Alþýðublaðið - 25.11.1988, Side 2

2
Föstudagur 25. nóvember 1988
MÞYBUMBIfi
Útgefandi: Blað hf.
Framkvæmdastjóri: Hákon Hákonarson
Ritstjóri: Ingólfur Margeirsson
Fréttastjóri: Kristján Þorvaldsson
Blaðamenn: Friðrik Þór Guðmundsson, Haukur Hóím
og Sólveig Ólafsdóttir.
Dreifingarstjóri: Þórdls Þórisdóttir
Setning og umbrot: Filmur og prent, Ármúla 38.
Prentun: Blaðaprent hf., Slðumúla 12.
Áskriftarsíminn er 681866.
Áskriftargjald 800 kr. á mánuði innanlands. I lausasölu 50 kr. eintakið.
AÐ VINNA SAMAN
Skoðanakannanir um fylgi við stjórnmálaflokka vekja
ævinlega nokkraathygli. Þó að í þeim gæti dægursveiflna
þá gefa þær vísbendingar um hug kjósenda og segja til
um hlýðni við flokka. Með stuttu millibili hafa tveir fjöl-
miðlar greint frá niðurstöðum kannana sem fram-
kvæmdar voru með um það bil tveggja vikna tímabili.
Annars vegar er um að ræða þjóðmálakönnun Morgun-
blaðsins sem Félagsvísindastofnun Háskóla íslands
gerði 9.-14. s.l. og hins vegarsímakönnun DV sem varfram-
kvæmd í þessari viku. Athugun Félagsvísindastofnunarer
forvitnileg. Hún staðfestir að kjósendur eru ekki allt of
uppteknir af einstökum flokkum. Framsóknarflokk helst
einna best á fylgismönnum, þar sem 7 af hverjum 10 hafa
ekki yfirgefið flokkinn frá síðustu kosningum. Alþýðu-
flokki fylgja hins vegar aðeins 4 af hverjum 10 úr síðustu
kosningum. Aðrir hafa annað hvort yfirgefið flokkinn eða
eru í biðstöðu. Lausafylgi hrúgast sem fyrr á Kvennalist-
ann, en ef tölur eru skoðaðar eru háttvirtir kjósendur ein-
hvers staðar áflakki. Aðeins 42% af þeim sem játa stuðn-
ing við einhvern flokkanna segjast gera það af því að þeir
séu ánægðir með flokkana. Oánægja meö aðra flokka
ræðurvali 37% kjósenda. Það ersvolítið undarleg niður-
staða að það skuli vera álíka gagnlegt fyrir forystumenn
flokkanna að efla óánægju með aðra flokka eins og að
eyða púðri í að sannfæra kjósendur um ágæti síns eigin
flokks. Kvennalistinn sem hefur verið utan við lands-
stjórnina, flýtur mest á því að hinir flokkarnir eru í augum
kjósenda ennþá verri kostur en þær.
Alþýðuflokkurinn hefur fengið heldur bágt hjá þjóðinni
allt frá því að ríkisstjórn Þorsteins Pálssonar var mynduð.
Ráðherrar flokksins urðu samnefnarar þess sem aflaga
fór í rlkisstjórn Þorsteins. Niðurstaðan í könnunum
Félagsvísindastofnunar og DV bendir til þess að væntan-
legir kjósendur vilji skýrari línur í pólitíkinni. Um miðjan
nóvember eru aðeins 6 af hverjum 10 kjósendum Alþýðu-
flokksins við síðustu alþingiskosningartilbúnirað greiða
flokknum atkvæði. Hann hefur stærstan hóþ allra þeirra
sem eru í biðstöðu.
Um síðustu helgi urðu ef til vill þáttaskil. Formenn Al-
þýðuflokks og Framsóknar tóku viljandi eða óviljandi af
skarið og sendu með eftirminnilegum hætti skilaboð út í
þjóðfélagið, erþeirávörpuðu sællarminningarflokksþing
hvor annars. í skoðanakönnun DV nú að loknum flokks-
þingum kemur endurvarþ frá þjóðinni. Alþýðuflokkur
eykur fylgi sitt um tæp 50% frá því í seþtemþer og Fram-
sókn bætir merkjanlega við sig fylgi. Samanlagt eykst
fylgi þessara flokka úr 32,3% f 39,6%. Á sama tíma missir
Alþýðubandalagið, þriöji ríkisstjórnarflokkurinn, líklega
þriðjung.
Formaður Alþýðuflokksins lætur hafa það eftir sér að
stórkostlega fylgisaukning Alþýðuflokks sé vegna þess
að fólk brennimerki flokkinn ekki lengur fyrir gjörðir fyrri
ríkisstjórnar. Þessi skýring ervitanlegaekki fullnægjandi.
í könnun Morgunblaðsins fyrir hálfum mánuði sýndu
fylgistölur Alþýðuflokks allt annað en nú. Þá var fylgið við
flokkinn nákvæmlega það sama og DV mældi í seþtem-
ber. Nú að afstöðnu flokksþingi bætir Alþýðuflokkur
helmingi viðsig. Líklegastaskýringin áfylgisaukningunni
er sú að formennirnir Steingrímur og Jón Baldvin réttu
þjóðinni hjálparhönd með táknrænum ávörpum á flokks-
þingunum. Þettaskulu menn hafa i huga. Engin skýring er
nærtækari. Þetta eru skilaboð frá þjóðinni um að menn
vinni saman. í hönd fara válegir tímar. Því hafa for-
mennirnir báðir hvíslað að þjóðinni. Þeir verða að taka á
málum sameiginlega. Fólk vill nánari samvinnu þeirra lýð-
ræðisafla sem standa að flokkunum þáðum.
ÖNNUR SJÓNARMJÐ
„Vestur í Ameríku hafa bændur
uppgötvað að óþarfi er að eyða
fjármunum i pipuhlið. Nóg er að
mála rendur á veginn," segir i
Eystrahorni.
í bæjarblaðinu Eystrahorni á
Höfn í Hornafirði fór fram all
merkileg umræða 17. nóvem-
ber sl. um pípuhlið, málaðar
rendur á vegum og háhælað-
ar konur á Höfn. Gefum
Eystrahorni orðið:
„í Vestur-Ameríku hafa
bændur uppgötvað að óþarfi
er að eyða fjármunum i svo-
kölluð pipuhlið. Nóg er að
mála rendur á veginn. Pípu-
hliö eru oftast þannig gerð
að lögð eru járnrör þvert yfir
veginn. Húsdýr s.s. kýr og fé
leggja ekki útá svona hindrun
en bílum má auðveldlega aka
yfir. Kosturinn við þetta er að
sjálfsögðu sá að skepnum er
haldið á sínum stað en
mannfólkið kemst sinna
ferða án þeirrar fyrirhafnar að
opna og loka hliðum í sifellu.
En hvernig skyldi standa á
því að kýr þora ekki yfir pípu-
hliðalíki þar sem rendurnar
eru bara málaðar á veginn?"
Til að svara þessu vitnar
Eystrahorn í vísindatímaritið
New Scientist (11. feb. 1988).
Þar kemur fram sú vísinda-
lega niðurstaða að kýr forðist
það að ganga yfir málaðar
rendur á vegum vegna þess
að þær hafa sameiginlegan
reynsluheim:
„Jú, skrifar R. Sheldrake í
New Scientist (11. feb. ’88),
það er vegna þess að kýr
hafa sameiginlega meðvitund
eða reynsluheim. Öll dýr geta
móttekið reynslu frá öðrum
dýrum sömu tegundar með
einskonar hugsanaflutningi.
Standi skepna frammi fyrir
nýrri upplifun s.s. pípuhliði,
sendir önnur sömu tegundar,
sem hefur upplifað samskon-
ar atvik, þegar viðvörunar-
merki sem nær i gegnum
tíma og rúm. Þær kýr sem
hafa hrasað í pípuhliði senda
skilaboð til vestur amerískra
kúastofna um að halda sig
frá pípuhliðunum. Og ekki
getum við álasað kúnum fyrir
að rugla saman ekta pípu-
hliði og pípuhliðaliki.
Sheldrake nefnir einnig að
gerð hafi verið ein tilraun
með málað pípuhliðalíki og
grisi. Tilgangurinn var að at-
huga hvort ósjálfráð eðlis-
hvöt grísanna varaði þá við
röndunum.
Tilraunin mistókst að hluta
þar sem grísirnir átu rendurn-
ar. Þær höfðu nefnilega verið
málaðar með vatnsmálningu
sem innihélt aukaefnin egg
og mjöl.“
Þessar íhugunarverðu niö-
urstöður verða Eystrahorni
einnig tilefni til að rifja upp
grein eftir séra Baldur Krist-
jánsson, ritstjóra, sem birtist
þar 2. júnf sl. í númeraröðinni
nr. 22. Gefum Eystrahorni
enn orðið:
„Þar fjallar B.K. um greni-
stuld í Einarsskógi og nefnir
i leiðinni að pípuhliðið við
innkeyrsluna til Hafnar þjóni
þeim tilgangi að varna kon-
um á háhæluðum skóm út-
göngu úr kauptúninu. Við
verðum þvi bara að vona að
konur hér á svæðinu hafi líka
sameiginlegan reynsluheim
og varist þessa kvenna- og
húsdýragildru.
Annars gæti það verið góð
lausn fyrir konur á háum
hælum að þessi platpiputil-
raun væri framkvæmd hér,
þá væri hægt að komast
slysalaust úr bænum.
En kannski er áhættan of
mikil, er ekki grasið ailtaf
grænna hinum megin?“
Svo skrifar Eystrahorn og
leggur þar með athyglisvert
íhugunarefni fyrir yfirráðend-
ur vegamála í landinu. Nema
náttúrlega að pípuhliðin
þjóni þeim leynda tilgangi að
varna konum þess að laum-
ast burt frá heimahögunum?
EINHVERNTÍMAieiddi
Helgarpósturinn sálugi rök
að því að öll dómara- og
sýslumannsembættin í land-
inu skiptust til helminga á
milli Framsóknarflokks og
Sjálfstæðisflokks skv. ára-
tugalangri helmingaskipta-
reglu flokkanna. Hörður R.
Ólafsson, hæstréttarlögmað-
ur, kveður sér hljóðs á síðum
DV í gær og beinir spjótum
sínum að Framsóknarflokkn
um:
„Æviráðning þessara manna til að
fara með dómsvald, fógetavald,
ákæruvald og lögregluvald yfir ís-
lendingum er ótrúleg siðspill-
ing,“ segir Höröur R. Ólafsson,
hæstaréttarlögmaður, í kjallara-
grein.
„Jón Eysteinsson er
bæjarfógeti í Keflavík og
sýslumaður i Gullbringu-
sýslu. Hann er sonur Ey-
steins Jónssonar, ráðherra
Framsóknarflokksins.
Þorgeir Þorsteinsson er
lögregiustjóri á Keflavikur-
flugvelli. Hann er sonur Þor-
steins Jónssonar, kaupfé-
lagsstjóra á Reyðarfirði.
Birgir Már Pétursson er
bæjarfógeti í Hafnarfirði,
Garðakaupstað og á Seltjarn-
arnesi, sýslumaður í Kjósar-
sýslu. Hann var formaður
FFS 1962-1964, erindreki
Framsóknarflokksins 1962-
1963 og öðru hverju til 1966,
varaborgarfulltrúi Framsókn-
arflokksins í Reykjavík 1962-
1966, átti sæti í miðstjórn
Framsóknarflokksins 1967-
1972 og i 14 manna fram-
kvæmdastjórn flokksins
1970-1972; formaður SUF
1970-1972. Hann er bróðir
Páls Péturssonar Hallested,
þingmanns Framsóknar-
flokksins.
Friðgeir Björnsson er yfir-
borgardómari i Reykjavík.
Hann var framkvæmdastjóri
þingflokks Framsóknar-
flokksins frá 1. október 1971
til 1. október 1972, formaður
FFS 1966-1968, formaður FUF
1968-1969, í stjórn SUF 1966-
1974.
Jón Skaftason er yfirborg-
arfógeti í Reykjavík. Hann
varð alþingismaður Fram-
sóknarflokksins fyrir Reykja-
neskjördæmi 1959.
Gunnlaugur Eggert Briem
er yfirsakadómari í Reykjavík.
Hann og Hermann Jónasson,
fyrrverandi forsætisráðherra
Framsóknarflokksins, eru
systrasynir.
Hallvarður Einvarðsson er
ríkissaksóknari. Hann er
bróðir Jóhanns Einvarðsson-
ar, þingmanns Framsóknar-
flokksins fyrir Reykjaneskjör-
dæmi.
Böðvar Bragason er lög-
reglustjóri í Reykjavík, yfir-
maður stærsta herafla lands-
ins. Hann hefur starfað fyrir
Framsóknarflokkinn.
Æviráðning þessara manna
til að fara með dómsvald,
fógetavald, ákæruvald og lög-
regluyfirvald yfir íslendingum
er ótrúleg siðspilling og fyrir-
litning fyrir velsæmi — af
hálfu beggja — þeirra og
Framsóknarflokksins.
Hvað getum við gert?“
Spyr Hörður Rist Ólafsson.
Ætli þeirri spurningu verði
ekki frekast beint til núver-
andi dómsmálaráðherra.
Hann hefur jú frumvarpið um
gjörbreytta skipan dóms-
kerfisins undir höndum og er
í lófa lagið að fella niður ævi-
ráðningu þessara manna í
frumvarpinu. Spurningin er
aðeins sú hvort Framsóknar-
ráðherrann Halldór Ásgríms-
son leggur frumvarpið fyrir
þingið í vetur eða til svefns
til að þóknast flokksbræðr-
um sínum.
I PRESSUNNI i gær er spurt
hvort samkynhneigð geti
smitast á fundum. Tilefnið er
deila sem rokið hefur upp
vegna kynningar sem Sam-
tökin '78 héldu fyrir 13-15 ára
unglinga í félagsmiðstöðinni
Árseli fyrir nokkru. PRESSAN
tók viðtal við Gisla Á. Egg-
ertsson hjá iþrótta- og tóm-
stundaráði Reykjavíkur vegna
þessa. Gísii segir:
„Það er misskilningur að
Samtökin ’78 hafi haldið fund
i félagsmiðstöðinni Árseli.
Fólk frá samtökunum kom
hins vegar á kynningarfund
sem krakkarnir héldu sjálfir.
Það er ekkert óvenjulegt við
það, krakkarnir hafa haldið
fundi um ýmis málefni og
staðið sig mjög vel. Mér
þætti miður ef á að fara að
gera slikt tortryggilegt...
Við erum fylgjandi for-
dómalausri umfjöllun um
kynferðismál i viðasta skiln-
ingi þess orös. í þeirri um-
ræðu sem nú fer fram um
kynlíf, kynhlutverk og kyn-
sjúkdóma tel ég að sé ekki
hægt aö útiloka umfjöllun
um þennan hluta kynlífsins.
Og ég treysti mér til að full-
yrða að hún hafi verið for-
dómalaus og með miklum
ágætum í félagsmiðstöðvun-
um.“ “
Og í PRESSUNNI er líka
rætt við Þorvald Kristinsson
hjá Samtökunum 78. Þar
segir Þorvaldur að á kynning-
arfundum Samtakanna skjóti
yfirleitt upp sömu spurning-
unum; oft mjög lituðum af
fordómum og fáfræði. Þor-
valdur segir ennfremur:
„Fyrir nokkrum árum send-
um við framhaldsskólunum
bréf þar sem við bentum á
þann möguleika að við kæm-
um og héldum kynningar-
fundi. Yfirleitt eru þessir
fundir þó haldnir að frum-
kvæði kennara eða krakk-
anna sjálfra. Ég man ekki
eftir nema einu tilfelli þar
sem varð rekistefna út af
svona fundi. Þá bannaði
skólastjóri hjúkrunarskólans
okkur að koma. Nemendurnir
báðu okkur kurteisiega af-
sökunar, en hins vegar lýsti
ráðuneytisstjóri því yfir að ef
hann hefði vitað um svona
fundi hefði hann lagt blátt
bann við þeim. Þá svaraði
skólameistari hér á suðvest-
urhorninu því til að það
kæmi ráðuneytisstjóra ekki
hót við hverjum skólarnir
byðu til sín. Þetta eru einu
neikvæði viðbrögðin sem ég
man eftir.
Ef menn halda að með
svona fundahöldum sé hægt
að fleka menn til samkyn-
hneigðar sýnir það ekkert
nema óendanlega fáfræði.
Samkynhneigð er alltof erfitt
og fiókið hlutskipti til að
nokkur láti lokkast til þess.“