Alþýðublaðið - 08.10.1986, Blaðsíða 3

Miðvikudagur 8. október 1986
3
Ályktun flokksþings Alþýöuflokksins um verkalýös og kjaramál;
VÖRN SNÚIÐ í SÓKN
* Sérstaklega verði tekið á kjaramálum kvenna
* Samningar á vinnustaði í meira mæli.
* Varað við afnámi verkfallsréttarins.
Flokksþing Alþýöuflokksins
lcggur áherslu á þann þýðingar-
mikla árangur, sem verkalýðshreyf-
ingin náði með gerð kjarasamning-
anna í febrúar sl.
Þá tókst aö knýja ríkisstjórnina
til breyttrar stefnu í efnahagsmál-
um, lífeyrismálum og húsnæðis-
málum. Mikilvægasti árangur
kjarasamninganna er að nú sjá
landsmenn til sólar í baráttunni við
verðbólguna. Fyrir íslenskt lág-
launafólk geta þessi umskipti
markað þáttaskil. Þau eru forsenda
þess að vörn verði snúið í sókn.
Alþýðuflokkurinn telur að
verkalýðshreyfingin verði að laga
sig að örum breytingum í þjóðfélag-
inu með því m.a. að hafa starfs-
hætti sína og skipulag allt sem
sveigjanlegast. Mismunandi upp-
bygging stéttarfélaga sem grund-
vallast á vilja félagsmanna og að-
stæðum á hverjum stað er veiga-
mikill þáttur í þessa átt. Auknum
sveigjanleika í samningamálum er
hægt að ná með því að beina samn-
ingum í meira mæli að vinnustöð-
unum sjálfum. Þannig fæst aukið
forræði og áhrif starfsfólks og
möguleikar hvers fyrirtækis til að
greiða góð laun eru nýttir.
Alþýðuflokkurinn er þess hvetj-
andi að verkalýðshreyfingin sam-
ræmi kröfugerð og móti skýra sam-
ræmda Iaunastefnu, sem tekur til
alls þjóðfélagsins. Launastefnan
verður að byggja á samstöðu en
víkja sérgæsku til hliðar.
Með slíka stefnu að vopni getur
verkalýðshreyfingin náð þeim
styrk, sem nauðsynlegur er til þess
að hafa úrslitaáhrif á efnahags-
stjórn og efnahagsmótun á næstu
árum.
Á þessu ári hefur flótti úr
kvennastéttum verið mjög áberandi
enda þeim störfum almennt skipað
í lægstu launaflokka. Sumar konur
geta aukið tekjur sínar nokkuð með
kaupauka sem jafnframt hefur leitt
til ómannúðlegs vinnuálags. í
næstu kjarasamningum verður að
taka sérstaklega á þessum atriðum,
færa kauptaxta nær greiddu kaupi
og hækka verulega timakaupstaxta
bónusfólks. Þetta þarf að gerast án
þess að verulegar almennarbreyting-
ar fylgi í kjölfarið. Það er grund-
vallaratriði að Iægsta kaup geti
nægt til mannsæmandi fram-
færslu. Það svigrúm sem nú er til
kjarabóta verður að nýta af réttsýni
og skynsemi án þess að mikilverð-
asta ávinningi febrúarsamning-
anna, lækkun verðbólgunnar, verði
stefnt í hættu. Væri þá verr af stað
fa'rið en heima setið ef afleiðingar
næstu kjarasamninga yrðu ný koll-
steypa og uppvakning verðbólgu,
sem ógna myndi atvinnuöryggi og
efnalegri afkomu launafólks.
Alþýðuflokkurinn varar við því
að launafólk fallist á að takmarka
eða afnema grundvallarréttindi s.s.
verkfallsréttinn.
Alþýðuflokkurinn lýsir ein-
dregnum stuðningi við þá kjara-
baráttu sem hlýtur að vera fram-
undan um sérstaka hækkun lægstu
launa.
— að yfirborganir komi inn í taxta.
— að fastakaup hækki samhliða
Jón Baldvin
um, að á þessari stundu hefur sól
myrkvast yfir íslandi. Á þessari
stundu mun tungl hylja meira en
99% af þvermáli sólar. Eftir
stjörnufræðingum hef ég það að
slík tíðindi gerist sárasjaldan á
hverjum stað á jörðinni. „Þetta er
eitt mesta náttúruundur sem við
sjáum og þykir því að sjálfsögðu
sæta miklum tíðindum:1
Slíkir fyrirburðir minna á Völu-
spá:
Sól tér sortna
sökkr fotd i mar
hverfa af himni
heiðar stjörnur.
Sér hón upp koma
öðru sinni
jörð ór œgi
iðjagrœna.
Falla forsar
flýgr örn yfir,
sá er á fjalli
fiska veiðir.
Munu ósánir
akrar vaxa.
Böls mun alls batna
mun Baldr koma.
Framboðsfrestur vegna
prófkjörs Alþýðuflokksins
í Reykjaneskjördæmi
Prófkjör um skipan fimm efstu sæta á framboðslista
Alþýðuflokksins i Reykjaneskjördæmi við næstu Al-
þingiskosningar fer fram dagana 8. og 9. nóvember
1986.
Kjörgengir til prófkjörs eru þeir sem uppfylla ákvæði
laga um kjörgengi við Alþingiskosningar og hafa skrif-
leg meðmæli minnst 50 flokksbundinna Alþýðuflokks-
manna í Reykjaneskjördæmi 18 ára og eldri.
Frambjóðandi sem býður sig fram í 1. sæti framboðs-
listans er auk þess í kjöri í 2., 3., 4. og 5. sæti, — sá sem
býður sig fram i 2. sæti er auk þess i kjöri í 3., og 4. og
5. sæti, sá sem býður sig fram í 3. sæti er auk þess í
kjöri í 4. og 5. sæti, sá sem býður sig fram í 4. sæti er
einnig í kjöri I 5. sæti.
Ef ekki ertekið fram í hvaðasæti frambjóðandi býður
sig fram telst framboðið vera í öll fimm sætin.
Berist aðeins eitt framboð ( eitthvert sæti listans er
sjálfkjörið ( það sæti.
Niðurstöður prófkjörsins eru bindandi um skipan sæt-
is áframboðslista, ef frambjóðandi hlýtur í viðkomandi
sæti og sæti þar fyrir ofan minnst 20 af hundraði kjör-
fylgis Alþýðuflokksins í Reykjaneskjördæmi við síð-
ustu Alþingiskosningar.
Kosningarétt (prófkjörinu hafaallirþeirsem lögheimili
eiga i Reykjaneskjördæmi og orðnir verða 18 ára 30.
april 1987 og eru félagar í Alþýðuflokknum eða stuðn-
ingsmenn hans.
Framboðsfrestur rennur út mánudaginn 20. október
1986 klukkan 24.00.
Framboðum skal skila til formanns Kjördæmisráðs i
Reykjaneskjördæmi Harðar Zóphaniassonar, Tjarnar-
braut 13, Hafnarfirði.
Kjördæmisráð Alþýðuflokksins í Reykjaneskjördæmi.
því að dregið verði úr mikilvægi
bónusgreiðslna.
Um leið og Alþýðuflokkurinn
mun heilshugar styðja verkalýðs-
hreyfinguna í baráttunni sem fram-
undan er, mun hann beita stjórn-
málaafli sínu til hins ítrasta til að ná
fram eftirtöldum markmiðum sín-
um íslenskri alþýðu til hagsbóta:
— Nýtt og réttlátara skattakerfi.
— Nýtt húsnæðiskerfi, sem gerir
öllum kleíft að búa sér og sínum
öruggan samastað, án þess að
stofna heilsu sinni og heilbrigðu
fjölskyldulífi í hættu.
— sömu lífeyrisréttindi fyrir alla
landsmenn.
— Nýrri atvinnustefnu er treysti
jafnvægi byggðar.
— Og siðast en ekki síst nýrri lög-
gjöf, sem tryggi eign alþjóðar á
auðlindum lands og land-
grunns.
Eða hvað finnst ykkur um þessa
framtíðarsýn?
Sal sér hún standa
sólu fegra,
gulli þakðan,
á Gimléi
Þar skulu dyggvar
dróttir byggja
ok oaldrdaga
yndis njóta.
Það er ekki amaleg framtíðarsýn.
Við jafnaðarmenn erum að vísu lítt
trúaðir á einfaldar formúlur fyrir
hinu fullkomna þjóðfélagi hér á
jörðu. Hitt vitum við af hversdags-
legri lífsreynslu okkar, að þó dragi
fyrir sólu, þá styttir öll él upp um
síðir.
Sl. tvö ár höfum við barist undir
kjörorðinu: „Hverjir eiga ísland?“
Nú höldunr við flokksþing okkar
undir kjörorðinu: „ísland fyrir
alla.“
Það vekur upp hugmyndatengsl
við kjörorð aldamótakynslóðarinn-
ar: „Islandi allt“
Undir þessum gunnfánum sækj-
um við nú sameinuð fram til nýrrar
sóknar, í komandi kosningum: ís-
landi allt.
ísland fyrir alla. íslendinga.
Slys á gangandi vegfarendum:
Draga þarf úr ökuhraða
„Það er áhrifaríkasta leiðin til að
minnka tíðni þessara slysa. — Há-
markshraði í borgum og bœjum œtti
að vera 30—35 km á klukkustund “
segir Ólafur Ólafsson landlœknir.
„Ég vil leggja áherslu á hraða-
takmarkanir. — Það er náttúrlega
hægt að lesa yfir börnunum, en
þau bara gleyma sér greyin,“ sagði
Ólafur Olafsson landlæknir í
samtali við Alþýðublaðið. En
Ólafur og Böðvar Bragason lög-
reglustjóri hafa sent foreldrafé-
lögum og skólum bréf þar sem
þeir hvetja til aðgæslu og eftirlits
í umferðinni.
„Ég sé ekki aðra leið en að full-
orðna fólkið leggi sig fram um að
minnka hraða og auka aðgæslu í
umferðinni,“ sagði Ólafur. „Það
hefur sýnt sig t.d. að hraðatbk-
markanir gefa góða raun“
f bréfinu kemur fram að á árun-
um ’81—84 hafi heldur dregið úr
dauðsfölluin vegna umferðar-
slysa, en nú virðist heldur sækja i
sama farið á ný ef dæma megi af
slysafregnum.
Minnt er á að oft megi gera að-
gerðir gegn slysum, þó því miður
sé oftast um skammtímaárangur
að ræða. Benda þeir á aðgerðirn-
ar gegn umferðarslysum haustið
’85 sem hafi tekist vel því að um
tíma hafi slysatilfellum á Slysa-
deild Borgarspítalans stórfækk-
að. — Með hliðsjón af góðum
skammtímaárangri leggi þeir því
til að aftur verði hafist handa um
aðgerðir í svipuðum mæli og
haustið ’85 en með öðrum áhersl-
um. Um hugsanlega framkvæmd
segja þeir í bréfi sínu:
„í hverjum grunnskóla verði
t.d. 12—15 ára nemendur sendir
út á götur í nágrenni viðkomandi
skóla einn dag eða dagstund í
hverjum mánuði eða annan hvern
mánuð. Nemendur fylgist með
umferðinni og því hvort umferð-
arreglum sé fylgt, en flest slys
verða vegna þess að of hratt eða
ógætilega er ekið. Líklegt er að
þessi aðgerð verði til þess að bif-
reiðastjórar auki aðgæslu og þá
má búast við árangri. Kostur er að
álag eykst sáralítið á kennsluskrá
þar eð nemendur verða ekki i
skólanum meðan á tilrauninni
stendur. Vel mætti líta á þessa að-
gerð sem umferðarkennslu og
mætti gjarnan gefa nemendum
einkunn fyrir.
Sjúkrahús og heilsugæslu-
stöðvar (í Reykjavík Slysadeild
Borgarspítalans) geta síðan fylgst
með því hvort slysatilvikum
fækkar þá daga sem athugun fer
fram. Hér væri því um að ræða til-
raun af hálfu æskufólks til þess að
draga úr hættu á umferðarslysum
á heimasíóðum. Vel má vera að
þeim takist það sem mörgum op-
inberum nefndum hefur ekki tek-
ist.
Þess ber að geta að þessi stefna
er mjög í anda stefnumörkunar
Alþjóðaheilbrigðisstofnunarinn-
ar, sem telur að árangursríkasta
aðferðin til þess að draga úr
heilsuvá sé að virkja fólkið til að-
gerða.
Landlæknir lét á sínum tíma
gera skýrslu um meiðsli á gang-
andi vegfarendum í umferðinni á
árunum 1981 og 1982. I skýrslunni
kemur fram við flokkun í meiri-
og minniháttarmeiðsl, að helm-
ingur meiðsla bæði árin flokkast
undir meiri háttar meiðsl. Sam-
kvæmt skýrslunni virðist vera al-
gengara að börn hljóti meiri hátt-
ar meiðsl en minniháttar. Geta má
þess að algengustu meiriháttar
meiðslin hjá gangandi vegfarend-
um reyndust vera handleggs- og
fótleggsbrot ásamt áverka á heila
ogmænu.
í skýrslunni segir að erfitt sé að
leggja mat á orsakir umferðar-
slysa. í lögregluskýrslum sé reynd-
ar gerð grein fyrir vitnisburði
bæði þeirra sem lenda í slysunum
og vitna. Samkvæmt lögreglu-
skýrslum valda börn flestum slys-
um sem þau lenda í, en bent er á
að hafa verði hugfast að oftast sé
stuðst við vitnisburð ökumanns-
ins og mat hans á orsökum um-
ferðarslyssins.
Ljóst sé að atburðarrás og or-
sök umferðarslysa á gangandi sé
oftast óljós. Mörg slysanna séu
vegna óvarkárni og því erfitt að
tilgreina þau sem brot á umferðar-
reglum. Ennfremur sé umhverfi
umferðarinnar oft ófullnægj-
andi, s.s. ástand gatna, gang-
stétta, gangbrauta o.s.frv.
Algengustu orsakirnar virðast
því vera að börn ani út á götu og
reyndar fullorðnir líka. Götu- og
gangbrautarljós séu ekki virt og
ölvun fullorðinna vegfarenda.
í lok skýrslu sinnar segir Land-
læknir. „Áhrifaríkasta leiðin til
að draga úr tíðni þessara slysa er
vitaskuld að draga úr ökuhraða.
Börn gleyma sér í umferðinni. —
Hámarkshraði i borgum og bæj-
um ætti að vera 30—35 km/klst“