Alþýðublaðið - 30.06.1990, Blaðsíða 9
Laugardagur 30. júní 1990
9
leið til íslands
Miklar breylingar standa ffyrir dyrum i ffrjólsum
ffjórmagnshreyffingum til og ffró landinu. í viðskipta-
róðuneytinu eru i undirbúningi tillögur sem miða að
þvi að ffaera landið nœr þeim hræringum sem nú eru
i þessum múlum i löndunum allt i kringum okkur.
EFTIR: MAGNÚS ÁRNA MAGNÚSSON
Seðlabankinn hefur nýverið gef-
ið út lærða skýrslu um áhrif
frjálsra fjármagnsflutninga á ís-
lenskt efnahagslíf. Við hjá Alþýðu-
blaðinu höfðum samband við Finn
Sveinbjörnsson, hagfræðing hjá
iðnaðarráðuneytinu og sérlegan
ráðgjafa ráðherra í Evrópusam-
starfi.
„Það sem helst liggur fyrir og
hefur verið lagt fram í ríkisstjórn,
eru breytingar á gjaldeyrislöggjöf-
inni, þ.e.a.s. við erum ekki að tala
um að leyfa erlendum bönkum að
starfa hérna eða breyta reglum um
eignaraðild útlendinga að inn-
lendum fyrirtækjum," sagði Finn-
ur.
Erlond lún ún tiloffwis
Hann sagði liggja fyrir tillögur
um að leyfa íslendingum að kaupa
erlend verðbréf og að leggja gjald-
eyri inná bankareikninga erlendis,
eins og þeir mega leggja þá inná
gjaldeyrisreikninga nú í dag.
„Menn mega samt ekki iabba sig
niðrí banka og senda fullt af pen-
ingum til útlanda," sagði Finnur.
Svo sagði hann að skýra-ætti öll
ákvæði um að útlendingar megi
kaupa innlend verðbréf og hluta-
bréf og flytja peningana út aftur.
„Það hefur ekki mátt hingað til og
hugsanlega valdið því að útlend-
ingar hafa ekki haft áhuga á ís-
lenskum pappirum."
Finnur sagði að einnig hefði ver-
ið gerð tillaga um að Islendingar
fái að taka erlend lán án einhvers
sérstaks tilefnis, en það mun bund-
ið fjárhæðarmörkum og ákveðn-
um lágmarkslánstíma svo og að
ekki þurfi að koma til ábyrgð ís-
lenskra fjármagnsstofnana.
Hingað til hafa erlendar lántök-
ur verið bundnar einhverjum
ákveðnum tilefnum, s.s. fjárfest-
ingum í tækjum og búnaði og ein-
hverju þess háttar, en menn hafa
ekki haft aðgang að erlendu lánsfé
til að fjármagna t.d. rekstur fyrir-
tækja.
„Það er aðeins verið að opna
gættina," sagði Finnur.
Íslendingar dragast
gfftur úr______________________
Upp á síðkastið hafa íslendingar
dregist talsvert afturúr hinum
Norðurlöndunum vegna þess að
þau hafa losað mjög hratt um þær
hömlur sem þar voru á frjálsu fjár-
magnsflæði.
Það er fyrirsjáanlegt að ef ein-
hverjir samningar verða gerðir
milli EFTA og EB að þá munu á
þeim vettvangi gilda mjög frjálsar
gjaldeyrisreglur. Þá erum við að
verða þeir einu sem eru með ein-
hverjar stífar hömlur.
„Við sjáum fram á það að við
munum þurfa að aðlaga okkur,
þannig að það er eins gott að fara
að byrja," sagði Finnur.
Höffuðmól ffyrir____________
samkeppnisstöðu_____________
islenskra ffyrirtækja
Annað atriði sem er ekki veiga-
minna er það að þetta skiptir ís-
lenskt atvinnulíf höfuðmáli uppá
samkeppnisstöðu þ.e. að hafa svip-
aða möguleika til að fjármagna sig
og keppinautarnir.
„Þetta gildir ekki bara fyrir fyr-
irtæki sem eru í útflutningi, heldur
ekki síður fyrir fyrirtæki á inn-
lendum markaði sem keppa við
innflutning."
„Ef við förum ekki að taka okk-
ur taki þá skaðar það svo sam-
keppnisstöðu fyrirtækjanna,"
sagði Finnur.
Hann sagði ennfremur að í til-
lögum Jóns' Sigurðssonar væri
miðað við að þessi skref yrðu tek-
in í áföngum. „Við munum ekki
fara það geyst að menn missi tökin
á öllu hérna, heldur fara varlega,
þannig að almenningur, fyrirtæki,
og stjórnvöld geti aðlagað sig
hverju skrefi jafnóðum og það er
tekið."
Takmarkið er að búið verði að
afnema sem flestar hömlur í árs-
lok 1992, til að íslensk fyrirtæki
búi ekki við erfiðari stöðu en er-
lend.
A ráðstefnu Fjárfestingarfélags
íslands um erlend verðbréf 17.maí
sl. talaði meðal annarra Sten West-
erberg, sem starfar hjá Skandina-
viska Enskilda Banken í Svíþjóð
og sagði hann meðal annars í við-
tali við tímaritið Fjármál, sem gef-
ið er út af Fjárfestingarfélaginu:
„Lítil hagkerfi eins og á Norður-
löndunum þurfa að taka þátt á al-
þjóðamarkaði. Aðeins þannig
geta þessar þjóðir notið góðs af
stærðarhagkvæmni." Og Sten
heldur áfram: „Stærri þjóðir geta
einangrað sig en minni þjóðir, eins
og Svíþjóð og Island, geta það alls
ekki. Að heimila ekki fjárfestingar
erlendis er hulin skattheimta á al-
menning."
Tillögurnar hafa ekki verið
bornar undir ríkisstjórn, en sam-
kvæmt heimildum Alþýðublaðs-
ins er mjög líklega pólitískur vilji
fyrir því að þær nái fram að ganga.