Alþýðublaðið - 03.06.1997, Blaðsíða 6
6
ALÞÝÐUBLAÐIÐ
ÞRIÐJUDAGUR 3. JÚNÍ1997
Ur alfaraleið
Maður særður
með keðjusög
deyr í fangaklefa
Lögreglan taldi illa leikinn borgara vera ofurölvi
og setti í svartholið. Hann dó síðar af sárum sín-
um á leið til sjúkrahúss, og tveir lögreglumenn í
Asamankese sæta nú rannsókn fyrir hirðuleysi.
Ghana Newsranner, Accra.
Tveir lögreglumenn í löggæslu
Asamankese, í austurhluta Ghana,
era nú í haldi félaga sinna, meðan
rannsakað er dauðsfall manns með
höfuðsár, sem færður var í dý-
blissu, en síðan á spítala, þaðan
sem hann slapp. Málavextir vora
þeir, að Daniel Awuku Dotse átti
timburviðskipti við Attah Appiah,
sem heggur skóg sér til viðurvær-
is. Dotse hafði þegar fest sér
timbrið með því að greiða hluta
andvirðis þess. En Attah Appiah
er þekktur refur í kaupmangi, og
ekki hafði hann fyrr þegið hluta-
greiðsluna, en hann seldi öðrum
kaupanda timbrið á nýjan leik.
Þessu undi Daniel Awuku Dotse
stórilla, og spunnust orðaskipti
sem leiddu til handalögmála.
Attah Appiah hafði þá engar vom-
ur á, heldur greip til atvinnutækis
síns úr skógarhögginu, sem var
stóreflis keðjusög, og mundaði til
árásar. Laust hann söginni í höfuð
Daniel Awuku Dotse, sem beið af
því stóran skaða, og hringlaði í
brottu utanvið sig og særður, enda
lá djúpt sár á höfði hans.
Hinn sári leitaði ásjár lögregl-
unnar í Asamankese og eftir á
gekkst lögreglan við því að hann
hefði sakað Attah Appiah, skógar-
höggsmann, um að hafa veist að
sér með keðjusög. Aftur á móti
hefðu lögreglumennimir, sem
hann talaði við, álitið að hann væri
undir áhrifum áfengis, og stungu
honum í svarthol Asamankese.
En „hinn látni gat ómögulea lát-
ið sér skiljast, hví hann var hand-
tekinn og hékk á jámrimlum klefa
síns,“ segir í skýrslunni. Þar er því
einnig haldið fram, að „í viðleitni
sinni til að ýkja alvarleika málsins
hafi hinn látni ítrekað lamið sárinu
við rimlana, og þarmeð gert það
miklu verra.“
Þegar loks kom í ljós, að líklega
var Daniel Awuku Dotse illa sár,
var honum ekið í lögreglubíl á
Korel-Bu sjúkrahúsið, en á leið-
inni þangað lést hann. Lögreglu-
mennimir vora settir í varðhald,
meðan þáttur þeirra í málinu er í
grandgæfdegri rannsókn, hefur
Ghana Newsranner eftir lögreglu-
yfirvöldum.
UTBOÐ
F.h. Byggingadeildar borgarverkfr. er óskað eftir tilboðum i viðhald
á lyftum í ýmsum fasteignum borgarsjóðs.
Útboðsgögn eru afhent a skrifstofu vorri gegn 5.000 kr. skilatryggingu.
Opnun tilboða: fimmtudaginn 12. júní 1997 kl. 14.00 á sama stað.
bgd 9<V7
F.h. Hitaveitu Reykjavíkur er óskað eftir tilboðum í stöðvar-
húskrana fyrir 3. áfanga Nesjavallavirkjunar. Verkið felst í hönnun,
framleiðslu og uppsetningu á tveimur krönum í rafstöðvarbyggingu
Nesjavallavirkjunar. Annar krananna með 16,7 m burðarhaf skal hafa
32 tonna vindu og 5 tonna vindu. Hinn kraninn með 6 m burðarhaf
skal hafa 2,0 tonna vindu. Krana skal afhenda uppsetta í síðasta lagi
10.3. 1998.
Útboðsgögn eru afhent á skrifstofu vorri frá miðvikud. 4. júní nk.
Opnun tilboða: miðvikudaginn 2. júlí 1997 kl. 11.00 á sama stað.
hvr 92/7
INNKA UPASTOFNUN
REYKJAVIKURBORGAR
Fríkirkjuvegi 3 - Simi 552 58 00 - Fax 562 26 16
Lagabreytingar -
Aukaflokksþing -
Akranes
Laganefnd Alþýðuflokksins - Jafnaðarmannaflokks ís-
lands hefur lokið störfum. Tillögur nefndarinnar hafa verið
sendar formönnum allra aðildarfélaga. Hægt er að vitja
þeirra þar eða á skrifstofu flokksins.
Einnig má nálgast breytingarnar á heimasíðu flokksins,
Stjórnmálavefnum (http:/www.solver.is./democrat/.)
Aðrar einstakar tillögur til lagabreytinga, sem áður höfðu
verið lagðar fram, verða lagðar fram á aukaþingi óbreytt-
ar.
f r é t t i r
■ Alþýðublaðið á verkfallsvaktinni á ísafirði
Atvinnurekendur
skortir ekki neitt
- segir Aðalheiður Steinsdóttir og segir verkafólk hafa úthald í áframhaldandi
verkfall
“Úthald okkar er ekki að dvína og
við ætlum okkur ekki að gefast upp,“
segir Aðalheiður Steinsdóttir verka-
kona og verkfallsvörður á Isafirði.
Um síðustu helgi felldu félagar innan
Alþýðusambands Vestfjarða miðlun-
artillögu rfkissáttasemjara og Iausn á
verkfalli, sem nú hefur staðið í sex
vikur, virðist ekki í sjónmáli.
“Við síðustu samningagerð árið
1995 voru margir mjög ósáttir við
niðurstöðuna. Síðan hefur reiðin
kraumað í fólki. Við ákváðum að ná
fram leiðréttingu á launum okkar.
Það hefur kostað langt verkfall og
við eram tilbúin í enn lengri baráttu.
Við ætlum ekki að gefast upp,“ segir
Aðalheiður.
En hafa atvinnurekendur efni á því
að ganga að kröfum ykkar?
“Það er ekki hægt að sjá að at-
vinnurekendur skorti neitt, kvóta-
kerfið hefur séð fyrir því, enda er það
rótin að þeirri miklu óánægja sem
hér kraumar. Við búum í litlu samfé-
lagi og sjáum því glöggt hvar fjár-
magnið er. Það er í höndum nokkurra
einstaklinga, sem hafa eignað sér
auðlindina.
Laun verkafólksins eru lág og
framfærslan er há. Auðvitað ættu að
vera lög í landinu um að ekki mætti
borga lægri laun en nemur fram-
færslu einstaklings. En það er eins og
stjómmálamenn skilji ekki svona
einfaldan hlut og meðan svo er verð-
ur þetta aldrei félagslega vænt þjóð-
félag.
Við eram alls ekki einstrengings-
leg í kröfum okkar. Við höfum kom-
ið mjög til móts við atvinnurekendur,
en það eina sem við höfum séð er
þessi miðlunartillaga sem er ekkert
annað en plagg með forskrift at-
vinnurekenda."
Nú tala menn um fólksflótta frá
Vestfjörðum ef ekki tekst að semja
fljótlega.
“Það liggur ljóst fyrir að náist ekki
fram leiðrétting á kjöram fólks í
byggðarlaginu þá mun koma til
fólksflótta. En sá flótti verður ekki til
annarra byggða á landinu. Fólk mun
einfaldlega fara úr landi."
Þú ert verkfallsvörður og hefur
lent í átökum í þeirri gœslu, þannig
að stuðningur við kröfur ykkar virð-
ist ekki allstaðar mikill.
“Það er satt að segja nokkuð sár
tilfinning að horfa á fólk. sem ætti að
standa með félögum sínum, gerast
verkfallsbrjótar. Þá finnst manni eins
og verkafólk sé að klóra augun hvert
úr öðra. En raunin er þó sú að í lang-
flestum tilvikum er það ekki hinn al-
menni verkmaður sem er að berjast
við okkur, heldur fólk sem er fengið
héðan og þaðan og er tilbúið að fara
hvert sem er í leit að hasar. Það er
staða sem ég hélt ekki að gæti komið
upp. En ég er svosem ekkert reið
þess vegna. Það þýðir ekkert að vera
reiður, því þá væram við alltaf reið.“
Furðar þú þig ekkert á því aðfólk
annars staðar á landinu skuli ekki
hafa barist fyrir re'ttindum sínum af
sömu hörku og þiðfyrir vestan?
“Ég hef farið víða í starfi mínu
sem verkfallsvörður og talað við fjöl-
marga. Fólk segist hafa trúað því að
það væri að samþykkja hagstæða
samninga. Það komst á aðra skoðun
þegar það fékk launaumslagið. Við
kynntum okkur þessa samninga
rækilega og opnuðum umræðu um
þá. Hér á Isafirði er öflugt og opið
verkalýðsfélag. Þar ræður fólkið en
ekki einhverjir steinrannir karlar sem
sitja á lokuðum skrifstofum og hlusta
ekki á vilja fólksins"
Sumarþing
Alþýöuflokksins - Jafnaðarmannaflokks
Islands á Akranesi, dagana 7.-8. júnf
Lagabreytingar
(sjá gögn frá síðasta þingi, auk viðbótar frá nefnd)
Sjávarútvegur
(Hvað er það sem hoppar og skoppar yfir heljarbrú...?)
Sameiningarmál
(Hvað er að gerast, og hvert stefnir)
Tölvukennsla - Tölvupóstur/lnternet
(Kennsla í notkun tölvupósts og grunnatriðum internetsins)
Ævintýraferð út í óvissuna
(Fyrir þá allra hugrökkustu)
Dansæfing á laugardagskvöldinu
(Hátíðarkvöldverður með dansleik)
Golfmót jafnaðarmanna (Enginn vinnur)
(Nánari upplýsingar veitir Tryggvi Harðarson, Hafnarfirði)
Flokksþingsfulltrúar eru vinsamlegast beðnir um að láta skrifstofu flokksins vita eins fljótt
og auðið er hvort þeir ætla að mæta eður ei, svo hægt verði að kalla inn varamenn í þeirra
stað.
Skrifstofa flokksins veitir allar nánari upplýsingar um ferðir, gistingar og annað er viðkem-
ur sumarþinginu. Auk þess má finna upplýsingar á Stjórnmálavefnum, heimasíðu Alþýðu-
flokksins - Jafnaðarmannaflokks íslands. (http:/www.solver.is/democrat/).
Sími á skrifstofu Alþýðuflokksins er 552-9244 og fax 562-9155.