Alþýðublaðið - 02.06.1990, Blaðsíða 6

6
Laugardagur 2. júní 1990
Íþróitafélög í sviðsljósi
Íslandsmeistarar FH i handknattleik 1974, fremri röö, talið frá vinstri: Erlingur Kristensson, Örn Hallsteinsson, Magnús Ólafsson, Hjalti Einarsson, Birgir
Finnbogason, Gunnar Einarsson og Ólafur Einarsson. — Aftari röö frá vinstri: Ingvar Viktorsson, formaður handknattleiksdeildar, Boði Björnsson, form.
FH, Viðar Símonarson, Gils Stefánsson, Árni Guðjónsson, Þórarinn Ragnarsson, Auðunn Guðjónsson, Jón Gestur Viggósson, Kristófer Magnússon og
Hallsteinn Hinriksson þjálfari. Á myndina vantar Geir Hallsteinsson, þekktasta og besta leikmann FH um árabil.
Stofnað:
15. október 1929.
Formaður:
Bergþór Jónsson.
íþróttagreinar á
stefnuskrá:
Handknattleikur,
knattspyrna, frjálsar
íþróttir og lyftingar.
Athafnasvæði:
íþróttavellir og
íþróttahöll í Kaplakrika.
FH er eitt slerkasla
íþróttafélag landsins
Það eru ýmis fieiri iþróttafélög en Reykjavikurfé-
lögin, sem byggja ó góðum og gömlum grunni. f
sviðsljósi okkar i dag er Fimleikafélag Hafnarf jarð-
ar, mun þekktara undir nafninu FH. Félagið hefur ó
þeim rúmlega 60 árum, sem það hefur starf að, unn-
ið markvisst og glæsilegt starf i Firðinum, ekki að-
eins afrekslega séð, heldur, og ekki siður á sviði
uppeldis- og manndómsþroska félaga sinna.
Hér birtum við mynd af silfurliöi FH í 1. deild Islandsmótsins í knattspyrnu 1989, fremsta röð talið frá vinstri: Krist-
inn Jóhannesson, Þórir Jónsson, Bobby Hutchinson, Guðmundur Valur Sigurðsson, Halldór Halldórsson, Gunnar
Straumland, Andrés Andrésson, Jón Örn Þorsteinsson, Olafur Kristjánsson, Guðmundur Sveinsson og Pétur
Stephensen. Miðröð frá vinstri: Hilmar Arnþórsson, Viðar Halldórsson, Xristján Gíslason, Kristján Hilmarsson,
Jón Þór Brandsson, Magnús Pálsson, Þórhallur Víkingsson, Ólafur Jóhannesson, Ingi G. Ingason, Alferð Guö-
mundsson og Birgir Bjarnason. — Aftasta röö frá vinstri: Pálmi Jónsson, Guömundur Hilmarsson, Henning Henn-
ingsson, Björn Jónsson, Hörður Magnússon og Birgir Skúlason.
Það er þáttur í hinu íþróttalega
starfi, sem aldrei veröur ofmetinn.
Mikill kraftur og bjartsýni hefur
ávallt einkennt þetta ágæta félag
og þar hafa stöðugt verið úrvals
, forystumenn við stjórnvölinn.
Slíkt er gæfa allra félaga, hvort
sem um er að ræða íþróttafélag,
eða félag sem heigar sig öðrum
málefnum.
Ellefu stofnendur
FH varð til þann 15. október
1929, en eftir því sem næst veröur
komist voru mættir ellefu menn í
fimleikasal gamla barnaskólans
þennan dag, til að stofna Fimleika-
félag Hafnarfjarðar. Eins og nafn
félagsins bendir til, voru það fyrst
og fremst fimleikar, sem FH-ingar
iðkuðu fyrstu árin.
Stofnendurnir voru: Hallsteinn
Hinriksson, Kristján Gamalíels-
son, Lárus Gamalíelsson, Ottó
Jónsson, Ágúst Jóhannsson,
Sveinn V.B. Stefánsson, Böðvar
Eggertsson, Sigurður Gíslason,
Guðjón Sigurjónsson og Jóhannes
Einarsson. Óhætt er að fullyrða,
Oliver Steinn i langstökki.
að framtak ellefumenninganna
hefur fært æsku Hafnarfjarðar
mikla gæfu í þau rúm sextíu ár,
sem félagið hefur starfað.
Fyrst voru þad_______________
iiiwleikarnir . . .__________
Fyrstu árin eða frá stofnun
haustið 1929 til 1940 mótaðist fé-
lagsstarfið fyrst og fremst af fim-
leikaflokkum félagsins. Stofnend-
urnir voru trúir sinni hugsjón og
þessari fögru íþrótt var sinnt af
kappi. En þetta breyttist og aðrar
íþróttagreinar hrifu hug og hjörtu
félagsmanna.
Handknattleikurinn er
skrauHjöðwr félagsins
Sú íþróttagrein, sem mesta at-
hygli hefur vakið á FH er án nokk-
urs vafa handknattleikur. Fljótlega
eftir að félagsmenn hófu iðkun
þessarar vinsælu íþróttagreinar
um 1940 hefur FH verið á eða við
toppinn. Sigrar félagsins í hand-
boltanum eru margir, bæði hér
heima og erlendis, þannig að
ógerlegt er að telja þá hér upp í
stuttri grein um þetta gagnmerka
félag. Sá síðasti sem FH-ingar
unnu er íslandsmeistaratitillinn í
karlaflokki fyrir nokkrum vikum.
Sá verðskuldaði sigur var ákaflega
kærkominn. — Handknattleikur
var iðkaður í Hafnarfirði áður en
FH tók íþróttina á sína stefnuskrá
og þá aðallega í skólum, t.d. í
Flensborg. Þeir léku t.d. við
Menntskælinga í Reykjavík og
hlutu verðlaunapening. Sennilega
sá fyrsti, sem Hafnfirðingar hljóta
í þeirri íþróttagrein, en ekki sá síð-
asti.
Frjólsiþróttir snemma
ó dogskró____________________
Fljótlega eftirstofnun FH hófust
æfingar í frjálsum íþróttum hjá fé-
laginu og var mikið fjör hjá frjáls-
íþróttafólkinu og árangur oft mjög
góður. Af mörgu snjöllu afreks-
fólki í greininni var Óliver Steinn
fremstur fyrr á árum. Hann stökk
fyrstur íslendinga yfir 7 metra í
langstökki, keppti í þeirri grein á
Evrópumeistaramótinu í Osló
1946 og varð 8. Oliver varð a.m.k.
12 sinnum íslandsmeistari í frjáls-
um íþróttum. — Fyrir rúmum ára-
tug hófst nýtt afrekstímabil hjá FH
í frjálsum íþróttum undir forystu
Haralds Magnússonar og stendur
enn. Félagið er eitt það besta í
greininni nú, varð m.a. bikar-
meistari FRÍ 1988.
FH-ingar einnig ó__________
toppnum i__________________
knattspyrnwnni_____________
Knattspyrnan hefur ávallt átt
miklu gengi að fagna meðal fé-
lagsmanna. Á ýmsu hefur gengið,
en þannig eru iþróttirnar, baráttan
og spennan gerir þær svo
skemmtilegar. Sennilega hefur
styrkleiki FH í knattspyrnunni
aldrei verið eins mikill og nú og í
fyrra var félagið aðeins hársbreidd
frá íslandsmeistaratitlinum, hlaut
silfrið. Mikill kraftur og áhugi er
einnig í yngri flokkum félagsins.
Hér áður fyrr var sund iðkað af
FH-ingum og mikill glæsibragur
yfir því.
Hallsteins þóttwr___________
Hinrikssonar________________
Margir frábærir leiðtogar, þjálf-
arar og íþróttamenn hafa starfað
innan FH. Hallsteinn Hinriksson
sinnti öllum þessum þáttum frá-
bærlega innan félagsins alla tíð.
Mesta athygli vakti þjálfun hans á
handknattleiksflokkum félagsins,
en hann gerði félagið að stórveldi
í handknattleik. En Hallsteinn tók
þátt í fleiri greinum. m.a. í fimleik-
um og frjálsum íþróttum, en í síð-
arnefndu greininni varð hann Is-
landsmeistari, bæði í 100 m hlaupi
og stangarstökki. Sennilega á FH
engum einum manni jafnmikið aö
þakka.
Aðstaðan er
orðin frábær________________
Á fyrstu áratugum FH var að-
stöðuleysið algert í Hafnarfirði.
Þetta hefur breyst gífurlega síð-
ustu árin. Athafnasvæði FH í
Kaplakrika er nú eitt það besta,
sem íþróttafélag á íslandi getur
státað af. Ágætur knattspyrnuvöll-
ur og stórkostlegt íþróttahús, sem
nýlega var tekið í notkun. Það er
helst að frjálsíþróttafólk geti
kvartað, en ekki er að efa, að ráðin
verði bót á því í náinni framtíð.
Þessi uppbygging hefur verið
framkvæmd í náinni samvinnu við
bæjaryfirvöld í Hafnarfirði.
Það er bjart yfir starfi FH í dag
og framtíðin mun áreiðanlega
vörðuð glæstum sigrum, bæði á
sviði afreka og framkvæmda.
Örn Eiðsson
skrífar