Alþýðublaðið - 06.02.1997, Blaðsíða 1
Vinnuveitendasambandið segir tæknileg ómögulegt að semja um meginkröfur
verkalýðshreyfingarinnar
Umræðan snýst ekki um
einhver lægstu laun
- segir Þórarinn V. Þórarinsson og fullyrðir að kjarasamningar strandi á kröfum um að taka yfirborganir inn í kauptaxtana
„Ég hef mjög miklar efasemdir um
að fólk vilji fara í verkfall, óskaplega
miklar.Það er aldrei hægt að útiloka
verkföll. Hins vegar getur ekki komið
til þeirra nema fullreynt sé um samn-
inga og að fólkið sjálft samþykki að
fara í verkfall", sagði Þórarinn V. Þór-
arinsson, framkvæmdastjóri Vinnu-
veitendasambands Islands. Alþýðu-
blaðið spurði hann álits á þeim um-
mælum ýmissa verkalýðsleiðtoga að
undanfömu, að þeir væru að yfirfara
kjörskrár með það í huga að hefja at-
kvæðagreiðslu um verkfallsboðun.
Þegar Þórarinn var spurður um
hvort ógjörningur væri að koma til
móts við kröfur sem gerðar eru um
hækkun lægstu launa svaraði hann:
„Við höfum verið reiðubúnir til að
skoða sérstaklega stöðu þeirra sem
hafa lægstar tekjur, en það hefur hins
vegar komið upp nýtt í þessum við-
ræðum. Umræðan snýst ekki um ein-
hver lægstu laun, og kannski ekki
heldur um lægstu tekjur. Þær hafa
snúist um taxtakerfi, um það sem kall-
að er að færa taxtakaup að greiddu
kaupi, að taka yfirborganir inn í kaup-
taxtana. Hins vegar hefur það gerst að
dómur hefur fallið á þann veg að ein-
staklingsbundna yfirborgun í formi
óunninna tíma er óheimilt að lækka,
Þórarinn hefur verið tíður gestur í Karphúsinu að undanförnu þar sem Þórir Einarsson ríkissáttasemjari reynir að
miðla málum í kjardeilunum.
með öðrum orðum að fella hana inn í
kauptaxta. Þetta gerir tæknilega
ómögulegt að semja um þessa megin-
kröfú verkalýðshreyfmgarinnar".
Finna samningsaðilar þá engan flöt
til að rœða saman á?
„Þetta þvælist fyrir okkur“, svaraði
Þórarinn.
Er krafan sem sett er fram um
hœkkun lægstu launa ósanngjöm?
„Sanngimi eða ósanngimi kemur
þessu máli afskaplega h'tið við. Öllu
frekar snýst málið um hvað er eðlilegt
eða skynsamlegt“, sagði Þórarinn V.
Þórarinsson.
Það var snjóþungt í gær
og vindar létu ófriðlega.
Meðan bílar sátu fastir í
snjósköflum, eða ráku
trýnið hver í annan blind-
aðir af snjófjúki, treysti
þessi aldni vegfarandi á
tvo jafnfljóta. Enda vel bú-
inn, í bomsum og íslands-
úlpu með ullarvettlinga.
Ljósm. E. Ól.
Þingflokkur jafnaðar-
manna með opinn
fund
Samræða
um launin
og réttlætið
Þingflokkur jafnaðarmanna hefur
ákveðið að eíha til Samræðu um laun-
in og réttlætið á íslandi á Hótel Loft-
leiðum á laugardaginn klukkan 14.
Formið á fundinum er nýlunda hér á
landi. Þar munu forystumenn úr
verkalýðshreyfingunni og hagfræð-
ingar segja álit sitt á stöðu mála og
svara fyrirspumum þingmanna þing-
flokks ja&aðarmanna.
Þingflokkur jafnaðarmanna hefur
að undanfömu heimsótt vinnustaði og
rætt við ýmsa fulltrúa launafólks á
skrifstofum samtaka þeirra. í fram-
haldi af því efndi þingflokkurinn til
umræðu utan dagskrár á Alþingi um
alvarlega stöðu samningamála. Nú
vill þingflokkurinn gefa almenningi
kost á að fylgjast með samræðum
þingmanna sinna við frammámenn í
samtökum launafólks fyrir opnum
tjöldum. Allir em velkomnir á Hótel
Loftleiðir laugardaginn 8. febrúar
klukkan 14 til þess að sýna samstöðu
og fræðast um þau viðhorf sem uppi
em.
-Sjá auglýsingu um dagskrá
fundarins á bls. 6.
Fylgishrun Framsókn-
ar á Reykjanesi
Höfum ekk-
ert málgagn
„Vegir kjósenda em órannsakan-
legir. Þetta segir okkur að við höfúm
ekki staðið okkur nógu vel í að kynna
markmiðið með því sem við erum að
vinna að. Það gildir jafnt um forystu
flokksins og okkur þingmennina, enda
erum við málgagnslaus“, sagði
Hjálmar Árnason, alþingismaður
Framsóknarflokksms í Reykjaneskjör-
dæmi, vera helstu ástæður þess að
flokkur hans tapaði 46,2% fylgi í
skoðanakönnun Gallup, miðað við úr-
slit síðustu kosninga.
Hjálmar nefúdi auk þess ýmsar aðr-
ar ástæður, heilbrigðismál, álmál, um-
hverfismál, erfiðar ákvarðanir í ríkis-
stjóm og svo það að á miðju kjörtíma-
bili vilji stjómarflokkar standa veikt,
einkum minni stjómarflokkurinn, og
bætti svo við: „Þegar nær dregur
kosningum gerist annað hvort að þeú
hrynja eða blómstra. Ég trúi því að
við munum blómstra".
Hjálmar hafði enga haldbæra skýr-
ingu á því að hinn stjómarflokkurinn,
Sjálfstæðisflokkurinn, hefur heldur
aukið fylgi sitt í kjördæminu, sam-
kvæmt könnun Gallup.
Gísli Jónsson prófessor heldur því fram að Hitaveitu Reykjavíkur beri ekki að greiða neitt afajald
Kærir borgina fyrir meinta ólögmæta gjaldtöku
„Það nær ekki nokkurri átt að fara
svona í vasa borgaranna og það íbúa
annarra bæja eins og Reykjavíkurborg
fer í vasa Hafnfirðinga, Garðbæinga
og Kópavogsbúa", sagði Gísli Jóns-
son, prófessor, í samtali við blaðið.
Hann hefur kært Reykjavíkurborg til
félagsmálaráðuneytisins vegna meints
ólögmæts afgjalds, sem Hitaveitu
Reykjavíkur er ert að greiða.
I greinargerð sinni segir Gísli meðal
annars: Á undanfömum árum hefur
Reykjavíkurborg gert Hitaveitu
Reykjavíkur að greiða afgjald til borg-
arsjóðs. Gjaldið hefur farið síhækk-
andi og er nú komið í um það bil 30%
af veltu.
Hitaveita Reykjavíkur hefur einka-
rétt á að reka hitaveitu á orkuveitu-
svæði sínu, þar með talið í Hafnar-
firði. Til að mæta kostnaði er Hitaveit-
unni heimilt með lögum að taka gjald
samkvæmt gjaldskrá sem ráðherra
orkumála staðfestir. Ekki er gert ráð
fýrir að Hitaveitan skili arði, enda sé
vandséð hvert hann ætti að renna.
Reykjavíkurborg hefúr ekki lagt Hita-
veitunni til stoftrfé að ráði, heldur hef-
ur veitan nær alfarið verið byggð upp
af kaupendum heita vatnsins.
Umrætt gjald er í raun skattur sem
Reykjavíkurborg leggur á notendur
Hitaveitunnar, jafnt í Reykjavík sem
og í þeim bæjarfélögum sem orku-
veitusvæði hennar nær til. Ekki er
heimilt að leggja á skatt, nema með
sérstakri lagaheimild en slíkt er ekki
fyrir hendi í umræddu tilviki. Hér er
því verið að misnota einokunarað-
stöðu til ólögmætrar skattlagningar.
I samtali við Alþýðublaðið sagðist
Gísli eiga eftir að senda aðra kæru
vegna Perlunnar, þar sem hann telur
óheimilt að taka fé ífá Hitaveitunni til
reksturs hennar. Hann telur að fleira
sé athugavert við rekstur Hitaveitunn-
ar, meðal annars hafi hann séð í frétt
frá 1995, að hún hafi ijárfest tíu millj-
ónir í einhverju fyrirtæki í Austur-
Evrópu og segir að til þess skorti allar
heimildir.
Gísli telur að það sé skýlaust að hafi
vatnsveitur - og hann telur að hitaveita
hljóti að vera skilgreind sem vatn-
sveita - arð af rekstri sínum beri þeim
að nota hann til þess að lækka gjald
notenda næsta ár á eftir og að þær hafi
ekki heimild til að ráðstafa honum á
annan hátt. Því telur hann að sá hluti
samnings hitaveitunnar og Hafnar-
fjarðarbæjar sem kveður á um að
Hafnarfjarðarbær fái ákveðna hlut-
deild í þeim arði Hitaveitunnar sem
fer yfir ákveði mark, standist ekki og
krafa Hafnarfjarðarbæjar um að fá
ágóðahlut nú sé í raun tilraun til að fá
hlutdeild í illa fengnu fé.
Gísli sagði að lokum að hann ætti
ekki von á að fá neina niðurstöðu í
þetta mál frá félagsmálaráðuneytinu,
en formsins vegna yrði hann að kæra
þangað fyrst, áður en hann gæti sent
málið til umboðsmanns Alþingis, en
þar á hann von á málefnalegri með-
ferð.