Lesbók Morgunblaðsins - 30.12.2000, Blaðsíða 2
Tveir trompetar og orgel í Hallgrímskirkju
Eiríkur Örn Pálsson og Ásgeir H. Steingrímsson láta blásturinn ganga yfir Hörð Áskelsson. MorgunblaSiS/Þorkell
HÁTÍÐLEG OG GLÆSI-
LEG SAMSETNING
HÁTÍÐARHLJÓMAR við áramót er yfir-
skrift síðustu tónleika ársins í Hallgríms-
kirkju. Verða þeir haldnir á gamlársdag kl. 17.
Fram koma trompetleikararnir Ásgeir H.
Steingrímsson og Eiríkur Öm Pálsson sem
þeyta lúðra sína með organista kirkjunnar,
Herði Áskelssyni. Á efnisskrá eru verk eftir
Scarlatti, Pezel, Albinoni, Bach og Handel.
Tónleikarnir standa í um 45 mínútur og í fram-
haldi af þeim verður sunginn aftansöngur á
gamlárskvöldi þar sem Hörður Áskelsson leik-
ur Tokkötu úr fimmtu orgelsinfóníu Charles-
Marie Widors.
Þetta er sjöunda árið í röð sem félagarnir
efna til tónleika á gamlársdag. „Við byrjuðum
raunar á tvennum sumartónleikum - vorum á
sínum tíma fyrstu hljóðfæraleikararnir sem
léku með orgelinu í Hallgrímskirkju - en síðan
höfum við haldið okkur við gamlársdag," segir
Eiríkur Öm.
Hörður segir að fyrirmyndin sé erlend. „Það
er algengt í kirkjum víða um lönd að halda tón-
leika á gamlársdag. Yfirleitt eru þetta tón-
leikar þar sem spiluð er aðgengileg og vinsæl
tónlist. Eitthvað sem fólk vill gjarnan heyra.
Síðan er trompet og orgel auðvitað sérstaklega
hátíðleg og glæsileg samsetning."
Ásgeir segir að tónleikarnir hafi upphaflega
ekki síst verið hugsaðir fyrir ferðamenn sem
heimsækja kirkjuna um jól og áramót en fjöldi
fólks leggur að jafnaði leið sína til íslands yfir
áramót. „Síðan hefur þetta hlaðið utan á sig og
Islendingar farnir að mæta í stómm stíl,“ segir
hann og Eiríkur Öm bætir við að kjörið sé fyr-
ir fólk sem boðið hefur verið í hátíðarmat á
gamlárskvöld að koma við í kirkjunni á leið-
inni. „Eru menn ekki hvort eð er komnir í
sparifötin klukkan fimm?“
Sjálfir fara félagarnir beint heim í matinn að
tónleikum loknum. „Blásturinn æsir upp í
manni matarlystina," segja Eiríkur Örn og Ás-
geir.
Góður timi til tónleikahalds
Þremenningarnir segjast hafa orðið hissa á
því að þessi tími hentaði svo vel til tónleika-
halds. „Strax á fyrstu tónleikana komu fleiri en
við bjuggumst við og áhuginn hefur vaxið ár
frá ári. Af Islendingum er það mikið til sama
fólkið sem kemur en þó sjáum við alltaf ný og
ný andlit," segir Ásgeir.
Tónleikarnir hefjast á slaginu 17 og lýkur
stundvíslega 45 mínútum síðar. „Eitt árið
hættum við ekki fyrr en að verða sex. Prest-
urinn var ekki ánægður með það enda hefst
guðsþjónusta klukkan sex og fólkið sem ætlaði
í hana mætti tónleikagestum á útleið. Af því
hlaust víst einhver misskilningur. Einhverjir
héldu að messunni væri lokið. Við gætum þess
því núna að hætta korteri fyrir sex,“ segir Ei-
ríkur Örn og hlær.
Tónleikarnir hefjast á Tokkötu fyrir tvo
trompeta og orgel í D-dúr eftir Scarlatti og á
eftir henni leika þeir félagar Adagio eftir Albi-
noni. Þá heyrist Sónatína nr. 62 í d-mo!l eftir
Pezel en á milli þeirra leikur Hörður Tokkötu
og Fúgu í d-moll eftir Bach. Tónleikunum lýk-
ur svo með La Rejouissance úr Flugeldasvít-
unni eftir Hándel.
Kristnitökukantata eftir Helmut Neumann frumflutt í Vínarborg
TIL HEIÐURS TENGDAÞJÓÐINNI
KRISTNITÖKUKANTATA
eftir Austurrikismanninn
Helmut Neumann við texta
Vilborgar Auðar Isleifsddttur
verður frumflutt í aðalsal
Tónlistarfélagsins í Vínar-
borg 5. janúar næstkomandi.
Flutninginn annast Wiener
Symphoniker, kór Tónlistar-
félagsins og einsöngvarar,
þar af þrír íslenskir. Sljórn-
endur verða Japanarnir Mas-
anobu Korai og Yuji Takah-
ashi.
„Þetta er allt hið ævintýra-
legasta mál. Mjög skemmti-
legt. Öxullinn er, eins og Kilj-
an hefði sagt, Hafnarfjörð-
ur-Vínarborg-Tókýó,“ segir
Vilborg sem er sagnfræðingur að mennt, bú-
sett í Wiesbaden í Þýskalandi. Heiti verksins
er Menschlichkeitskantate eða Mannúðar-
kantatan.
Frumflutningurinn Ieggst vel í hana. „Það
er ekki á hverjum degi að verk eftir mig eru
flutt í Vínarborg og satt best að segja skrifa
ég ekki svona verk nema einu sinni
á þúsund árum,“ segir Vilborg og
hlær dátt.
Heimut Neumann býr í Austur-
ríki en starfaði á árum áður við
Sinfóníuhljóinsveit fslands. Hann
er kvæntur íslenskri konu, Marín
Gísladóttur úr Hafnarfirði.
„Þetta er einlægur og yndislegur
maður. Sannkristinn, kaþólskur og
kemur úr liði Habsborgara," lýsir
Vilborg tónskáldinu.
„Forsaga þessa verks er sú að
hann langaði að semja kantötu fyr-
ir tengdaþjóð sína á hennar kristi-
legasta heiöursdegi," heldur hún
áfram. „Þar sem við Helrnut erum
nágrannar í sumarbústaðabyggð á
Laugarvatni varð úr að ég skrifaði
fyrir hann textann, það er að segja þann sem
ekki er tekinn úr Völuspá."
Vissi ekki aö ég gæti þetta
Ekki dregur það úr alþjóðlegu yfirbragði
verksins að textinn er saminn í Noregi. „Sum-
arið 1997 fór ég til Stafangurs til að læra
norsku. Þar sem það er ekki mikið um að
vera í Stafangri rölti ég jafnan niður á höfn
um hádegi, settist inn á kaffíhús og fletti upp
í Eddu, sem vinur minn og fóstri í fræðunum,
Ólafur Briem, hafði gefið mér i brúðargjöf.
Ég blaðaði líka svolítið í Lilju og hugsaði með
mér: hvað er skynsamlegt að segja á þessum
tímamótum? Þannig varð kveðskapurinn til.“
Vilborghefur lítið gerl; af þvi' að yrkja um
dagana. „Ég hef eiginlega byrjað á þessu á
seinni ti'mum. Vissi reyndar ekki að ég gæti
þetta. Kveðskapur liggur að vísu svolítið í
fjölskyldu minni, eins og í svo mörgum ís-
lenskum fjölskyldum."
Vilborg kenndi á sinum tíma við Mennta-
skólann á Laugaivatni en lauk svo doktors-
prófi í sagnfræði frá háskólanum í Mainz.
Hún er gift þýskum lögfræðingi og á tvo syni.
Einsöngvarar í Vínarborg verða Rannveig
Fríða Bragadóttir, Sigurður Skagijörð Stein-
grímsson, Iljörtur Hreinsson, Claudia Guarin
Kristinsson, Tomoko Yoshimura, Yuko Sato,
Yumihiko Hoshi, Kazuhiko Kikuchi og Tetsu-
ya Sano.
Stefnt er að því að flytja kanlötuna í Víði-
staðakirkju í Hafnarfirði í vor.
MENNING/
LISTIR
NÆSTU VIKU
MYNDLIST
Árbæjarsafn: Saga Reykjavíkur - frá
býli til borgar.
Arnastofnun, Árnagarði: Handríta-
sýning. opin þri.-fös. kl. 14-16. Til 15.
maí.
Café Mflanó: Ingvar Þorvaldsson. Til
31. des.
Galleri@hlemmur.is: Hekla Dögg. Til
7. jan.
Gallerí Geysir, Hinu húsinu, Ingólfs-
torgi: Harpa Rún Ólafsdóttir og Inga
Björk Andrésdóttir. Til 6. jan.
Gallerí Reykjavik: Myndlistarmaður
mánaðarins: Jónas Bragi Jóriasson. Til
31. des. Sigurður Atli Atlason. Til 31.
des.
Gallerí Ríkey: Ríkey Ingimundardótt-
ir. Til 31. des.
Gallerí Tapas: Haukur Dór. Til 10.
jan.
Gerðarsafn: Islenskir myndlistar-
menn af yngstu kynslóð. Til 30. des.
Hafnarborg: Jólakortasýning grunn-
skólabarna. Sýning 6-10 ára barna úr
Litla myndlistarskólanum í Hafnar-
firði. Antik-bútasaumsteppi. Til 7. jan.
Hallgrímskirkja: Kristín Gunnlaugs-
dóttir. Til 19. feb.
Ingvar Helgason hf.: Ljóðmyndasýn-
ing. Til 10. jan.
Listasafn Einars Jónssonar: Lokað í
desember og janúar.
Listasafn fslands: Ur safnaeign. Til 15.
jan.
Listasafn Reykjavíkur - Ásmundar-
safn: Verk í eigu safnsins. Samsýning
á trúarlegri myndlist. Til 4. jan.
Listasafn Reykjavíkur - Hafnarhús:
Island öðrum augum litið. Til 7. jan.
Undir bárujárnsboga. Til 7. jan.
Listasafn Reykjavíkur - Kjarvals-
staðir: Samsýning á samtímalist frá
Suður-Afríku. Til 7. jan. Austursalur:
Jóhannes S. Kjaival. Myndir úr Kjar-
valssafni.
Listasafn Sigurjóns Ólafssonar: Nor-
ræn farandsýning. Opið daglega kl.
13-16.Til4.jan.
MAN-sýningarsalur, Skólavörðustíg
14: Guðbjörg Lind Jónsdóttir, Guðrún
Kristjánsdóttir og Kristín Jónsdóttir
frá Munkaþverá. Til 15. jan.
Mokkakaffi: Róbert Stefánsson. Til 3.
jan.
Norræna húsið: Brit Been og Barbro
Hemes. Til 31. des.
Skaftfell, Seyðisfirði: Jón Óskar. Til
15. jan.
Skálholtskirkja: Katrín Briem. Til 1.
feb.
Upplýsingamiðstöð myndlistar:
www.umm.is undir Fréttir.
LEIKLIST
Þjóðleikhúsið: Antígóna, fim. 4., fös. 5.
jan.
Með fulla vasa af grjóti, frums. lau. 30.
des. Mið. 3., fös. 5. jan.
Borgarleikhúsið: Abigail heldur partí,
lau. 30. des., fös. 5. jan.
Skáldanótt, lau. 30. des., fös. 5. jan.
Móglí, lau. 30. des.
Loftkastalinn: Á sama tíma síðar, lau.
30. des., fös. 5. jan.
Hafnarfjarðarleikhúsið: Vitleysing-
arnir, fös. 5. jan.
Leikfélag Akureyrar: Gleðigjafarnir,
lau. 30. des.
Upplýsingar um listviðburði sem ósk-
að er eftir að birtar verði í þessum
dálki verða að hafa borist bréflega eða
í tölvupósti fyrir kl. 16 á miðvikudög-
um merktar: Morgunblaðið, menning/
listir, Kringlunni 1, 103 Rvík. Mynd-
sendir: 569 1222. Netfang: menning-
@mbl.is.
2 LESBÓK MORGUNBLAÐSINS - MENNING/LISTIR 30. DESEMBER 2000