Alþýðublaðið - 31.10.1997, Page 3
Oktober 1997
ALÞÝÐUBLAÐIÐ
3
Byltingarmadur og
sameiitingarsimti
Ingvar Sverrisson, framkvæmdastjóri Alþýöuflokksins: „Byltingarmenn á borð við okkur sameiningarsinnana hafa á öllum tímum
þurft að glíma við hindranir og við munum hafa yfírhöndina í slagnum viö úrtölufólkið á endanum. Ég hef sjalfur fulla trú á því aö
það verði vel í tíma fyrir næstu alþingiskosningar.“
Nýr framkvœmdastjóri
Alþýðuflokksins, Ingvar
Sverrisson, í viðtali um-
störfsín og sameiningu
jafnaðarmanna.
I lok sumars réði framkvæmdastjóm
Alþýðuflokksins nýjan framkvæmda-
stjóra sem tók við starfmu af Karli
Hjálmarssyni. Ingvar Sverrisson vara-
borgarfulltrúi Reykjavíkurlistans var
ráðinn í starfið og hóf hann störf í lok
ágúst. Ingvar hefur starfað innan
flokksins síðan 1992 og gegnt ýmsum
trúnaðarstöðum fyrir flokkinn og er nú
varaborgarfulltrúi fyrir Reykjavíkur-
listann og varaformaður Iþrótta- og
tómstundaráðs borgarinnar. Ingvar er
einnig þekktur fyrir vinnu sína að sam-
einingu jafnaðannanna og var til dæm-
is einn af hvatamönnum að stofnun-
Reykjavíkurlistans lyrir fjórum árum.
Ingvar er í sambúð og á einn son.
Áherslan lögð á innra starfíð
Alþýðublaðið rœddi við Ingyar fyrir
slcemmstu og spurði hann fyrst um-
helstu áherslur hans í starfi.
„Ég hef mestan áhuga á því í augna-
blikinu að byggja upp innra starf
flokksins og reyna að vekja vitund
flokksfólks á því starfi sem verið er að
vinna og reyna að auka það. Ég er nú
þegar byrjaður að fara út á landsbyggð-
ina til þess að ræða við Alþýðuflokks-
fólk og kanna hug fólks til aðgerða.
Þetta er vitaskuld liður í því að hefja
undibúninginn fyrir komandi sveita-
stjómarkosningar. Hlutverk mitt sem
framkvæmdastjóra er síðan bæði að
vinna með okkar fólki á þeim stöðum
þar sem Alþýðuflokkurinn býður fram
einn og aðstoða eftir megni þar sem við
höfum sameinast öðmm flokkum í
framboði.
Enn fremur þarf að keyra af stað
undirbúning fyrir komandi alþingis-
kosningar. Ég lít nefnilega á það sem
lykilatriði að breyta þeirri hugsun í Al-
þýðuflokknum að hægt sé að byrja í
baráttu nokkmm mánuðum áður en
kosningamar fara fram og hafa ekki
undirbúið sig að neinu viti.“
Höfuðstöðvum
Alþýðuflokksins umbylt
Standa ekki yfir miklar breytingar á
höfuðstöðvum Alþýðuflokksins við-
Hveifisgötu í Reykjavík?
, Jú, það er verið að vinna mikið starf
við að taka plássið sem Alþýðublaðið
hafði hér á Hvcrfisgötunni í gegn og
koma því í notkun fyrir flokkinn. Það
verður öllum flokknum til góða að hafa
mikið og rúmt pláss til að athafna sig í.
Nú þegar hefur verið komið upp að-
stöðu fyrir flokksfélögin þar sem allir
hafa aðgang að skrifstofu með tölvu og
síma. Þetta á að nýtast landsbyggðar-
fólkinu sérstaklega vel sem vinnuað-
staða hér í Reykjavík þegar fólk kemur
í einhverjum erindagjörðum.
Sem dæmi má nefna að sveitastjóm-
armenn utan af landi ættu að geta nýtt
sér þetta þegar þeir eiga í samskiptum
við ráðuneytin og slíkt.
Þær breytingar sem eiga sér stað fela
líka í sér að nú verður hægt að halda
litla fundi hér á hæðinni og einnig á að
koma upp aðstöðu fyrir Alþýðublaðið
og aðrar þær útgáfur sem flokksmenn
vilja fara í.
Er dregur nær kosningum verður
hægt að breyta hæðinni í öfluga kosn-
ingamiðstöð með nánast engum til-
kostnaði þannig að ekki þarf að fara útí
dýrar aðgerðir til þess að koma upp
slíku eins og venja hefur verið.
Þar að auki emm við á skrifstofunni
að vinna að því að auka þjónustu við
félögin í flokknum þannig að hingað
verði hægt að leita til þess að fá prent-
aða gíróseðla eða uppsetningu á blöð-
um og annað slíkt. Partur af því verður
að ná hagstæðum samningum varðandi
prentun og annað sem nýtist öllum í
flokksstarfinu."
Merkilegir tímar í uppsiglingu
Hafa viðrœður um sameiningu jafn-
aðarrhanna í einn stóra og öflugan
fiokk ekki áhrifá starfþitt?
„I uppsiglingu em mjög merkilegir
tímar og starfið hjá okkur í Alþýðu-
flokknum snýst auðvitað heilmikið um
hvar, hvemig og hvenær menn sam-
einisl í framboði. Það skiptir höfuðmáli
fyrir Alþýðuflokkinn að koma sterkur
til samningaborðsins í þeim viðræðum
og efling starfsins er hluti af þeim
hugsunum.
Ég held að ég mæli fyrir munn
flestra flokksmanna þegar ég segi það
einlæga ósk okkar að stór og sterkur
jafnaðarmannaflokkur bjóði ffam í
næstu Alþingiskosningum. Menn telja
það vonandi ekki hroka þótt ég lýsi
þeirri skoðun minni að án öflugs Al-
þýðuflokks verður ekkert af slQcri sam-
einingu. Þar fyrir utan vitum við ekki
hvort af sameiningu verður og því
heillavænlegast að styrkja undirstöður
flokksins."
Hvernig er hægt að sameina
jafnaðarmenn?
En hvað teiur þú að þtirfi að gerast
svo að hér verði til stór jafnaðar-
mannaflokkur eins og í nágrannaiönd-
unum?
„Ég væri ekki í Alþýðuflokknum ef
mér fyndist hann ekki hafa gegnum tíð-
ina verið með sterkasta málefnagrunn-
in af öllum íslenskum flokkum. Nú er
kominn tími til að flokksmenn standi
saman og reyni að byggja upp flokkinn
þannig að hann geti staðið sterkur gegn
þeim sérhagsmunaöflum sem ráða í
þessu þjóðfélagi. Hvort sem við stönd-
um í þessari baráltu á eigin spýtur eða í
samfloti með öðrum jafnaðarmönnum
gildir einu. Baráttan er sú sama. Hug-
myndafræðin sömuleiðis. Alþýðu-
flokkurinn er framfarasinnaður um-
bótaflokkur, svo ég vimi í Jón Baldvin,
og það kemur ekki til greina að fylkja
jafnaðarmönnum saman í framboð
undir öðrum formerkjum.
En ég held að það sé virkilega gott
lag núna til að sameina krafta allra ís-
lenskra jafnaðarmanna í einum flokki
og byggja hann upp sterkann með
straustum innviðum þar sem fólk beyg-
ir sig undir vilja meirihluta flokks-
manna og vinnur saman og af heilind-
unt að stefnu flokksins.
Sú staðreynd að jafnaðarmenn em
dreifðir í alla flokka landsins gerir það
að verkum, að hugsjónir okkar um
framfarir, umbætur og raunsætt réttlæti
ná ekki fram. Ef við náum að jafna per-
sónulegar deilur millum jafnaðar-
manna og fylkja fólkinu saman undir
einu merki þá munum við ná árangri og
sigra sérhagsmuna- og afturhalds-
skrýmslið sem alltof lengi hefur farið
hér með völd. A því leikur ekki nokkur
vafi.
Málið er auðvitað þannig vaxið að
jafnaðarmenn úr öllum flokkum hafa
verið á kafi í að vinna sterka málefna-
skrá, þannig að grunnurinn er fyrir
hendi. En við náum sem sagt ekki að
byggja traust hús á honum nema deilur
verði leystar og settar niður.“
Sameining fyrir
næstu alþingiskosningar
Þannig að það eru ennþá afar sterk
öfi innanflokkana á móti sameiningu?
, Já, og við höfum ekki farið í laun-
kofa með það. Andspymumenn leynast
víða. En það er verið að vinna í þessum
málum og ég hef trú á því að þetta fólk
álti sig á því sem máli skiptir. Án sam-
einingar jafnaðarmanna munum við
sigla inn í nýja öld undir gunnfána sér-
hagsmuna og afturhalds. Og hver vill
slíka framtíð?
Annars tel ég það ekki á valdi nokk-
urs manns að stöðva sameiningarferlið
úr þessu. Menn geta tafið fyrir með
blindum persónulegum metnaði sem
þeir taka framyfir hag heildarinnar.
Hag fólksins. En þeir geta ekki stöðvað
bylgjuna. Þetta mun gerast. Spumingin
er: Hvenær? Verður það í næslu kosn-
ingum eða síðar? Um það er erfitt að
spá á þessum tímapunkti. En byltingar-
menn á borð við okkur sameiningar-
sinnana hafa á öllum tímum þurft að
glíma við hindranir og við munum hafa
yfirhöndina í slagnum við úrtölufólkið
á endanum. Ég hef sjálfur fulla trú á því
að það verði vel í tíma fyrir næstu al-
þingiskosningar."
Útvarpið okkar allra
ekki bara þeirra
Sjálfstœðisflokkurinn vill halda í
pólitísk afskipti afríkisútvarpinu,
jafnvel þó það stangist bæði á við "
þróun ífjölmiðlun á Islandi og í
starfsmannamálum ríkisins.
I útvarpslögum er kveðið á um afskipti útvarpsráðs þegar
starfsfólk dagskrár er ráðið. Menntamálaráðherra skipar
hinsvegar bæði útvarpsstjóra og framkvæmdastjóra stofh-
unarinnar.
Menntamálaráðherra, Bjöm Bjamason, hefur afsakað
þau pólitísku hrossakaup sem hafa verið um stöður á ríkis-
útvarpinu, og önnur afskipti stjómmálamanna af ráðning-
um starfsfólks útvarps, með því að lögum verði menn að
fara eftir og „að í útvarpslögum er beinlínis mælt fyrir um
afskipti útvarpsráðs af því þegar ráðnir em menn til dag-
skrárgerðar".
Við Mörður Ámason höfum á tveimur undanfömum
þingum flutt um það tillögu á Alþingi að lögum yrði breytt
þannig að þessari kvöð yrði létt af ráðinu. Sú tillaga hefur
í bæði skiptin verið látin daga uppi í nefnd og sýnir það
best áhuga Sjálfstæðisflokksins á að létta hinum pólitísku
afskiptum af ráðnigum sumra starfsmanna ríkisútvarpsins.
Og þrátt fyrir þau ákvæði laganna sem ráðherra vitnar til
hefur það verið svo að útvarpsráð hefur ekki alltaf fjallað
um ráðningar allra starfsmanna dagskrár. Það hefur aukist
nú síðustu ár.
Miklar breytingar í fjölmiðlum
Það er ekki langt síðan ríkisútvarpið var eini ljósvaka-
miðillinn hér á Iandi. Ákvæðið um sérstakar tillögur út-
varpsráðs þegar ráðið er starfsfólk dagskrár er í raun arfur
frá jreim tíma þegar hlutleysisreglur ríkisútvarpsins vom
túlkaðar mun þrengra m.a. vegna þess að öll öllur fjöl-
miðlun í landinu var fyrst og frems í höndum stjómmála-
flokkanna.
Þessar breytingar lætur Sjálfstæðisflokkurinn sem vind
um eyru þjóta. Ráðherra þeirra segist líka hafa sagt starfs-
mönnum RUV „að stjómmálamenn muni með einum eða
öðmm hætti koma að stofnuninni, á meðan hún sé ríkisfyr-
irtæki. Vilji þeir starfa við aðrar aðstæður verði þeir að
leita eftir störfum há öðmm“. í ljósi athafna Sjálfstæðis-
flokksins og vilja ráðherra þýðir þetta að ef menn vilja fá
að njóta reynslu sinnar og menntunar við stöðuveitingar
skuli þeir leita annað. I þessu virðist ráðuherrann staðráð-
inn jafnvel þó það stangist bæði á við þróun í fjölmiðlun á
íslandi og í starfsmannamálum ríkisins. Hver er tilgangur-
inn?
Hvað með önnur ríkisútvörp?
I umræðu um ríkisútvarpið og framtíð þess er gjaman
vfsað til BBC sem fyrirmyndarúlvarps. En hvemig skyldu
þeir haga þessum málum? Ætli Tony Blair og David
Blunket sitji sveittir við að koma sínum mönnum að? Nei
hreint ekki, enda enginn kostur gefinn á slíku. BBC var
komið á með konungsskipun því lög frá þinginu sjálfu
þóttu tengja stofnunina um of við þingið. Og frá stofnun
þess árið 1927 hefur BBC ekki sætt miklum afskiptum af
hálfu ríkisvaldsins eða þingsins, enda er Bretum fullljóst
að til að útvarpið sé trúverðugt, ekki síst fréttaflutningur
þess, þá verður að vera algerlega skilið á milli stjómmál-
anna og stofnunarinnar. Hlutverk útvarpsráðs þar er að
h'ta eftir hagsmunum almennings en ekki að stjóma dag-
legum rekstri, hvað þá að kássast í starfsmannamálum. Já,
ólíkt höfumst vér að.
Áfram afskipti stjórnmálamanna?
Á síðasta þingi var gerði breyting á löunum um réttindi
og skyldur starfsmanna ríkisins. Breytingin átti að vera í
anda hinnar nýju starfsmannastefnu sem m.a. gerir ráð fyr-
ir því að forstöðumenn stofnana ríkisins ráði starfsmenn
viðkomandi stofnunar. Ákvæðum sem fela ráðherra eða
stjóm viðkomandi stofnunar (sem er stundum skipuð full-
trúum stjómmálaflokkanna, jafnvel alþingismönnum) að
ráða annað starfslið er breytt og forstöðumönnum falin
ráðning þess og þar með aukin ábyrgð.
Þegar röðin kom hinsvegar að ríkisútvarpinu var annað
uppi á teningnum. I tilfelli þess nægði ráðherra ekki að
skipa útvarpsstjóra heldur var því haldið áfram inni í lög-
unurn að ráðherra skipaði einnig hans næstu undirmenn,
framkvæmdastjórana.
Það virðist augljóst að vilji Sjálfstæðisflokksins stendur
til þess að afskipti stjómmálamanna af málefnum ríkisút-
varpsins séu meiri en minni. Annars væri þeirn í lófa lag-
ið að leita samkomulags um breytingar á lögunum í þá
vem að stjómendur á RUV hefðu sambærilegar skyldur og
ábyrgð og stjómendur í öðmm fjölmiðlum og hjá öðmm
ríkisfyrirtækjum. Þar gætum við litið til Breta og fleiri
sem virða sérstöðu sinna ríkisfjölmiðla og vanda sig við
stjómun til að þeir séu tniverðugir og njóti virðingar.
Það að fyrirtæki er ríkisfyrirtæki réttlætir nefnilega ekki
afskipti stjómmálamanna af stjómun þeirra í þá vem sem
Sjálfstæðisflokkurinn virðist aðhyllast og skírast kemur
fram í þeirn lagaákvæðum sem ráðherra vill láta gilda um
þessa stofnun ríkisins.
Svanfríður Jónasdóttir
Þingmaður í þingflokki jafnaðarmanna.