Alþýðublaðið - 02.06.1990, Side 1

MÞBUMMfi
81. TOLUBLAÐ 71. ARGANGUR
LAUGARDAGUR
2. JÚNÍ 1990
ÓVÆNT STÓRVELDASAMKOMULAG: seint í
gærkveldi bárust þærfréttir af leiðtogaíundinum að Gor-
batsjov og Bush hefðu gert með sér óvænt samkomulag
um aukin viðskipti landanna, auk þess sem þeir skrifuöu
undir drög að samningi um verulega fækkun langdrægra
eldflauga.
FORMAÐURINN VÍKI:
Naumur meirihluti fundar-
manna á aðalfundi Alþýðu-
bandalagsfélags Reykjavík-
ur samþykkti tillögu Birnu
Þórðardóttur þess efnis að
Olafur Ragnar Gríms-
son, formaður flokksins
ætti að segja af sér við
fyrstu hentugleika. Tillag-
an fékk 31 atkvæði en 28
voru á móti. Fundarmenn voru hins vegar sammála um að
krefjast landsfundar í haust til að ræða stöðu flokksins og
formannsins.
UMHVERFISRÁÐUNEYTIÐ :Umhverfisráðuneytið
tók formlega til starfa í gær en allmörg af verkefnum þess
heyra þó enn undir önnur ráðuneyti og flytjast ekki til nýja
ráðuneytisins fyrr en um næstu áramót.
KONUR ÓVINSÆLT SJÓNVARPSEFNI: Jafnréttis-
ráð hefur gert kannanir á því hvernig íslenskar konur eru
kynntar í fjölmiölum. Þær virðast ekki þykja fréttnæmar
í sjónvarpi og ríkisútvarpi. Áður hafði þetta atriði verið
kannað í tvígang, 1986 af dr. Sigrúnu Stefánsdóttur, og
síðan 1989 af Jafnréttisráði. Hlutur kvenna í bæði skiptin
reyndist 13%. Að þessusinni var hann þó heldur lakari, —
12.5%. Virðist yfirleitt reglan að leita til karlmanna eftir
upplýsingum, auk þess sem þeir eru sýnilegri á skjánum.
STÚDENTAR FÁ JÓLAFRÍ: Háskólaráð samþykkti á
fundi sínum í gærað haustmisserispróf við Háskóla Islands
verða eftirleiðis haldin í desember, ekki í janúar eins og
tíðkast hefur. Taka þessar reglur gildi 1991, þ.e. ekki um
næstu jól heldur þarnæstu. Áralangt baráttumál stúdenta
verður þá í höfn.
SKIPULAGSMÁL Á AÐALFUNDISÍS: Á föstudag
og laugardag í næstu viku fer fram aðalfundur Sambands
íslenskra samvinnufélaga. Félagið mun hafa tapað allt að
einum milljarði króna á síðasta starfsári. Reikna má með
miklum og heitum umtæðum um skipulagsmál Sambands-
ins á aðalfundinum, sem haldinn verður í hinu nýja Sam-
bandshúsi á Kirkjusandi.
UPPSTOKKUN
FLOKKAKERFISINS: á
þriðjudagskvöldið halda
Samtökin um nýjan vett-
vang opinn fund á Hótel
Borg. Á fundinum verður
fjallað um sterka stöðu Nýs
vettvangs í Reykjavík og
annarra fjálslyndra um-
bótaafla víða. um land.
Ragnheiður Davíðsdótt-
ir, formaður Samtaka um
nýjan vettvang flytur
ávárp, en Svanur Krist-
jánsson, flytur framsögu-
ræöu undir yfirskriftinni:
„Kosningarnar 1990: Upp-
stokkun flokkakerfisins —
næsta skref?“.
/
LEIÐARINN Í DAG
„Hugmyndafræði kommúnista, jafnt sem
frjálshyggjumannaer hrunin í rúst, hugmynda-
fræði þjóðlegra einangrunarsinna er liðin undir
lok og tími aukinna alþjóðlegra tengsla er
runnin upp," segirm.a. í leiðara Alþýðublaðsins
í dag. í leiðaranum er fjalláð um þróunina í Evr-
ópu og bent á að eina stjómmálahreyfingin
sem falli áá þeim hugmyndum sem sterkastar
eru í Evrópu í tíag sé hreyfing'jafnaðarmanna.
5
íslendingar
norskir — eöa
keltneskir?
Stefán Snævar skrifar fróð-
legan pistil um uppruna okkar.
Um hann hafa verið deildar
meiningar um langan aldur.
Dýrlingur eða
lýðskrumari?
IBoris Yeltsin er í heimsfrétt-
unum — og verður það áfram.
En hver er maðurinn? í mið-
opnu blaðsins er fréttaskýring
þar sem sagt er frá þessum
umdeilda manni, allt frá barn-
æsku til síðustu daga, þegar
hann var kjörinn forseti Rúss-
lands.
Iþróttafélag í
sviðsljósi - FH
Fimleikafélag Hafnarfjarðar
er þekkt fyrir flest annað en
fimleika, m.a. þekkt um allan
handknattleiksheiminn, lands-
þekkt fyrir knattspyrnu og oft á
tíðum afreksmenn í frjálsum
íþróttum. 0rn Eiðsson gerir út-
tekt á þessu kraftmikla félagi í
Firðinum.
Fólk vill skýrar línur
Guömundur Árni Stefánsson bœjarstjóri í vidtali
Bls. 7
i'■~