Alþýðublaðið - 23.03.1995, Side 5

FIMMTUDAGUR 23. MARS 1995
ALÞÝÐUBLAÐIÐ
5
„Gamli maðurinn" Alfreð Gíslason kominn innfyrir og dúndrar á markið. Geir Sveinsson og Jón Kristjánsson fá ekkert að gert og Leó Örn Þor
leifsson, KA-maðurinn knái, veit hvað kemur næst: Mark.
KA og Valur mætast í þriðja leiknum í kvöld, staðan er 1-1
„Verðum eflaust alveg búnir
þegar við hölum inn sigurinn"
- segir Alfreð Gíslason
þjálfari KA. Lið hans sigr-
aði Val 23-22 í framlengd-
um úrslitaleik númertvö.
„Við gefiim ekkert eftir í Ieiknum
við Val í kvöld en það verður að
koma í ljós hvort það dugar. Við ætt-
um auðvitað að vinna en satt að segja
geri ég frekar ráð fyrir því að þessi
heimaleikur Vals verði til þess að
þetta fari í fimm leiki til að knýja ffam
úrslit,“ sagði Alfreð Gíslason, þjálf-
ari og leikmaður KA, í stuttu spjalli
við Alþýðublaðið.
Það var gífúrlegur áhugi fyrir leik
KA og Vals á Akureyri í fyrrakvöld.
Uppselt var á leikinn klukkustund áð-
ur en hann hófst og þótt ekki væri
hægt að panta miða var ákveðið að
taka frá miða fyrir hópa sem komu frá
Vopnafírði, Dalvík, Sauðárkróki,
Húsavík og Ólafsfirði. Stemmningin
var ólýsanleg þegar KA sigraði 23:22
í framlengdum leik. Það var Patrek-
ur Jóhannsson skoraði 23. markið
og var staðan þá 23:21. Ólafiir Stef-
ánsson minnkaði muninn í eitt mark
með því að skora úr vítakasti. KA
menn misstu boltann í næstu sókn en
Sigmar Þröstur varði síðasta skot
Valsmanna með tilþrifum. Þá varð
allt vitlaust. Valsmenn fengu auka-
kast á eigin vallarhelmingi í lokin en
KA-mönnum stafaði engin hætta af
því og stigu striðsdans þegar dómarar
flautuðu til leiksloka.
KA-menn hafa allt að vinna og
engu að tapa í þessari viðureign því
almennt telja handboltasérfræðingar
að Valur sé með sterkara lið og meiri
breidd. Það er því á vissan hátt á bratt-
an að sækja hjá Val og eflaust talsvert
fleiri landsmenn sem halda með KA
gegn stórveldinu Val. Það er þó ekki
hægt að segja að KA séu neinir kett-
lingar í handboltanum - sjálfir hand-
hafar bikarsins.
,Jú, ég hef heyrt því haldið fram að
þama beijist tvö bestu lið handbolt-
ans,“ segir Alfreð þjálfari. „Miðað við
hvaða lið við emm búnir að slá út í
vetur ætti það að passa. Ef Valsmenn
em bestir þá er alla vega hægt að færa
rök fyrir því að við séum næstbestir
þótt Þorbergur Aðalsteinsson taki
ekki undir það. Hann er kannski að
hugsa um Víkinga og Stjömuna en
við slógum þessi lið út bæði í deild-
inni og bikamum og eitthvað segir
það okkur,“ sagði Alfreð.
Það er óhætt að segja að úrslita-
keppnin hafi orðið handknattleiks-
íþróttinni til framdráttar, æsispenn-
andi og stórskemmtilegir leikir, en
það hafa verið raddir uppi um að
handbolúnn sé á niðurleið. Það er
óhætt að blása á þær fullyrðingar með
viðureignir KA og Vals í huga. Mikið
álag hefur verið á leikmönnum og Al-
ffeð var spurður h vort leikmenn næðu
að hvfiast nóg þegar aðeins liðu tveir
dagar milli leikja. Hann telur svo ekki
vera.
,J4ei, ekki eftir svona erfiða leiki.
Þá duga ekki tveir dagar til að jafha
sig en þetta á auðvitað við um leik-
menn beggja liða. Þetta fer að þyngj-
ast eftir því sem á líður og við verðum
eflaust alveg búnir eftir fimmta leik-
inn þegar við hölum inn sigurinn,“
sagði Alfreð Gíslason hvergi banginn
við Rauða herinn frá Hlíðarenda.
Leikurinn f tölum
KA: Valdimar Grímsson 10/3, Pat-
rekur Jóhannesson 5, Alfreð
Gíslason 3, Leó Örn Þorleifsson 2,
Valur Arnarson, Erlingur Krist-
jánsson og Helgi Arason eitt mark
hver.
(Sigmar Þröstur Óskarsson varði
10 þar af eitt víti.)
VALUR: Geir Sveinsson 5, Jón
Kristjánsson 4, Ólafur Stefánsson
4/3, Dagur Sigurðsson 3, Davíð
Ólafsson 3, Valgarð Thoroddsen,
Ingi Rafn Jónsson og Finnur Jó-
hannsson eitt mark hver.
(Guðmundur Hrafnkelsson varði
10 þar af eitt víti og Axel Stefáns-
son 2.)
Stjórnarandstaðan gegn flutningi
embættis veiðistjóra tíí Akureyrar
Allt of hægt hefur gengið að
flytja opinberar stofnanir út á land,
eins og öllum er kunnugt, þrátt fyrir
að oft og tíðum hafi verið gefin fög-
ur fyrirheit þar um. A síðastliðnu ári
tók umhverfisráðheiTa, Össur
Skarphéðinsson, af skarið og ákvað
að flytja embætti veiðistjóra til Ak-
ureyrar. eins og hann hafði fulla
heintild til. Það embætti hefur nú
tekið til starfa hér á Akureyri. Óhætt
er að segja að almennur fögnuður
hafi ríkt á landsbyggðinni með
þessa ákvörðun.
En viti menn! Skömmu fyrir jól
lögðu sex þingmenn, Hjörleifur
Guttormsson (G), Finnur Ingólfsson
(B), Jón Helgason (B), Kristín Ást-
geirsdóttir (V), Kristín Einarsdóttir
(V) og Svavar Gestsson (G) fram
tillögu til þingsályktunar um skipun
rannsóknanefndar til að kanna emb-
ættisfærslu umhverfisráðherra í
tengslum við ákvörðun hans um
flutning embættisins. Þessir þing-
menn og væntanlega einnig lags-
bræður þeirra í stjómarandstöðunni
hugðust beita öllum ráðum til að
tetja fyrir og leggja stein í götu
flutnings embættis veiðistjóra til
Akureyrar. Sumir þessara þing-
manna tala síðan á hátíðarstundum
um að auka beri veg landsbyggðar-
innar sem mest. Hvað gengur þess-
um mönnum til? Að vísu eru tveir
flutningsmanna, þeir Hjörleifur
Guttormsson og Svavar Gestsson,
sennilega fróðari en aðrir menn um
beitingu hverskyns rannsóknaað-
ferða eftir dvöl sína f ríkjum Austur-
Evrópu en að þingmenn annara
stjórnarandstöðuflokka skuli ljá
nafn sitt á slíka tillögu er með ólík-
indum. Það er sérstaklega athyglis-
vert að formaður þingflokks Fram-
sóknarflokksins, Finnur Ingólfsson,
skuli vera einn flutningsmanna
þessarar einstæðu tillögu. I þinginu
eru tillögur, sem formenn þing-
flokka eru meðflutningsmenn að,
taldar hafa sérstakt vægi. Því hlýtur
Finnur Ingólfsson að hafa verið
meðflutningsmaður tillögunnar
með vitund og vilja formanns og
varafonnanns framsóknarflokksins,
þeirra Halldórs Ásgrímssonar og
Guðmundar Bjarnasonar. -ane
Smuguveiðar íslendinga
Studningur Alþýðuf lokksins skipti sköpum
Smuguveiðar íslenskra fiskiskipa
hófust á árinu 1993. Brautryðjandi
þessara veiða var Jóhann A. Jóns-
son, forstjóri Hraðfrystistöðvar
Þórshafnar hf. Hann segir svo frá
upphafi veiðanna í viðtali við tíma-
ritið Mannlífá síðasta ári:
„Þegar við fréttum að þama væru
Færeyingar á ferð, sem veiddu í Bar-
entshafi, fór ég fljótlega að kynna
mér á hvaða grundvelli þeir fiskuðu
þar enda vantaði verkefni fyrir Stak-
fellið, sem þá var eini togarinn sem
Þórshafnarbúar gerðu út. Eg spurðist
fyrir í sjávarútvegsráðuneytinu hvort
nokkuð stæði í vegi fyrir því að
senda skipið á sömu mið og fann
strax fyrir andstöðu. Þegar ég og
fleiri útgerðarmenn urðurn varir við
að verið var að undirbúa setningu
reglugerðar sem bannaði veiðar í
Barentshafi fór málið íyrst af stað.
Við gerðum okkur grein fyrir að
veiðarnar yrðu ekki stöðvaðar, yrðu
þær á annað borð hafnar. Með stuðn-
ingi Davíðs Oddssonar og Jóns
Baldvins Hannibalssonar um að
fresta setningu reglugerðarinnar
fram yfir ríkisstjórnarfund hófust
Smuguveiðar. Hefði sjávarútvegs-
ráðuneyúð ráðið för efast ég um að
Smuguveiðamar hefðu hafist á síð-
asta ári.” „Viðbrögð Norðmanna við
veiðum Islendinga komu mér ekki á
óvart. Þorsteinn Pálsson sjávarút-
vegsráðherra hafði svo oft lýst því
yfir að Smuguveiðarnar væm á
ábyrgð útgerðanna að Norðmönnum
þótti óhætt að beita okkur hörðu og
svara fullum hálsi.“
„Eg hef furðað mig mikið á þeirri
andstöðu sem ég mætti í stjómkerfi
sjávarútvegsins, hjá aðilum sem em í
forsvari í greininni og bera ábyrgð á
afkomu og framþróun greinarinnar.“
„Eg fagna því hvemig afstaða
landsmanna til úthafsveiðanna hefur
orðið jákvæðari og til dæmis hafa
stjómvöld áttað sig á mikilvægi
þeirra fyrir þjóðarbúið. Nú er gert
ráð fyrir miklum tekjum af þeim í
þjóðhagsáætlun. Að því leyti er ekki
hægt að segja lengur að stefna ríkis-
stjómarinnar sé óbreytt. Mér finnst
ríkisstjómin gera sér góða grein fyrir
því hvaða hagsmunir voru í húfi þeg-
ar Björgólfur EA og Óttar Birting
vom teknir á Svalbarðasvæðinu. Það
sýndi hún með því að birta Norð-
mönnum mjög hörð mótmæli."
Á ámnum 1993 og 1994 var heild-
arúthafsafli íslenskra skipa og skipa í
eigu fslendinga í Barentshafi og
norðurhöfum samtals nálægt 50 þús-
und tonn. Aflaverðmæti var 2,7
milljarðar króna. Verðmætasköpun í
landi var þar til viðbótar. Almenn-
ingur í landinu, ekki síst sjómenn,
ætti að hugleiða af kostgæfni hveijar
afleiðingar það kann að hafa fyrir ís-
lenskt samfélag þegar bókstafstrúar-
menn eins og Þorsteinn Pálsson sjáv-
arútvegsráðherra fá að ráða ferðinni.
íslenskt samfélag þarf á djörfung og
áræði stjómmálamanna á borð við
Jón Baldvin Hannibalsson að halda
ef hér á landi á ekki að ríkja kyrr-
staða.
Hver hefði staða okkar hér verið
ef ekki hefði komið til hinn mikli
ábati sem af Sntuguveiðum hefur
hlotist? - Ef málið hefði verið af-
greitt þannig, að það væri ekki á dag-
skrá! -ane
Framtíð fyrir þig?!
Laugardaginn 11. mars efndu
ungliðahreyfingar allra stjórn-
málaflokkanna, sem bjóða fram á
Norðurlandi eystra, til fundar í
Borgarbíói á Akureyri sem bar
yfirskriftina „Framtíð fyrir þig?!“
Fundurinn var ætlaður ungum
kjósendum til þess að auðvelda
þeim að mynda sér skoðun á
flokkunum og taka afstöðu til
þeirra mála sem eru í brennidepli í
kosningabaráttunni. FuIItrúar
flokkanna, allir í yngri kantinum,
héldu framsöguræður og að þeim
loknum fóru fram pallborðsum-
ræður undir harðstjórn Sigmund-
ar Ernis Rúnarssonar frétta-
manns.
Líflegar umræður spunnust og
var ekki annað að sjá en fundar-
menn kynnu vel að meta þetta
framtak, en þetta mun vera í
fyrsta skipið sem fundur af þessu
tagi er haldinn á Akureyri. Tveir
fulltrúar frá hverjum flokki tóku
þátt í pallborðsumræðunum, fyrir
hönd Alþýðuflokksins sátu þær
Anna Karólína Vilhjálmsdóttir og
Aðalheiður Sigursveinsdóttir fyrir
svörum, en Aðalheiður hafði
framsöguna fyrir hönd flokksins. I
máli sínu lagði Aðalheiður megin-
áherslu á stefnu flokksins í
menntamálum, atvinnumálum og
utanríkismálum. Vék hún þar sér-
staklega að stefnu ungra jafnaðar-
manna og hvatti ungt fólk ein-
dregið til þess að kynna sér málin
á eigin forsendum og mynda sér
skoðun fyrir kjördag. Óhætt er að
segja að þær stöllur hafi staðið sig
vel en þær skipa annað og þriðja
Anna Karólína Vilhjálmsdóttir og
Aðalheiður Sigursveinsdóttir
stinga saman nefjum á framboðs-
fundi unga fólksins í Borgarbíói
fyrir skömmu.
sætið á framboðslista flokksins í
kjördæminu. Að fundinum lokn-
um buðu flokkarnir svo uppá
frekari kynningu á starfi sínu og
stefnumálum.
Myndabrengl
Þau leiðu mistök urðu í gær að
myndabrengl átti sér stað í Alþýðu-
blaðinu. Við frétt á forsíðu um að
Garðar Valdimarsson ríkisskatt-
stjóri fengi nú leyfi frá störfum - til
að sinna formennsku í nefnd sem
stýrir viðræðum við erlend ríki um
skattlagningu milli ríkja - birtist
mynd af manni með jólasveinahúfu
og sígarettu í munnvikinu. Það er
ekki Garðar heldur maður sem geng-
ur undir nafninu Jón Gnarr. Við
mynd af Jóni Gnarr birtist síðan
mynd af Garðari Valdimarssyni. Þá
var ranghermt í fyrirsögn að Garðar
láti af störfum. Rétt er eins og sagði í
fréttinni að hann fái leyfi frá störf-
um. Garðar og Jón eru beðnir vel-
virðingar á þessum mistökum.
Við Búðargil eru gömul vinaleg hús sem hafa staðið af sér öll veður.
Fram undan Búðargili var fyrsta verslunin á Akureyri reist.
Akureyri skartar vetrarklæðum
Mikið vetrarríki hefur verið á Akureyri undanfama mánuði og elstu menn eru
fyrir löngu hættir að bera þetta saman við snjóavetur fyrr á öldinni. Akureyr-
ingar eru flestir búnir að fá nóg af fannkomunni og ófærðinni sem fylgir. En
þegar éljunum slotar og sólin nær að bijótast gegnum sortann kemur vel í Ijós
að Akureyri er fallegur bær jafnt í vetrarklæðum sem sumarskrúða.
Þessi mynd er ekki tekin í sviss-
nesku Ölpunum heldur í Hafnar-
stræti á Akureyri þar sem hið
fornfræga Höepfnerhús setur
svip á umhverfi sitt.
Framsóknarflokkurinn gengur til
kosninga á Akureyri í klakabönd-
um fortíðar þar sem tröllvaxin
grýlukerti á glerhúsi flokksins
minna á þá frosnu hugmynda-
fræði sem framsóknarmenn
boða.