Alþýðublaðið - 09.07.1997, Blaðsíða 3

FIMMTUDAGUR 9. JÚLÍ1997
ALÞÝÐUBLAÐIÐ
3
Mikil gremja er meðal fasta-
gesta Þjóðarbókhlöðunnar
yfir naumt skomum opnunartíma
safnsins. En safninu er lokað
klukkan 17 á virkum dögum, og
þjóðdeildin, þar sem grúskarar
sækja föng sín í skjöl og skræður
fyrri alda, er lokað allar helgar. í
Jóhannes Nordal: Opnar hann
Þjóðabókhlöðuna...
safnstjóminni sitja menn á borð
við Jóhannes Nordal, prófessor
Véstein Ólason og fyrrverandi
borgarstjóra Egil Skúla
Ingibergsson og menn furða sig
á að fræðatröll á borð við þá skuli
ekki hlutast til um betra aðgengi
að fjársjóðum þjóðdeildarinnar. Á
yfirstandandi kjörtímabili hefur
Alþingi tvisvar rætt það
ófremdarástand sem ríkir í
þessum efnum. Máliö var rætt
fyrir skömmu á fundi yfirmanna
stofnunarinnar, en hvorki gengur
né rekur...
Menn bíða nú með eftirvænt-
ingu mikillar kvikmyndar um
Þingvelli, vatnið og lífríki staðar-
ins, sem kvikmyndagerðar-
maðurinn Valdimar Leifsson
hefur unnið að síðustu árin. En
hann rekur kvikmyndafyrirtæki
ásamt konu sinni, Bryndísi
Kristjánsdóttur. fyrrum ritstjóra
Vikunnar og núverandi formanns
Umhverfismálaráðs Reykja-
víkurborgar. Frækileg myndskeið
af fálka að rífa í sig rjúpu, bleikjur
í ástaleik og jafnvel stöku urriða-
tröll í hyljum Öxarár eru meðal
þess lostætis sem bíða áhorf-
enda. í vikunni voru tveir kafarar,
þeir Bjarni Heiðar Gestsson og
Birgir Valgarðsson að kafa í
Peningagjá til að hreinsa rusl
sem rummungar á full mörgum
prómillum höfðu hent i hana um
helgina. Þá notuðu þeir tækifærið
og tóku nokkur myndskeið af
glitrandi myntinni í þotni gjárinnar,
sem Valdimar vantaði einmitt í
myndina...
Meðal þeirra sem nú sitja við
skriftir og stefna á jólabókar-
markaðinn er enginn annar en
vor ástsæii leiðtogi, Jón Baldvin
Hannibalsson. En hann undirbýr
nú bók, þar sem hann fjallar jafnt
um menn og málefni. Jón Baldvin
er sem kunnugt er í hópi þeirra
sem ekki nenna að skafa utan af
hlutunum ef hann kýs að orða þá
á annað borð, og er ekki að efa
að afskaplega marga fýsir mjög
að sjá palladóma hans um ýmsa
samferðamenn. Bókin verður
gefin út af Máli og Menningu, og
væntanlega verða það sögulegar
sættir með hinum fyrrverandi
formanni og forlaginu. En á
sínum tíma lentu þeir Halldór
Guðmundsson útgáfustjóri í
nokkuð harðri ritdeilu um Nóbel-
skáldið okkar, Halldór Laxness,
og kommúnismann. Ritstjóri af
hálfu forlagsins er enginn annar
en metsöluhöfundurinn Guð-
mundur Andri Thorsson en
aðdrætti heimilda og umsjón með
gögnum hefur með höndum
Kolbrún Bergþórsdóttir, blaða-
kona á örblaði jafnaðarmanna...
Hofsós er að verða
menningarmiðja Norðurlands
vestra rétt einsog fyrr á öldum
þegar danskir kaupmenn fluttu
þangað evrópska menningar-
strauma. Höfuðprýði staðarins og
helsta aðdráttarafl er Vesturfara-
safnið en helsti hvatamaðurinn að
því var Valgeir Þorvaldsson
bóndi á Vatni. Vaxandi straumur
gesta er að safninu, en því hefur
bæst mikilvirkur liðsauki í gervi
nýs umsjónarmanns, sem er
Vigdís Esradóttir. Hún er nýflutt
á Hofsós ásamt manni sínum
Einari Unnsteinssyni trésmið og
listamanni. Safnið mun enn
aukast að vegsemd á næstu
árum þegar í tengslum við það
verður sett niður Stephansstofa í
minningu hins ástæla skálds úr
Klettafjöllum Vesturheims,
Stephans G. Stephanssonar.
En Alþingi samþykkti á síðasta
vetri að beita sér fyrir stofnun
Stephansstofu og valdi henni að
Mörður: Flutti tillöguna um
Stephansstofu...
sjálfsögðu stað á Hofsósi í
tengslum við Vesturfarasafnið.
Sá sem flutti tillöguna á þinginu
var jafnaðarmaðurinn Mörður
Árnason.
r
Ioktóber eða nóvember hyggst
Geimverufélagið halda ráð-
stefnu hér á landi um fljúgandi
furðuhluti og fær þá hingað til að
halda fyrirlestur Wendel
Stevens. En hann er fyrrverandi
flugstjóri í bandaríska hemum,
sem varð fyrir þeirri lífsreynslu að
fá heimsókn geimskips meðan
hann flaug vél sinni í háloftunum.
Upp frá því hefur Wendel helgað
líf sitt rannsóknum á fljúgandi
furðuhlutum, og er einn vinsæl-
asti fyrirlesari á þessu sviði...
Það verður reyndar mikið geim
í Selmúlanum í kvöld, þegar
Geimverufélagið heldur aðalfund
sinn í húsakynnum Sáiarrann-
sóknaskólans. Ástæðan er sú, að
verur utan úr geimnum hafa að
sögn félagsmanna sýnt íslend-
ingum óvenju mikla athygli síð-
ustu misseri, og á fundinum í
kvöld munu tveir, jafnvel þrír,
sjónarvottar greina frá reynslu
Ein vinsælasta ölstofa höfuð-
borgarinnar er írska kráin
Dubliners í Hafnarstræti, sem
fyrst og fremst selur hinn indæla
írska mjöð sem kenndur er við
Guinnes. Eigendur hennar eru
þrír, þar af er aðeins einn
íslendingur, Bjarni Guðmunds-
son. Einn Iri er í hópnum,
Patrick Keegan og þriðji maður-
inn er Daninn Björn Horgen.
Þremenningamir kynntust í
Round Table félagsskapnum, en
þeir gegndu allir alþjóðlegum
embættum á vegum hans. Þegar
því lauk langaði þá til að halda
vináttunni áfram í einhvers konar
viðskiptum og datt í hug sú
langsótta hugmynd að stofna
irska krá á mörkum hins byggi-
lega heims. Frá því er skemmst
að segja, að The Dubliners náði
skjótt brakandi vinsældum, enda
stöðugt boðið upp á lifandi, írska
tónlist. Nú hafa þremenningarnir
heldur betur fært út kvíarnar. í
desember síðastliðnum stofnuðu
þeir nefnilega nýja krá undir
sama nafni, en að þessu sinni í
innsbruck í Austurríki. Að sögn
kostaði um 70 milljónir að setja
hana upp, en velgengni hennar
er slík að þorstlátir Austurríkis-
menn standa í biðröðum hvert
einasta kvöld til að komast í
Guinnes bjórinn...
Fyrir dyrum stendur að ráða
nýjan framkvæmdastjóra að
Alþýðuflokknum en Karl
Hjálmarsson hefur nú afráðið að
láta af störfum eftir farsælan feril í
erfiðu og vanþakklátu starfi.
Meðal ungra jafnaðarmanna, sem
mikið hafa látið til sín taka í starfi
Alþýðuflokksins á síðustu árum er
áhugi á því að einhver úr þeirra
röðum verði ráðinn til starfans. I
því sambandi er einkum nefnt
nafn Eiríks Bergmann stjóm-
málafræðings, sem um þessar
mundir er að Ijúka framhaldsnámi
í Kaupmannahöfn...
Fyrrum ritstjóri Alþýðublaðsins
og margreyndur metsölu-
höfundur Ingólfur Margeirsson
hefur nú dregið sig úr skarkala
höfuðborgarinnar að sumarsetri
sínu í Hrísey í Eyjafirði, þar sem
Ingólfur Margeirsson: Við
skriftir i Hrísey...
hann situr önnum kafinn við
skriftir. En fyrir jólin eru væntan-
leg bersöglimál sem hann skráir
eftir forvitnilegum geðlækni,
Esra Péturssyni. Hann var á
sfnum tíma brautryðjandi
sálgreiningar hér á landi, og á
að baki merkilegt lífshlaup. Ekki
er að efa að þegar þeir Esra og
Ingólfur leggja saman verður
afraksturinn meira en
forvitnilegur...
Annar rithöfundur sem hefur
náð gífurlegum vinsældum
síðari árin er heimspekingurinn
Gunnar Dal. Bækur hans um
heimspeki hafa náð alþýðuhylli
og fáir hafa haft jafn mikil og
jákvæð áhrif á breytni landans
og hann með skrifum sínum.
Nú er von á enn einni bók úr
penna hans, og að þessu sinni
er það skáldsaga, sem mun
fjalla um konur og ástina. Gunnar
býr annars í Hveragerði og gerir
pílagrímsreisur til höfuðborgar-
innar sérhvem mánudag og hefur
þá gjaman aðsetur í hjarta
borgarinnar á Cafe Paris þar sem
hann miðlar kaffinautum af speki
langrarævi...
Egilsstaðir standa á jörð, sem
er í eigu ríkisins og þarmeð í
umsjá landbúnaðarráðuneytisins.
í síðasta mánuði átti bærinn
stórafmæli og af því tilefni fékk
hann landið undir sjálfum sér
keypt af ríkinu, og greiddi fyrir 7.5
milljónir króna. Það þótti raunar
sérstakt afmælisverð. Þingmenn
Sjálfstæðisflokksins í kjördæm-
inu voru hinsvegar ekki hafði með
í ráðum og haft er eftir Agli
Jónssyni á Seljavöllum, oddvita
Egill Jónsson: Fannst Iftill stór-
hugur í Guðmundi Bjarnasyni...
Sjálfstæðisflokksins í kjördæm-
inu, að honum hafi þótt ríkið
sýna svo merku bæjarfélagi lítinn
stórhug með því að selja Egil-
staðabæ landið í stað þess að
gefa, einsog hefði náttúrlega ver-
ið gert ef réttir menn hefðu verið
landbúnaðarráðherrar....
Aumingja Halldór Ásgríms-
son á ekki sjö dagana sæla.
Alþýðublaðið hefur áður greint frá
þvi hvernig Davíð Oddsson er
sífellt að þrengja að stöðu hans
sem utanríkisráðherra með því að
skáka honum beinlínis til hliðar
einsog í Sigurðarmálinu, eða
hrammsa undir forsætisráðuneyt-
ið mikilvæga stefnumótun í utan-
ríkismálum. Þar má nefna stórmál
á borð við stækkun Nató og
tengsl íslands við Evrópusam-
bandið. Nú hefur það bæst við
hremmingar Halldórs að þekking
og reynsla Ólafs Ragnars
Grímssonar forseta á utanríkis-
málum draga hann stöðugt meira
inn í slíkar umræður gagnvart er-
lendum stórmennum. Forseta-
embættið, sem áður var hlutlaust
í slikum efnum, er því allt í einu
farið að skyggja allverulega á
Halldór. Persónuleg afskipti Ólafs
Ragnars urðu þannig til þess að
hin mikilvæga yfirlýsing frá Bill
Clinton um stöðu Leifs heppna
Eirikssonar barst á 17. júní.
Þannig er það Ólafur sem hefur
hafið gagnsókn íslendinga gegn
tilraunum Norðmanna til að stela
frá okkur Leifi heppna, þó það
ætti auðvitað að vera á hendi ut-
anríkisráðherrans. Menn tóku líka
eftir að þegar forseti (talíu kom
hingað í opinbera heimsókn á
dögunum, að þá héldu forsetarnir
tveir blaðamannafund, þar sem
Evrópumálin voru greind af þeim
saman með nokkrum brilljans, en
utanríkisráðherra kom þar hvergi
nærri. Þannig hefur aumingja
Halldór allt í einu lent í tangar-
sókn þeirra Davíðs og Ólafs
Ragnars, sem eru á góðri leið
með að skipta utanríkimálunum á
milli forsætisráðuneytisins og for-
setaskrifstofunnar...
Einn þekktasti stangaveiðimað-
ur landsins er Árni Baldurs-
son. Hann hefur haft ýmsar ár á
leigu, þar á meðal Laxá í Kjós. Á
dögunum gerði hann tilboð í
Langá á Mýrum ásamt Runólfi
Ágústssyni lögfræðingi og odd-
vita Þjóðvaka á Vesturlandi. Ingvi
Hrafn Jónsson skaut þeim félög-
um ref fyrir rass, einsog frægt er
orðið af blaðaskrifum, og eru þeir
Runólfur víst lítt ánægðir með
vinnubrögð Ingva Hrafns. Nú
heyrum við að Árni hafi vent sínu
kvæði í kross og keypt veiðibúð-
ina Litlu fluguna af KK eldri,
Kristjáni Kristjánssyni semhefur
rekið hana með einstaklega per-
sónulegu sniði í hvorki meira né
minna en átján ár...
v i t i m e n n
Hey, let's stúd the fökking
túna.
Svangur Þórsmerkurfari í DV.
Richard Nixon er án efa einn
merkast forseti Bandaríkjanna
á þessari öld. (...) Watergate
málið breytir engu um það.
Víkverji Morgunblaðsins.
Jónas [Kristjánsson] talaði oft
fyrir daufum eyrum og mátti
þola harkalega gagnrýni, m.a.
frá starfsbræðrum sínum sem
gerðu lítið úr hugmyndafræði
hans um samspil heilsufars og
heilbrigðra lífshátta.
Gunnlaugur K. Jónsson forseti NLFÍ um
upphafsmann náttúrulækninga á íslandi í
Mogga. Svona er að vera á undan sinni
samtíð.
Rosalega svekktur.
Kristmar Ólafsson framkvæmdastjóri
landsmóts ungmennafélaganna um ölvun
þáttakenda í Borgarnesi um helgina. Úr
Degi-Tímanum.
Tíð kennaraskipti, mikið
vinnuálag, yfirvinna, tvö störf,
misjafn árangur nemenda,
verkföll.
Þorlákur Axel Jónsson menntaskólakenn-
ari i DT.
[Hafnarfjarðarkratar] eru eins
og hin tragíska hetja nýróman-
tíkurinnar: efnilegir en dæmd-
ir til óhamingju.
Birgir Guðmundsson í DT.
Jón Baldvin er einn mesti
stjórnmálaspekingur vinstri
manna á síðari árum.
Karl Ormsson í Velvakanda Morgun-
blaðsins.
Það er auðvitað gott og bless-
að að geta sleppt því að kaupa
nýjan bíl eitt árið eða hætt við
fimm q förnum vcg i
Hver viltu að verði næsti biskup?
Einar Eyjólfsson:
Karl Sigurbjömsson.
Ásta Kristinsdóttir:
Karl Sigurbjömsson.
Sigurjón Tracy:
Karl. Það liggur ljóst fyrir.
Haraldur Sigfússon:
Ég held það verði Sigur-
bjömsson.
Gunnlaugur Magnússon:
Ég veit það ekki. Þessi
prestamál, mér frnnst þau
vera búin að skemma fyrir
kirkjunni.
sólarlandaferðina til að geta
komið unglingunum sínum í
aimennilegan skóla.
Björn Ingólfsson lesandi í DT.
Svo er um okkar
ást í milli
sem hús standi
hallt í brekku,
svigni súlur,
sjatni veggur,
sé vanviðað;
völdum bæði.
Úr Bryngerðarljóðum.