Alþýðublaðið - 08.11.1989, Síða 2
2
Miðvikudagur 8.nóv. 1989
MÞÍÐUBUBI!)
Útgefandi:
Framkvæmdastjóri:
Ritstjóri:
Fréttastjóri:
Dreifingarstjóri:
Setning og umbrot:
Prentun:
Blaö hf.
Flákon Flákonarson
Ingólfur Margeirsson
Kristján Þorvaldsson
Sigurður Jónsson
Leturval, Ármúla 36
Blaðaprent hf.
Áskriftarsíminn er 681866
Áskriftargjald 1000 kr. á mánuði innanlands. í lausasölu 75 kr. eintakið.
HEIMSÓKN MITTERRANDS
TIL ÍSLANDS
Ixoma Francois Mitterrands Frakklandsforseta til íslands í gær
ertáknræn vináttuheimsókn. Jón Baldvin Flannibalsson utanrík-
isráöherra íslands og Mitterrand gegna um þessar mundir lykil-
hlutverkum í samsteypunum miklu sem ráöa gangi efnahags- og
atvinnumála í Evrópu. EB og EFTA eru aö því er best verður séö
á góöri leið meö aö mynda stærsta efnahagssvæði í heimi. Jón
Baldvin hefur aö undanförnu veitt EFTA forystu í viðræðunum
viö EB, og eins og glöggt kom fram í þætti Stöðvar2 í gærkvöldi
hefur ráöherra stjórnaö af myndugleika. Ummæli viöskiptaráö-
herra Noregs sem höfð eru eftir í DV í gær vekja verðuga athygli.
Norðmenn eru að öllu leyti ánægöir með framgöngu íslenska ut-
anríkisráðherrans. Koma Mitterrands út hingaö í gær ber því enn
frekar vitni aö forráðmönnum EB er kappsmál aö sem nánast
samstarf veröi viö stjórnendur í EFTA. Utanríkisráöherra okkar
litlu þjóöar er í fararbroddi. Viö getum sannarlega veriö stolt af
frammistööu hans.
Gert er ráð fyrir aö á áramótum hefjist formlegir samningar milli
EFTA og EB. Flagsmunir íslendinga byggjast á því aö skynsam-
legir samningar náist um sjávarafurðir á helstu mörkuöum. ís-
lendingar munu ganga hart eftir því að Evrópubandalagiö viöur-
kenni sérstööu okkar í sjávarútvegi. EB er langmikilvægasta viö-
skiptasvæöið. Mitterrand lýsti því yfir á blaðamannafundi í
Reykjavík i gær aö viröa bæri hagsmuni íslands og boðaði aö
hann myndi meö sérstöku bréfi staðfesta skilning sinn á sér-
stööu íslands. Því ber aö fagna.
Ríkin 12 í EB hafa komið sér saman um að opna landamæri sín
innbyröis upp á gátt áriö 1992 og samræma efnahags- og at-
vinnumál ríkjanna meö óskiptum innri markaði. Sameining Evr-
ópu sem einnar markaðsheildar virðist ekki órafjarri ef EFTA og
Eb gengur að mynda efnahagssvæði. Ríki Austur-Evrópu stíga
erfiö skref undan heljargreipum ofstjórnar og miðstýringar og
ráöamenn í austri hafa gefið í skyn aö nánari tengsl við lýöræöis-
þjóöir Vestur-Evrópu séu þeim bráönauösynleg.
«Jón Baldvin Flannibalsson segir í viötali sem birtist í Alþýðu-
blaöinu í gær aö langt sé í land meö aö ríki Austur-Evrópu uppfylli
skilyrði um inngöngu í EFTA, en að þau banki ákaft upp á. Ung-
verjar hafi til að mynda óskaö eftir fastmótuðum tengslum viö
Fríverslunarbandalagiö og þeim liggi mjög á. Þíðan austan járn-
tjalds hvíli á veikum efnahagslegum grunni. í Sovétríkjunum
gæti svartsýni um aö umbótastef na Gorbatsjovs beri tilætlaöan
árangur. Samdráttur hafi átt sér staö í þjóðarframleiðslu og jafn-
vel sé spáð hungursneið. Á sama tíma berast fréttir úr Aust-
ur-Þýskalandi um frelsisbylgju sem stjórnvöld ætli að láta undan.
Sameining þýsku ríkjanna er ef til vill í augsýn, veröi stigin spor
í átt til lýðræðis í kommúnistaríkinu.
Utanríkisráöherra sem er nýkominn úr opinberri heimsókn í
Ungverjalandi segir aö Ungverjum sé mikilvægt að ríki Vest-
ur-Evrópu bregðist viö hrópunum úr austri af skilningi. Jón Bald-
vin segir aö ekki geti oröiö aö beinni þátttöku Ungverja fremur
en annarra Austur-Evrópuríkja. Fyrst verði EFTA og EB að ná
þeim markmiðum sem að er stefnt. Samskipti EFTA-ríkja og ríkja
Austur-Evrópu veröi á meðan aö byggjast á tvíhliða viöræöum
milli einstakra ríkisstjórna.
Heimsókn Mitterrands til íslands er undir formerkjum aukinnar
samvinnu þjóða í milli. Sá er og skilningur utanríkisráöherra. Jón
Baldvin lýsir því í Alþýöublaöinu í gær að við eigum aö nota tæki-
færið „til aö brýna fyrir honum þann skilning okkar aö viö lítum
á væntanlega samninga viö EB ekki bara sem hreint og klárt viö-
skiptamálefni heldur sem lið í hugmyndum um nýskipan mála i
Evrópu, sem lóö á vogarskál þróunar í átt til varanlegs friöar í
þjóöfélagsskipan Evrópu." Vonandi reynist utanríkisráöherra
sannspár.
ONNUR SJONARMIÐ
RITSTJÓRI Tímans er lentur í sér-
kennilegum deilum samkvæmt for-
síðufrétt blaðsins í siðustu viku.
Undir æsifréttafyrirsögninni ÞEIR
ERU MEÐ ÞUMALPUTTANN Á
TÆKJUNUM skýrir Tíminn frá því,
að blaðið sé bara alveg sambands-
laust við umheiminn vegna við-
gerða og athafna Póst- og símamála-
stofnunar í Lynghálsinum þar sem
blaðið er staðsett.
Indriði G. Þorsteinsson ritstjóri
lætur sér ekki nægja að leggja for-
síðu föstudagsblaðsins undir þessa
stórfrétt, að simasambandið rofni
öðru hverju við blaðið, heldur bætir
um betur með þvi að krefjast þess
að samgöngumálaráðherra láti fara
fram rannsókn á starfsháttum Pósts
og síma. Ritstjórinn heldur því
nefnilega fram, að Póstur og sími sé
með þumalputtana í símtækjum
Tímans.
ÞAÐ hlaut að koma aö því, að skýr-
ing fengist á því, hvers vegna Tím-
inn hefur verið svona sambandslaus
við umheiminn. Satt best að segja,
hélt undirritaður að það væri hluti
af einangrunarstefnu framsóknar-
manna. En nú er hið sanna komið í
Ijós; Tíminn er símasambandslaus
við umheiminn.
Enginn sími, engar fréttir.
Þar er komin skýringin á æsi-
fregnum á forsíðu Tímans sem eng-
inn skilur neitt í. Nú er Ijóst, af
hverju blaðið birtir hverja fréttina á
fætur annarri sem enginn annar
fjölmiðill litur við. Og hér með er al-
þjóð skiljanlegt, hvers vegna Tím-
inn nær aldrei sambandi við neinn
mann sem frá einhverju fréttnæmu
hefur að segja.
Þetta er sem sagt ekki Tímanum
að kenna.
Þetta er Pósti og síma að kenna.
Ef til vill fær Tíminn ekki heldur
fréttatilkynningar og bréf vegna
þess að Póstur og sími er að stríða
blaðinu í þeim efnum einnig.
Það er ekki nema von að ritstjór-
inn geggist og heimti að samgöngu-
málaráðherra láti gera rannsókn á
þessu ríkisfyritæki. Það er líka eins
Indriði TTmaritstjóri: Sambandslaus
við umheiminn.
gott að ritstjórinn verði fyrri til; það
gæti vel farið svo að formaður
Framsóknarflokksins gefist uppá að
lesa hinar sambandslausu fréttir
Tímans og heimti rannsókn á blað-
inu.
RITSTJÓRI Tímans fékk reyndar
svar frá samgöngumálaráðherra og
Pósti og síma. Báðir aðilar reyndu
að róa niður hinn æsta ritstjóra með
rólegu orðalagi. Samgöngumála-
ráðherra sagði að sér þættu það
vondar fréttir að Tíminn væri sima-
sambandslaus. Og til að gleðja rit-
stjórann, bætti ráðherrann við: ,,Ég
hef það stundum á tilfinningunni að
verið sé að stríða mér þegar ég er
sjálfur að hringja út á land og sam-
bandið slitnar stanslaust." Þar með
var komin dáiítil samkennd í málið
og sennilega eitthvað sljákkað í rit-
stjóranum fyrir bragðið.
Hins vegar er samgöngumálaráð-
herra skynsamur maður og taldi þar
af leiðandi enga ástæðu til þess að
hefja rannsókn á starfsemi Pósts og
síma þótt Tíminn væri ekki alltaf í
sambandi við umheiminn.
BLAÐAFULLTRÚI Pósts og síma
sendi hins vegar langt bréf til rit-
stjóra Tímans þar sem gefnar voru
ofureðlilegar skýringar á röskun-
inni sem blaðið hafði orðið fyrir. í
bréfinu segir að verið sé að leggja
nýjan jarðsímastreng frá Árbæjar-
stöð til Mjóumýrar. Þetta hafi orsak-
að linuskort og hafi vandinn verið
leystur til bráðabirgða með fjölsíma-
samböndum. Hins vegar hafi rit-
stjóra Tímans verið gerð grein fyrir
þessu og að málið væri leyst um síð-
ustu helgi og sími Tímans kominn í
lag.
Sem sagt: Einfalt mál.
En hinn uppstökki ritstjóri Tím-
ans trúir greinilega ekki orði sem
aðalóvinur blaðsins, Póstur og sími,
hefur að segja. Eða hvað segið þið
um svar ritstjórans viö bréfi blaða-
fulltrúa Pósts og síma:
„Ljóst hefur verið árum saman
hverjir hafa byggt og eru að
byggja í „Hálsahverfi". Þess
vegna er ekki öðru um að kenna
en handvömm og hirðuleysi að
gera ekki þegar í upphafi réttar
ráðstafanir vegna fjölda síma-
sambanda. Tíminn hefur enga
ástæðu til að trúa einu orði af því
sem símaþjónar segja. Við bíð-
um eins og fyrr, eftir nýjum bil-
unum. — Ritstjóri.“
ÞAÐ getur nú varla talist til já-
kvæðrar lífsafstöðu að eyða lífinu i
það aö bíða á eftir bilunum. En það
verður fróðlegt að fylgjast með
fréttum Timans i framtíðinni.
Spurningin er hvort Póstur og simi
sé á eftir Tímanum, eða hvort Tím-
inn sé á eftir tímanum.
Einn með kaffinu
Hjúkrunarkonan var nýbyrjuð á
geðdeildinni. Vinkonan spurði
hvernig henni likaði vinnan.
— Vel, en það er aiveg brjálað að
gera!
DAGATAL
Undir stjörnu Davíðs
Halii heildsali var á fartinni í mið-
bænum eins og venjulega. Hann
var rétt hlaupinn yfir götuna á
rauðu ljósi þegar ég greip í frakk-
ann hans.
— Nei, blessaður Dagfinnur,
sagði Halli. Ég hélt að þú myndir
rífa frakkann minn í tætlur!
— Ég hélt hins vegar að þú
myndir drepa þig á því að fara yfir
á rauðu Ijósi, svaraði ég.
— Er ekki aðalmálið að vera á
rauðu Ijósi þessa dagana? Er ekki
ríkisstjórnin starfandi á rauðu Ijósi
almennings? Er ekki allt þjóðfé-
lagið á einu allsherjar rauðu Ijósi?
hrópaöi Halli.
— Þið íhaldsmennirnir eruð nú
svo húmorlausir, sagði ég góðlát-
lega.
Nú varð Halli dálítið þögull.
Halli sneri sér upp í vindinn.
— Sko, ég vil nú ekki kalla það
húmorleysi sjálfstæðismanna að
senda formanninn sinn til ísrael,
sagði Halli.
— Var hann ekki boðinn af ríkis-
stjórn gyðinga? spurði ég.
— Jújú, þeir hafa kannski ekki
áttað sig á því að maðurinn er ekki
lengur forsætisráðherra íslands,
sagði Halli. En kannski liggja önn-
ur sjónarmið þarna að baki.
— Nú? sagði ég.
— Já, það er mjög táknrænt að
Þorsteinn hafi verið fenginn til að
leggja blómsveig að minnisvarða
um gyðinga sem létust í útrým-
ingabúðum nasista í síðari heims-
styrjöldinni, sagði Halli.
— Nú? hváði ég á nýjan leik.
— Þorsteinn var náttúrlega tek-
inn pólitiskt af lifi þegar hann
hrökklaðist frá sem forsætisráð-
herra. Þess vegna er þetta tákn-
ræn aðferð. Hinn útrýmdi hyllir þá
útrýmdu, sagði Halli.
— Er þetta nú ekki dálítið
ósmekkleg athugasemd? spurði
ég. ,
— Osmekkleg? hváði Halli.
Finnst þér að stjórnmál eigi að
vera smekkleg?
Ég átti ekkert svar við þessu.
— Nei, hélt Halli áfram. Lífiö
er óútfylltur víxill. Settu inn tölu
og þú þekkir dráttarvextina.
Ég skildi ekki alveg hvert Halli
var að fara.
— Sjáðu til, sagði Halli. Pólitík er
stríð. Sumir berjast og vinna. Aðrir
berjast og bíða ósigur. Sumir berj-
ast ekki neitt og bíða sjálfkrafa
ósigur. í síðari heimsstyrjöld börð-
ust gyðingar ekki gegn nasistum.
Þeim var útrýmt í ægilegum hild-
arleik. Síðar meir lærðu þeir af
reynslunni og bitu frá sér. Símon
Wiesenthal er dæmi um gyðing-
inn sem leitar hefnda.
Ég var ekki enn með á nótun-
um.
— Á íslandi barðist Þorsteinn
aldrei neitt sem forsætisráðherra,
sagði Halli og kipraði saman aug-
un. Honum var útrýmt. Nú er
hann kominn til Gyðingalands að
læra hefndir. Hann mun senn
verða Símon íslands og útrýma
öllum sínum pólitísku andstæð-
ingum. Og til að læra herkænsk-
una rétt, tók hann með sér Eim-
reiðarklíkubróður sinn, Kjartan
Gunnarsson framkvæmdastjóra
Sjálfstæðisflokksins. Saman munu
þeir staðfæra Wiesenthal-tækn-
ina. Jón Baldvin, Ólafur Ragnar
og Steingrímur mega fara að þylja
bænirnar sínar. Og það þýðir ekk-
ert fyrir þá að fiýja til Suður Amer-
íku. Þorsteinn grefur þá uppi.
— Heldurðu virkilega að Israels-
menn fari að kenna Þorsteini
svona vitleysu? spurði ég hálf-
hneykslaður.
— Nei, að sjálfsögðu ekki, svar-
aði Halli. En Þorsteinn fattar það
ekki. Hann heldurað hann komist
upp með allt í ísrael. Þorsteini var
nefnilega sagt að hann væri eini
flokksformaðurinn á Islandi sem
væri verndaður af stjörnu Davíðs!
Og þar með var Halli rokinn.