Alþýðublaðið - 29.06.1990, Blaðsíða 4

4
VIÐHORF
Föstudagur 29. júní 1990
AMUBLMÐ
Ármúli 36 Sími 681866
Útgefandi:
Framkvæmdastjóri:
Ritstjórí:
Fréttastjóri:
Auglýsingastjóri:
Dreifingarstjóri:
Setning og umbrot:
• Prentun:
Blaö hf.
Hákon Hákonarson
Ingólfur Margeirsson
Jón Birgir Pétursson
Hinrik Gunnar Hilmarsson
Siguröur Jónsson
Leturval, Ármúla 36
Oddi hf.
Áskriftarsíminn er 681866
Áskriftargjald 1000 kr. á mánuöi innanlands.í lausasölu 75 kr. eintakiö
STÖÐ 2 OG
REYKJAVÍKURBORG
Stöö 2 sem nú marir í skuldasúpu upp á einn milljarö, hefur fariö
bréflega fram á þaö viö Reykjavíkurborg, að hún ábyrgist 200
milljón króna lán sem fyrirhugaö er aö taka og endurgreiðist á 5
árum. Borgarráð mun afgreiða málið á næsta fundi sínum.
Þar meö hefur Stöö 2 tekið þaö afdrífaríka skref aö leita á náöir
hins opinbera meö rekstur sinn. í sjálfu sér má finna nokkur
dæmi um þaö aö einkafyrirtæki leiti eftir opinberri skuldaábyrgö.
Máliö snýr hins vegar öðruvísi aö Stöö 2 sem er fjölmiðill í sam-
keppni viö Ríkissjónvarpið og hefur haldið úti harðri gagnrýni á
fjölmiðlarekstur hins opinbera. Stöð 2 rekur auk þess mann-
marga fréttadeild sem er í beinni samkeppni viö fréttastofu RÚV.
Hingað til hefur almennt verið taliö aö fréttadeild Stöövar 2 væri
óháö pólitískum hagsmunum, þótt fréttadeildin hafi stundum
verið umdeild og gagnrýnd fyrir vinnubrögð sín. Það gefur hins
vegar auga leiö, aö ef borgarráö samþykkir skuldaábyrgð fyrir
Stöö 2, fær sjónvarpsstöðin öll, líka fréttadeildin, pólitískt yfir-
bragð.
Sjálfstæðismenn hafa hreinan meirihluta í Reykjavík. Það eru
þeir sem taka ákvörðun um skuldaábyrgðina til Stöðvar 2. Eðli-
legast er auðvitað að pólitískir flokkar eða hagsmunaaðilar í
stjórnmálum séu ekki að rétta svonefndum óháðum, frjálsum
miðlum hjálparhönd. Slíkt skerðir trúverðugleika á báða bóga.
Jákvætt svar borgarráðs væri því bjarnargreiði fyrir Stöð 2 og
ímynd hennar. Sú ákvörðun Stöðvar 2 að leita til Reykjavíkur-
borgar í fjárhagsþrengingum hlýtur að vekja furðu margra og
veikja trú manna á sjónvarpsstöðinni.
FÖSTUDAGSSPJALL
Sól og pól-itik
Líklega hefur alvarlegasta
skyssan í íslenskum stjórnmálum
verið sú að láta Alþingi aðeins
starfa að vetrinum. Ástæðunnar
eru auðvitað að leita í hormóna-
starfsemi sauðkindarinnar eins og
fleira í þjóðlífinu.
Kindarleg stjómmál
Þegar haustar gerist það allt í
senn að grasið fölnar og deyr, dag-
inn styttir og Alþingi kemur sam-
an.
Þegar loks heyrist verulega til
þingmanna þ.e. í fjárlagaumræð-
unni, er orðið myrkur næstum all-
an sólarhringinn.
Síðan situr þingið allan veturinn
ásamt með ófærð, rafmagnstrufl-
unum og vaxandi þunglyndi þjóð-
arinnar.
Það stendur svo heima, að um
leið og brúnin loks lyftist á landan-
um undir vorið, fer Alþingi heim.
Þannig er loku fyrir það skotið
að stjórnmálaumræðan tengist sól
og sumri, heldur skal hún vera
skammdegismál.
Það er kindarleg niðurstaða.
Gleðileg pól-itík
Betra væri að Alþingi starfaði
frá mars til nóvember með mánað-
arhléi á miðju sumri fyrir venjuleg
sumarleyfi.
Þannig er gert sumsstaðar í út-
löndum.
Þá gætu menn hlustað á eldhús-
dagsumræður í júlí með kjötið
snarkandi yfir kolunum úti á svöl-
um og grillstemmninguna góðu
allsráðandi.
Þá gætu menn legið í sólbaði í
Vesturbæjarlauginni með kók í
klaka og rætt í góðu skapi um við-
skiptajöfnuðinn.
Það væri líka hægt að halda
flokksþing um fallega helgi í júní-
lok, kveikja varðelda á kvöldin og
velta sér upp úr dögginni.
Gaman og gagn
Það gæti alveg komið í ljós að
stjórnmálin hér væru hreint ekki
eins afleit og flestir telja, ef menn
horfðu meira á þau í gegnum sól-
gleraugun sín.
Líklegast er bráðnauðsynlegt að
hrista af okkur gamla fjötra sauð-
kindar og síldar og taka pólitíkina
inn í sumarið. Það eru engar for-
sendur fyrir því lengur að gera
stjórnmálin útlæg úr sumrinu.
Kannski væri tilbreytni í því að
gera þau í staðin útlæg úr jólamán-
uðinum svo að málþófsfréttirnar
blandist ekki lengur jólakveðjun-
um.
Guðmundur Einarsson
skrifar
RADDIR
Finnst þér ad íslensk fyrirtœki œttu í auknum mœli aö gerast almenningshlutafélög?
Jónmundur Guðmarsson, 22 ára
háskólanemi:
„Já, aö sjálfsögðu og þá ekki
síður ríkisfyrirtæki en einkafyrir-
tæki. Það gæti losað þjóðfélagið
undan því að reka ríkisfyrirtæki
með áralöngum halla og fjár-
magna tapið með skattheimtu."
Margrét Gísladóttir, 22 ára verð-
andi móðir:
„Já, til að gefa sem flestum
tækifæri til að fjárfesta í arðbær-
um fyrirtækjum."
Dagný Gunnarsdóttir, 24 ára af-
greiðslustúlka:
„Það ætti náttúrulega að vera
þannig, alla vega finnst mér það
réttara. Maður á að geta valið og
hafnað og haft tækifæri til að gera
það sem maður vill með pening-
ana sína."
Ari Gísli Bragason, 23 ára rit-
stjóri:
„Jú, að sjálfsögðu. Það er hin
eina sanna þróun markaðarins að
færa stjórnun stórfyrirtækja til
fólksins í landinu."
Gunnar Helgi Hálfdanarson, for-
stjóri Landsbréfa:
„Já, vegna þess að það tryggir
þeim betri aðgang að eigið fé, sem
eflir fyrirtæki og treystir þau í
samkeppni og hugsanlegu fjár-
hagslegu andstreymi síðar."