Alþýðublaðið - 15.10.1986, Blaðsíða 3

Miðvikudagur 15. október 1986
3
Borgarljóð
eftir Gunnar Dal
Það hlýtur að teljast til tíðinda
þegar út kemur ný bók eftir Gunnar
Dal. Að þessu sinni er það ljóða-
bók, Borgarljóð, — og er það nafn
vel til fundið á 200 ára afmæli höf-
uðborgar okkar allra.
í þessari bók, eins og reyndar í
öllu þvi sem frá Gunnari kemur,
tekur hann upp hanskann fyrir hið
smáa og máttarminna og gefur
gaum að lítilmagnanum, hvort sem
hann er lítið borgarbarn, fugl sem
krafsar í snjó eftir æti eða einmana
útigangsmaður, örvæntingarfullur
í ringulreið borgarlífsins.
Spörfugl
Tíst mitt vegur ekki þungt
fremur en Ijóð þitt,
sem þú bangar saman
þar sem þú situr í lilýju horni þínu
á Hressingarskálanum og sötrar
kaffi.
Horfir á mig gegnum gler,
úr hlýju horni þínu,
þar sem ég hoppa til og frá í
strætinu.
Gestur í borginni, spörvi af ætt
háðfugla
rænir molum af borðum okkar,
drekkur sig fullan úr pollum
borgarinnar.
Hvað veist þú um smáfugla
úti í kuldanum?
Hvað veist þú um smáfugl
sem krafsar í snjóinn með
skjálfandi klóm?
Þú ert inni.
Ég er úti.
Aðeins lítill fugl
og tíst mitt vegur ekki þungt
fremur en Ijóð þitt.
Langferð
Þú leggur í langar ferðir
litla barnið mitt.
Hinum megin við hornið
er húsið þitt.
Heimurinn er frjáls og fagur
þér fagnandi mætir nú.
I vatninu vaðið þið saman
vorið og þú.
Barnið mitt í bæinn
berðu Ijós og yl.
Við skulum hjálpa vorinu
að verða til.
Utangarðsmenn
Hér ennþá menn
í einsemd lifa og deyja.
Þeir utangarðs
í skammdeginu þreyja.
Leitandi að húsaskjóli
hlýju og yl,
heimili
sem þó raunar
hvergi er til.
Þessi þrjú Ijóð eru að mínu viti
mjög einkennandi fyrir þá samúð
sem Gunnar Dal sýnir öllu lífi, en
hann er einnig fullur bjartsýni fyrir
hönd léttadrengsins, sem á sína
björtu drauma inn i Sundahöfn:
Léttadrengur í Sundahöfn
Það vorar fremur seint í
Sundahöfn.
Til sólarlanda stefnir hugur minn.,
í leit að því sem á sér engin nöfn.
Ég út í heiminn sigli i fyrsta sinn.
í leit að ungri og fegri veröld fer
með fullan poka af vonum, stíg um
borð.
Úr Sundahöfn mitt skip á burt mig
ber.
LJr bláum fjarska heyri ég söng og
orð,
og sunnanvindur segir mér frá því
að sumar nálgist, gefi fyrirheit
um betri menn sem okkar veröld í
loks eyðimörkum brcyti í sælureit.
Og þeirra vegna held ég út í heim.
Um höfin sjö ég fer í leit að þeim.
En allt er falið gæsku guðs og
það veit Gunnar manna best. Hér er
lítil lofgjörð hans til almættisins:
Dögun
Nú sól um stræti
morgunbirtu breiðir
og bjartir geislafingur
snerta mig
semhendur guðs. er heimi öllum
stjórnar,
sem hendur guðs cr lækna
og blessa þig.
Það er ástæða til að óska Gunn-
ari Dal til hamingju með þessa nýju
bók, ljóðabók sem þykir svona
vænt um lífið. Ljósmyndir í bókina
tók Sigurjón Jóhannsson, leik-
myndateiknari. Örn Bjarnason.
Flugleiðir:
Aukning í Evrópufluginu
í nýju fréttablaði Flugleiða kem-
ur fram að fyrstu átta mánuði árs-
ins jukust farþegaflutningar Flug-
leiða í Evrópuflugi um 11;1% frá
því á sama tíma í fyrra. í innan-
landsflugi varð aukningin 4,8°/o en
í Atlantshafsfluginu fækkaði far-
þegum um 8,1% á þessu sama tíma-
bili. Þess ber að geta að þar var
dregið úr sætaframboði miðað við
sama tíma í fyrra.
Bókanir frá september og út
desember á þessu ári lofa góðu.
Samkvæmt tölum fengnum 22.
september er þar um að ræða
28,6% heildaraukningu bókana í
millilandaflugi miðað við sama
tímabil í fyrra.
Fraktflutningar Flugleiða hafa
alls staðar aukist nema 1 innan-
landsflugi. Á N-Atlantshafinu juk-
ust fraktflutningar um 21,6% á
tímabilinu jan. til júlí. í Evrópu-
/,-flygi varð aukningin 26,2%. Nokk-
uð minna var um fraktflutninga í
innanlandsflugi á þessu tímabili,
eða 4,9% minnkun.
Nýting hótela var mjög góð í
ágústmánuði. Að Hótel Loftleiðum
var nýtingin 97,3% í ágúst miðað
við 92,6% sama mánuð í fyrra. A
Hótel Esju var nýtingin 97,1% mið-
að við 93,1% í ágúst 1985. Því mið-
ur er ekki sömu sögu að segja af
Bílaleigu Flugleiða. Þar var nýting-
in nokkru lægri en í fyrrá, eða
69,3% á móti 76,2%.
Fleiri útlendingar hafa komið til
íslands það sem af er árinu en á
sama tímabili sl. ár. Nemur aukn-
ingin 14,6%.
Háskólaerindi
í minningu Sigurðar S.
Magnússonar prófessors
Föstudagur 17. október
Sir Malcom Macnaughton, prófessor í kvensjúk-
dómafræðum við háskólann í Glasgow mun flytja
erindi í boði læknadeildar Háskóla íslands er
hann nefnir:
„THE ETHICS OF ARTIFICIAL REPRODUCTION"
Fyrirlesturinn verður fluttur í kennslusal Hjúkr-
unarskóla íslands á Landspítalanum, og hefst kl.
13:15. Öllum er heimill aðgangur. Sir Malcolm
Macnaughton er forseti samtaka breskra fæðing-
ar- og kvensjúkdómalækna, Royal College of
Obstetricians and Gynaecologists. Hann er
þekktur fyrir rannsóknir á sviði kvensjúkdóma-
fræði, einkanlegavarðandi ófrjósemi. Fyrirlestur-
inn fjallar um siðfræðivandamál sem tengjast
tæknifrjóvgun.
Framkvæmdastjóri
Heilsugæslustööin Borgarnesi óskar aö ráða fram-
kvæmdastjóra frá og með 1. jan. nk., eða eftir nánara
samkomulagi. Um er að ræða Vz stöðu.
Nánari upplýsingar veitir formaður stjórnar Heilsu-
gæslustöðvarinnar EyjólfurT. Geirsson, simi 7224.
Umsóknarfrestur er til 10. nóv. 1986.
Heilsugæslustöðin Borgarnesi.
FÉLAGSSTARF
ALÞÝÐUFLOKKSINS
Kjördæmisráð
Alþýðuflokksins
í Vesturlandskjördæmi heldur fund laugardaginn
18. þ.m. kl. 10 árdegis ( Hótel Borgarnesi.
Fundarefni:
1. Tekin afstaða til prófkjörsreglna vegna prófkjörs
sem haldið skal fyrir lok nóvember.
2. Önnur mál.
Stjórn kjördæmisráös.
Ritgerðar-
samkeppni
um jafnaðarstefnuna
í tilefni 70 áraafmælis Alþýðuflokksins hef-
ur verið ákveðið, að efna til ritgerðarsam-
keppni um efnið „Jafnaðarstefnan". Rétt til
þátttöku hafa allir á aldrinum 15 til 25 ára.
Skilafrestur er til 1. desember næst komandi,
og skal ritgerðin vera 6 vélritaðar síður.
Þrenn verðlaun verða veitt í ritgerðarsam-
keppninni. Fyrstu verðlaun er hálfs mánaðar
dvöl í Bommersvik í Svíþjóð, en þar er ráð-
stefnumiðstöð sænskra jafnaðarmanna og
verkalýðshreyfingarinnar. Önnur og þriðju
verðlaun eru bókaverðlaun.
í dómnefnd eru dr. Gylfi Þ. Gíslason, Helgi
Skúli Kjartansson og Jón Baldvin Hannibals-
son. — Frekari upplýsingar um samkeppnina
verðaveittar í skrifstofu Alþýðuflokksins, sími
29244.