Alþýðublaðið - 09.04.1988, Blaðsíða 10

Alþýðublaðið - 09.04.1988, Blaðsíða 10
10 Laugardagur 9. apríl 1988 ALBfB«BlMia Útgefandi: Blaö hf. Framkvæmdastjóri Valdimar Jóhannesson Ritstjóri: Ingólfur Margeirsson Fréttastjóri: Kristján Þorvaldsson Umsjónarmaður helganblaðs: Þorlákur Helgason Blaðamenn: Haukur Holm, Ingibjörg Árnadóttir, Ómar Friðriksson, og Sigríður Þrúður Stefánsdóttir. Dreifingarstjóri: Þórdfs Þórisdóttir Setning og umbrot: Filmur og prent, Ármúla 38. Prentun: Blaðaprent hf., Síðumúla 12. Áskriftarsíminn er 681866. Dreifingarsími um helgar: 18490 Áskriftargjald 700 kr. á mánuði. í lausasölu 50 kr. eintakið virka daga, 60 kr. um helgar. KOSTIR VIRÐIS- AUKASKATTSINS Næstkomandi mánudag veröa lögð fram um 40 stjórnar- frumvörp á Alþingi. Meðal þeirra er frumvarp um upptöku virðisaukaskatts sem leysirsöluskatt af hólmi. Hugmynd- in um virðisaukaskatt er síður en svo ný af nálinni. Undan- farna tvo áratugi hafa stjórnvöld velt þeim möguleika fyrir sérað takaupp virðisaukaskatt í stað söluskatts. Fyrst var lagt fram lagafrumvarp um virðisaukaskatt á Alþingi haustið 1983 og þá aðeins til kynningar. Síðan voru lögð fram frumvörþ um sama mál í tvígang, haustið 1984 og 1986 en þau hlutu ekki afgreiðslu. Því er frumvarp um virðisaukaskatt lagt fram í fjórðasinn á Alþingi. Það atriði sem hefur vafist einna mest fyrir mönnum hingað til eru áhrif virðisaukaskatts á framfærslukostnað heimilanna, og þáeinkum á verð matvöru. Þarsem matvörur hafa verið undanþegnar söluskatti allt frá árinu 1978, hefði virðis- aukaskattur sem leggst jafnt á allar neysluvörur, þýtt hækkun á matvörum. Forsendurnar eru nú hins vegar gjörbreyttar. Frá og með síðustu áramótum hefur undan- þágum frá söluskatti verið fækkað verulega, þar á meðal var söluskattur lagður á matvæli. Þær hliðarráðstafanir sem jafnan voru á dagskrá samhliða uþptöku virðisauka- skatts, komu auk þess flestar til framkvæmda við skatt- kerfisbreytinguna um áramótin. Kostir virðisaukaskattsins eru margir. í fyrsta lagi bætir skatturinn samkeþpnishæfni íslensks atvinnulífs gagn- vart erlendum keppinautum. Allar helstu viðskiptaþjóöir íslendinga hafa fyrir löngu tekið uþþ virðisaukaskatt. Þar af leiðandi standa erlend fyrirtæki mun betur að vígi en íslensk vegna uppsöfnunar á söluskatti sem verður í inn- lendri framleiðslu. Ónákvæmum og handahófskenndum aðferðum hefurverið beitt við endurgreiðslu á uppsöfnuð- um söluskatti til útflutningsfyrirtækja. í öðru lagi jafnar virðisaukaskatturinn aðstöðumun innanlands, meðal annars vegna þess að upþsöfnunaráhrifin verða meiri sem flutningskostnaður er þyngri. í þriðja lagi hefur viröisaukaskattur ekki áhrif á eðlilega verkaskiptingu í atvinnurekstri þar eð hann einfaldar alla bókhaldsþjón- ustu. í fjórða lagi innheimtist virðisaukaskatturinn betur en söluskattur og bein tilefni og möguleikar til undan- dráttarverða minni. í fimmta lagi leiðir virðisaukaskattur- inn til lægra vöruverðs þar eð prósentuhlutfall hans verð- ur 22% í stað 25% söluskatts eins og nú er. Það sem einna helst hefur verið fundið virðisaukaskatt- inum til foráttu er að honum fylgi mikil skriffinnska og fyrirhöfn, mun meiri en söluskattinum. Að nokkru leyti eru þessar staðhæfingar byggðar á misskilningi. Skattgreið- endum fjölgar vissulega en á móti kemur að skattskil verða framvegis aðeins á tveggja mánaða fresti í stað mánaðarlegs upþgjörs á söluskatti. En fyrst og fremst er virðisaukaskatturinn bein leið út úr handónýtu og götóttu söluskattskerfi sem hefur neikvæðar hliðarverkanir eins og mismunun og lélegt skatteftirlit. Nágrannalönd okkar hafa öll tekið upp virðisaukaskatt. Það er tímabært að íslendingar einfaldi skattkerfi sitt og geri það réttlátara. Ingólfur Guöbrandsson: Pólýfónkórinn nýtur engra styrkja og ekki meiri viöurkenningar en svo, aö Ríkis útvarpiö hafnaöi upptöku á hátíðartónleikunum. Ingólfur Guðbrandsson um viðurkenningu þá sem Pólýfónkórinn nýtur eftir þrjátíu ára starf: „ÓLAUNAÐ STARF MITT EINSKIS METIГ Sönghátíð Pólyfón- kórsins verður haldin í dag, en þrjátíu ár eru liðin frá stofnun kórs- ins. Asamt kór flytja Sinfóníuhljómsveit ís- lands og fjöldi gesta- leikara fjölbreytta efnis- skrá. Alls taka um 220 manns þátt í flutningn- um. Pólýfónkórinn á að baki merka sögu og er af mörgum talin hafa breytt tónlistarmenning- unni í landinu. Mörg af þeim verkum sem kór- inn hefur flutt þykja með því metnaðarfyllsta sem fram hefur komið í íslensku tónlistarlífi. Þá hefur kórinn hlotið fjölda viðurkenninga er- lendis. Stofnandi og stjórnandi kórsins er Ingólfur Guðbrandsson. Alþýðublaðið rœddi við Ingólf og spurði hvernig hann sjálfur mœti þátt Pólýfónkórsins í ís- lensku tónlistarlífi: „Það er ekki gott fyrir mig að svara þessu, og auðvitaö annarra að meta það. En á síðustu þremurtil fjórum ára- tugum hafa orðið gagngerar breytingar f íslenskum menn- ingarmálum. Margar listgrein- ar hafa blómstrað og sem betur fer njóta þær nú viður- kenningar og stuðnings almennings og fjárveitinga- valdsins. Því er ekki svo farið með Pólýfónkórinn, — þótt telja megi hann eina af gild- um stoðum íslensks tónlist- arlífs frá því hann hóf göngu sína fyrir þrjátíu árum. Nýtur hann enn engra styrkja, og ekki meiri viðurkenningar en svo að Ríkisútvarpið hafnaði upptöku á hátíðartónleikun- um. Það vekur spurn um hvað við höfum með ríkisútvarp að gera, — sem ekki telur sig hafa neinar menningarlegar skyldur og hundsar umfjöllun og varðveislu þess sem slðar meir gæti talist hafa heimild- argildi og vonandi eitthvert listrænt gildi. Hljóðritanir kórsins á nokkrum gildustu tónverkum sögunnar munu halda nafni hans á lofti þótt starfsemin leggist nú niður vegna þessa fálætis. Starfsemi Pólýfónkórsins er miklu hærra skrifuð erlendis, eins og ráða má af framansögðu, því kórnum eru alltaf að berast boð um hljómleikahald erlendis og þátttöku I erlendum lista- hátíðum. Nú liggja fyrir boð frá ítallu, Portúgal og Ameríku, en nýjasta boðið barst okkur fyrir tveimur dög- um þar sem kór og hljóm- sveit er boðið I hljómleika- ferð til Indlands fyrir milli- göngu stjórnvalda þar.“ — Ertu að segja að stjórn- völd á Indlandi kunni jafnvel betur að meta starfsemina, en íslensk stjórnvöld? „Ég læt nægja það sem ég hef sagt.“ — Ertu sár yfir þessum endalokum? „Ég er auðvitað sár yfir því, að ólaunað starf mitt I þrjátíu ár er einskis metið. Veist þú um einhvern sem vill vinna þrjátíu ára starf launalaust án þess að fá þakkir fyrir?“ — En virðing fyrir kórnum hefur vaxiö. í Morgunblaðinu 'í gær eru þér og kórnum færðar þakkir fyrir mikið starf. Sérstakar greinar þess efnis rita þeir Jón Ásgeirs- son tónskáld og dr. Sigur- björn Einarsson biskup? „Kórinn hefur alltaf átt sér aðdáendur I þröngum hópi, — allt frá stofnun. En ef til er menningarforysta á íslandi, sem ég verð hvergi var við, þá lætur hún sér þetta starf engu skipta."

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.