Alþýðublaðið - 14.08.1987, Blaðsíða 2

Alþýðublaðið - 14.08.1987, Blaðsíða 2
2 Föstudagur 14. ágúst1987 JimUBIMÐ Sími: 681866 Útgefandi: Blað hf. Ritstjóri: Ingólfur Margeirsson. Ritstjórnarfulltrúi: Jón Daníelsson. Blaöamenn: Ása Björnsdóttir, Elínborg Kristin Kristjánsdóttir Kristján Þorvaldsson og Orn Bjarnason. Framkvæmdastjóri: Valdimar Jóhannesson. Skrifstofa: Halldóra Jónsdóttir, Eva Guómundsdóttir og Þórdís Þórisdóttir. Auglýsingar: Guðlaugur Tryggvi Karlsson og Ólöf Heiður Þorsteinsdóttir Setning og umbrot: Filmur og prent, Ármúla 38. Prentun: Blaðaprent hf., Síðumúla 12. Áskriftarsíminn er 681866. Frá Hagkaupum til Kringlunnar Stærsta verslunarmiöstöð íslands, Kringlan, opnaöi meö viöhöfn í gær. Byggingin er um 28 þúsund fer- metrar að flatarmáli og um 150 þúsund rúmmetrar að stærð. Með opnun Kringlunnar eykst verslunarrými á höfuðborgarsvæðinu um 9%. í Kringlunni verða 76 verslanir, veitinga- og þjónustuaðilar. Starfsmanna- fjöldi Kringlunnar er um um 400 manns. Bílastæðin um 1400. Með Kringlunni hefur ísland fleytt sér inn í verslunarmenningu stórborga heimsins; skapað verslunarhverfi sem er í senn fjölbreytt og alþjóðlegt. Það var Pálmi Jónsson, forstjóri og brautryíjandi Hag- kaups, sem klippti á borðann í gær, er Kringlan var opnuð. Það var ekki aðeins viðeigandi heldur einnig táknræn athöfn. Pálmi í Hagkaup, eins og hann er kall- aður á alþýðumáli, er arkitektinn á bak við Kringluna og á bak við nýja verslunarhætti á íslandi. Pálmi í Hagkaup gjörbreytti verslun á íslandi, ekki aðeins meðsöluaðferðum, heldureinnig með lækkun á vöruverði. Hann gerði það með því að opna bragga og hálfgerða skúra og selja vöruna beint upp úr pappakössunum. Með því að kaupa sjálfur inn frá út- löndum ogsniðgangamilliliði, með því að forðast yfir- byggingu og verslunarskrum, tókst Pálma í Hagkaup að bjóðaviðskiptavinum ódýraen góðavöru. En Pálmi í Hagkaup gerði meira en að bjóða ódýra vöru. Hann gjörbreytti afstöðu almennings til verslunar og til vöruverðsog hafði þarafleiðandi geysileg áhrif áaörar verslanirog samkeppni I verslun I landi. Jón Sigurðs- son viðskiptaráðherra, sagði í ræðu sinni við opnun Kringlunnar í gær, að Pálmi í Hagkaup hefði í reynd gert Verðlagseftirlitið óþarft. Það er mikill sannleikur fólginn I þeim orðum. Vilmundur heitinn Gylfason sagði oftaren einu sinni að Pálmi í Hagkaup hefði gert ASÍ óþarft. Eflaust er einnig einhver sannleikur fólg- inn í þeim orðum. Það er hins vegar staðreynd að Pálmi í Hagkauþ tók að sér það hlutverk sem sam- vinnuhreyfingunni var ætlað; hann kom góðum en ódýrum vörum til almennings um land allt. KRON bauð ekki Reykvíkingum ódýrustu og hentugustu vör- una, Pálmi í Hagkaup gerði þaö hins vegar. Þess vegna náði Pálmi í Hagkaup þeirri fótfestu sem versl- unarkeðja samvinnuhreyfingarinnar í Skandinavíu hefur náð viða á Norðurlöndum. Hagkaup hafa einnig valdið miklum og örum framförum í verslun þar sem þeir hafa reist verslanir sínar. Samkpppnin hefur gert það að verkum að aðrar verslanir hafa lækkað verð sitt og boðið betri þjónustu. Eitt nærtækasta dæmió er þegar Hagkaup opnaði stórmarkað á Akureyri. Aðeins ári síðar hafði KEA byggt stórmarkað, stóraukið vöru- úrval, bætt þjónustu sína og lækkað vöruverðið til að mæta samkeppninni. Þannig á samkeppni að vera; hún á að lokum að skila betri og ódýrari vöru til neytandans. En núerudagarbraggannaog pappakassannaliðnir. Nú hefur Hagkaup reist Kringluna, makalausasta verslunarmannvirki íslands. Við Hagkaupi hefurtekið kynslóð númer tvö. Sú gagnrýni hefur heyrst, og eink- um frá samkeppnisaðilum Kringlunnar, að hið nýja verslunarhúsnæði sé flottræfilsháttur sem eigi eftir að skila sér í hærra vöruverði. Vonandi er sú gagnrýni óréttmæt. Og vonandi tekst nýrri kynslóð Hagkaups- manna að viðhalda hinni gömlu hugsjón Pálma í Hag- kaup: Að bjóða ódýrari og betri vörur en allir sam- keppnisaðilarnir, og leiða enn þá staðreynd í Ijós, að góður einkarekstur og hagur almennings geti farið saman. Alþýðublaðið óskar eigendum og verslunar- aðilum Kringunnar til hamingju með bygginguna og óskar þeim og viðskiptavinum þeirra velfarnaðar í framtlöinni. „Milljón ár síðan svipuð staða kom upp í sólkerfinu," segir Garðar Garðarson framkvæmdastjóri. Allsérstakt mót á Snæfellsnesi, dagana 15.—17. ágúst: 55 milljónir manna sameinast í hugleiðslu Rætt við Garðar Garðarsson, framkvæmdastjóra Þrídrangs Snæfellsás '87, nefnist mót sem huldiA veróur á Arnarstapa á Snæ- fellsnesi, dagana 15.—17. ágúst. Þar veröa kynntar fornar og nýjar leiðir til könnunar veruleikans og aukinnar lifsfyllingar, segir í kynn- ingarbæklingi frá Þrídrangi, sem stendur fyrir mótinu hérlendis. Ráðgcrt er, að um 55 milljónir manns taki þátt í sameiginlegri hug- leiðslu víðsvegar um jörðina. Alþýðublaðið hafði samband við Garðar Garðarsson, framkvæmd- arstjóra Þrídrangs og mótsins, og aílaði nánari upplýsinga. „Þetta er í fyrsta sinn, sem svona mót er haldið á íslandi. Erlendis hefur það verið haldið í mörg ár, bæði í Bandaríkjunum og Bretlandi og í Bretlandi gengur það undir heitinu „Mind body spirit festival. “ „Mjög mikið er að gerast nú, og bendir allt til þess, að spádómurinn sem kominn er frá Mayaindíánum Suður-Ameríku, rætist nú um helg- ina. Hverjir standa að mótinu hér- lendis? „Þrídrangur stendur fyrir því, en einnig höfum við fengið mjög mik- inn stuðning, bæði frá félögum og einstaklingum." Hvaða samtök verða þarna? „Það verða um 50 aðilar; þar af 5 erlendis frá, og einnig verða þarna erlendir gestir með ýmsar kynning- ar. Pýramídinn er byggður upp eftir ákveðnum stærðfræðilögmálum, sem gera það að verkum, að hann dregur til sín orku, sem verður til þess að matur geymist vel, sár gróa fyrr, rakvélarblöð skerpast og það næst dýpri og betri hugleiðsla inni í honunt. M.a. hefur einn erlendur tannlæknir, þakið loft stofu sinnar með litlum pýramídum, sem að hans sögn gera það að verkum, að sár gróa fyrr, einnig er minni sárs- auki og það þarf síður deyfingu." „Mótið er byggt upp á fyrirlestr- um og ýmsu öðru og um 30 aðferðir verða kynntar. Hægt verður að fara í tjöld og láta spá fyrir sig í alls kon- ar spil, þarna verða rúnir, rithand- argreining og hlutskyggni, svo eitt- hvað sé nefnt.“ Talað hefur verið um, að 16. og 17. ágúst séu á einhvern hátt sér- stakir dagar í sólkerfinu. Hvað seg- ir þú um það? „Já, þetta er mjög sérstök staða og milljónir ára eru síðan að svipuð staða kom upp í sólkerfinu. Nú er Vatnsberaöldin að hefjast og talið er, að hún hafi miklar breytingar í för með sér.“ Nú hefur mikið verið rætt og rit- að um áhrifamátt pýramídans, þar á meðal lækningamátt, getur þú sagt mér nánar frá því? Verður pýramídi á mótinu? „Já, hann mun snúa í há-norður til að orkan náist og verður hann 81 m2 að stærð. Friðarhugleiðslan verður haldin inni í pýramídanum og mótssvæðið er skipulagt eftir sama lögmáli og hann, til að það dragi að sér sömu orku.“ Garðar sagði, að þeir yrðu í beinu sambandi við útvarpsstöð í Banda- ríkjunum, jafnframt yrði ríkissjón- varpið á staðnum og jafnvel Stöð 2 einnig. Hann sagði að áhugi fjölmiðla væri mikill fyrir þessu móti og því sem væri að eiga sér stað og hlut- verk Þrídrangs væri að koma þessu á framfæri við fólk. í bæklingi Þrí- drangs segir m.a.: Tilgangur móts- ins er að gefa áhugafólki um mann- rækt tækifæri til að hittast og miðla af reynslu sinni. Hjá Stjörnuspekimiðstöðinni fengust þær upplýsingar, að plánet- urnar í þessari kraftmiklu stöðu dagana 16. og 17. ágúst væru: Sól- in, Merkúr, Venus og Mars, með samstöðu í Ljóni. Rútuferðir á mótið verða frá Ferðabæ á Steindórsplaninu í Reykjavík. Lagt verður af stað það- an kl. 19.00 á föstudagskvöldið. Ferðir frá mótinu verða kl. 19.00 á mánudagskvöldið. Fargjaldið fram og til baka kostar 1.250 kr. Fólk er hvatt til að skrá sig inn í Ferðabæ sem fyrst vegna mikillar ~ aðsóknar og er síminn þar 623020.

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.