Alþýðublaðið - 06.05.1997, Page 8

MMWBIMD
Þriöjudagur 6. maí 1997
56. tölublað - 78. árgangur
Verð í lausasölu kr. 100 m/vsk
■ Söguleg ræða Svavars Gestssonar á sameiginlegum fundi A-fiokka
Svavar vfll sameiningu A-flokkanna
Formaður þingflokks Alþýðubandalagsins segir að liðsmenn A- fiokkanna og aðrir á
vinstri vængnum eigi að vinna saman að því að ná meirihluta í næstu þingkosningum.
Hann telur að gagnkvæm virðing fyrir sögu og viðhorfum flokkanna sé lykilatriði.
“Ég vil að við setjum markið svo
hátt að við sem hér höldum fund í dag
vinnum, ásamt endumýjaðri verka-
lýðshreyfmgunni, hreinan meirihluta í
næstu kosningum. Ég vil að við göng-
um saman til næstu kosninga, staðráð-
in í að byggja saman upp nýtt ísland á
nýrri öld,“ sagði Svavar Gestsson,
þingmaður Alþýðubandalagsins í
ræðu sem hann hélt á sameiginlegri
baráttuhátíð Alþýðuflokksins og Al-
þýðubandalagsins sem haldin var
fyrsta maí á Hótel Borg.
Ræða Svavars var söguleg að því
leyti, að hann tók í máli sínu mjög af-
dráttarlausa afstöðu með því, að freist-
að verði að stórefla samvinnu jafnað-
armanna í vinstri flokkunum og utan
þeirra líka. Hann vakti athygli á því,
að innan beggja flokkanna væri mikill
vilji til að vinna saman, og sameinast:
„í báðum félögunum er vilji til sam-
fylkingar og samvinnu; sameiningar
ef vel gengur. Þið takið eftir því, að ég
hef aftur og aftur í þessari ræðu talað
um „sameiningu." Ég tala um samein-
ingu allra.“ Svavar sagði, að saga
sundrungar væri orðin bæði flokkun-
um og íslenskri alþýðu dýr,og sagði að
undir engum kringumstæðum mættu
menn „skemmta skrattanum, það er
íhaldinu, með því að nota tækifærið
til að sundrast þegar við þykjumst
vera að sameinast." Hér átti Svavar
við ýmsar flokksstofnanir á vinstri
vængnum, sem urðu til undir nafni
sameiningar en leiddu að mati hans í
raun til sundrungar.
Svavar sagði að Alþýðuflokkurinn
og Alþýðubandalagið hefði hvort um
sig hefðir og sögu, sem yrði að
virða. Gagnkvæm virðing væri und-
irstaða árangurs í viðleitni til samein-
ingar. Árangurinn væri hinsvegar
prófsteinn á flokkana og vinstri
vænginn: „Við erum í miðju prófi.
Ég vil að við setjum markið svo hátt
Scénic

, , ÁRMÚLA13, SÍMI: 568 1200
JlMSk BEINN SÍMI 553 1236
að við, sem hér höldum fund í dag,
vinnum ásamt endumýjaðri verka-
lýðshreyftngu hreinan meirihluta í
næstu alþingiskosningum. „Allir
þurfa að vera með, markmiðið væri
sameining," sagði Svavar, en kaflar
úr ræðu hans birtast á morgun í Al-
þýðublaðinu.
STEFANSBLOM
SKIPHOLTI 50 B
SIMI 561 0771
Heilsum sumri,
hreinsum lóöina
dagana
3.-11.
mai.
Nú er vetur úr bæ og ruslið úr görðunum á að fara sömu leið. Tökum
höndum saman með hækkandi sól og fegrum lóðirnar okkar fyrir
sumarið.
Sérstakir hreinsunardagar eru frá 3. til 11. maí. Ruslapokar verða
afhentir í hverfabækistöðvum gatnamálastjóra. Næstu daga eftir
hreinsunardagana fara borgarstarfsmenn um hverfin og hirða fulla
poka. Eftir það er aðeins hægt að losa sig við garðaúrgang og annað
rusl sem ekki kemst í ruslafötuna í endurvinnslustöðvum Sorpu.
Endurvinnslustöðvar Sorpu eru opnar alla daga
frá kl. 12:30 til 19:30.
NEndurvinnslustöðvar eru á fjórum stöðum:
Við Bæjarflöt austan Gufunesvegar.
Við Jafnasel í Breiðholti.
y I Við Ánanaust gegnt Mýrargötu.
Við Sævarhöfða gegnt malbikunarstöðinni.
Stöðvarnar við Ánanaust og Bæjarflöt eru opnar
alla virka daga frá kl. 8:00 til 19:30.
Skorað er á forráðamenn fyrirtækja að taka til á lóðum sínum. Fyrir
stóra og fyrirferðarmikla hluti er bent á Geymslusvæðið í Hafnarfirði,
sem hreinsunardeild gatnamálastjóra leigir út.
Við tökum pokann þinn
Borgarstjórinn í Reykjavík
- hreinsunardeild gatnamálastjóra