Alþýðublaðið - 05.04.1989, Blaðsíða 2

2
Miðvikudagur 5. apríl 1989
MMDUBUWni
Útgefandi: Blað hf.
Framkvæmdastjóri: Hákon Hákonarson
Ritstjóri: Ingólfur Margeirsson
Fréttastjóri: Kristján Þorvaldsson
Auglýsingastjóri: Steen Johansson
Dreifingastjóri: Siguröur Jónsson
Setning og umbrot: Filmur og prent, Ármúla 38
Prentun: Blaðaprent hf., Síðumúla 12
Áskriftarsíminn er 681866
Áskriftargjald 900 kr. á mánuði innanlands. í lausasölu 50 kr. eintakiö.
ALVARA í VERKFALLI
m
A miðnætti í nótt munu fjölmargir opinberir starfsmenn
hefjaverkfall til að fylgjaeftirkröfum um bætt lífskjör. Meóal
þeirra sem yfirgefa vinnustaði sina verða hákólamenntaðir
kennarar. Á eftir þeim munu svo fylgja 15-20 þúsund nemend-
ur sem búa við fullkomna óvissu um frekara skólahald og
nám. Atvinna er víða bágborin um þessar mundir og þess
vegna er hætt við lausagangur nemendanna muni skapa
meiri óróaheimaog raska víðaren fjöldinn einn segirtil um.
Svo virðist sem ríkisstjórnin hafi ekki séð ástæðu til að búa
sig undir hugsanlegt verkfall. Og þegarfarið var af stað tókst
henni að klúðra því sem hægt var við samningaborð. Þúsund
króna boð Ólafs Ragnars til opinberra starfsmanna er bág-
borin tilraun til að halda úti opinberum rekstri með sæmd og
fullboólegri á við þann rikisrekna „einkarekstur" sem
blómstrar I landinu. Fagurgali Alþýðubandalagsráðherra
sem fyrrum töluðu um nauðsyn opinberrar þjónustu til að
viðhalda jöfnuði og réttlæti I samfélaginu hljómar nú sem
tónleysa.
Ríkisstjórn Steingríms Hermannssonar var ætlað að bæta
kjör og jafna lífskjör I landinu. Fjármálaráðherra hefur látið
hafa eftir sér að ilit hafi verið að taka við búi hægri stjórnar,
og því verði að sýna ráðherrum biðlund. Hálft ár er ekki lang-
urtími til að hreinsa til. Orð að sönnu en þúsund kallinn hans
Ólafs Ragnars sýnir aðra hlið mála.
Hvað snýr upp á tilverunni? Er það „vandi þjóðarbúsins"
eða blákaldur raunveruleiki fjölskyldunnar? Meðalfjölskylda
I landinu þarf nú um 200 þúsund krónur á mánuði til að fram-
fleyta sér og sínum samkvæmt opinberum staðli um raun-
veruleg útgjöld til viðurværis og til þess að hægt sé að
greiða skatt I staðgreiðslunni. Vísitölufjölskyldan reiknast
nú 3,46 einstaklingar að meðaltali og er því kostnaður hvers
einstaklings I fjölskyldunni tæpar 60 þúsnd krónur á mán-
uði. Verðbólgan lifir góðu lífi um þessar mundir og hækkaði
framfærslan t.d. um 4200 krónur I febrúar sl. Upp I þessar
hækkanir býður fjármálaráðherrann opinberum starfsmönn-
um þúsund krónur á næstunni. Verði því boði tekið er Ijóst
að atvinnurekendur koma sömu skilaboðum til sinna við-
semjenda.
Líklega munu háskólamenntaðir rikisstarfsmenn verða I
verkfalli góða stund. Háskólamenn eru engir þungavigtar-
menn I kjaramálum. Og ríkisstjórnin hefursáralítinn áhugaá
þessari stétt. Ekkert bendir því til þess að verkfall sem skell-
ur á I nótt leysist I bráð. Til þess skilur allt of langt á milli eitt
þúsnd króna og krafa launþega. Og til þess er skilningur for-
ystumannaí þjóðfélaginu ástarfi opinberrastarfsmannaallt
of takmarkaður. Það er eins og enginn átti sig á því til dæmis
hvað það þýðirað þúsundir nemendayfirgefi námsbækurnar
og gangi út á vinnumarkaðinn. Um þýðingu þess að halda úti
skólastarfi með reisn þarf meira en einn fyrirlestur yfir „vin-
veittri" ríkisstjórn.
STEINGRÍMUR GAF
LEYFI TIL HERBRÖLTS
M ikið fjaðrafok hefur orðið út af fyrirhugaðri æfingu her-
liðsins I sumar. Svo virðist sem stjórnmálamenn komi af fjöll-
um. Páll Pétursson formaður þingflokks Framsóknarflokks-
ins sagói I umræðu utan dagskrár á Alþingi I fyrradag, að
hann hefði alls ekki gert sér grein fyrir því að herinn æfði sig
með alls kyns vopn. Ríkissjónvarpið hafði kvöldinu áðursýnt
mynd af heræfingum sem fóru fram I hitteðfyrraog sem báru
með sér að alvöru her væri á Miðnesheiði. Ýmsir stjórnar-
sinnar hafa skorað á utanríkisráðherra að banna æfingarnar
I sumar og forsætisráðherra hefur sagt þær vera tíma-
skekkju. I umræðunum á þingi I fyrrakvöld kom þó fram að
það var sami framsóknarráðherrann sem nú situr I stóli for-
sætisráðherra sem leyfði heræfinguna sem á að fara fram I
sumar. Framsókn þarf nauðsynlega að undirbúa sig betur
áður en utanríkismál verða næst rædd I þinginu.
ÖNNUR SJ0NARMID
Veit ekki hvort analýsera eigi leið-
ara Þjóðviljans sem aprílgabb.
FORMENN A-flokkanna eru
greinilega í dálitlum vandræðum
með flokksmálgögn sín þessa dag-
ana ef dæma má fréttaskrif Morg-
unblaðsins í gær. Morgunblaðið
birtir fréttaviðtal við Ólaf Ragnar
Grímsson formann Alþýðubanda-
lagsins undir fyrirsögninni ERF-
ITT AÐ LESA ÞJÓÐVILJANN.
Formaður Alþýðubandalagsins
segir í Morgunblaðinu í gær:
„Ég verð nú að játa það að ég
vissi ekki alveg hvernig ég átti að
lesa Þjóðviljann í tvöfalt stærra
broti en venjulega,“ sagði Ólafur
Ragnar Grimsson fjármálaráð-
herra í samtali við Morgunblaðið
um leiðara Þjóðviljans frá síðast-
liðnum laugardegi. I leiðaranum
kom fram hörð gagnrýni á störf rík-
isstjórnarinnar undanfarna sex
mánuði og stjárnarþátttöku Al-
þýðubandalagsins.
„Sumt var nú greinilega apríl-
gabb og annað ekki,“ sagði fjár-
málaráðherrann. hann var spurður
hvort hann teldi að leiðarinn hefði
verið aprilgabb: „Ég skal nú ekkert
um það segja. Hann var vel skrifað-
ur og margar góðar hugsanir þar.
Auðvitað er það hárrétt með þessa
ríkisstjórn eins og aðrar að margt
hefði mátt takast betur.“
FORMAÐUR Alþýðuflokks-
ins segir nokkrum síðum aftur í
sama Morgunblaði í fréttafyrir-
sögn: LEIÐARI ALÞÝÐUBLAÐS-
INS FREKAR ÞUNNUR í ROÐ-
Vil gjarnan meiri viti bornar analýs-
ur i Alþýðublaðinu.
INU. Þar höfðar formaðurinn til
leiðara Alþýðublaðsins sl. laugar-
dag er störf Alþýðuflokksins í nú-
verandi ríkisstjórn voru analýseruð
og gagnrýnd nokkuð.
Jón Baldvin Hannibalsson segir í
fréttaviðtali Morgunblaðsins:
„Þessi leiðari staðfestir að rit-
stjóri blaðsins metur það réttilega
svo, að hann sé frjáls að sjálfstæðu
mati á stjórnmálaástandinu.Hann
skrifar augljóslega á þann veg, að
hann verður ekki sakaður um það
að vera einhver leigupenni flokks-
yfirvalda, og það út af fyrir sig er
gott,“ sagði Jón Baldvin Hanni-
balsson, er hann var spurður álits á
leiðara Alþýðublaðsins frá því sl.
laugardag, en þar eru störf Alþýðu-
flokksins í þessari ríkisstjórn gagn-
rýnd harðlega undir fyrirsögninni:
„Aðra „Eyðimerkurgöngu“?“.
Jón Baldvin sagðist í annan stað
vilja segja þetta: „Mér finnst leiðar-
inn vera frekar þunnur í roðinu, út
frá greiningu á ástandi. Auk þess
vildi ég gjarnan sjá meiri pólitii ska
viti borna analysu á síðum Alþýðu-
blaðsins.“
Þetta hlýtur að vera hvatning fyr-
ir alla alþýðuflokksmenn að skrifa
í Alþýðublaðið.
En greinilegt er að Morgunblaðið
átti sældardag með formönnum A-
flokkanna í gær. Morgunblaðs-
menn eru greinilega búnir að
gleyma hvað aumingja Þorsteinn
Pálsson formaður Sjálfstæðis-
flokksins mátti oft þola í leiðurum
Areiðanlegast að skrifa analýsur
um Alþýðubandalagið eftirá.
Morgunblaðsins meðan hann sat í
stóli forsætisráðherra. Og fannst
eflaust nóg um þær viti bornu ana-
lýsur.
TALANDI um viti bornar ana-
lýsur: Ein slik birtist i Þjóðviljanum
í gær. Mörður Árnason ritstjóri
fjallar i fréttaskýringu og analýsu
um kjaramálin, stöðu Ólafs Ragn-
ars í Alþýðubandalaginu og mið-
stjórnarflokksfundinn sem haldinn
verður í kvöld.
Mörður skrifar.
„En auk þess að dagur getur
gjörbreytt stöðunni í póiitík er Al-
þýðubandalagið óútreiknanlegt og
árciðanlegast að skrifa um það
fréttaskýringar eftirá og ekki fyrir-
fram.“
Þetta er nokkuð góð analýsa.
EINN MEÐ
KAFFINU
Maðureinn sem varorðinn
þreyttur á því að lána vinum
sínum bækur án þess að fá
þær aftur, sagði eitt sinn:
„Ég heimsæki stundum vini
mínatil að skoða bóksasafn-
ið mitt.“
DAGATAL
Púðurskot og heimavarnarlið
NATO — umræðan verður
skemmtilegri og skemmtilegri.
Herstöðvaandstæðingar hafa
verið að halda upp á 40 ára af-
mæli inngöngu íslands í Atlants-
hafsbandalagið. Þetta hafa þeir
gert með því að kveðja til helstu
listamenn þjóðarinnar sem enn
kjósa Alþýðubandalagið og feng-
ið þá til að flytja hugverk opin-
berlega inn á milli annarra
skemmtiatriða sem stjórnmála-
menn flytja af ýmsu tagi.
En nú eru samtök herstöðvar-
andstæðinga búnir að fá nýja
hugmynd, enda þessi gamla með
listamennina orðin dálítið þreytt.
Herstöðvaandstæðingar eru bún-
ir að boða stofnun heimavarnar-
liðs til að „stöðva yfirgang erlends
hervalds í landinu," eins og Þjóð-
viljinn kemst að orði í fyrirsögn í
gær.
Nú vil ég taka fram að ég les alls
ekki Þjóðviljann að jafnaði, held-
ur kemur konan stundum með
síðu og síðu úr honum heim eftir
að hafa verið í fiskbúðinni. Fisk-
salinn er nefnilega gamall kommi
sem enn kaupir blaðið, „hvort
sem það stækkar eða smækkar“
eins og hann kemst að orði. Að
lestrinum loknum, „sem ekki tek-
ur langan tíma,“ vefur hann
fisknum inn í blaðið. Það er von-
andi að ýsan komist fyrir í blað-
inu í framtíðinni.
En það var þetta með heimavarn-
arlið herstöðvaandstæðinga.
Skyldi Páll Pétursson veljast til
generaltignar? Verður Hjörleifur
Guttormsson major eða öferste-
löjtenant? Hvaða vopn verða bor-
in af þessu heimavarnarliði?
Þingræður Steingríms Her-
mannssonar?
Talandi um Steingrím. Honum
finnst heræfingar NATO vera
tímaskekkja. En greinilega er tím-
inn eitthvað skakkur í hausnum á
forsætisráðherra. Þessi umdeilda
æfing sem allir eru að reyna að
núa aumingja Jóni Baldvin um
nasir var tilkynnt í tíð Steingríms
sem utanríkisráðherra. Voru
Steingrímur og Páll Pétursson
búnir að gleyma því? Eða var
Steingrímur bara plataður?
Kannski finnst Steingrími heræf-
ingarnar tímaskekkja af því að
hann vill heldur hafa heimavarn-
arlið. Ef til vill hefur hann hug á
því að verða varnarmálaráðherra
og æðsti yfirmaður heimavarnar-
liðsins. Annars hefur það komið
fram í þingumræðunni, að NATO
— herinn mun ekki nota alvöru
skot, heldur aðeins púðurskot.
Eins og þeir á þinginu.
Það er hins vegar spurning hvers
konar skot heimavarnarliðið ís-
lenska mun nota. Og verða konur
með í íslenska heimavarnarlið-
inu? Ef svo er, mun eflaust
Kvennalistinn vilja leggja undir
sig heimavarnarliðið og hleypa
engum strákum að. Og þá verða
engin vopn borin í heimavarnar-
liðinu, því stelpurnar eru á móti
hermennsku og vopnaskaki eins
og frægt er orðið. Þær munu nota
mjúk púðurskot.
Talandi um púðurskot. Fyrrum
fulltrúi Framsóknarflokksins í ut-
anríkismálanefnd Alþingis lagði
fram 11 spurningar á Álþingi fyrir
Jón Baldvin um hernaðaræfingu
NATO sem stendur fyrir íslensk-
um dyrum. í ljós kom að lengi
hafa legið fyrir allar upplýsipgar
um þessa æfingu og meðal annars
birti Mogginn ítarlega frétt um
hana í nóvember í fyrra. Þetta
heitir víst að vera upplýstur þing-
maður. Sem skýtur púðurskotum
í heimavarnarliði Framsóknar.
Reyndar var Páll Pétursson settur
af sem fulltrúi Framsóknar í utan-
ríkismálanefnd í síðasta nefndar-
kjöri. Þingflokkurinn sagði pent
nei takk og dró Pál úr varnar-
málaumræðunni.
Þetta heitir að gleyma engu —
og læra ekkert nýtt.