Alþýðublaðið - 18.02.1987, Blaðsíða 10

Alþýðublaðið - 18.02.1987, Blaðsíða 10
10 Miðvikudagur 18. febrúar 1987 Frambjóðendur Alþyöuflokksins kynntir: 3. sæti HLIF KJARTANSDOTTIR Byggðamálin og seina- gangur í dómskerfinu Hlíf Kjartansdóttir segist lengi hafa haft áhuga fyrir þjóðmálum og þá einkum málefnum lands- byggðarinnar, þótt hún hafi lengi vel framan af ekki tengt þau við starf i stjórnmálaflokkum. „En eft- ir að ég fór að sjá fram á að geta unnið að þessum hugðarefnum mínum á pólitískum vettvangi, hef- ur ekki annar flokkur komið til greina fyrir mig en Alþýðuflokkur- inn", segir hún. „Ég hef gifurlegan áhuga fyrir því að byggðahlutföllin breytist, landsbyggðinni í hag. Þessi gífur- lega samþjöppun fólks á höfuð- borgarsvæðinu á engan rétt á sér og kemur engum til góða. Þetta er heldur ekki gott fyrir Reykvíkinga sjálfaí' Hlíf segist hafa kosið Alþýðu- flokkinn f rá því hún fékk kosninga- rétt, þótt hún gengi ekki í flokkinn fyrr en 1982. Fyrir utan málefni landsbyggðarinnar sem eru henni ákaflega hugleikin, segist hún vilja nefna dómskerfið sérstaklega. „Það er yfirleitt allt of seinvirkt", segir hún. „Það er sama hvort um er að ræða, t.d. fíkniefnamál, nauðg- unarmál eða önnur afbrot. Þessi mál eru oft mánuðum eða árum saman að velkjast í kerfinu. Það er verið að sleppa sakamönnum laus- um og taka þá svo aftur mánuðum eða árum seinna til að láta þá af- plána dóma sína. Sumir þessara manna hafa kannski snúið til betri vegar og eru í miðjum klíðum að koma undir sig fótunum, þegar þeim er gert að sitja inni fyrir afbrot sem geta verið margra ára gömul. Aðrir hugsa kannski sem svo að fyrst þeir eigi eftir að sitja inni hvort eð er, þá skipti ekki öllu máli hvort þeir sitja af sér einu brotinu fleira eða færra." .*-. Hlíf Kjartansdóttir sem skipar 3. sœtið á lista Alþýðuflokks- ins á Austurlandi fyrir kosningarnar í vor, er fœdd í Kastala í Mjóafirði 16. ágúst 1945. Hún fluttist til Neskaupstaðar 8 ára gömul og hefur átt þar heima síðan að mestu leyti. Hún lauk unglingaprófi vorið 1959 en haustið 1961 lá leiðin í Húsmæðra- skólann á Hallormsstað og þar stundaði Hlin nám í tvo vetur. Eftirþetta vann hún hér og þar, einkum ífiski og var m.a. eitt ár á sjó, nánar tiltekið á strandferðaskipinu Esju. Þetta var árið 1965 og þá tiðkuðust enn farþegaflutningar með strandferða- skipum. Eftir þetta fóru börnin að koma og Hlif snerisér að húsmóð- urstörfum og barnauppeldi um nokkurra ára skeið. Sjálf telur hún húsmóðurstarfið lengst af hafa verið sitt aðalstarf. Árið 1973 fór hún að vinna á sjúkrahúsinu íNeskaupstað og starfaði þar alltfram að síðustu áramótum að hún hœttiþvíogfór ístað- inn að vinna á skrifstofu hálfan daginn. Úr Austur-troginu Fullmikil bjartsýni Það dugar að sjálfsögðu ekki annað fyrir þá sem eru í pólitík á annað borð, en að vera þokkalega bjartsýnir, — allavega svona þeg- ar kosningar eru á næsta íeiti. Bjartsýnin hefur og löngum ein- kennt málfar stjórnmálamanna á mánuðunum fyrir kosningar, en flestir reyna hins vegar að blanda bjartsýnina með ofurlitlu raun- sæi. Nýráðinn starfsmaður kjör- dæmissambands framsóknar- manna á Austurlandi, Skúli Oddsson, virðist hins vegar alveg hafa gleymt raunsæisskammtin-' um, í viðtali við Austra, blað Framsóknarmanna á Egilsstöð- um, sem út kom 29. janúar. Hann segist þar sem sé hafa fulla ástæðu til bjartsýni og segir fram- sóknarmenn stefna ótrauða að því að ná inn þriðja manni. Skúli hefur það að vísu sér til. afbötunar, eftir því að dæma sem fram kemur í viðtalinu að hann virðist eiga í erfiðleikum með reiknireglurnar í nýju kosninga- lögunum, sem hann segir að séu svo flókin að ekki geti nema ein- staka maður spáð í stöðuna eftir þeim. Það er kannski eins gott fyrir þá framsóknarmenn að láta það eiga sig að læra nýju reikniregl- urnar, því samkvæmt þeim er annar maður á framsóknarlistan- um í verulegri fallhættu, ef Fram- sóknarflokkurinn tapar einhverju fylgi frá síðustu kosningum, — og flestir gera jú ráð fyrir því. Til að fá þriðja manninn þarf Fram- sóknarflokkurinn svo himin háar atkvæðatölur, að tekur því vara að nefna þær. Ef framsóknar- menn þykjast ætla að berjast fyrir þriðja manninum, er hætt við að þeir vakni upp við vondan draum á kosninganóttina, þegar farið verður að telja upp úr kjörköss- unum. Svolítið grátbroslegt Eftir að framboð Kvennalistans í Austurlandskjördæmi leit dags- ins ljós, hefur talsverður ótti grip- ið um sig í herbúðum Alþýðu- bandalagsmanna í kjördæminu. Þeim er það að sjálfsögðu ljóst, ekki síður en öðrum, að Kvenna- listinn tekur fyrst og fremst fylgi frá Alþýðubandalaginu og auð- vitað gildir þetta alveg jafnt um Austurland og önnur kjördæmi. Leiðarinn á Austurlandi þann 5. þessa mánaðar, er enda helgað- ur þessu máli og ber yfirskriftina: „Að hverjum beinist framboð Kvennalistans á Austurlandi?" í leiðaranum segir m.a. „Fyrirhugað framboð Kvenna- listans á Austurlandi er því mikið undrunarefni, þegar í framboði til Alþingis er ung og hæfileikarík kona, þar sem er Unnur Sólrún Bragadóttir. Sérframboð kvenna við þessar aðstæður verður líka varla til þess að hvetja konur til pólitískrar þátttöku innan stjórn- málaflokkanna, eins og þó hefur verið eitt af yfirlýstum markmið- um Kvennalistansí' Út af fyrir sig má leiða getum að því að Alþýðubandalagsmenn hafi gert sér vonir um að staðsetn- ing konu í baráttusæti listans myndi verða til þess að Kvenna- listinn byði ekki fram í kjördæm- inu. Þær vonir eru nú að engu orðnar. Það er hins vegar dálítið grátbrosleg staðreynd að framboð Kvennalistans skuli að öllum lík- indum verða til þess að koma í veg fyrir að kona nái kjöri í kjördæm- inu. Mykjudreifari á villigötum Það er ekki laust við að sú stað- reynd fari illilega í taugarnar á sumum, að jafnaðarmenn eiga nú raunhæfan möguleika á að fá kjörinn þingmann í Austurlands- kjördæmi eftir áratuga hlé. Einn þeirra sem greinilega tilheyra þessum hópi er Rögnvaldur Erlingsson sem ritar greinarstúf í Austra 5. þ.m. Nú er það í sjálfu sér ekki sér- staklega í frásögur færandi, þótt menn séu ekki með öllu sammála í pólitík og ekkert nema gott um það að segja að menn deili á and- stæðinga sína í blöðum, en þá verður að gera þá kröfu að skrifin séu byggð á einhverjum málefna- legum rökum. Þessu var ekki til að dreifa í grein Rögnvaldar, heldur ægir þar saman uppnefnum, fúkyrðum og persónulegum illmælum. Ekki nennum við að sverta síð- ur okkar með því að tína til dæmi úr þessari dæmalausu grein, — enda dæmir hún sig best sjálf. Hins vegar beinum við — í öllum frómleika — þeirri uppástungu til höfundarins, að hann fari með pennann sinn út á tún, næst þegar hann þarf að létta á honum. — Þar kynni mykjan að koma að gagni. SURVIVALINTERNATIONAL ÞURRBJÖRGUNARBÚNINGUR viðurkenndur af Siglingamálastofnun ríkisins FYRSTA FLOKKS HÖNNUN Gerður úr Dupont eldþolnu Neopreneefni. Gott efni sem gerir allar hreyfingar mjög auðveldar. Auðsýnileg- ur leitarmönnum. Fyrir utan sjálfsagða eiginleika slikra búninga hefur SURVIVALINTER- NATIONAL búningurinn einnig eftirtalin atriði: 1. Andlitshlíf gegn sjólöðri. 2. Sundgleraugu gegn sjólöðri. 3. Vasa fyrir Ijós á hettu. 4. Sérstakan flothring, sem blásinn er upp og nota má eins og sýnt er á myndunum eða til að lána öðrum. 5. Skegghlíf. Kemur í veg fyrir að rennilásinn festist í skeggi þegar rennt er upp. 6. Lyftilykkja á baki. Notuð þegar hjálpa þarf manni t.d. um borð í gúmmibjörgunar- bát. 7. Sérstaklega stamir sólar. 8. Fimm fingra vettlingar, mjög liprir og með góðu gripi. Þú getur prófað með þvi að taka mjóan blýant upp af gólfinu og skrifa nafnið þitt. 9. Sérstakt lyftibelti fyrir þyrlu. 10. Einstreymisloki er hleypur út lofti, ef menn stinga sér í sjóinn með höfuðið á undan. 11. Ökla og úlnliðsbönd. 12. Endurskinsborðar. Hér að ofan eru taldir aðeins fáeinir eiginleikar þessa frábæra búnings. VERD AÐEINS FRÁ KR. 12.000,- Langalgengasta dánarorsök vegna sjóslysa er kuldi. Lífslíkur sjómanns, sem er i björgunarbúning, aukast verulega. SURVIVAL INTERNATIONAL Á ÍSLANDI waaaiíÆa&BQMia^aca w

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.