Alþýðublaðið - 10.06.1997, Blaðsíða 1

Alþýðublaðið - 10.06.1997, Blaðsíða 1
MMIIBIMÐ Þriðjudagur 10. júní 1997 Stofnað 1919 73. tölublað - 78. árgangur Asta B. vill Þjóðvaka í Alþýðuflokkinn A- flokkarnir veröa leiöandi afl í framboði jafnaöarmanna "Því hefur verið lýst yfir, meðal annars af varaformanni Þjóðvaka, að Þjóðvaki muni ekki sem stjórnmála- afl bjóða fram á ný. Það er ljóst að sá möguleiki mun liggja fyrir að Þjóð- vaki geti sem stjórnmálaflokkur sótt um inngöngu í Alþýðuflokkinn. Það er ein leið. Hin leiðin er auðvitað sú, sem kannski enginn ræðir upphátt en á einhverjum tímapunkti verðum við að gera það, að þingmenn Þjóðvaka sæktu sem einstaklingar um inn- göngu í Alþýðuflokkinn," sagði Ásta B. Þorsteinsdóttir varaformaður Al- þýðuflokksins í ræðu á sumarþingi Alþýðuflokksins. Asta sagði engan vafa leika á því að samstarfið í þingflokki jafnaðar- manna væri mjög gott, þar ríkti mik- il eindrægni og málefnasamstaða. „Ég fer ekki dult með þá skoðun mína, og er reyndar ekki ein um hana, því það hafa fjölmargir flokks- félagar látið þá skoðun í ljós, að á sama tfma og þessi gróska er í starfi þingflokksins þá sé ákveðin kyrr- staða utan veggja Alþingishússins og hana þurfi að rjúfa með einhverjum hætti," sagði Ásta. „Það finnst mörg- um að við sem stjórnmálaflokkur séum ögn vængstýfð í þessu sam- starfi í augnablikinu, svo mikið að við náum ekki því flugi sem okkur er nauðsynlegt. Ég vona að þessi orð mín verði ekki túlkuð eða skoðuð sem andstaða við það sem gerst hef- ur, þvert á móti, ég held að þetta hafi verið ákaflega mikilvægt og heilla- vænlegt skref. En það er engu að síð- ur mikilvægt í allri baráttu að staldra við og endurmeta stöðuna." Ásta sagði að um tíma hefði svo virst sem sameining þingflokka Al- þýðuflokks og Þjóðvaka hefði blásið nokkru lífi í kulnaðar glæður Þjóð- vaka. „Hafi forsvarsmenn Þjóðvaka ¦ Engar sættir milli Ingibjargar Pálma- dóttur og Valgerðar Baldursdóttur. Ekki hósti né stuna frá ráðuneytinu - segir Valgeröur Baldursdóttir yfirlæknir barna- geödeildarinnar frá Dalbraut, en hún segir um sáttafundinn með ráðherra að hún hefði ekki valið að kalla hann ánægjuiegan. "Ég hef ekki orðið vör við neitt annað en að ráðuneytið ætli að standa við yfirlýsingar sínar," segir Valgerður Baldursdóttir yfirlæknir barnageðdeildarinnar á Dalbraut en sættir hafa ekki tekist milli hennar og heilbrigðsráðherra og er því allt útlit fyrir að hún hætti störfum við deild- ina. "Þetta er okkar pólitíski veruleiki. Mig dreymir ekki um að íslenskur ráðherra dragi mistök sín til baka," segir Valgerður. "Það hefur ekkert gerst nema það að heilbrigðisráðherra vildi hitta mig á fundi og ég varð við því. Þar end- urtók ég mínar skoðanir og heyrði það svo sagt margsinnis í útvarpi að þetta hefði verið ánægjulegur fundur. Ég hefði ekki hefði ekki tekið þannig til orða sjálf, ég er ekki ánægð með störf ráðuneytisins og hef þó aðeins sagt að ef það á að vera ítarleg um- ræða um málefni barna í nefnd þá hljóti að vera pláss fyrir einn barna- geðlækni í þeirri nefhd. Ég reyndi að koma upplýsingum á framfæri og vekja athygli á bágu ástandi deildar- innar áður en þetta mál fór af stað. Mínir yfirmenn á Ríkisspítölunum eru ekki sáttir við að ég hætti en ég hef svarað þeim svo að ef það er hellt yfir mann að ósekju og æran tekin af manni þá er ekki annað að gera enn fara. Síðan hef ekki hvorki heyrt hósta né stunu frá ráðuneytinu, það er þó ekki mitt að fullyrða að það sé ekkert að gerast þar, en við verðum ekki vör við það hér á deildinni. Samkvæmt heimildum blaðsins er nær útilokað að Valgerður komi til starfa aftur sem yfirlæknir en að- spurð svaraði hún því til að hún myndi ganga frá sínum málum beint við yfirstjórn spítalans en ekki í gegnum fjölmiðla. gert sér vonir um að þessi ráðstöfun fæli í sér endurnýjun lífdaga flokks- ins þá er þeim auðvitað ljóst í dag að þær vonir hafa orðið að engu. Skoð- anakannanir mæla ekkert fylgi og varaformaður Þjóðvaka hefur lýst því yfir opinberlega að Þjóðvaki sé allur og hlutverki hans lokið. Ég held að okkur sé næsta ljóst að það verða Alþýðuflokkurinn og Alþýðubanda- lagið sem verða hið leiðandi afl í framboði jafnaðarmanna í næstu kosningum," sagði Ásta sem í lok ræðu sinnar lagði áherslu á að um- ræðan um sameiningarmálin yrði að vera opin og hreinskilnisleg. Orlitlir andarungar í skjóli umhyggjusamra mæðra sinna eru sann- kallað augnayndi á Tjöminni í miðborg Reykjavíkur, þar sem Ingi- björg Sólrún borgarstjóri rennir stundum vökulum móðuraugum yfir borgina, sem hefur blómstrað undir stjórn hennar, engu síður en ungarnir litlu á Tjöminni í skjóli andamammanna. Hornsílin, sem því miður sjást ekki á myndinni, leita skjóls við bakkanna, og líklega er ekki til friðsælli paradís en Tjömin okkar í nokkurri höf- uðborg Evrópu. "Lærir Halldór Ásgrímsson, utan- ríkisráðherra, aldrei neitt af sinni eig- in vitleysu? Heldur hann, að það hafi engin áhrif á Norðmenn, þegar hann kiknar í hjánum og gefur eftir í hverju málinu á fætur öðru? Heldur hann að það feli ekki í sér ákveðin skilaboð, þegar utanríkisráðherra ís- lands leyfir Norðmönnum hvað eftir annað að komast upp með þann yfir- gang sem þeim sýnist?" Þessara spurninga er spurt f leiðara Alþýðublaðsins í dag, og rifjað upp, að blaðið varaði við því á sínum tíma, hvefsu linkulega utanríkisráð- herra mótmælti ofríki Norðmanna á síðasta ári, þegar þeir færðu einhliða út grunnh'nupunkta sína við Sval- barða, og ráku íslensk skip af afla- sælasta svæði hins alþjóðlega haf- svæðis þar. „Varnaðarorð okkar reyndust því miður á rökum reist...einsog takan á Sigurði sýnir glöggt," segir í leiðaranum. Þar segir einnig: „Orðstír íslenska utanríkisráðherrans er hinsvegar orð- inn slíkur í stjórnkerfi Norðmanna, að honum tekst ekki einu sinni að leysa smávægilega deilu á borð við Sigurðarmálið án þess að málið verði að stórkostlegum atburði á aiþjóða- vettvangi." Leiðarinn klykkir út með að rifja upp þau ummæli forsætisráðherra, að ein skýring á töku Sigurðar kunni að vera að Norðmenn séu aular. „En hverjir eru hinir raunverulegu aul- ar?" spyr Alþýðublaðið í dag. ¦ Verkafólk á Vestfjörðum er aftur mætt til starfa Verkfallinu lokið Tólf og hálf milljón í verkfallssjóð frá félögum og einstaklingum Félagar í Alþýðusambandi Vest- fjarðar samþykktu aðra miðlunartil- lögu Þóris Einarssonar ríkissátta- semjara, þrátt fyrir að litlar breyting- ar hafi verið frá fyrri tillögu hans. f þessu lengsta verkfalli síðari tíma fékk verkafólkið fyrir vestan ýmis- konar stuðning, til dæmis var gefið ríflega í verkfallssjóð þeirra, en í hann söfnuðust um tólf og hálf millj- ón á meðan á verkfalli stóð. Hæsta framlagið, tvær og hálf milljón króna, kom frá BSRB. Kennarasam- bandið gaf tvær milljónir, Dagsbrún gaf eina og hálfa, Félag starfsfólks í veitingahúsum gaf eina milljón og það sama gerði Verkalýðs- og sjó- mannafélag Keflavíkur og nágrennis. Samkvæmt miðlunartillögunni gildir samningur milli Alþýðusam- bands Vestfjarða og vinnuveitenda framá árið 2000. Ekki náðist í Pétur Sigurðsson vegna þessa máls í gær.

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.