Alþýðublaðið - 20.06.1997, Side 1

■ Páll Pétursson uppvís að svikráðum við húskaupendur. Segist ekki vita betur
en að kostnaður aukist ekki.
Samsæri ráðherra
gegn neytendum
Páll Pétursson gerir „heiðursmannasamkomulag“ um að hækka lántökugjöld á húsbréf, áður en þau verða
flutt til bankanna. Ráðherra segir í samtali við Alþýðublaðið að hann viti ekki hvort lántökukostnaður eykst.
Ráðherrann .átelur stjórn Húsnæðisstofnunar fyrir að fá óháð fyrirtæki til að gera úttekt á kostum og göllum
flutnings bréfanna til bankanna.
„Alls ekki,“ sagði Páll Pétursson
félagsmálaráðherra þegar hann var
spurður hvort gert hafi verið ráð fyr-
ir að kostnaður vegna lántöku og
veðflutnings húsbréfa hækki flytjist
bréfin yfir í bankana. „Við höfum
gengið í þessar viðræður til að fá
þetta gert ódýrara en það er gert í
dag.“ Páll fullyrðir að ekki sé gert
ráð fyrir að heildarkostnaður neyt-
enda af hverju láni verði hærri en nú
er, það er eitt prósent af hverju láni.
Ert þú að segja að bankamir und-
irgangist þetta, burt séð frá hversu
oft skipt verður um greiðendur lán-
anna?
„Nú skal ég ekki segja um það. En
upphafskostnaðurinn mun lækka.“
Er einhver sátt um þetta sem þú ert
að segja?
„Ég veit ekki betur, þetta er ekki
frágengið mál. Þetta kemur upp
vegna einhverra hugleiðinga sem
bankamenn eru að senda sín á milli
og ég hef ekki hugmynd um hvernig
eru tilkomnar. Bankamir höfðu bent
á að það væri ekki eðlilegt sá sem
fyrstur tekur lánið kaupi á það líf-
tryggingu allan tímann. Það er fjarri
því að við ætlum að semja við bank-
anna ef það kostar meira en nú er.“
í símbréfi, kemur fram að ráðu-
neyti Páls er uppvíst að samsæri með
stjómendum banka um að hækka
lántökugjöld af húsbréfum, áður en
ráðherrann flytur þau til bankanna.
Aðstoðarmaður hans, Ámi Gunnars-
son, hefur opinberlega staðfest, að
efni bréfsins sé rétt. í bréfinu kemur
fram, að ráuneytið telji nauðsynlegt
að hækkunin komi fram áður en hús-
bréfin verði flutt til einkageirans því
ella yrði ráðherrann gagnrýndur
harkalega fyrir að ráðast í einkavæð-
ingu sem leiddi til stórhækkana á
kostnaði húskaupenda.
Samkvæmt heimildum Alþýðu-
blaðsins innan úr Sjálfstæðisflokkn-
um hefur flokkurinn fengið loforð fé-
lagsmálaráðherra fyrir því að hús-
bréfin verði flutt frá Húsnæðisstofn-
un til bankanna áður en kjörtímabilið
er úti. Bankarnir þrýsta aftur á móti
fast á um hærri lántökugjöld áður en
breytingin er samþykkt. Páll Péturs-
son hefur hinsvegar ítrekað lýst yfir
að flutningur komi ekki komi til
greina leiði hann til aukins kostnaðar
fyrir neytendur, þetta lagði hann
áherslu á í samtali við Alþýðublaðið,
en þegar hann var beðinn um að
svara hvort kostnaðurinn aukist
aldrei, sama hversu oft skipt verður
um greiðendur varð honum svarafátt.
Páll sagði í viðtali við Rás tvö 30.
janúar síðastliðinn: „...við hreyfum
okkur ekki nema það sé verið að
finna ódýrara form á þjónustunni og
ömggara."
Afstaða ráðherrans virtist breytt í
bréfi þann 16. apríl, þegar stjóm
Húsnæðisstofnunar fékk óháð fyrir-
tæki til aðineta kosti þess og galla að
flytja húsbréfm til bankanna, því þar
átelur hann stjómina, sem er þing-
kjörin, fyrir tiltækið.
Á fundi húsnæðismálastjómar
þann 6. júní var í þaula rætt símbréf,
sem stjórninni hafði komist yfir, þar
sem fulltrúi bankanna í viðræðu-
nefnd um flutninginn er að veita
samstarfsmanni sínum trúnaðampp-
lýsingar um stöðu mála. Efnið er titl-
að „ný drög að samkomulagi milli
bankakerfisins og félagsmálaráðu-
neytisins um flutning á afgreiðslu
húsbréfa." Þar kemur fram að bank-
amir vilja staðfestingu ráðuneytisins
á því að tekið verði upp nýtt lántöku-
og afgreiðslugjald áður en banka-
kerfið taki við húsbréfunum, svo því
verði ekki kennt um hækkunina.
Um þessa kröfu bankanna segir í
símbréfinu: „Afstaða ráðuneytisins
er sú, að það sé pólitískt útilokað að
skrifa undir þannig texta og vera ber-
skjaldað fyrir gagnrýni um að kostn-
aður muni hækka.“ Þessvegna leggur
félagsmálaráðuneytið til að gert
verði heiðursmannasamkomulag
„...um að gjaldinu verði komi á fyrir
yfirtökuna, enda verið að undirbúa
þessa gjaldtöku."
■ Embætti ríkissak-
sóknara sparar hvergi
Hálf milljón
fyrir Harald
- og eflaust mun Spaug-
stofumáliö kosta sitt
„Það virðist ekki vera skortur
á peningum hjá embætti sem elt-
ist við mál eins og Hrafnsmálið
og Spaugstofumálið. Hrafnsmál-
ið hefur þegar kostað um hálfa
milljón króna," sagði lögmaður í
samtali við blaðið.
Athygli hefur vakið að Hall-
varður Einvarðsson ríkissak-
sóknari og hans fólk hefur að
eigin frumkvæði höfðað tvö mál
að undanfömu. hið fyrra er mál-
ið gegn Hrafni Jökulssyni, fyrr-
verandi ritstjóra Alþýðublaðsins,
og hið síðara gegn Spaugstofu-
félögum.
Dómur er fallinn í málinu
gegn Hrafni, að vísu aðeins í
héraði, og eflaust lætur ríkissak-
sóknari ekki þar við sitja. Hann
hlýtur að keyra málið áfram og
koma því í Hæstarétt. Hann
hefði varla höfðað málið nema
vera viss um að Hrafn hafi gerst
sekur við hegningarlög þar sem
fangelsismálastjóri móðgaðist.
Þetta mál er þegar búið að kosta
skattborgaranna rúmlega hálfa
milljón.
Ekki náðist í Hallvarð Ein-
varðsson vegna málsins, þrátt
fyrir margar tilraunir.
Algeng lyf draga
úr kynlönguninni
„Stór hluti neytenda veit ákaf-
lega lítið um þessar aukaverk-
anir,“ segir kynfræðingur, sem
er að tala um áhrif lyfja á
kynlöngun. Sjá bls. 6
■ Ný skoðanakönnun
Ráðherrar Fram-
sóknar fá fallein-
kunnir
- tveir þeirra meö
hverfandi fylgi í eigin
flokki
Ingibjörg Pálmadóttir og Guð-
mundur Bjamason njóta einungis
stuðnings um þriðja hluta kjósenda
þeirra eigins flokks, Framsóknar-
flokksins. Þetta kemur fram í nýrri
skoðanakönnun, sem Alþýðublaðið
hefur komist yfir. Samkvæmt könn-
uninni sögðust aðeins 34 prósent
kjósenda Framsóknarflokksins
ánægður með störf Ingibjargar og að-
eins 35 prósent með störf Guðmund-
ar Bjamasonar, varaformanns flokks-
ins.
Það er fleira athyglisvert í niður-
stöðu, könnunarinnar. Meðal al-
mennra kjósenda kemur fram að
fylgi við ráðherra Framsóknar getur
varla talist mikið. Þó er Halldór Ás-
grímsson undantekning, en 67 pró-
sent kjósenda segjast ánægðir með
störf hans, en rúmlega 80 prósent
kjósenda Framsóknar eru ánægðir
með Halldór. Finnur Ingólfsson er
annar vinsælasti ráðherra flokksins,
en hann fær þó ekki góða einkunn
nema hjá fjömtíu og þriggja prósenta
kjósenda, Páll Pétursson nýtur
trausts 27 prósenta, Guðmundur
Bjamason 20 prósenta og Ingibjörg
Pálmadóttir aðeins 19 prósenta kjós-
enda.
Það eru kjósendur Kvennalista
sem hrffast minnst allra af störfum
Guðmundar og Ingibjargar, en rétt
um sjö prósent kjósenda Kvennalist-
ans segjast vera ánægðir með störf
þessara umdeildu ráðherra.
Sumaráætlun m/s Herjólfs
Gildir frá 15. maí til 1. sept. 1997
Vegna Þjóðhátíðar Vestmannaeyja
breytist áætlunin sem hér segir:
Sunnudaginn 3. ágúst verður aðeins ein
ferð frá Vestmannaeyjum kl. 13.00
og frá Þorlákshöfn kl. 16.00
Mánudaginn 4. ágúst er brottför frá
Eyjum kl. 11.00 og kl. 18.00 og frá
Þorlákshöfn kl. 14.30 og kl. 21.30
Aukaferðir verða mið. 30. júlí og
þri. 5. ágúst og þá frá Vestmannaeyjum
kl. 15.30 og frá Þorlákshöfn kl. 19.00.
Að öðru leyti gildir sumaráætlunin.
r-----------------------------^
SUMARÁÆTLUN 1996
Frá Vestmannaeyjum Frá Þorlákshöfn
Alla daga 8.15 12.00
Aukaferðir eru á:
Fimmtud-, föstud-.
og sunnudögum 15.30 19.00
k_____________________________A
Allar frekari upplýsingar
er að fá í:
Vestmannaeyjum: Sími
481 2800, fax 481 2991.
Þorlákshöfn: Sími 483 3413,
fax 483 3924.
Reykjavík: Sími 552 2300
(aðeins um rútuferðir).
Áætlaður siglingatími milli lands og
Eyja eru 2.45 klst.
HERJÓLFUR brúar bilið
m