Alþýðublaðið - 06.08.1987, Blaðsíða 1

aó stofna veröi byggingarfélög um
kaupleiguibúðirnar m.a. með þátt-
töku atvinnurekenda. Sjálfur segist
hann reiðubúinn að taka þátt í slíku.
HP-mynd
„KAUPLEIGAN ÞAO ALBESTA“
— segir Aðalsteinn Jónsson, Alli ríki, á
Eskifirði, en hann telur að bygging kaup-
leiguíbúða sé eina færa leiðin til að stöðva
þá fólksflutninga sem eiga sér stað frá
landsbyggðinni og hafa um árabil valdið
miklum erfiðleikum í útgerð og fiskvinnslu.
„Ég tel kaupleiguformið það al-
besta. Það þarf að fara í þetta af
myndarskap því þetta er sennilega
eini möguleikinn og sá einfaldasti,“
sagði Aðalsteinn Jónsson, Alli ríki,
á Eskifirðí í samtali við Alþýðu-
blaðið, en hann telur að bygging
kaupleiguíbúða sé eina færa leiðin
til að stöðva þá fólksflutninga sem
nú eiga sér stað á landsbyggðinni og
hafa um árabil valdið miklum erfið-
leikum í fiskvinnslu og útgerð. Víða
um land vantar fólk til starfa,
vinnuálagið er mikið og svo virðist
sem ungu fólki á landsbyggðinni
hrjósi hugur við að fjárfesta í hús-
næði á stöðunum og leiti suður.
í Alþýðublaðinu í gær er haft eft-
ir Guðmundi J. Guðmundssyni for-
manni Verkamannasambandsins
að ástandið sé orðið mjög slæmt
vegna manneklunnar, ekki bara
vegna vinnuálagsins, heldur einnig
vegna þess að víða er unnið í mun
ódýrari pakkningar en ella þyrfti, ef'
nægt vinnuafl væri á stöðunum.
Líkt og Aðalsteinn telur Guðmund-
ur að husnæðismálin séu aðalorsök
þessarar þróunar og brýnt sé að
gera þegar átak í þeim málum.
Aðalsteinn segir að stofna verði
byggingarfélög á stöðunum meðal
annars með þátttöku atvinnurek-
enda og segist hann sjálfur vera
reiðubúinn að taka þátt í slíku.
„Það þarf ekkert annað en fara
af stað. Þegar búið er að fram-
kvæma hlutina þá efast ég ekki um
að allir vildu hafa gert það,“ sagði
Aðalsteinn. Sem fyrr segir telur
hann kaupleiguformið það hentug-
asta í myndinni. „Víða erlendis er
þetta vinsælt form og ég sé ekki
ástæðu til annars en það væri það
hér líka. Það þarf hins vegar að að-
laga þetta íslenskum aðstæðum,
þannig að menn hafi frjálsar hend-
ur við að koma sér út úr slikurn
íbúðum og selja. Það má ekki binda
hendur nranna gersamlega. Frelsið
er fyrir öllu.“
Ekki vildi Aðalsteinn alhæfa fyr-
ir hönd annarra í greininni, hvort
þeir væru tilbúnir að leggja fé í
byggingar kaupleiguíbúða. „En ég
skil ekki annað en aðilar i sjávarút-
vegi sjái sér beinlínis hag í því að
hrinda þessu í framkvæmd," sagði
Aðalsteinn Jónsson, Alli riki.
„Skattakerfið ekki lagfært
með einu pennastriki“
— segir fjármálaráðherra m. a. við gagnrýni þeirri sem fram hefur
komið á skattastefnu ríkisstjórnarinnar, m. a. frá Verzlunarráði.
„Skattakerfið sem við búum við
er meingallað, en það er jafnframt
staðreynd að það verður ekki lag-
fært með einu pennastriki þetta
tekur sinn tíma“, sagði Jón Baldvin
Hannibalsson fjármálaráðherra á
blaðamannafundi í gær þegar hann
svaraði m.a. gagnrýni sem fram hef-
ur komið á skattastefnu ríkisstjórn-
arinnar, m.a. frá Verslunarráði sem
telur að skattahækkanir stjórnar-
innar gangi þvert á yfirlýsta stefnu
hennar um hlutleysi skatta og ein-
földun skattkerfisins.
Jón sagði að auðvitað hefði verið
best að stíga skrefið til fulls og af-
nema allar undanþágur í söluskatt-
skerfinu. Hann sagði hins vegar að
það hefði ekki verið hægt af ýmsum
ástæðum m.a. með hliðsjón af
skammtímaáhrifum á verðlag og
þar af leiðandi áhrifum á rauðu
strikin. Skatthækkanirnar undan-
farið, sérstaklega matarskatturinn
hefur sætt mikilli gagnrýni. Jón
ítrekaði á blaðamannafundinum að
sú álagning væri aðeins fyrsti liður
í áætlun ríkisstjórnarinnar sem
miðar að því að fækka undanþág-
um, breikka skattstofninn og lækka
prósentustigið.
Aðspurður um spár Verzlunarráðs
um gengissig eftir áramót, sagði
Jón einfaldlega að ein af þeim for-
sendum sem ríkisstjórnin gengi út
frá væri að gengið héldist stöðugt.
„Stjórnmálamenn eru hins vegar
ekki einráðir og það getur verið
ómögulegt að spá fyrir um ytri að-
stæður, viðskiptakjör gætu versnað
og svo er ómögulegt að sjá fyrir um
aflabrögð."