Alþýðublaðið - 15.04.1989, Blaðsíða 1
Alþýðuflokks-
félag Reykjavíkur
Borgarafundur
á Hótel Borg
um húsbréfin
Félagsmálaráðherra
svarar fyrir-
spurnum og kynnir
h úsbréfakerfið
Alþýðuflokksfélag
Reykjavíkur efnir til borg-
arafundar um húsbréfakerf-
ið, á Hótel Borg kl 20.30
næstkomandi þriðjudags-
kvöld. Jóhanna Sigurðar-
dóttir félagsmálaráðherra,
Kjartan Jóhannsson for-
maður þingnefndar sem
fjallaði um húsnæðismálin
og Ingvi Örn Kristinsson
hagfræðingur svara fyrir-
spurnum og kynna húsbréfa-
kerfið.
Magnús Jónsson formað-
ur Alþýðuflokksfélags
Reykjavíkur sagði í samtali
við blaðið, að fundurinn
væri fyrst og fremst haldinn
til að koma á framfæri upp-
lýsingum um málið frá þeint
aðilum sem mest og best
þekkja til kerfisins.
Fundur Alþýðuflokks-
félags Reykjavíkur
sl. miðvikudag
Ekki haft
samráð við
Jón Baldvin
Jón Baldvin Hannibalsson
formaður Alþýðuflokksins
var auglýstur sem frummæl-
andi á fundi Alþýðuflokks-
ins í Reykjavík án samráðs
við hann. Þetta kemur fram í
orðsendinu sem Jón Baldvin
hefur sent Alþýðublaðinu.
í orðsendinmgunni segir
eftirfarandi: „Vegna fréttar á
forsíðu Alþýðublaðsins
föstudaginn 14. apríl um að
formaður Alþýðuflokksins
hafi ekki mætt til fundar á
boðuðum fundi Alþýðu-
flokksfélag Reykjavíkur sl.
miðvikudagskvöld, er óhjá-
kvæmilegt að taka eftirfar-
andi fram: Formaður Al-
þýðuflokksins var auglýstur
sem frummælandi á þessum
fundi án samráðs við hann.
Þannig stóð til að mörgum
vikum áður en fundurinn var
haldinn, var formaðurinn
með skuldbindingar að
mæta annars staðar í skyldu-
erindum. Formaðurinn
reyndi að fá því breytt en það
reyndist ekki gerlegt. Hann
sendi skriflega orðsendingu
til formanns Alþýðuflokks-
félags Reykjavíkur þar sem
hann skýrði málið. Abyrgðin
verður því að skrifast á þá
sem auglýstu formann Al-
þýðuflokksins sem fram-
sögumann án þess að ganga
úr skugga urn að hann gæti
mætt.“
10 nýjar fiskeldisstöðvar á Austfjörðum
SLEPPA SEIÐUM f SJÓ
EF EKKI FiEST LÁNSFÉ
Landsbankinn neitar viðskiptum. Eigið framlag 60 millj-
ónir, en 60-80 milljónir vantar fram að slátrun.
„Ef ekki verður tekið á
þessum málum mjög snar-
lega þurfum við annað-
hvort að sleppa seiðunum í
sjóinn í vor, eða knýja
áfram út persónuleg lán
fram yfir slátrun, sem
þýddi að við endurnýjuð-
um ekki í kviunum, „ sagði
Jón Guðmundsson fram-
kvæmdastjóri á Reyðar-
firði í samtali við Alþýðu-
blaðið. 10 sjókvíaeldis-
stöðvar á Austfjörðum sem
hófu rekstur á s.l. sumri
hafa enn ekki komist í við-
skipti við banka og er svo
komið að veð í húseignum
margra þeirra einstaklinga
sem standa að fyrirtækj-
unum duga ekki lengur til
að afla lánsfjár til fóður-
kaupa.
Hingað til hefur rekstur-
inn verið að mestu leyti
kostaður af eigin fé og hafa
einstaklingar lagt hátt í 60
milljónir króna í fyrirtæk-
in. Þeir hafa þurft að veð-
setja húsin sín og taka lán
út á persónuleg viðskipti í
bönkum til fóðurkaupa
síðustu mánuði. En nú
verður ekki lengra komist i
þeim efnum, að sögn Jóns
Guðmundssonar. Talið er
að fjármagnsþörfin fram
að fyrstu slátrun sé um 60-
80 milljónir.
Lengi vel var álitið að
skilyrði fyrir eldi á Aust-
fjörðum væru mjög óhag-
stæð. Iðnþróunarfélag
Austfjarða lét gera ná-
kvæmari rannsóknir og var
sérstök fyrirgreiðsla veitt
fyrir tilraun með sjókvía-
eldi á Norðfirði, sem hefur
gefið nijög góða raun. Nið-
urstöður virðast benda til
þess, að aðstæður á Aust-
fjörðum séu mjög ákjósan-
legar þrátt fyrir lágan hita í
sjónum, þar sem litlar
sveiflur eru á hitastiginu.
Því voru aðstandendur
stöðvanna 10 mjög bjart-
sýnir þegar reksturinn
hófst á síðasta ári. Treyst
var á fyrirgreiðslu hjá
Landsbankanum, þar sem
hann er langstærsti við-
skiptabanki fiskeldisstöðv-
anna, með um 80-90% af
heildarlánum til fiskeldis.
En stuttu eftir að nýju
stöðvarnar á Austfjörðum
hófu rekstur gaf bankinn
þá yfirlýsingu að ekki yrði
lánað til nýrra fyrirtækja á
þessu sviði.
„Eins og við vitum setti
ríkisstjórnin á um 7 ntillj-
ón heimilislaus laxaseiði í
fyrra, þar sem ekki tókst að
selja þau úr landi. í þetta
voru heimilaðar erlendar
lántökur upp á 800 millj-
ónir króna. Það hefur sára-
lítið sem ekki neitt af þessu
fé farið i kvíaeldi. Nánast
allt hefur farið í strandeldi
á suðvesturhorninu,“
sagði Jón Guðmundsson.
Stöðvarnar á Austfjörðum
fá heldur ekki fyrirgreiðslu
í gegnunt hinn nýstofnaða
Tryggingarsjóð fiskeldis,
því í ákvæðum í reglugerð
eru skilyrði um að fyrir-
tækin séu í viðskiptum við
banka og með afurðalána-
fyrirgreiðslu upp að 35,7%
að lágmarki.
BHMR félagar voru fjölmennir á þingpöllunum þegar umraeður fóru fram utan dagskrár á Al-
þingi í gær. Aukin harka hefur nú færst i deilur samtakanna við ríkið og ekki sést fyrir endann
á þeim. A-mynd/E.ÓI.
■Kjaradeilur í hnút
Verkfall BHMR
dregst á langinn
Engir fundir um helgina
Deila BHMR og ríkisins er
í hreinum hnút. Samkvæmt
heimildum Alþýðublaðsins
bíða menn nú niðurstöðu úr
atkvæðagreiðslu BSRB á
þeim samningum sem sam-
tökin gerðu fyrir skemmstu.
Jafnvel er talað um að við-
ræður ASÍ og VSÍ sem
mögulegan áhrifavald á stöð-
una í samningunum. Sáttatil-
laga kemur ekki til greina í
stöðunni enda staðan ekki til
þess og því myndi hún draga
verkfall verulega á langinn,
meðan atkvæðagreiðsla
stæði yfir.
Atkvæðagreiðslu BSRB
lýkur um 20. apríl, þ.e. eftir
tæpa viku. Fari svo að
BFfMR og ríkið bíði niður-
stöðu hennar er Ijóst að verk-
fall varir a.m.k. næstu tvær
vikur, því ólíklegt verður að
teljast að samningar takist
skjótt eftir að niðurstaða at-
kvæðagreiðslu innan BSRB
verður skýr.
Verulega aukin harka hef-
ur færst í deilu BHMR og
ríkisins. Ekki þó endilega í
sjálfum samningaviðræðum
heldur fyrst og fremst í þeim
yfirlýsingum sem ráðherrar
og forráðamenn rikisins
hafa gefið. Steingrímur Her-
mannsson segir kröfur
BHMR vitfirrtar. í frétta-
bréfi HÍK, Veggjalúsinni,
segir að fólk skuli ekki taka
þessa yfirlýsingu nærri sér:
„Hann (forsætisráðherra)
hefur sjálfsagt ekki lesið
kröfugerðina og þótt svo
væri man hann örugglega
ekki hvernig hún hljóðar."
Heyrst hefur að deilan
verði tekin fyrir i þingflokki
Alþýðubandalagsins á
mánudaginn. Samkvæmt
heimildum Alþýðublaðsins
hafa forráðamenn Alþýðu-
bandalagsins reynt að hafa
áhrif á samflokksmenn sína
innan BHMR í þeim tilgangi
að leysa deiluna. Þetta hefur
að sögn hleypt illu blóði i
fólk innan BHMR.
Deilan er því ekki síður
áróðursstríð en stríð við
samningaborðið. í því stríði
er erfitt að meta sigurvegara.
Skyrsla utanríkisráðherra
Skipulagsbreyt-
ingar á utanrík-
isversluninni
„Að því er utanríkisþjón-
ustuna og ráðuneytið varðar
er það meginbreyting að við
hefur tekið stjórn utanríkis-
verslunar og miklu meiri
hluti af starfinu fer í að sinna
viðskipta- og markaðsmál-
um. í undirbúningi eru
skipulagsbreytingar sem
inæta þessum auknu kröfum
mcð skilvirkari hætti. í ann-
an stað, er stærsta einstaka
vcrkefnið á sviði utanríkis-
viðskipta samstarfið innan
EFTA og aðlögun okkar að
samruna Evrópuþjóðanna á
nýjum Evrópumarkaði,"
sagði Jón Baldvin Hanni-
balsson utanríkisráðherra í
samtali við Alþýðublaðið um
þær áherslubreytingar sem er
að finna í skýrslu hans um
utanríkismál, sem lögð var
fram á Alþingi í gær.
Utanríkisráðherra flytur
skýrsluna á Alþingi eftir
helgi. ‘Grundvallarþættir í
utanríkisstefnu þjóðarinnar
eru ekki þess eðlis að þeir
hafi breyst við stjórnar-
skipti,“ sagði Jón Baldvin.
„Þeir byggja á skuldbygging-
um sem eru viðvarandi. Að-
ildin að Atlantshafsbanda-
laginu og varnarsamningur-
inn við Bandaríkin eru föstu
punktarnir í öryggisstefnu
þjóðarinnar. Það hefur ekki
breyst."
Þriðja meginatriðið sem er
að breytast, er að sögn ráð-
herrans fólgið í virkari þátt-
töku í Nato-samstarfinu,
ekki síst í afvopnunarstarf-
inu: „Við erum nteð sérstak-
an sendiherra í afvopnunar-
málum og framundan er eitt
meginverkefnið á því sviði,
þ.e. að íslendingar auki
frumkvæði sitt í afvopnun á
og í höfunum,“ sagði Jón
Baldvin Hannibalsson utan-
ríkisráðherra.
A Iþingi
Ekkert mál
frá Þorsteini
Pálssyni
Þegar litið er yfir flutn-
ingsmenn þingmála á því lög-
gjafarþingi sem nú er að
ljúka vekur athygli að for-
maður Sjálfstæðisflokksins,
Þorsteinn Pálsson, aðalmað-
ur stjórnarandstöðunnar og
fyrrverandi forsætisráð-
herra, flutti ekkert mál á
þinginu í vetur. Aldrei steig
formaðurinn í pontu og flutti
mál til að styðja stefnu síns
flokks og bera fram frum-
vörp í þeim anda. Nokkrir
fleiri þingmenn eru reyndar í
þessum hópi. Sjá bls. 3.