hann
átti fullt erindi á sýninguna.
Um gerð þessara húsgagna segir Óli Jó-
hann, að hagleikssmiðurinn Jóhann Jó-
hannsson í Stansverki hafi í upphafi gert
sér kleift að smíða þau og smíðað lamirnar
sem halda þeim saman. Stuðningur fékkst
frá Iðnþróunarsjóði og Nýsköpunarsjóði
fyrir milligöngu Iðntæknistofnunar.
Óli Jóhann segir að nú þegar hafi borizt
30 fyrirspurnir frá útlöndum og allt byggist
það á þeirri kynningu sem húsgögnin hafa
fengið á sýningunni, svo og í tímaritinu.
Hannes Gunnarsson í Trésmiðjunni Fag-
us í Þorlákshöfn er að hefja framleiðslu og
húsgögnin verða seld í gegnum íslenzku net-
Á tekningunni sést hvernig stóllinn lítur út
samanbrotinn.
VERSCHNITTARM AUS
DER PLATTE
Síða úr tímaritinu Moebel Interior Design þar
sem fjallaö er um Delta-stólinn.
verzlunina „buynational.com". Ekki er
stefnt að neinni fjöldaframleiðslu, heldur
lögð áherzla á að hér eru afar sérstæðir
hlutir og verðið verður samkvæmt því eitt-
hvað í hærri kantinum.
GS.
Morgunblaðið/Golli
Óli Jóhann Ásmundsson arkftekt í stólnum sem hann hannaðf. Efnið er vatnsheldur krossviður
og stólinn er hægt að brjóta saman.
LESBÓK MORGUNBLAÐSINS - MENNING/LISTIR 28. OKTÓBER 2000 1 3