Alþýðublaðið - 08.04.1988, Blaðsíða 3

Föstudagur 8. apríl 1988
3
EKKI
M
I
Jón Baldvin Hannibalsson
fjármálaráöherra segir
ástæöulaust aö gera veður út
af því að hugsanlega verði
fengin erlendur ráðgjafi til að
endurskipuleggja heilbrigöis-
kerfið. Ekki sé verið að
breyta yfir i bandarískt kerfi,
heldur einungis verið að
kaupa þekkingu af mönnum
sem kunni fyrir sér i stjórn-
un. Verði af þessu muni inn-
lendir sérfræöingar starfa
meö hinum erlendu. Segir
hann að málið verði kynnt
heilbrigöisráðherra þegar
það sé komið á tillögustig.
I samtali við Alþýðublaðið
segir fjármálaráðherra, að
það sé skoðun út af fyrir sig
að til séu í landinu menn
með næga þekkingu og
reynslu af stjórnunármálum í
heilbrigðisgeiranum og þeim
ætti ekki að verða skotaskuld
úr því að skila vandaðri
skýrslu um hvernig mætti
FRÉTTIR
Jón Baldvin Hannibalsson um úttekt á heilbrigðiskerfinu:
VERIO AD BREYTA YFIR
RANDARÍSKT KERFI
spara, nýta betur og bæta
stjórnun. Hins vegar séu til
margar skýrslur og álitsgerðir
um þessi mál, aðallega í
þörtum. Og þeir menn sem
búi yfir mestri reynslu og inn-
anhúsþekkingu á sjúkrahús-
stjórnun, séu yfirleitt starf-
andi í kerfinu. „Þeir menn eru
út af fyrir sig ekki á lausu,
sem eru óháðir kerfinu sjálfu
og gætu skoðað það frá núll-
þunkti".
Segir hann að þó erlent
ráðgjafafyrirtæki verði kvatt
til, gerist það ekki með
neinni hókus-pókus aðferö. Á
undan þurfi að gera greinar-
góða úttekt á heilbrigðiskerf-
inu, og lýsingu á helstu fjár-
straumum og stjórnkerfi, auk
ábendinga af fenginni
reynslu um hvar verst sé farið
með fé. „Þetta væri sá efni-
viður sem lagöur væri á borð-
ið hjáerlendu ráðgjöfunum.
Það sem þeir heföu fyrst og
Jón Baldvin Hannibalsson.
fremst fram að færa, er mikil
og sönnuð reynsla að ná nið-
ur kostnaði í svona stjórnun,
og sá höfuðkostur að þeir
eru algjörlega óháðir þessu
kerfi“. Það sé Ijóst að bæði
þurfi að vinna forvinnu og
eins þurfi innlendir sérfræð-
ingar að starfa með slíkum
ráðgjöfum. „Það er alveg
ástæðulaust að gera veður út
af hvort hann er innlendur
eða erlendur."
Segir Jón Baldvin að í
samtölum sinum við heil-
brigðisráðherra, sem hefur
langa reynslu úr fjárveitinga-
nefnd, hafi komið í Ijós að
þetta sé mikið nauðsynja-
verk. Útgjaldasprenging sé
að gerast í heiIbrigöiskerfinu,
og sé hún afleiðing þess að
gríðarlegar stofnanir hafi ver-
ið byggðar upp á undanförn-
um árum og éti þær upp
stofnkostnað sinn á 2 til 2Vz
ári.
Varðandi ummæli heil-
brigðisráðherra að skrýtið sé
að jafnaðarflokksráðherra
leiti til bandarísks ráðgjafa,
þar sem bandariska heil-
brigðiske’rfið sé dýrt, segir
Jón Baldvin að þau séu út í
hött. „Það er enginn aö tala
um að taka upp bandarískt
heiIbrigöiskerf i, það er verið
að tala um að kaupa sér
þekkingu mannasem kunna
fyrir sér í stjórnun. Banda-
rikjamenn eru á sumum svið-
um framarlega í stjórnun,
ekki öllum, en það er Ijóst að
íslendingar eiga flest ólært í
stjórnun.“
Að sögn fjármálaráðherra
hafa þessar hugmyndir hing-
að til verið ræddar i fjármála-
ráðuneytinu og hagsýslu-
stofnun, þær séu ekki komn-
ar á það stig að hægt sé aó
leggja tillögur fyrir heilbrigó-
isráðherra. „Þaö verður að
sjálfsögðu gert i góðri sam-
vinnu við hann“, segir Jón
Baldvin Hannibalsson fjár-
málaráðherra.
Byggðastofnun selur Stokkfisk
STOFNAÐ HLUTAFÉLAG
í Reykjadal:
UM REKSTURINN
Þessa dagana er verið að
vinna að stofnun hlutafélags
á Norðurlandi, um kaup og
rekstur á fiskverkunarhúsi og
búnaði Stokkfisks á Laugum
í Reykjadal sem sleginn var
Byggðastofnun á nauðungar-
uppboði í janúar. Stjórn
Byggðastofnunar hefur sam-
þykkt að selja hinu nýja
hlutafélagi fyrirtækið ef af
stofnun þess verður en
Byggðastofnun mun jafn-
framt verða aðili að hluta-
félaginu.
Aðrir aðilar sem samþykkt
hafa að verða meðeigendur
eru Reykdælahreppur, Fisk-
iðjusamlag Húsavikur og
Kaldbakur. Einnig standa
vonir til að Utgerðarfélag
Akureyringa hf. verði með-
eigandi en beðið er eftir aðal-
fundi þess um endanlega
staðfestingu.
Stokkfiskur var sleginn
Byggðastofnun á 10,5 milljón-
ir króna á nauðungaruppboði
en meðal annarra kröfuhafa f
eignirnar voru Fiskveiðasjóð-
ur, Búnaðarbanki Islands,
Fiskimálasjóður, Kfeyrissjóðir
o. fl. Eigandi Stokkfisks var
Þorsteinn Ingason og munu
kröfur i þrotabúið hafa numið
á bilinu 35-40 milljónum
króna.
Að sögn Guðmundar
Malmquist forstöðumanns
Byggöastofnunar hefur Fisk-
iðjusamlag Húsavíkur haft
fyrirtækið á leigu undanfarið
og haldið uppi fullum rekstri.
Eru þar þurrkaðir fiskhausar
fyrir Nígeríumarkað. Unnin
eru 70-90 tonn af hausum í
hverri viku, veitir fyrirtækið
um 20 manns atvinnu á
svæðinu og eru rekstrarhorf-
ur góðar.
STAL I STAL HJA VR OG VINNUVEITENDUM
Magnús L. Sveinsson formaður VR segir fólk ekki vilja vinna á laugardögum, og það vilji að ákvœði um
laugardagsopnun verði tekið úr samningum. Jón Ásbergsson forstjóri Hagkaups segir að kynningu hafi
algjörlega skort á opnunarákvœðunum hjá VR.
Magnús L. Sveinsson for-
maður Versiunarmannafélags
Reykjavíkur segir að verkfall
sem boðað hefur verið hjá
starfsfólki matvöruverslana
og stórmarkaða 14. april n.k.
sé tilkomiö vegna óánægju
fólks með að þurfa að vinna
á laugardögum, og fólk hafi
ekki treyst ákvæðum um
samkomulag i þeim efnum.
Jón Ásbergsson forstjóri
Hagkaups segir ósanngjarnt
að taka þessi fyrirtæki út úr.
Segir hann ástæðuna fyrir að
samningurinn var felldur vera
þá, að kynningu á laugar-
dagsopnunarákvæðunum
hafi algjörlega skort hjá VR.
Ástæðuna fyrir því að ein-
ungis er boðað verkfall hjá
því fólki er vinnur í matvöru-
verslunum og stórmörkuöum
segir Magnús í samtali við
Alþýðublaðið, vera þá, að
vinnutími þess sé slfkur aö
það uni því mjög illa. „Þaö
var fyrst og fremst fólk úr
þessum greinum sem mætti
á félagsfundinn, og lýsti
mikilli óánægju og ugg út af
laugardagsvinnu í sumar. Það
var þetta fólk sem felldi
samningana, og vildi með því
leggja áherslu á að það væri
tryggt, að það ætti frí á laug-
ardögum yfir sumarmánuðina
Magnús L. Sveinsson.
þrjá, sem það taldi ekki alveg
öruggt með því ákvæði sem
varísamningunum. Þess
vegna töldum við að fyrsta
skrefið ætti að vera að þrýsta
á þau fyrirtæki þar sem þetta
brennur heitast á fólkinu."
Varðandi hvort til allsherj-
arverkfalls kæmi segir
Magnús, að það muni koma
til skoðunar, skili þessar
aðgerðirekki árangri. Þeir
vonist hins vegar til að þess-
ar aðgerðir séu nógu kröftug-
ar til að vinnuveitendur átti
sig á því að þeir verði að
semja. „í samningnum sem
var felldur, var ákvæði sem
fólk var hrætt við, þar sem
gert var ráð fyrir að heimilt
væri að taka upp viðræður
við vinnuveitendur um breyt-
ingar, en sú breyting væri
háö meirihluta samþykki
starfsfólksins. En fólkið bara
treysti því ekki einu sinni að
vinnuveitendur myndu virða
þá niðurstöðu. Það er svona
óttaslegið fólkið, það vill fá
það ákvæði út, þannig að
það liggi fyrir að verslanir
eigi að vera lokaðar á laugar-
dögum í júní, júlí og ágúst.“
Að sögn Magnúsar er gert
ráö fyrir í samningsdrögum
þeirra, að enginn fái minna
en kr. 2.400 hækkun strax, en
það sé 400 krónum meira en
i Akureyrarsamningnum.
„Þannig að við gerum okkur
fulla grein fyrir að þar er ekki
mikið svigrúm."
Jón Ásbergsson forstjóri
Hagkaups segir að ekki sé
nauðsyn að hafa opið alla
laugardaga ársins, en hins
vegar hafi ákvæðiö i samn-
ingnum um samkomulag um
opnunartíma ekki verið nægi-
lega kynnt. „Ég get vel skilið
Jón Ásbergsson.
að samningurinn hafi verið
felldur eins og hann var
kynntur, hann var eins og
óútfylltur vixill. Ég undra mig
ekkert á því að fólk hafi sett
sig í varnarstöðu gagnvart
þessu ákvæði eins og það
var sett fram," segir Jón.
Segir hann að fyrir hafi
legið drög að skiptivinnu, er
tryggði fastráðnu starfsfólki
fimm daga vinnuviku, og
laugardagsvinnan hafi dreifst
þannig að fimmti hver laugar-
dagur var unninn. Eða að lok-
að yrði alveg á laugardögum í
júli og fram i ágúst, og fast-
ráðnu starfsfólki tryggt að
þurfa aðeins að vinna einn
laugardag af þeim fimm sem
eftir væru. Þetta væri auðvelt
viðfangs á sumrin vegna
fjölda lausráöins skólafólks.
„En þetta hefur ekki fengist
neitt rætt,“ segir hann. Versl-
anir geti verið opnar í
nágrannabyggðalögunum og
því sé hætta á að missa við-
skiptavinina.
Að mati Jóns er ósann-
gjarnt að taka tvenns konar
fyrirtæki út úr og boða verk-
fall hjá þeim. „En það
kannski sýnir það að VR telur
sig ekki geta fengið almenna
félagsmenn sina, á skrifstof-
um og vfðar til að fara í verk-
fall. Eg held að það sé eng-
inn sérstakur verkfallshugur í
launþegum yfirleitt.“
í gær var fundur deiluaðila
með sáttasemjara og tóks
ekki að fá fregnir af honum
áður en blaðið fór í prentun.
Fyrir fundinn sagði Magnús
L. Sveinsson að bjartsýnin
væri ekki of mikil, en þó væri
von á meðan menn töluðust
við. „Þetta er stál i stál,“
sagði Jón Ásbergsson.