Alþýðublaðið - 05.04.1989, Blaðsíða 3

Miðvikudagur 5. apríl 1989
3
FRETTASKYRING
Ríkisbankarnir 1985-1988:
2 MILLJARÐAR
Í FASTEIGNAKAUP
Seðlabankahöllin kostaði samtals 1,8 milljarð króna. Landsbankinn fjár-
festi í fasteignum fyrir 600 milljónir á 4 árum og Búnaðarbankinn fyrir 245
milljónir.
Seðlabankinn og ríkisviðskiptabankarnir
Landsbankinn og Búnaðarbankinn lögðu út í
samtals ríflega 2.100 milljóna króna fjárfest-
ingu i fasteignum á fjögurra ára tímabili,
1985-1988. Um nær hreina aukningu á fast-
eignum er að ræða, þar sem seldar fasteignir á
móti hljóðuðu upp á aðeins rúmlega 134 millj-
ónir auk tæplega 95 milljóna króna hluti fast-
eignar að Austurstræti 11 sem Seðlabankinn
seldi Landsbankanum. Þetta kemurfram i svari
viðskiptaráðherra við fyrirspurn Hreggviðs
Jónssonar um fjárfestingar rikisbanka.
60% þessara 2.100 millj-
óna króna liggja í fram-
kvæmdakostnaðinum við
nýbyggingu Seðlabankans
við Kalkofnsveg á þessu
tímabili. Framkvæmdir
þar hófust í ársbyrjun 1982
og er nú sem kunnugt er
lokið. Byggingakostnaður-
inn var kominn upp í um
400 milljónir króna að nú-
virði í árslok 1984. Næstu
ár var byggingakostnaður-
inn sem hér segir: 1985
rúmlega212milljónir. 1986
rúmlega 462 milljónir.
1987 rúmlega 447 milljónir
og 1988 tæplega 143 millj-
ónir króna, allt á verðlagi
nú í apríl.
Heildarkostnaður við
framkvæmdirnar hjá
Seðlabankanum 1982-1988
reyndist að núvirði vera
tæplega 1.815 milljónir
króna, þegar búið er að
bæta við fjárfestingum í
öryggisbúnaði, varaafls-
stöð, seðlabrennsluofni og
fleiru um á tæplega 147
milljónir króna. Þar af eru
1.264 milljónir frá því
1985-1988.
116 milljónir I_________
félagsmiðstöð___________
Landsbanki íslands hef-
ur fjárfest í fasteignum fyr-
ir tæplega 600 milljónir
króna frá 1985 til síðustu
áramóta. 1985 var fjárfest
fyrir 52,4 milljónir, þar af
fyrir tæplega 28 milljónir
króna vegna byggingar á
Selvík Grímsne§i undir
fræðslu- og félagsmiðstöð.
Einnig var keypt íbúð á
Akureyri sem framreiknað
hefur kostað rúmar 9 millj-
ónir króna.
1986 var fjárfest í fast-
eignum fyrir alls tæplega
275 milljónir króna. Bera
þar hæst fjárfestingakaup
að Suðurlandsbraut 24 fyr-
ir 117,4 milljónir króna og
kaup á hluta af Austur-
stræti ll af Seðlabankan-
um fyrir rúmlega 93
milljónir króna. Þetta árið
var einnig fjárfest í íbúð í
Þorlákshöfn fyrir rúmar 6
milljónir króna og um 18
milljónir fóru í Selvíkina
áðurnefndu.
1987 fjárfesti Lands-
bankinn fyrir tæplega 130
milljónir króna í fasteign-
um. Þar af voru 57 milljón-
1 róna vegna Suðurlands-
orautar 24, 35 milljónir
vegna banka- og íbúðar-
húss i Grindavík og 29
milljónir vegna Selvíkur. Á
móti var gamla bankahús-
ið í Grindavík selt fyrir 17,5
milljónir króna að núvirði.
1988 var síðan fjárfest
fyrir rúmar 140 milljónir
króna, þar af fóru 81 millj-
ón í Suðurlandsbraut 24 og
um 42 milljónir í Selvíkina.
Einnig má nefna 11 millj-
ónir króna vegna íbúðar í
Keflavík fyrir útibústjór-
ann í Sandgerði. Á móti
var hluti af húsinu að Suð-
urlandsbraut 24 seldur,
fyrir tæplega 90 milljónir
króna.
Engar áætlanir í_______
Búnaðarbanka
Búnaðarbankinn hefur
frá 1985 fjárfest í fasteign-
um fyrir alls 245 milljónir
króna. Þar af eru um 57
milljónir vegna Kringlunn-
ar 8-12, um 44 milljónir
vegna Hamraborg 9 og um
40 milljónir vegna Smiðju-
vegs 4 í Kópavogi. Fjárfest-
ingar vegna Þönglabakka í
Breiðholti og Garðatorgs i
Garðabæ voru um 36 millj-
ónir á hvora fasteign.
Athygli hlýtur að vekja
að í svari viðskiptaráð-
herra kemur fram, að hjá
Búnaðarbankanum eru
engar fjárfestingaráætlan-
ir gerðar sérstaklega. í
Landsbankanum hins veg-
ar eru slíkar áætlanir gerð-
ar í lok hvers árs fyrir það
ár sem framundan er ásamt
ábendingum um það sem
skipulag leggur til að verði
á dagskrá næstu tvö ár þar
á eftir. Þessi áætlun fer
fyrst fyrir bankastjórn en
síðan fyrir bankaráð og
gildir samþykkt þess fyrir
eitt ár í senn. Þetta breytir
því hins vegar ekki að fjár-
festingar Búnaðarbankans
hafa verið svipaðar sem
hlutfall af veltu og fjárfest-
ingar Landsbankans.
í svari viðskiptaráðherra
eru ekki tíundaðar fjárfest-
ingar Útvegsbankans frá
1985 á þeim tíma sem hann
var ríkisbanki, fram til maí
1987. Fjárfestingar ríkis-
bankanna á þessu tímabili
eru því í raun nokkru hærri
en áðurgreindar 2.100
milljónir króna, ef gengið
er frá því sem vísu að Út-
vegsbankinn hafi sem rík-
isbanki fjárfest í ein-
hverjum fasteignum á þess-
um tíma!
Seðlabankahúsið kostaði um 1,8 milljarð króna á 7 ára byggingaferli. Upp i þetta tókst þó
að selja Landsbankanum eignina að Austurstræti fyrir 95 milljónir.
þróunar aðstoð
Utanríkis- og þróunarráðherrar Norðurlanda
Þróuðu rikin efli
Bein tengsl milli ísraels ogPLO. Áframhald efnahagslegra
þvingana gegn stjórnvöldum Suður-Afríku.
Fundur utanríkis- og þróunarmálaráðherra
Norðurlandanna var haldinn i Þórshöfn hinn
30.-31. mars sl. Helstu málin sem ráðherrarnir
ræddu um á fundinum var ástandið i Mið-Aust-
urlöndum, ástandið i sunnanverðri Afríku og
þróunaraðstoð.
Varðandi Mið-Austurlönd
kváðu ráðherrarnir það
vera jákvætt annars vegar,
að Arafat leiðtogi LPO
hefði á síðasta allsherjar-
þingi samþykkt ályktanir
öryggisráðsins nr. 242 og
338, viðurkennt tilverurétt
Ísraelsríkis og hafnað
hryðjuverkum alfarið og
hins vegar, að skoðana-
skipti væru hafin á milli
Bandaríkjanna og PLO.
Með þessu hefðu verið tek-
in skref í átt að friðsam-
legri og réttlátri lausn á
deilu Araba og ísraela sem
verðskulduðu jákvætt og
skjótt svar af hálfu ísraels.
Ráðherrarnir áréttuðu
mikilvægi þess að stofnað
yrði til beinna tengsla á
milli ísraels og PLO, og
ítrekuðu stuðning sinn við
þá hugmynd að haldin yrði
alþjóðleg ráðstefna á veg-
um Sameinuðu þjóðanna í
þeim tilgangi að leysa deil-
una í Mið-Austurlöndum.
Þeir ítrekuðu áhyggjur sín-
ar af aðgerðum israelskra
stjórnvalda gegn Palest-
ínumönnum á herteknu
svæðunum og hvöttu
deiluaðila til að sýna still-
ingu og komast hjá of-
beldisverkum. Samkvæmt
áliti ráðherranna lítur
meirihluti Palestínumanna
í dag á PLO sem talsmann
sinn.
Varðandi ástandið í
sunnanverðri Afríku Iýstu
ráðherrarnir yfir ánægju
sinni með að loks hefði
tekist að ná samkomulagi
um sjálfstæði Namibíu og
sögðu að ríki heims ættu
að setja efnahagslega og
stjórnmálalega aðstoð við
Namibíu á oddinn á meðan
unnið væri að sjálfstæði
hennar. Þeir ákváðu að
hefja viðræður um sam-
starf við ríkisstjórn
Namibíu þegar hún hefur
verið kosin og samþykktu
að samræma þjóunarað-
stoð Norðurlandanna við
landið.
Ráðherrarnir lýstu því
yfir að ástandið í S-Afríku
gæfi ekki tilefni til bjart-
sýni um afnám kynþátta-
aðskilnaðar þar í landi og
ákváðu að halda áfram að
beita sér fyrir alþjóðlegum
þvingunum gegn S-Afríku.
Frjáls og lýðræðisleg
S-Afríka án alls kynþátta-
misréttis héldi áfram að
vera markmið Norður-
landanna.
Ráðherrarnir vilja beita
sér fyrir aukinni alþjóð-
legri þróunaraðstoð á
níunda áratugnum og
beindu athyglinni að því að
eina leiðin til að vinna bug
á fátæktinni í heiminum
væri að gefa þeim fátæk-
ustu tækifæri til að auka
fr&mleiðni sína. Þess vegna
yrði á alþjóðavettvangi að
leggja aðaláherslu á bar-
áttu gegn fátækt og tryggja
félagslega þróun.
Áhersla var Iögð á að
gera þyrfti sameiginlegt al-
þjóðlegt átak á sviði um-
hverfismála til að tryggja
sameiginlega framtíð.
Efnahagslegur vöxtur í
þróunarlöndunum væri
forsenda þess að jafnvægi
og stöðugleiki ríkti í al-
þjóðlegum efnahagsmál-
um.
Ráðherrarnir kváðust
vonsviknir yfir því að
þróuðu ríkin eyði eingöngu
0,34% af vergri þjóðar-
framleiðslu til þróunarað-
stoðar sem sé tæpur helm-
ingur þeirrar prósentutölu,
0,7%, sem Sameinuðu
þjóðirnar hafa samþykkt.
Þeir skoruðu á þróuðu rík-
in að uppfylla sem fyrst
þau 0,7% sem Sameinuðu
þjóðirnar hafa samþykkt
og að líta á það sem bind-
andi markmið. Stefna bæri
að því sem fyrsta áfanga að
auka samanlagða þróunar-
aðstoð árlega að minnsta
kosti um 10 milljarða USD,
fyrir árið 1992.
í þróunaráætlun fyrir
níunda áratuginn; væri
nauðsyniegt að viður-
kenna hversu ríki heims eru
orðin háð hvert öðru.
Ráðherrunum var gerð
grein fyrir störfum vinnu-
hóps forstöðumanna
stjórnmáladeilda norrænu
utanríkisráðuneytanna um
kjarnorkuvopnalaust
svæði á norðurslóðum.
Vinnuhópurinn hefur lok-
ið við fyrstu drög að kafla
um herfræðilegt mikilvægi
norðurslóða og aðliggj-
andi hafsvæða, haldið
áfram umfjöllun um drög
að kafla um skyldur ríkj-
anna á hugsanlegu kjarna-
vopnalausu svæði á norð-
urslóðum og byrjað um-
fjöllun um tengsl slíks
svæðis við afvopnunarþró-
un í víðara evrópsku sam-
hengi.
Utanríkisráðherrar Norðurlanda eru óánægðir með of rýra aðstoð þróaðra rikja við þróun-
arlöndin. í heijd þurfa þau að tvöfalda aðstoð sína til að uppfylla stefnu SÞ. ísland er reynd-
ar ekki barnanna best í þessum efnum eins og Alþýðublaðið benti nýlega á.