Alþýðublaðið - 08.04.1989, Qupperneq 1

Ögmundur Jónasson
Réttur
samningur
á réttum
tíma
Ríkið og BSRB skrifuðu
undir samning í gærmorgun
eftir að fundur hafði staðið
alla nóttina. Þar var þjarkað
og þrcfað áður en samning-
urinn varð til. Ögmundur
Jónasson, formaður BSRB,
sagði við félaga sína í samn-
inganefnd BSRB, að hann
vissi ekki hvernig hægt væri
að karpa svona lengi um 500
kall. Samningurinn felur í sér
nokkrar kauphækkanir, í
lieild 4.500 krónur, auk or-
lofsuppbótar upp á 6.500
krónur og 3.000 króna
hækkunar á desemberupp-
bót.
Bæði fjármálaráðherra og
formaður BSRB voru
ánægðir með samninginn.
Ólafur Ragnar Grímsson:
„Þessi samningur er innan
ramma fjárlaga hvað varðar
launaliðinn og stenst fylli-
lega þær markalínur sem
settar voru hvað það varðar í
áætlunum ríkisins. Þetta er
góður samningur fyrir þjóð-
arbúið og ávísun í átt að
efnahagslegum stöðugleika
og stuðlar að auki að launa-
jöfnuði, er sérstaklega mikil-
vægur fyrir kvennastörf.
Hann er með öðrum orðum
skref í átt að þjóðfélagslegu
réttlæti og í honum felast
margvísleg réttindamál.''
Sem kunnugt er er samn-
ingurinn ekki tryggður með
vísitölubindingu, en trygg-
ingin felst i niðurgreiðslum á
landbúnaðarvörum, vilyrðum
ríkisstjórnarinnar unt verð-
lagseftirlit og verðstöðvun á
opinberri þjónustu, auk þess
sem BSRB og ríkið munu
hittast á tveggja mánaða
fresti og ræða verðþróun og
skoða hvort forsendur samn-
ingsins hafa breyst.
Eru BSRB-menn ánægð-
ir? Ögmundur Jónasson:
„Miðað við allar aðstæður er
þetta góður samningur, þetta
er áfangasamningur, áfangi í
sókn BSRB til bættra lífs-
kjara.“
Ríkiö leitar sátta við lífeyrissjóðina
MYJfl VISITALAN
DREGIN TIL BAKA
Sjóöirnir spá í vaxtalækkun. Keyptu skuldabréf
af Húsnœðisstofnun fyrir 1,5 milljarð króna fyrstu
þrjá mánuði ársins.
Ekki er talið útilokað að
samkomulag takist um
helgina milli lífeyrissjóð-
anna og stjórnvalda um
skuldabréfakaup af Hús-
næðisstofnun ríkisins.
Samkvæmt heimildum Al-
þýðublaðsins er ríkisvaldið
til í að bakka með nýju
lánskjaravísitöluna í kom-
andi samningum og taka
upp aðrar viðmiðanir. Frá
áramótum hafa skulda-
bréfakaup lífeyrissjóðanna
ekki raskað starfsemi Hús-
næðisstofnunar og þykir
sýnt að sjóðirnir eigi von á
umtalsverðri lækkun vaxta
í komandi samningum.
Lífeyrissjóðirnir hafa
keypt skuldabréf af Hús-
næðisstofnun ríkisins fyrir
samtals 1.525 milljónir
fyrstu þrjá mánuði ársins,
þrátt fyrir að enn hafi ekki
tekist nýir samningar um
vaxtakjör vegna kaupa á
þessu ári og því næsta. Lít-
ið var keypt í febrúar, en
samtals fyrir 860 milljónir
fyrir lok marsmánuðar
þegar samningur gekk úr
gildi. Því þykir ljóst, að líf-
eyrissjóðirnir eigi von á
vaxtalækkun í næstu
samningum.
Samkvæmt samningun-
um, sem giltu frá janúar út
mars, báru skuldabréfin
6,8% vexti. Samkvæmt
yfirlýstu markmiði ríkis-
stjórnar er stefnt að því að
ná vöxtum niður í 5%. Eft-
ir því sem Alþýðublaðið
kemst næst er stefnt að því
að ná þessu ntarkmiði í
áföngum í samræmi við
þróun vaxta almennt og
jafnvel niður fyrir 5%.
Stjórnvöld gera ráð fyrir
að hægt verði að koma til
móts við 1 lífeyrissjóðina,
með því að hluti af skulda-
bréfakaupum í næstu
sanmingum verði með
gengistryggingu, þ.e.a.s.
sambærilegu vaxtastigi og í
viðskiptalöndum, og ann-
ar hluti með innlendri
verðtryggingu. í þeim hluta
er gert ráð fyrir að vextir
fari í áföngum niður í 5%
eða neðar. Með öðrum
orðum þýðir þetta, að ríkið
er til í að bakka með nýju
lánskjaravísitöluna í samn-
ingum við lífeyrissjóðina.
Jafnframt er til athugunar,
að til leiðréttinga geti kom-
ið í janúar.
Fyrstu þrjá mánuðina
var mest keypt í mars, eða
samtals fyrir 860 milljónir.
Lífeyrissjóður verslunar-
manna keypti fyrir stærst-
an hluta í marsmánuði, eða
samtals fyrir 190 milljónir.
Á síðustu tveimur árum
hafa Iífeyrissjóðirnir ekki
náð að uppfylla skilyrði
um kaup, sem nema 55%
af ráðstöfunarfé, eins og
ráð er fyrir gert. Sam-
kvæmt upplýsingum frá
Húsnæðisstofnun vantar
enn um l,4milljarðauppá,
svo 55% reglunni verði
fullnægt.
Kaup á síðasta ári voru
þó mun meiri en árið 1987.
Árið 1988 keyptu sjóðirnir
fyrir samtals 7.124 milljón-
ir króna, eða sem nemur
53,2% af ráðstöfunarfé.
Árið 1987 var keypt fyrir
42,6% af ráðstöfunarfénu.
Vegna kjarasaminga
hafa viðræður ríkis og líf-
eyrissjóða að mestu legið
niðri síðustu daga. Um eða
cftir helgi er búist við að
þráðurinn verði tekinn upp
að nýju og ekki er talið úti-
lokað að samningum ljúki
um helgina.
Samkvæmt upplýsing-
um hjá Húsnæðisstofnun
hafa útlán frá áramótum
verið með eðlilegum hætti
og engin röskun orðið á
þeim. Þessi miklu kaup
hafa átt sér stað fyrstu
mánuðina þrátt fyrir yfir-
lýsingar lifeyrissjóða um
vísitöluna og fyrirhuguð
málaferli.
Albert oy Brynhlldur kVebje.Franskisendiherrannáíslandi, Jacques Mer,
hélt veislu til heiðurs hjónunum Albert Guðmundssyni og Brynhildi Jóhannsdóttur i gær.
Fjöldi gesta tók þátt i samkvæminu. A-mynd/E.ÓI.
Sjöfn Sigurbjörnsdóttir
Sæki ekki um á
meðan kommún-
istinn Svavar
hefur húsbónda-
vald
Björn Þórhallsson formaður Landssambands verslunarmanna:
Samningur BSRB ráðherrum til skammar
Björn Þórhallsson, for-
maður Landssambands ís-
lenskra verslunarmanna oj*
fyrrverandi varaforseti ASI,
segir að ríkisstjórnin virðist
álita að ríkisrekstur skipti
meira máli en framleiðslan í
landinu og að ráðamenn
miði við það eitt að ríkissjóð-
ur standi undir sér öðrum til
linjóðs — og að þetta sé ráð-
herrum ríkisstjórnarinnar til
skammar.
„Atvinnuvegirnir standa á
brauðfótum. Það sem komið
hefur fram hjá Ólafi Ragnari
fjármálaráðherra og hjá for-
sætisráðherra bendir til þess
að þeim finnist ekkert sjálf-
sagt að kjarabætur komi
jafnt yfir alla landsmenn, en
að vegna bærilegrar stöðu
ríkissjóðs um þessar mundir
beri honum að veita launþeg-
um sínum meiri kjarabætur
en bágstöddum undirstöðu-
atvinnuvegum væri mögu-
legt að veita sínum launþeg-
um. Þeir segja um leið við at-
vinnuvegina: Farið þið á
hausinn! En þá verður lítið
úr skattheimtunni, þegar fyr-
irtækin fara á hausinn og at-
vinnulaust fólk borgar ekki
skatta. Því hvaðan koma
verðmætin? Eigum við á
skandínavískan hátt að vísa
öllum á sósíalinn?“ spyr
Björn.
„Ég held að menn séu
farnir að gleyma því hvaðan
verðmætin koma. Þau koma
ekki frá ríkisrekstrinum. Að-
alágreiningurinn í þessu máli
er ekki milli vinnuveitenda
og fólksins sem vinnur við
framleiðslugreinarnar, held-
ur á milli fólksins og ríkis-
stjórnarinnar. Þetta er ekki
ný staða, en það er alveg nýtt
að ríkisstjórn telji það sjálf-
sagt mál, að minna komi til
þeirra sem við atvinnuvegina
vinna en þeirra sem eru á rík-
isjötunni. Það hefur aldrei
heyrst fyrr hjá nokkurri
ríkisstjórn en nú, frá fjár-
málaráðherra og forsætis-
ráðherra. Og hafi þeir báðir
skömm fyrir,“ sagði Björn.
Sjöfn Sigurbjörnsdóttir,
skólastjóri Olduselsskóla í
Reykjavík, hefurgefið frá sér
yfirlýsingu eftir að Ijóst varð
að Svavar Gestsson mennta-
málaráðherra hafnaði sátta-
boði hennar. Eins og fram
hefur komið i fréttum bauðst
Sjöfn til að sækja ekki aftur
um skólastjórastöðuna, sem
hún var ráðin til að gegna í
eitt ár, að því tilskildu að
menntamálaráðhcrra aug-
lýsti stöðuna ekki lausa fyrr
en skólastarfi lyki. Að þessu
sáttaboði vildi Svavar Gests-
son ekki ganga og auglýsti
stöðuna lausa til uinsóknar
fyrir nokkrum dögum. í yfir-
lýsingu Sjafnar segir:
„Ársleyfi mitt frá starfi við
Fjölbrautaskólann í Breið-
holti rennur út hinn 1. ágúst
næstkomandi þegar ég, lög-
um samkvæmt, læt af starfi
við grunnskóla Reykjavíkur.
Mun ég þá taka við mínu
fyrra starfi við Fjölbrauta-
skólann í Breiðholti, þar sem
ég hefi ákveðið að sækja ekki
um stöður á vegum mennta-
málaráðuneytisins á meðan
kommúnistinn Svavar Gests-
son fer þar með húsbónda-
vald.
Ég þakka velunnurum
símhringingar, bréf, blóm og
hlýhug.
Sjöfn Sigurbjörnsdóttir
skólastjóri.“
Sjöfn hefur boðað til
blaðamannafundar í dag kl.
9.00 í Leifsstöð á Keflavíkur-
flugvelli, en hún, ásamt 9
öðrum skólastjórum í
Reykjavíkurborg, er á leið í
námsferð til Skotlands.