Lesbók Morgunblaðsins - 28.10.2000, Blaðsíða 17
Mjúk dagsbirta seytlar inn um þakglugga við
stigaopið niður á neðri hæð hússins.
Úr Victor Borge Hall á neðri hæð hússins þar sem aðstaða verður fyrir tónleika, lelksýningar, ráðstefnur og ekki síst kvikmyndasýningar. Rauða
sætið lengst til hægri er sæti Victors Borges. Sæti sem hann kaus sér sjálfur með hljómburð og útsýni yfir fingrafimi píanóleikarans á sviðinu að
augnamiði, - og útgönguleið vísa!
Arkitekt hússins gekk í hönnun sinni út frá stílhreinni og einfaldri norrænni hönnun. Séð frá
minna sýningarými hússins á 4. hæð.
Frá mótttökusal á 2. hæð blasir götumyndin við.
eru lausir við að þurfa að upphefja persónu
sína í gegnum verk sín,“ segir Polshek í viðtali
sem birtist í nýjasta tölublaði Scandinavian
Review í tilefni af opnun hússins. Hann segir
að hvað þetta varði eigi hönnuðir á Norður-
löndum margt sammerkt með kollegum sínum
í Japan þangað sem Polshek hefur einnig leitað
í gegnum árin. Bætir hann við að það hafi haft
mikil áhrif á sig á sínum tíma að upplifa það að
framúrskarandi hönnun þurfi ekki endilega að
fara saman við allt um lykjandi persónuleika
hönnuðarins. Segist hann vonast til að sú
kennd nái fram að ganga í Norræna húsinu.
„Það gerist sjaldan að í New York borg rísi
bygging sem er í hreinum anda módernismans
án þess að vera safn,“ er haft eftir Polshek.
„Þessi bygging er ákveðin yfirlýsing um stór-
brotna og sterka hönnunarhefð. Þetta er sjald-
gæft tækifæri sem mér er sannur heiður af að
hafa átt hlutdeild í.“
Níutíu ára gömul samtök
Norrænu samtökin í Bandaríkjunu, Amer-
ican Scandinavian Foundation, voru stofnuð
árið 1910 og eru höfðuðstöðvar þeirra í New
York. Markmið þeirra er að stuðla að og
styrkja samskipti milli Bandaríkjanna og
Norðurlandanna, hvort sem er á sviði mennt-
unar, menningar, viðskipta eða fræða. Sam-
tökin standa m.a. fyrir styrkveitingum, út-
gáfu tímaritsins Scandinavia Review i
Bandaríkjunum auk fjölda menningarvið-
burða á ári hverju sem efla megi tengsl land-
anna i norðri hér vestan hafs. 5 þúsund með-
limir eru í samtökunum sem rekin eru fyrir
stuðning einstaklinga og fyrirtækja, auk
framlaga frá ríkisstjórnum Norðurlandanna.
Þegar ákvörðun var tekin um byggingu Nor-
ræna hússins í New York var ráðist í mikla
fjáröflunarherferð fyrir framkvæmdunum og
hafa samtökin senn náð takmarki sínu sem
hljóðaði upp á 24 milljónir bandaríkjadollara
eða um 2 milljarða ísl. kr. Var það að megin-
efni fyrir stuðning fjölda einstaklinga og fyr-
irtækja auk þess sem ríkisstjórnir Norður-
landanna og norræna ráðherranefndin
styrktu byggingu hússins.
Forseti samtakanna er Edward P. Gallage^
og formaður stjórnar er Kristján Tómás
Ragnarsson læknir í New York. Er hann
fyrsti íslendingurinn til að gegna svo veiga-
miklu hlutverki innan Norrænu samtakanna.
LESBÓK MORGUNBLAÐSiNS - MENNING/USTIR 28. OKTÓBER 2000 1 7