Alþýðublaðið - 19.09.1987, Blaðsíða 14

Alþýðublaðið - 19.09.1987, Blaðsíða 14
14 Laugardagur 19. september 1987 „BORGARARNIR SJÁLFIR ERU OKKAR ÖFLUGUSTU LIÐSMENN" Stórátak lögreglunnar til bættrar umferðarmenningar. Ökumenn sviptir ökuskírteini á staðnum ef átæða þykir til. Ökutæki í Reykjavík komin upp í 49.300. Mikið kapp er nú lagt á að halda ökuhraða niðri. Lögreglan í Reykjavík hefur nú hafið öfluga herferð gegn þeim sem aka eins og vitfirringar um götur borgarinnar. Hefur mikill árangur af því starfi þegar komið í Ijós og er meiningin að herferð þessari verði haldið áfram. Alþýðu- blaðið kom að máli við Arnþór Ingólfsson að- stoðaryfirlögregluþjón og innti hann nánar eftir því í hverju þetta átak vœri sérstaklega fólgið. Arnþór Ingólfsson, aðstoðaryfirlögregluþjónn umferðardeildar lögreglunnar í Reykjavík í viðtali „Við höfum nú undanfarið gert mikið átak i þá átt að halda öku- hraða bifreiða niðri í umferðinni. Þetta er þó ekki alveg nýtt af nál- inni, því að undanfarin ár hefur jafnan verið hert á þessu eftirliti, vegna þess að á þessum tíma árs eru skólar að byrja og þetta átak sem er í gangi núna er aðeins einn þáttur- inn í því sem við erum að gera. En í ár höfum við víkkað þetta dálítið út, vegna þess að hinn almenni lög- reglumaður sem hefur tilheyrt svo- kallaðri almennri deild hjá okkur, hann hefur ekki dregist inn í þessi mál áður eins mikið og hann gerir núna. Þannig að það eru fleiri aðil- ar sem eru að vinna að þessum mál- um núna á sama tíma. Meiri þungi lagður í þennan þátt ntálsins og starfsemin víkkuð verulega út, vegna þess að það er mikil fjölgun á öllum ökutækjum. Og ekki lagað- ist það nú neitt við bílaútsöluna í fyrra, en þá varð geysileg aukning ökutækja á götunum. Og allt miðar þetta að því að reyna að ná niður þessum óhetnju árekstrarfjölda sem hefur dunið á okkur undan- farna mánuði.“ — Og þið fáið sem sagt götulög- regluna með ykkur inn íþetta átak? „Já, við virkjum hana meira. Þetta er ekki í þá veru að við fáum neina fjölgun á mannskap. Og þetta er ekki heldur í þá veru að við séum að afla okkur aukatekna, þannig að þetta lendi inn í aukavinnu hjá okk- ur. Hér er einungis um að ræða spurningu um stjórnun og hagræð- ingu á milli deilda, þannig að nýt- ingin á mannskapnum verði betri og meiri.“ — En hverjar eru tölur yfir um- ferðarslys á síðustu árum? „Updanfarnar vikur og mánuði hafa verið um 30 árekstrar á hverj- um sólarhring. Og uop í 43 árekstra, það er hæsta talan sem ég man eftir. Föstudagar og mánaðamót Það var reyndar á föstudegi og einnig hittist þannig á að þá voru mánaðamót, en það er alltaf erfitt þegar það fer saman. En hvort sem að það er nú þessu átaki okkar að þakka sem hefur verið í gangi und- anfarið og ég vona að sé nú að hluta til, þá er þetta komið niður fyrir 20 árekstra á sólarhring núna. Þannig að árangurinn sýnist okkur vera

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.