Alþýðublaðið - 03.11.1989, Blaðsíða 8
Föstudagur 3. nóv. 1989
Fjáraukalög fyrir 1989 lögd fram:
Tekjuhallinn 5 milljarðar
Fyrsta skipti frá árinu 1923 aö fjár-
aukaljög eru lögd fram á yfirstandandi
fjárlagaári
í stað 636 milljóna króna
tekjuafgangs ríkissjóðs
eins og fjárlög fyrir árið í
ár gerðu ráð fyrir verður
halli ríkissjóðs rúmlega
4,8 milljarðar samkvæmt
fjáraukalögum. Tekjur rík-
issjóðs verða 2,6 milljörð-
um hærri en áætlað var en
útgjöld rúmlega átta millj-
örðum hærri. Þetta kom
fram hjá fjármálaráð-
herra, Ólafi Ragnari
Grímssyni, þegar hann
kynnti fréttamönnum fjár-
aukalög sem dreift var á
Alþingi í gær.
í máli Ólafs kom fram að
þetta væri í fyrsta skipti frá
árinu 1923 sem fjáraukalög
eru lögð fram og rædd á því
ári sem það tekur til. Það sé í
samræmi við þær kerfis-
breytingar í rikisfjármálum
sem boðaðar voru í fjárlaga-
frumvarpi fyrirárið 1990. Þar
segir að fjáraukalög skuli
leggja fram á haustþingi ef
nauðsyn er talin vera á auk-
fjárveitingum vegna lög-
bundinna skuldbindinga rík-
issjóðs eða breytinga á for-
sendum fjárlaga.
Af rúmlega átta milljarða
auknum útgjöldum eru rúmir
þrír milljarðar vegna breyttra
verðlagsforsendna. í stað
13—14% hækkunar verðlags
á árinu er nú reiknað með
21—23% verðbólgu í ár. Rúm-
lega 1,8 milljarðs hækkun út-
gjalda er skýrð sem sérstakar
ákvarðanir í atvinnumálum
og vega niðurgreiðslur mat-
vöru þar þyngst eða sem
nemur 870 milljónum króna.
Þá hækka útgjöld ríkissjóðs
vegna samningsbundna
greiðslna um 851 milljón og
vega þar lang þyngst útflutn-
ingsbætur eða um 520 millj-
ónir króna. Af öðrum stórum
liðum má nefna að hækkun
vegnatryggingabótaer 1.590
milljónir króna.
Rekstrarhalli ríkissjóðs er
samkvæmt fjáraukalögunum
4,8 milljarðar eða um það bil
1,5% af landsframleiðslu og
er það um það bil helmingi
minni halli en varð á ríkis-
sjóði í fyrra.
Húsnœdismálastofnun:
Lánveitingar innan heimilda
Lánveitingar Húsnæðis-
málastjórnar á þessu ári
verða allar innan þeirra
heimilda sem felast í end-
urskoðuðum áætlunum
stjórnvalda fyrir bygg-
ingasjóðina. Lánveiting-
arnar verða ennfremur í
samræmi við gildandi lög
um Húsnæðisstofnun rík-
isins. Þetta er megininn-
tak yfirlýsingar sem hús-
næðismálastjórn sendi frá
sér í gær vegna frétta fjöl-
miðla að undanförnu.
I fjárlagafrumvarpinu fyrir
næsta ár eru birtar endur-
skoðaðar áætlanir fyrir bygg-
ingasjóðina fyrir þetta ár.
Samkvæmt þessum áætlun-
um var talsverðu fjármagni
óráðstafað hjá sjóðunum báð-
um. A þessum grundvelli tók
húsnæðismálastjórn þá
ákvörðun að flýta úthlutun til
ákveðins forgangshóps og
framkvæmdaaðila, að því er
segir í yfirlýsingunni. I yfir-
lýsingunni segir ennfremur
að allt tal um að húsnæðis-
málastjórn sé að auka lán-
veitingar umfram heimildir
sé rangt. Allar lánveitingar
verði innan heimilda og inn-
an ramma gildandi laga um
Húsnæðisstofnun ríkisins.
Innlendar skipasmídastödvar:
Mismunað í
bönkunum!
Innlendar skipasmíða-
stöðvar njóta ekki jafnrétt-
is við erlendar stöðvar
varðandi bankaábyrgðir
íslenskra banka, en eru
‘fyllilega samkeppnishæf-
ar“ hvað varðar verð. Auk
þess telja flestir útgerðar-
menn sem tala af reynslu
að innlendu stöðvarnar
skili betri vöru, að því er
fram kemur í frétt frá Fé-
lagi dráttarbrauta og
skipasmiðja.
Félagið teiur nauðsynlegt
að auka mismun lána til verk-
efna innanlands og erlendis,
tryggja jafnræði í banka-
ábyrgðum og auðvelda inn-
lendum skipasmíðastöðvum
að taka eldri skip upp í ný.
Auk þess er talin nauðsyn á
að tryggt verði að leitað sé
eftir tilboðum innanlands og
tilboð séu metin á viðskipta-
legum grundvelli.
Allmjög hefur hallað á inn-
lendan skipasmíðaiðnað á
síðustu árum, að því er varð-
ar nýsmíði skipa. í viðgerð-
um hafa íslensku stöðvarnar
hins vegar staðið þeim er-
lendu fyllilega á sporði. Erfið-
leikar skipasmíðastöðvanna
hófust með nýsmíðabanninu
sem í gildi var 1983—1985, en
eftir að banninu var aflétt
hafa langflest nýsmíðaverk-
efni farið til erlendra skipa-
smíðastöðva. Af hálfu Félags
dráttarbrauta og skipasmiðja
er því haldið fram að fast-
gengisstefnan sem rekin var
á þessum tíma, hafi verið
fremsta orsök þessarar þró-
unar.
A þessu ári hefur þróun
gengismála verið innlendum
iðnaði hagstæðari og í frétta-
tilikynningu félagsins segir
að nú séu innlendar skipa-
smíðastöðvar fyllilega sam-
keppnishæfar við erlendar.
VEÐRID
í DAG
Þykknar upp vestan-
lands meö suðaustan
kalda. Dálítil súld eða rign-
ing þar síðdegis, en þurrt í
öðrum landshlutum. Hiti
0—5 stig, hlýjast suðvest-
an lands.
Fólk
Friörik Jóhannsson.
Fjárfestingafélag ís-
lands hefur brugðist við
þeim viðburði að Gunn-
ar Helgi Hálfdánarson
er farinn yfir til Lands-
bréfa, verðbréfasjóðs
Landsbankans. Félagið
hefur afráðið að Gunnar
hafi verið tveggja manna
maki, því við forstjóra-
starfi hans taka þeir Frið-
rik Jóhannsson og
Gunnar Óskarsson.
Friðrik er viðskiptafræð-
ingur pg var fjármála-
stjóri FÍ, 32 ára og titlast
hér með forstjóri, en
Gunnar er 35 ára rekstr-
arhagfræðingur og verð-
ur framkvæmdastjóri
verðbréfasviðs.
★
Gunnar Óskarsson.
íþrótta- og tómstunda-
ráð Reykjavíkurborgar
hefur frá þessum mán-
aðamótum tekið við
rekstri Broadway, sem
borgin keypti á þessu ári
af Olafi Laufdal. Ráðið
hefur formlega opnun á
morgun, laugardag, með
móttöku fyrir gesti, þar
sem m.a. verður kynnt
niðurstaða í hugmynda-
safni um nýtt nafn á sam-
komuhúsið. Um kvöldið
verður skemmtun fyrir
unglinga þar sem fjöl-
margir skemmtikraftar
koma fram, m.a. Bubbi
og Megas. Fram-
kvæmdastjóri hefur verið
ráðinn til að halda utan
um reksturinn og hreppti
hnossið Jónas Kristins-
son.
★
Sá landskunni hesta-
maður Sigurbjörn
Bárðarson situr ekki
auðum höndum fremur
en fyrri daginn. Nú er
hann að byggja mikla
skemmu við hesthús sitt í
Víðidal, sem verður
35x15 m að flatarmáli.
Ætlunin er að byggingu
hússins verði lokið fyrir
áramót. Þar ætlar Sigur-
björn að stunda reið-
kennslu svo og leiðbein-
ingar um þjálfun hrossa
auk þess sem hann mun
nota húsið við tamningu
og þjálfun á sínum eigin
hrossum.