Morgunblaðið - 10.01.2001, Qupperneq 4

FRÉTTIR
4 MIÐVIKUDAGUR 10. JANÚAR 2001 MORGUNBLAÐIÐ
FRAMKVÆMDASTJÓRI Sam-
taka atvinnulífsins, Ari Edwald,
telur ummæli forystumanna kenn-
ara að undanförnu sýna að laun
kennara hefðu verið hærri en þeir
hefðu sagt þau vera. Af þeim sök-
um finnst Ara það ekki skrítið að
einhverjir verði undrandi á samn-
ingunum, samanber viðbrögð starf-
andi forseta Alþýðusambands Ís-
lands, ASÍ.
Ari á sæti í svonefndri endur-
skoðunarnefnd ASÍ og Samtaka at-
vinnulífsins sem hefur komið
reglulega saman til funda frá gerð
síðustu almennra kjarasamninga.
Um næstu mánaðamót getur
nefndin tekið ákvörðun um upp-
sögn eða endurskoðun launaliðar
samninga í ljósi þróunar efnahags-
mála og samninga á vinnumarkaði.
Aðspurður um áhrif nýgerðra
kjarasamninga kennara á aðra
samninga, sagðist Ari telja öruggt
að nefndin muni ræða þá við fyrsta
tækifæri, eða þegar búið væri að
kynna samninginn opinberlega.
„Samningsaðilar hafa lýst því yf-
ir að samningskostnaður á almenn-
um vinnumarkaði hafi verið lagður
til grundvallar við samningsgerð-
ina. Ég reikna með að við getum
treyst því að það sé rétt. Við mun-
um hins vegar við fyrsta tækifæri
fara yfir þetta nánar með okkar
samningsaðilum, í samræmi við
ákvæði í okkar kjarasamningum
við Alþýðusambandið,“ sagði Ari.
Aðspurður hvort framkomnar
upplýsingar um innihald kennara-
samninganna bentu til þess að þar
hefði verið samið um meira en á al-
mennum vinnumarkaði að undan-
förnu sagði Ari enga möguleika
vera til þess út frá ummælum
kennara og ríkisins opinberlega.
„Ég hjó eftir því fyrir jól, þegar
Verzlunarskólinn setti fram sitt til-
boð um 103% hækkun grunnlauna
kennara við skólann á samnings-
tímanum, að formaður Félags
framhaldsskólakennara svaraði því
til að fara þyrfti vel yfir það hvort
í tilboðinu fælist nokkur hækkun,
þar sem um svo miklar tilfærslur
væri að ræða í tilboði skólans.
Þetta var í fyrsta sinn sem ég
heyrði formann kennara viður-
kenna það opinberlega að svona
mikið væri í pokanum. Ég hef nú
talið það liggja fyrir að kennara-
launin samanstæðu af fleiri liðum
en grunnlaunum. Það blasir við að
mikið svigrúm hefur verið til til-
færslna í þessum heildarlaunum.
Hvernig það stendur svo af sér
gagnvart okkar samningskostnaði,
þegar upp er staðið, er ekki nokk-
ur leið að leggja mat á núna. Miðað
við hvernig kennarar hafa talað um
sín laun finnst mér ekkert skrítið
að einhverjir verði undrandi á því
að sjá að þegar upp er staðið þá
eru þau nú hærri en forystumenn
kennara hafa viljað vera af láta,“
sagði Ari ennfremur.
Verðbólguþróun dregur úr
líkum á uppsögn samninga
Rannveig Sigurðardóttir, hag-
fræðingur ASÍ, á sæti í endurskoð-
unarnefndinni ásamt Ara Skúla-
syni framkvæmdastjóra ASÍ.
Þegar Morgunblaðið ræddi við
hana í gær sagðist hún ekki hafa
séð kennarasamningana og vildi af
þeim sökum ekki leggja mat á
hvort þeir gætu haft áhrif á upp-
sagnarákvæði samninga á almenn-
um vinnumarkaði. Það yrði fyrsta
mál á dagskrá næsta fundar með
fulltrúum Samtaka atvinnulífsins.
Hún sagði kennarasamningana
vera flókna og þyrftu mikla yf-
irlegu til að meta heildaráhrif
þeirra.
Aðspurð um áhrif annarra atriða
í efnahagsmálum á almenna kjara-
samninga sagði Rannveig að með
tilliti til verðbólguþróunar að und-
anförnu og stöðunnar í dag væri
ólíklegt að samningunum yrði sagt
upp um næstu mánaðamót. En eft-
ir væru tvær mælingar á verðbólg-
unni og staðan yrði einfaldlega
metin síðar í mánuðinum, þegar
búið væri að yfirfara aðra samn-
inga.
Framkvæmdastjóri Samtaka atvinnulífsins um nýgerða kjarasamninga kennara
Launin hærri en forystumenn
kennara hafa sagt þau vera
ÁTTA hross sem hafa að öllum lík-
indum fælst við flugeldaspreng-
ingar Borgnesinga á gamlárskvöld
fundust á toppi Hafnarfjalls á
laugardaginn eftir tæplega viku-
dvöl á fjallinu. Eigendur
hrossanna, þau Kristinn Hákon-
arson og Ásta Margrét Eyfjörð
Arnardóttir, ábúendur á Höfn II,
klifu fjallið og leiddu hrossin til
byggða.
Kristinn segist hafa saknað
hrossanna á nýársdag en þau
höfðu verið í girðingu ásamt 15
öðrum við hlíðar Hafnarfjalls. Leit
og fyrirspurnir um hrossin báru
ekki árangur og Kristinn segir að
þeim hjónum hafi jafnvel dottið
það í hug að hestunum hefði verið
stolið.
Að morgni laugardags hringdi
Ásta í lögregluna í Borgarnesi
sem sagði að e.t.v. hefðu hrossin
leitað upp í Hafnarfjall enda hefði
það áður gerst að hross hlypu til
fjalla eftir að hafa fælst. Skömmu
síðar sáu þau hjónin hrossin á
toppi fjallsins.
Þau fóru þegar af stað eftir
þeim og gengu á fjallið upp af Sel-
eyrará.
Hrossin
voru þrekuð
Kristinn segir hrossin hafa ver-
ið nokkuð þrekuð enda ekki
stingandi strá á fjallstindinum og
ekkert drykkjarvatn. Hrossin
höfðu leitað skjóls í laut en
skammt frá var brött hlíð. „Hefð-
um við ekki fundið hrossin hefðu
þau öll drepist,“ segir Kristinn,
enda of bratt til að hrossin legðu í
að fara niður fjallið sjálf. Ásta og
Kristinn brugðu múl á eina merina
og teymdu hana niður en ráku hin
hrossin á eftir. Kristinn segir að
lítið hefði mátt bera út af til að illa
færi. Á nokkrum stöðum þurfti að
fara yfir harðfenni og þar var tals-
verð hætta á að hrossin myndu
missa fótanna og renna niður.
Ferðin gekk þó áfallalaust.
Hrossin voru sett í girðingu við
bæinn enda viðbúið að Borgnes-
ingar skytu upp flugeldum um
kvöldið.
Morgunblaðið/Árni Sæberg
Hrossin voru leidd niður norðurhlíð Hafnarfjalls á þrettándanum eftir tæplega vikudvöl á fjallinu.
Fældust
og fundust
á toppi
Hafnar-
fjalls
FRAMKVÆMDASTJÓRN Starfs-
greinasambandsins kom saman til
fundar í gær og ræddi meðal annars
um nýgerða kjarasamninga kennara
við ríkið og sveitarfélögin og mögu-
leg áhrif þeirra á aðra samninga á
vinnumarkaðnum. Halldór Björns-
son, formaður Starfsgreinasam-
bandsins og starfandi forseti ASÍ,
sagði við Morgunblaðið að fundi
loknum að framkvæmdastjórnin
hefði einróma komist að þeirri nið-
urstöðu að miðað við fyrstu upplýs-
ingar af samningum kennara muni
þeir reyna á uppsagnarákvæði
samninga á almennum vinnumark-
aði.
Fylgst verður náið með
gangi kjaramála
„Við fórum yfir málin eins og þau
standa. Við höfum ekki svart á hvítu
hvernig samningarnir eru metnir en
niðurstaða okkar er einfaldlega sú að
samningur framhaldsskólakennara
við ríkið, miðað við okkar upplýsing-
ar um hann, hafi sprengt kostnaðar-
rammann sem félög innan Starfs-
greinasambandsins sömdu um. Það
þýðir bara eitt, að geti stjórnvöld,
sem standa að þessum samningi,
ekki sýnt fram á annað þá mun reyna
á uppsagnarákvæði kjarasamnings
okkar,“ sagði Halldór en hægt verð-
ur að segja samningunum upp 1.
febrúar næstkomandi.
Hann bætti því við að á næstunni
mundi verkalýðsforystan fylgjast
náið með gangi kjaramála almennt.
Staðan verður einnig rædd á for-
mannafundi ASÍ hinn 23. janúar
næstkomandi.
Framkvæmdastjórn Starfsgreinasambandsins fundaði
í gær um samninga kennara
Hafa sprengt kostnaðar-
ramma kjarasamninga
Dýraverndunarsamband Ís-
lands ætlar að senda bréf til
lögreglunnar í Keflavík þar
sem farið verður fram á rann-
sókn á því að lifandi hænsni
fannst í sorpgámi við
eggjabúið Gróður í Reykja-
nesbæ.
„Þetta er ekki í fyrsta sinn
sem svona lagað kemur fyrir
hjá eggjabúunum þarna á
Reykjanesi,“ segir Sigríður
Ásgeirsdóttir, formaður
Dýraverndunarsambands Ís-
lands. Hún segir að sam-
bandið hafi fengið ábendingar
um að lifandi kjúklingar hafi
slæðst út í sorptunnur fyrir
um tveimur árum.
Guðmundur Óli Reynisson,
framkvæmdastjóri eggjabús-
ins Gróðurs, segir að ein-
hverjum hafi orðið eitthvað á
í þessu tilviki. Hann kvaðst
ekki sjá hvernig svona lagað
geti gerst en hugsanlega hafi
farið lifandi hæna í kassa með
hræjum. Hann þekkir ekki til
þess að þetta hafi gerst áður
hjá fyrirtækinu.
„Þetta mál fer í ákveðinn
farveg og tryggt að þetta
komi ekki fyrir aftur. Það
hefur enginn áhuga á því að
þetta komi fyrir aftur,“ segir
Guðmundur Óli.
Gunnar Örn Guðmundsson,
héraðsdýralæknir í Gull-
bringu- og Kjósarsýslu, skoð-
aði í gær aðstæður í eggja-
búinu. Hann segir að
samkvæmt úttektinni eigi
þetta ekki að geta komið fyr-
ir. Málið sé eiginlega óskilj-
anlegt. „Auðvitað gæti verið
að eitthvað sérstakt hafi átt
sér stað þennan dag eða þá
að einhver sé að gera eggja-
búinu grikk. Í Keflavík og
fyrir utan eru aðilar sem eru
með heimilishænsni. Við get-
um ekkert fullyrt um þetta en
hér gæti verið um hrekk að
ræða,“ segir Gunnar.
Hænsni
í sorpgámi
Málið
kært til
lögreglu