Alþýðublaðið - 12.05.1990, Blaðsíða 4
4
VIDHORF
Laugardagur 12. maí 1990
MWMBIMtl
Ármúli 36 Sími 681866
Útgefandi: Blað hf.
Framkvæmdastjóri: Hákon Hákonarson
Ritstjóri: Ingólfur Margeirsson
Fréttastjóri: Jón Birgir Pétursson
Auglýsingastjóri: Hinrik Gunnar Hilmarsson
Dreifingarstjóri: Sigurður Jónsson
Setnlng og umbrot: Leturval, Ármúla 36
Prentun: Oddi hf.
Áskriftarsíminn er 681866
Áskriftargjald 1000 kr. á mánuði innanlands.í lausasölu 75 kr. eintakið
ALÞÝÐUFLOKKURINN
BÝR Í HAGINN
Andstæðingum jafnaðarmanna hefur reynst erfitt að gagnrýna
á málefnalegan hátt frambjóðendur A-lista og þeirra framboðs-
lista sem jafnaðarmenn standa að. Helst er hamrað á því sem
þeir kalla sundrungu í röðum „vinstri" manna, talaö er um
ábyrgðarleysi, og reynt að gera sameiginleg framboð tortryggi-
leg. Borgarstjóri Reykjavíkur sem enn er í fyrsta sæti á D-lista rek-
ur kosningabaráttu Sjálfstæðisflokksins með því aðallega að
gefa út heilræði til borgarbúa í ámátlegum skrautplöggum sem
skrifuð eru á reikning borgarbúa, enda hefur borgarstjóri ævin-
lega litið á sig sem umsjónarmann bæjarlífs sjálfstæðismanna en
ekki framkvæmdastjóra borgarinnar — en í henni búa sem kunn-
ugt er fleiri en sjálfstæðismenn.
IVIálefnastaða jafnaðarmanna er sterk og þess njóta þeir um allt
land. Húsnæðismál eru t.d. efst á blaði á málefnaskrám allra
frambjóðenda Alþýðuflokksins og þar sem jafnaðarmenn hafa
tekið höndum saman með þeim sem vilja efla velferð og auka
réttlæti. Húsnæðisfrumvarpðið sem Jóhanna Sigurðardóttir
lagði fram og samþykkt var rétt fyrir þinglok opnar sveitarfélög-
um leið að skynsömum lausnum í húsnæðismálum. Hér eiga
sveitarstjórnir auðvitað að hafa frumkvæði. Á landsbyggðinni
hafa forvígismenn sveitarfélaga borið gæfu til að byggja skyn-
samlega í anda stefnu félagsmálaráðherra. Aðeins í Reykjavík
virðast sjálfstæðismenn ekki enn skilja út á hvað frumvarpið
gengur og hafa því ekki sótt um nema brotabrot af þeim kaup-
leiguíbúðum sem borginni ella byðust.
Hér er aðeins minnst á eitt fjölmargra stefnumála Alþýðuflokks
sem munu verða lykill að velgengni sveitarfélaga, nái jafnaðar-
menn nægilega sterkum áhrifum að loknum kosningum í vor. í
Reykjavík eru húsnæðismálin einkar brýn, en þau hafa sjálfstæð-
ismenn algjörlega vanrækt. Það er því ákaflega mikilvægt að Al-
þýðuflokksmenn fylki sér um lista Nýs vettvangs, en frambjóð-
endur hans hafa tekið heils hugar undir stefnu félagsmálaráð-
herra.
NÆRMYND Fidel Kastró:
STAÐNAÐUR
BYLTINGARLEIÐTOGI
Hann hef ur lifað f jóra Sovétleiðf oga og sjö Banda-
rikjaforseta. Hann hefur komist lifs úr a.m.k. fimm
morðtilraunum og staðist eina vopnaða tilraun til að
ryðja honum úr sessi. Fidel Kastró er dæmi um
stjórnmúlaleiðtoga með úthald.
Kastró sem var tákn fyrir bylt-
ingu sjöunda áratugsins, birtist
okkur skyndilega nú eftir hrun
kommúnismans í austri sem gam-
all og íhaldssamur kommi sem ríg-
heldur í deyjandi og staðnað efna-
hagskerfi og pólitískrar kúgunar.
Utlit hans; gamli einkennisbún-
ingurinn, hermannahúfan og grátt
skeggið stingur mjög í stúf við hina
straumlínuformuðu, ungu menn
frá Moskvu sem koma reglulega til
Kúbu til að endurskoða hið óvirka
efnahagskerfi Kastrós og staðnað-
ar stjórnmálastefnur. Sovétmenn
halda enn uppi byltingareyjunni
Kúbu en eru orðnir langþreyttir og
skömmustulegir yfir hinum aldna
byltingarleiðtoga sem neitar að
breyta kerfi sínu eftir perestroj-
kunni-endurbótastefnu Gorbat-
sjovs.
Eftir hrun kommúnistaríkja um
heim allan á undanförnum misser-
um, er sú trú að breiðast út að jafn-
vel Kastró gamli sem staðið hefur
allt veraldarvolk af sér, riði nú
senn til falls. Sérstaklega er álitið
að hann standi ekki lengi upprétt-
ur ef Sovétmenn hætta allri aðstoð
við Kúbu. Bandaríkjamenn hafa
látið Kastró að mestu afskiptalaus-
an eftir Kúbudeiluna í stjórnartíð
Krúsjoffs og Kennedys en þá létu
Sovétmenn undan og tóku niður
eldflaugapalla sem þeir höfðu
komið fyrir á eyjunni.
En nú er þetta tekið að breytast.
Ráðamenn í Washington eru farn-
ir að auka þrýstinginn á Kastró og
Kúbuútlagarnir í FÍórída eru farnir
að líta björtum augum til þess að
komast aftur heim.
Hið innra kerfi á Kúbu er einnig
fariö að titra. Kúbanskir embættis-
menn eru farnir að undirbúa jarð-
veginn fyrir tímana eftir Kastró.
Ráðherrar Kastrós framkvæma
enn skipanir einræðisherrans
með hrolli og bíða nýrri tíma sem
senn eru í vændum. Kúbubúar
reyna að horfa á bandarískar
sendingar frá Flórída en Kastró
reynir stöðugt að rugla sjónvarps-
sendingarnar svo þegnum hans
verði ekki óhollt af hinum kapítal-
íska áróðri.
Spurt er nú: Hvernig mun Ka-
stró falla? Mun verða gerð bylting?
Svarið er nei, sennilega ekki.
Munu Bandaríkjamenn hefja inn-
rás eins og þeir reyndu í innrásinni
í Svínaflóa á sjöunda áratugnum?
Nei, alls ekki. Munu Rússar grafa
undan honum? Nei, það er ekki
heldur talið líklegt.
Það er því sennilegast að hinn
aldni einræðisherra sitji þangað til
lánsfé hans verði endanlega upp
urið. Og það getur tekið langan
tíma.
Kastró er nefnilega enginn
venjulegur einræðisherra í komm-
únistaríki. Hann er þjóðarleiðtogi.
Hann er yfirhershöfðingi bylting-
arhersins. Hann er formaður
Kommúnistaflokksins. Og hann
var meira að segja formaöur
stjórnarandstöðunnar allt til 1985
þegar efnahagsstefna hans beið
gjörsamlega skipbrot og sökk í fen
skulda, spillingar og ójöfnuðar. Þá
hóf hann efnahagslega umbóta-
stefnu sem hann nefndi la rectific-
acion. Enginn annar leiðtogi í
heimi hefði komist upp með þetta
nema Kastró.
Kastró er nefnilega kúbanska
byltingin og öll hennar völd. Og
hann mun halda ótrauður áfram
þangað til að Sovétmenn gefast
endanlega upp og stöðva árlegan
styrk sinn upp á 270 milljarða ís-
lenskra króna.
(Endursafit úr The Sunday Times)
RADDIR
Er jardgangagerd á Vestfjöröum forgangsverkefni í vegamálum?
Kristbjörg Birna Guðjónsdóttir
40 ára versiunarmaður
„Ef það er til hagsbóta fyrir fólk
á svæðinu þá styð ég jarðganga-
gerð fyrir vestan. Hins vegar má
alltaf deila um kostnaðinn og
hvort þetta borgar sig frá hreinu
arðsemissjónarmiði séð."
Jón Múli Árnason 69 ára fyrrver-
andi þulur
„Ég hefði frekar viljað sjá þessar
framkvæmdir á Austfjörðum. Það
er nú reyndar af mjög eigingjörn-
um hvötum því ég er sjálfur að
austan, nánar tiltekið frá Vopna-
firði. En svona grínlaust þá finnst
mér þetta þarfar framkvæmdir og
vona að þetta létti Vestfirðingum
lífsbaráttuna."
Stefania Hávarðsdóttir 47 ara
verslunarmaöur og húsmóðir
„Mérfinnst það alveg sjálfsagt.
Þetta kostar að vísu mikinn pen-
ing en þessi landsfjórðungur legg-
ur það mikið í þjóðarbúið að hann
á það inni hjá þjóðinni."
Róbert Geirsson 40 ára leigubíl-
stjóri
„Landbyggðarfólk er alltaf að
kvarta yfir því að allt fjármagnið
sogist hingað suöur. Það er því
tími til kominn að eyða einhverju
af því úti á landi. Hins vegar er ég
nú ekki búinn að sjá að þetta sé
þjóöhagslega hagkvæm fram-
kvæmd."
Arinbjörn Kolbeinsson 75 ára
læknir, formaður FÍB
„Ég lít ekki á jarðgangagerð á
Vestfjörðum sem forgangsverk-
efni, þótt göngin séu í sjálfu sér
mjög gott mál. Það má hins vegar
líta á það sem forgangsfyrirheit, ef
áætlunin er að blekkja kjósendur
Vestfjarða. Það er nefnilega
hneyksli að þessi landsfjórðungur
skuli ekki vera kominn í vegasam-
band. Fyrst þarf að leggja veg
með bundnu slitlagi til Isafjarðar
sem tengist aðalvegakerfi lands-
ins. Þá fyrst hafa jarðgöngin fullt
gildi, þó auðvitað megi undirbúa
framkvæmdir áður."