Alþýðublaðið - 19.01.1988, Blaðsíða 4

4
Þriðjudagur 19. janúar 1988
SMAFRETTIR
mm
Oflugt starf
hjá Alþýðu-
flokksfélagi
Kjalnesinga
Alþýðuflokksfélag Kjalnes-
inga hélt sinn fyrsta aðalfund
eftir blómlegt fyrsta starfsár.
í frétt frá félaginu segir að
starf þess hafi aðallega farið
í að reyna að koma reglu á þá
stjórnmálalegu upplausn
sem rlkti í sveitarsfjórnarmál-
um á Kjalarnesi:
„í þessu sambandi má
benda á myndarlegt átak full-
trúa Alþýðuflokksins I sveit-
arstjórn við að koma reglu á
mál Hitaveitu Kjalarness, en
þau afskipti hafa leitt til
þess, að staða hitaveitunnar
er nú allt önnur og betri.
Einnig vinnur Alþýðuflokksfé-
lag Kjalnesinga að þvl að
tengja Hitaveitu Kjalarness
við 'stærra veitusvæði til að
fá fram hagkvæmari rekstur
og.lægra orkuverð.
í skólamálum nægir að
benda á mikið starf I skóla-
nefnd Klébergsskóla og
byggingu nýs grunnskóla-
húss, en bygging skólahúss-
ins komst mestan part á
vegna starfs Alþýðuflokksfé-
lagsins.
Fleiri málaflokka mætti
nefna, þar sem félagar I Al-
þýðuflokksfélagi Kjalnesinga
hafa lagt lóð á vogarskálarn-
ar, s.s. brunamál, bygginga-
mál, æskulýðsmál og at-
vinnumál.
Vandamál Grundarhverfis
eru þau helst að meirihluti
sveitarstjórnar hefur sýnt því
lltinn áhuga, svo ekki sé
meira sagt, að hefja fullnað-
arfrágang gatna og gangstíga
og opinna svæða og segja
má að ásýnd hverfisins sé
ömurleg og er mál að fjand-
skap meirihluta sveitarstjórn-
ar við hverfisbúa linni.
Haldnir hafa veriö 9 fundir
I Alþýðuflokksfélagi Kjalnes-
inga á þessu starfsári og
hafa málefni kjördæmisins í
heild verið mikið áhugamál
félaga. Nægir þar að nefna
fyrirhugaðan neðanbyggöar-
veg.
Þingmenn kjördæmisins
þeir Kjartan Jóhannsson og
Karl Steinar Guðnason hafa
mætt á almennum fundum í
félaginu og Jóhönnu Sigurð-
ardóttur félagsmálaráðherra
var send stuðningsyfirlýsing
á árinu til stuðnings hús-
næðisfrumvarpinu."
Samgöngur um
Hvalfjörð
Bæjarstjórn Akraness hef-
ur sent frá sér ályktun þar
sem fagnað er umfjöllun um
vegatengingu yfir utanverðan
Hvalfjörð, annað hvort með
byggingu brúar eða gerð jarð-
gangna.
í samþykkt sem gerð var á
bæjarstjórnarfundi þann 12.
janúar segir ennfremur:
„Fyrir Alþingi liggur þings-
ályktunartillaga þingmanna
Vesturlandskjördæmis og
Ólafur Bjarnason, verkfræð-
ingur, hefur tekið saman
greinargerð um brúargerð um
Hvalfjörð. Brú yfir Hvalfjörð
eða jarðgöng undir er fyrir
alla byggð á Vesturlandi,
Vestfjörðum og Norðurlandi
veruleg samgöngubót svo og
alla þá sem feröast að og frá
höfuðborgarsvæðinu um
Vesturlandsveg. Lausleg
könnun bendir til þess að
gerö brúar yfir Hvalfjörð eða
jarðgangna undir Hvalfjörö
sé þjóðhagslega hagkvæm
auk þess sem slik tenging
mun skjóta stoðum undir at-
vinnullf á Vesturlandi og
verða lyftistöng nýjum at-
vinnutækifærum.
Bæjarstjórn Akraness
fagnar þeirri umfjöllun sem
oröið hefur um þetta brýna
hagsmunamál og beinir þeirri
áskorun til fjárveitingavalds-
ins að tryggja Vegagerð ríkis-
ins fjármagn til þess að
kosta nauðsynlegar rann-
sóknir. Einnig er þeirri áskor-
un beint til samgönguráð-
herra að hann skipi nefnd
sem geri áætlun um kostnað
við þær framkvæmdir sem til
greina, koma, kanni arðsemi
mannvirkisins og möguleika
á fjármögnun þess.“
Fáir skráðir
atvinnuleysis-
dagar
Færri atvinnuleysisdagar
voru skráðir í desembermán-
uði 1987 en í nokkrum öörum
desembermánuði á þessum
áratug. Þetta kemur m. a.
fram i yfirliti um atvinnu-
ástandið sem félagsmála-
ráðuneytið hefur sent frá sér.
Skráðir atvinnuleysisdagar
voru rösklega 14 þúsund á
landinu öllu, sem jafngildir
því að 650 manns hafi aö
meöaltali verið á atvinnu-
leysisskrá allan mánuöinn en
það svarar til 0,5% af áætluð-
um mannafla á vinnumarkaði
I mánuðinum samkvæmt spá
Þjóðhagsstofnunar.
Hins vegar fjölgaði skráð-
um atvinnuleysisdögum veru-
lega I desember frá mánuðin-
um á undan eða um rösklega
8 þúsund og hlutfall atvinnu-
lausra af mannafla jókst úr
0,2% í 0,5%. Hérerfyrst og
fremst um reglubundna árs-
tíðasveiflu að ræða þó aukn-
ingin milli mánaða sé í meira
lagi miðað við undanfarandi
ár.
Þrátt fyrir þessa aukningu
milli mánaða var þegar á
heildina er litið atvinnustigið
í nýliðnum desembermánuði
betra en um langt árabil.
Þannig voru á áratugunum
1977—1986 að meðaltali
skráðir21 þúsund atvinnu-
leysisdagar í desembermán-
uði en á tímabilinu
1982—1986, að báðum árum
meðtöldum, var meðaltal
skráðra atvinnuleysisdaga 36
þúsund. Þegar þessar tölur
eru bornar saman við út-
komuna nú ber þó að hafa í
huga að á umræddu tfmabili
hefur tvennt gerst, sem áhrif
kann að hafa haft á niður-
stöðuna. í fyrsta lagi aö með
breytingu á lögum um at-
vinnuleysistryggingar á árinu
1981 var rétturtil atvinnu-
leysisbóta meiri og bótatíma-
bil lengra en áður og ( annan
stað voru í ársbyrjun 1986
sett lög um greiðslu Atvinnu-
leysistryggingasjóðs vegna
fastráðningar fiskvinnslu-
fólks.
Á
r
iilpágp* >; í; | £ H 4; ■

BREYfTUR
persónuafsláffun
Nú14.797kr.
fyrirhvem mánuð
Persónuafsláttur í staðgreiðslu opin-
berra gjalda hefur verið ákveðinn 14.797
krónur fyn'r hvem mánuð á tímabilinu jan.-
júnf 1988.
Þessi breyting á persónuafslætti hefur
ekki í för með sér að ný skattkort verði gefin úttil
þeirra sem fengu sín skattkort fyrir 28. des. sl.,
heldur ber launagreiðanda að hækka persónu-
afsláttinn við útreikning staðgreiðslu.
Til þess að þeir, sem fengu skattkort sín
útgefin fyrir 28. desember 1987, fái notið rétts
afsláttar ber launagreiðanda að hækka þann
persónuafslátt, sem fram kemur á þessum
skattkortum og aukaskattkortum (öllum
grænum og gulum kortum), um 8,745%
(stuðull 1,08745).
Mikilvaegt er að launagreiðandi breyti ekki
upphæðinni á sjálfu skattkortinu. Sú upphæð á
að standa óhreyfð til ársloka. Hins vegar ber að
taka tillit tíl orðinnar hækkunar við útreikning
staðgreiðslu. Launamaður má ekki heldur
breyta upphæðinni sem fram kemur á skatt-
kortí hans. Hann afhendir launagreiðanda kort-
ið óbreytt nema hann fái aukaskattkort.
Skattkort sem gefin eru út 28. desember
og síðar bera annan lit en þau skattkort sem
gefin voru út fram að þeim tíma. Þau skattkort
munu sýna réttan persónuafslátt fyrir tímabilið
janúar-júnf 1988 og þarf því ekki að hækka
persónuafslátt þann sem þar kemur fram við
útreikning staðgreiðslu.
Heimilt er að millifæra 80% af ónotuðum
persónuafslætti til maka. Þetta gildir bæði um
hjón og sambúðarfólk, sem hefur heimild tíl
samsköttunar.
Launagreiðandi millifærir persónu-
afsláttinn, þannig að hann tekur tillit til 80%
þeirrar upphæðar sem fram kemur á skatt-
korti og aukaskattkorti maka, hafi það verið
afhenthonum.
Launagreiðendur afhugið
að hœkka upphœð persónuafsiáttar
á eldri skatlkortum um 8,745%
RSK
RÍKISSKATTSTJÓRI