Alþýðublaðið - 25.04.1989, Síða 1
Guðrún Agnarsdóttir um húsbréfafrumvarpið:
Kvennalistinn kannar
málið með opnum huga
Misskilningur að Kvennalistinn vilji koma í veg fyrir af-
greiðslu á yfirstandandi þingi.
Ungmennafélag lslands
Umfangsmesta
landhreinsun
frá upphafi
Ungmennafélag íslands
gengsl fyrir umfangsmesta
hreinsunarátaki sem ráðist
hefur verið í hér á landi, helg-
ina 10.-11. júní í sumar. Ætl-
unin er hreinsa rusl meðfram
5000 km af þjóðvegum
landsins.
Að sögn Jóhönnu Leóp-
oldsdóttur hjá Ungmennafé-
lagi íslands er hér ekki um
fjáröflunarverkefni að ræða,
heldur vildu félögin nýta sitt
afl til að taka á þessu brýna
verkefni.
Um 8000 félagar úr 233 fé-
lögum munu taka höndum
saman og hreinsa rusl með-.
fram þjóðvegum landsins.
Guðrún Agnarsdóttir
þingkona Kvennalista segir
byggt á misskilningi að
Kvennalistinn hafi þegar
hafnað afgreiðslu hús-
bréfafrumvarpsins á yfir-
standandi þingi. „Við höf-
um sannarlega opinn huga
í þessu máli, en það er
mörgum spurningum
ósvarað og við munum
leita svara við þeim. Þetta
er opin afstaða hjá okk-
ur,“ sagði Guðrún í sam-
tali við Alþýðublaðið.
Guðrún sagði að
Kvennalistinn hefði sínar
efasemdir, eins og komið
hefði fram strax í þeirri
nefnd sem fjallaði um
breytingar á húsnæðis-
lánakerfinu og samdi
frumvarpið um húsbréfa-
kerfið. Þeim efasemdum
hefði ekki verið eytt við
umfjöllum málsins í þing-
inu.
„Við munum halda
áfram að leita nákvæmari
og betri upplýsinga. Það er
fullur vilji fyrir því að
kanna málið til þrautar áð-
ur en við tökum afstöðu,“
sagði Guðrún Agnarsdótt-
ir. Aðspurð sagði hún
ómögulegt að segja hvort
eða hvaða breytingartillög-
ur Kvennalistinn kemur til
með gera, eða hvort af-
staða Kvennalistans kæmi í
veg fyrir framgöngu máls-
ins á þessu þingi.
Til stóð að afgreiða hús-
bréfafrumvarpið frá fé-
lagsmálanefnd neðri deild-
ar í gær. Stjórnarliðar vilja
reyna til þrautar að ná sam-
komulagi, áður en málið
verður afgreitt frá nefnd-
inni, þar sem óvíst er um
meirihluta í deildinni sem'
stendur. Innan Framsókn-
arflokksins hafa fjórir
þingmenn lýst yfir að þeir
vilji að óbreyttu fresta mál-
inu til hausts. Sjálfstæðis-
flokkur og Borgaraflokkur
hafa einnig lýst þeirri skoð-
un.
Seinkun á herœfingunum:
Hermönnum fækkað um þriðjung
Umdeild heræfing varaliós
landhers Bandaríkjanna hér
á landi mun fara fram sagói
Jón Baldvin Hannibalsson
utanríkisráðherra í skýrslu
sinni til Alþingis um utanrík-
ismál í gær. Þar (ilkynnti
hann að endanleg ákvörðun
hefði verið tekin en sagði
jafnframt að hann hefði til-
kynnt bandarískum stjórn-
völdum breytingar á fram-
kvæmdinni.
Breytingarnar fela það
meðal annars í sér að varalið-
ið mun ekki koma til lands-
ins fyrr en 20. júní. Þá sagði
ráðherra: ‘Jafnframt hefur
þátttakendum í æfingunum
verið fækkað urn sem svarar
þriðjungi, þannig að fjöldi
þátttakenda er nú minni en
verið hefur í ýmsum æfing-
um sem áður hafa farið fram
á varnarsvæðunum."
Þetta þýðir væntanlega að
æfingarnar telji ekki lengur
1200-1300 manns, heldur
800-870 manns.
Þá hefur verið ákveðið að
fram fari sérstök prófun á
samhæfingu fjarskiptakerfa
Almannavarna og varnar-
liðsins. Loks hefur það verið
tilskilið „að allar upplýsing-
ar og áætlanir um slíkar æf-
ingar í framtíðinni verði til-
kynntar strax á byrjunarstigi
til utanríkisráðuneytisins,
þannig að ráðuneytið geti í
tæka tíð lagt sjálfstætt mat á
markmið og framkvæmd
slíkra æfinga og tekið endan-
legar ákvarðanir um hvort
þær verði og þá hvar, í sam-
ræmi við islenska öryggis-
hagsmuni" sagði ráðherra.
Ráðherrar Alþýðubanda-
lagsins munu sætta sig við
þessar breytingar á heræfing-
unum, en Stöð tvö greindi
hins vegar frá niðurstöðum
skoðanakönnunar í gær, þar
sem kom fram að tveir þriðju
hlutar þeirra sem afstöðu
tóku voru andvigir slíkum
heræfingum, en þriðjungur
hlynntur,
Islenskir Aðalverktakar
Itök ríkisins aukin
Ákveðið hefur verið að
auka ítök ríkisins í íslensk-
um Aðalverktökum með því
að fjölga stjórnarmönnum
fyrirtækisins um einn, sem
utanríkisráðherra tilncfnir
og hefur ríkið þá tvo fulltrúa
af fimm og þar af stjórnar-
formann.
A aðalfundi Aðalverktaka
sem haldinn var nýlega var
svo og bókuð viljayfirlýsing
um að teknar verði upp við-
ræður um breytingar á eign-
araðild að fyrirtækinu.
„Með þessari samþykkt hafa
áhrif ríkisvaldsins á stjórn
varnarliðsframkvæmda ver-
ið aukin verulega sem er i alla
staði eðlilegt, þar sem Aðal-
verktakar njóta einokunar-
aðstöðu í skjóli ríkisvalds-
ins“ sagði Utanríkisráðherra
á Alþingi í gær, þar sem hann
gerði þetta heyrinkunnugt.
Þess skal getið að hingað til
hefur ríkisfulltrúinn, sem
forsætisráðherra skipar, yfir-
leitt verið beinn hagsmuna-
aðili frá hinum eignaraðilun-
um, Regin (SÍS) eða Samein-
uðum verktökum.
„í framhaldi af þessu
verða teknar upp viðræður
um hugsanlegar breytingar á
eignaraðild og eignarhlut-
föllum og er það von mín og
vissa að um þau atriði geti
tekist viðunandi samkomu-
lag“ sagði ráðherra.
BHMR og ríkið
flöeins óformlegir fundir
Oformlegar viðræður eru í
gangi milli BHMR og ríkis-
ins. Páll Halldórsson, for-
maður BHMR, varðist allra
frétta af gangi mála, þegar
Alþýðublaðið hafði sam-
band við hann í gær. Hann
sagði að ómögulegt væri að
segja nokkuð um gang þeirra
viðræðna sem stæðu yfir,
menn væru að þreifa sig
áfram og finna fleti til að
ræða máiin.
Ljóst er að málin hafa lítið
skýrst enn sem komið er.
Hnúturinn virðist illleysan-
legur og verkfall BHMR hef-
ur með hverjum deginum
djúptækari áhrif á samfélag-
ið í hinum ýmsu geirum. Úr-
slitatilraunir til að ná samn-
ingum munu án efa líta dags-
ins ljós á næstu dögum.
Hinsvegar er erfitt að sjá
hvaða tillögur geta orðið til
þess að ná deiluaðilum sam-
an.
Um 900 Dagsbrúnarfélagarvoru mættirá fund hjá félaginu í Bióborginni í gærog samþykktu
einróma að veita stjórn félagsins og trúnaöarmannaráði heimild til verkfallsboðunar.
Guðmundur J. Guðmundsson, formaður félagsins, sagði m.a. á fundinum að það eina sem
vinnuveitendur skildu i stöðunni væri Dagsbrúnarfundur og hann boðaði að stjórn félagsins
myndi fara fram á fund með VSÍ, ríkisstjórn, einstaka ráðherrum og einstaka vinnuveitendum.
MYND: EINAR ÓLASON
Dagsbrúnarfélagar;
VEITTU HEIMILD TIL
VERKFALLSBODUNAR
Félagsmcnn í Dagsbrún
samþykktu cinróma að veita
stjórn og trúnaðarmanna-
ráði félagsins heimild til
verkfallsboðunar á fjöl-
mennum fundi sem haldinn
var í Bíóborginni um miðjan
dag í gær. Áð auki var sam-
þykkt að þcgar til atkvæða-
greiðslu kcmur um hugsan-
lega samninga verði hún
skrifleg.
Þessi samþykkt er gerð til
þess að koma í veg fyrir að
deilur komi upp við af-
greiðslu samningsins, eins og
gerðist síðast þegar samning-
ur var samþykktur í félaginu.
Dagsbrún er eitt margra
félaga innan ASI sem hefur
veitt stjórn og trúnaðar-
mannaráði heimild til verk-
fallsboðunar. Verkalýðs-
hreyfingin er orðin lang-
þreytt á því sem hún kallar
stífni vinnuveitenda. Samn-
ingafundur hjá VSÍ og ASÍ
hefur verið boðaður á mið-
vikudag en ekki er búist við
stórum tíðindum af þeim
fundi. Hjá ASÍ verða fundir
saminganefnda og síðan
miðstjórnar áður en til fund-
arins með VSÍ kemur. ASÍ
vonast eftir að heimildir til
verkfallsboðana muni auka
þrýsting á VSÍ i samninga-
viðræðum, VSÍ hefur hins-
vegar marg lýst yfir að ríkis-
stjórnin eigi næsta leik —
beðið sé eftir efnahagsað-
gerðum af hennar hálfu.