Alþýðublaðið - 24.11.1989, Blaðsíða 5

Föstudagur 24. nóv. 1989
5
Alþýðubandalag á Árbæjarsafn
FOSTUDAGSSPJALL
Mikiö má Ólafur Ragnar Grímsson þakka andstæðingum sínum
i flokknum. Þeir björguöu landsfundinum. Hann segir sjálfur að
meö því aö fella kandídatinn hans í varaformennskuna hafi þeir
breikkaö forystuna og meö því aö útvatna stefnuskrártillögur
hans hafi þeir styrkt málefnastöðuna. Ef landsfundurinn heföi far-
ið að vilja formannsins sæti flokkurinn uppi að hans eigin sögn
með þrönga forystu og veika stefnu. Lifi sjálfsgagnrýnin.
„Flokkarnir austan hins gamla járntjalds uröu valda sinna vegna aö auö-
mýkja sig í allri nekt og játa opinberlega áratuga villuráf. Þjóðirnar kröfðust
þess.
Gamli kjarninn í Alþýðubandalaginu þarf ekki að játa neitt þvi að fólkið
í landinu nennir ekki að krefjast uppgjörs við hann. Hann skiptir svo litlu
máli i hinu stóra spili."
Gudmundur
Einarsson skrifar
Ójöfnuöur
Það er óskaplega margt óljóst
um Alþýðubandalagið þessa dag-
ana.
Það er t.d. ekki ljóst hvor armur-
inn ræður ferðinni. Er það Svavar
eða er það Ólafur Ragnar?
Það er heldur ekki ljóst hvaða
stefnu flokkurinn hefur i megin-
málum því um það náði lands-
fundurinn ekki samstöðu. Stefnan
verður ekki ljós fyrr en ráðherr-
arnir þrír hafa skrifað hana upp.
Þetta er ein af hinum mörgu
undarlegu uppákomum helgar-
innar. Lýðræðishreyfingin í þess-
um „lýðræðissinnaða" sósíalista-
flokki varð að sætta sig við að ráð-
herrarnir ákvæðu niðurstöður
landsfundar eftir á.
Og það er ekki einu sinni Ijóst
hvað flokkurinn vill kalla sig.
Ólafur Ragnar Grímsson segir
að eftir þessa helgi sé ljóst að Al-
þýðubandalagið sé jafnaðar-
mannaflokkur á vestræna vísu.
Það á semsagt að verða orðið
ljóst eftir
— að flokkurinn hafnar tillögu
um að óska eftir aðild að Al-
þjóðasambandi jafnaðar-
manna, en samþykkir útvatn-
að jukk um könnun,
— að flokkurinn ítrekar heim-
óttarlega einangrunarstefnu
sína, þjóðernisrembing og út-
lendingahatur,
— að flokkurinn hafnar alþjóða-
hyggju jafnaðarmanna og
sjálfstæðisbaráttu íslendinga
í efnahags- og öryggismálum,
— að flokkurinn guggnar á að
taka heilshugar undir upp-
byggingaráform í iðnaði og
gengur enn hryggskakkur
eftir ofstækisfulla bónda-
beygju Hjörleifs Guttorms-
sonar í þeim málum.
Og þessa niðurstöðu kallar Ólaf-
ur Ragnar Ijósa yfirlýsingu um að
vilja vera vestrænn jafnaðar-
mannaflokkur. Hvernig hefði
óljós yfirlýsing hljóðað?
Á pólitískum
vaðmálsbrókum
Sannleikurinn er auðvitað sá að
Alþýðubandalagið er hreint ekki
jafnaðarmannaflokkur og vill alls
ekki vera það.
Gamla forystan í flokknum hef-
ur margsinnis hafnað þeim megin-
straumum frjálslyndis og umburð-
arlyndis sem einkennir vestræna
jafnaðarmenn. Þeir hafa kallað
þessa pólitík hægrikratisma,
frjálshyggju og Moggaáróður.
Þessir Sturlungar Alþýðubanda-
lagsins hafa í áratugi höggvið,
brennt eða flæmt af jörðum sínum
alla þá, sem ekki hafa játast undir
eldfornan seið leshringjakuklsins
og kreddusósíalismans. Þeir ætla
ekki að éta neitt ofan í sig af því
sem þeir áður sögðu.
Þar verður þeim smæðin og
valdaleysið til bjargar. Flokkarnir
austan hins gamia járntjalds urðu
valda sinna vegna að auðmýkja
sig í allri nekt og játa opinberlega
áratuga villuráf. Þjóöirnar kröfð-
ust þess.
Gamli kjarninn í Alþýðubanda-
laginu þarf ekki að játa neitt því
fólkið í landinu nennir ekki að
krefjast uppgjörs við hann. Hann
skiptir svo litlu máli í hinu stóra
spili.
Og þjóð, sem geymir á byggða-
söfnum hin gömlu amboð atvinnu
sinnar, sér ekkert athugavert við
að varðveita í einum stjórnmála-
flokki hin gömlu sjónarmið stjórn-
mála sinna.
En þótt þeir Svavar Gestsson og
Steingrímur Sigfússon vilji ganga
um í pólitískum vaðmálsbrókum
og kúskinnsskóm, er óþarfi að
þeir geri óvirka þá raunverulegu
jafnaðarmenn, sem augljóslega
eru í flokknum.
Við Birtingarmenn og fleiri vil
ég segja þetta:
Það kann vel að vera að ykkur
þyki Alþýðuflokkurinn ekki beys-
inn jafnaðarmannaflokkur. En
það er þó alveg Ijóst að hann
a.m.k. gengst við því nafni án mót-
mæla, hann hefur þessi margum-
töiuðu tengsl við alþjóðahreyfing-
una og svo er hann löngu búinn að
samþykkja þessa stefnupunkta,
sem þið lögðuð árangurslaust fyrir
landsfund Sturlunganna.
Athugasemdir borgarfulltrúa
Leiöari Alþýðublaösins, þriðjudaginn 21. nóv. sl. fjallar um mátt-
lausan minnihluta í borgarstjórn. Vel má vera aö svo sé og um þaö
ætla ég ekki aö deila við þig. Hins vegar finnst mér tónninn sem
gefinn er í leiðaranum falskur og margt þar ekki standast. Vil ég
því til sönnunar rekja eftirfarandi sem og óska eftir aö þú birtir við
fyrstu hentugleika.
Leiðarinn hefst á fullyrðingu um
að minnihlutinn hafi sofið þyrni-
rósarsvefni og að andstöðunni í
borgarstjórn hafi ekki fundist nein
ástæða að gagnrýna Davíð Odds-
son borgarstjóra og sjálfstæðis-
menn fyrir stjórnun borgarinnar.
Þessari fullyrðingu svara ég af-
dráttarlaust sem rangri. Ef þú vild-
ir gera svo iítið að kynna þér fund-
argerðir borgarráðs og borgar-
stjórnar sem blaðinu berast reglu-
lega svo ekki sé talað um birta úr
því eða skrifa um það leiðara þá
átt þú auðvelt með að sjá að varla
líður svo fundur að við í minni-
hlutanum gagnrýnum ekki borg-
arstjórann og meirihlutann fyrir
stefnumörkun í málefnum borgar-
innar.
Fuliyrðing þín er röng og styðst
ekki við rök. Hitt kann að vera að
borgarbúar viti lítið af gagnrýn-
inni og má þá spyrja hvers sé sök-
in? Undirritaður hefur ritað grein-
ar í Alþýðublaðið og Dagblaðið og
mótmælt bæði stefnumörkun og
marg oft vinnubrögðum borgar-
stjórnarmeirihlutans, sama hefur
verið gert á fundum bæði í Al-
þýðuflokknum sem annars staðar.
Ráðhúsmálið
Svo byrjað sé á fyrsta regin-
hneykslinu sem talið er upp í fyrr-
nefndum leiðara, Ráðhúsmálinu,
þá getur fyrrum blaðamaður Al-
þýðublaðsins, Haukur Hólm, vott-
að að ég var sá eini úr forystusveit
Alþýðuflokksins sem stóð að því
að stofna samtökin Tjörnin lifir.
Ekki minnist ég þess að þú hafir
verið þar á meðal þótt þú hafir
fylgst með undirbúningi þess máls
betur en margur annar. Ég hafði
mjög gaman af því starfi og kynnt-
ist þar sjónarmiðum margra sem
voru á móti því að Ráðhús risi í
Tjörninni og þar á meðal eru
margir sjálfstæðismenn. Það mál
er ekki búið. Undirbúningur mót-
mælafundar þar sem þúsundir
Reykvíkinga mótmæltu bygging-
aráformunum fór fram í húsa-
kynnum Alþýðuflokksins og var
virkilega gaman að vinna þá
vinnu, enn var ritstjórinn fjarri.
Þá má og rifja upp afstöðu for-
ráðamanna Alþýðuflokksins til
kæru minnar og annarra borgar-
fulltrúa til félagsmálaráðherra
vegna of stuttrar auglýsingar á
breyttu skipulagi Ráðhúsreits. Þá
hafði minnihlutinn rétt fyrir sér en
flokkssystkin okkar afneituðu
borgarfulltrúanum þá. Eða ertu
búinn að gleyma Brúnarlands-
fundarhelginni þegar Davíð Odds-
son heimtaði að gerður yrði katt-
arþvottur á auglýsingarmálinu?
Og ertu búinn að gleyma niður-
stöðu þess máls? Það mál snerist
einfaldlega um það hvort forysta
Alþýðuflokksins vildi styðja lög-
lega kröfu andófsmanna eða
valdahroka borgarstjórans. Fólkið
gafst upp. Hvor var linari í því
máli, ég eða þú?
Tillögur minnihlutans_________
við f járhagsáætlun___________
Síðan rekur þú réttilega hvern-
ig fjármunum borgarbúa er só-
lundað í dýrindis skrifstofubygg-
ingar og segir „Andstaðan í borg-
arstjórn hefur þó ekki kippt sér
upp við þetta hróplega félagslega
misrétti sem borgarbúar eru dag-
lega beittir af Davíð og mönnum
hans“. Hér er aftur farið ranglega
með staðreyndir. Minnihlutinn
hefur sameinaður flutt breytingar-
tillögur við fjárhagsáætlun meiri-
hlutans. Þrjú ár í röð hafa borgar-
fulltrúar minnihlutans flutt tillög-
ur um að í stað glæsihalla fái öldr-
unarþjónustan, húsnæðislausir,
dagvistarþurfi og fleiri sem eru í
þörf fyrir félagslegt öryggi frekar
notið fjármagnsins. Við í minni-
hlutanum höfum boðað til fundar
með borgarbúum þar sem við
kynntum tillögur okkar og hlust-
uðum á tillögur borgaranna. Al-
þýðublaðið gerir okkur rangt til
þegar það fullyrðir að minnihlut-
inn hafi ekki reynt sem hann gat.
I tillögugerð okkar höfum við ver-
ið sem einn flokkur og hef ég sem
borgarfulltrúi Alþýðuflokksins
gætt þess að þar megi glöggt sjá
þær áherslur sem einkenna eiga
störf Alþýðuflokksins í borgar-
stjórn. Alvarlegri ásökun en þá
sem Alþýðublaðið setur fram um
að borgarfulltrúi flokksins hafi
ekki sinnt málum flokksins í borg-
arstjórn er ekki hægt að setja
fram.
Alþýðuflokksfólk kann ekki að
meta það að blað þess sé notað til
þess að ljúga til um gerðir forystu-
manna flokksins.
Þú spyrð í leiðaranum vegna
olíulekans í Öskjuhlíð hvernig við
í minnihlutanum höfum staðið
okkur í þeim málum. Á fundi borg-
arstjórnar 1. desember síðastlið-
inn kvaddi ég mér hljóðs vegna
umsóknar Olíuverslunar íslands
fyrir byggingu hennar við Fjall-
konuveg. Þar neitaði ég að standa
að afgreiðslu málsins þar eð máls-
meðferð þess var verulega áfátt
og gagnrýndi slökkvistjóra fyrir
að hafa brugðist hlutverki sínu og
benti á að ekki hafi verið farið að
tillögu forstöðumanns heilbrigðis-
eftirlitsins um að leita til bruna-
málastofnunar. Eftirlit með Shell-
stöðinni í Öskjuhlíð var eins og ráð
er fyrir gert og öryggiskröfum
fylgt þar.
Vinnum saman
Varðandi Fæðingarheimili
Reykjavíkur þá mótmæltum við í
minnihlutanum málsmeðferð
meirihlutans í því máli. Málið er á
dagskrá í borgarstjórn 7. desem-
ber nk. Undirritaöur ritaði fyrir
nokkru kjallaragrein í Dagblaðið
um málið og mun hún væntanlega
birtast einhvern næstu daga.
Fyrir viku kynntum við á flokks-
skrifstofunni, sem vinnum á veg-
um fiokksins, þér og fleirum, fyrir-
ætlan okkar um kynningu á stefnu
flokksins meðal borgarbúa næstu
mánuði, og hvernig við viljum að
Alþýðuflokkurinn fari til fólksins
og hlusti eftir viðhorfum þess. Þá
höfum við auglýst í Alþýðublað-
inu 10 fundi sem haldnir voru síð-
ustu tvær vikur og fjölluðu um
stefnuskrárvinnu. Við erum þeirr-
ar skoðunar að farsælla sé fyrir
jafnaðarmannaflokk að hlusta eft-
ir skoðunum fólksins, móta síðan
stefnuna og kynna hana og fá fólk
þannig til liðs við flokkinn frekar
en gera það með skrumi og yfir-
borðsmennsku.
Vona ég að blaðið skipti um tón
og láti okkur sem vinnum á vett-
vangi sveitarstjórnarmála njóta
sannmælis.
í lokin vil ég geta þess, að ekki
mun ég frekar skattyrðast við þig,
því hollara er okkur að snúa bök-
um saman og vinna þannig í sam-
einingu að því að framkvæma
jafnaðarstefnuna.
Með flokkskveðju,
Bjarni P. Magnússon
Svar Alþýðublaðsins.
í umgetnum leiðara Alþýðu-
blaðsins var fjallað um ýmis
hneykslismá! og óstjórn sem við-
gengist hefur í borgarstjórnartíð
Davíðs Oddssonar. Jafnframt
gagnrýndi blaðið máttlausa and-
stöðu minnihlutans, einkum í fjöl-
miðlum enda hlýtur það að vera á
opinberum vettvangi en ekki í lok-
uðum fundarsölum borgarstjórnar
sem borgarbúum gefst kostur á að
sjá aðra hlið mála en þær sem
meirihlutinn undir forystu borgar-
stjóra heldur á lofti.
Alþýðublaðið veittist ekki að
Bjarna R Magnússyni fulltrúa Al-
þýðuflokksins persónulega. Því
hlýtur blaðið að lýsa furðu sinni á
hinum persónulegu viðbrögðum
borgarfulltrúans.
Alþýðublaðið beinir því til allra
flokka í minnihluta borgarstjórnar
Reykjavikur að veita ofriki, yfir-
gangi sjálfstæöismanna í borgar-
stjórn mótspyrnu og ráðast gegn
þeirri mannfyrirlitningu og ná-
ungakulda sem kemur fram í að-
gerðarleysi meirihlutans í félags-
og heilbrigðismálum borgarinnar
svo eitthvað sé nefnt. Um það eig-
um við að snúa bökum saman.
— Ritstj.