Morgunblaðið - 10.01.2001, Blaðsíða 8

FRÉTTIR
8 MIÐVIKUDAGUR 10. JANÚAR 2001 MORGUNBLAÐIÐ
Ráðstefna Íslandssíma
Frá GSM
til 3G
ÍSLANDSSÍMI stend-ur fyrir ráðstefnu ídag klukkan 11 á
Hótel Loftleiðum. Ráð-
stefnan er haldin undir yf-
irskriftinni: „Frá GSM til
3G“, og lýkur henni
klukkan 14. Kjartan
Briem er framkvæmda-
stjóri tæknisviðs hjá Ís-
landssíma GSM. Hann var
spurður nánar um hvað
frá GSM til 3G þýddi.
„Ráðstefnan fjallar um
þá tækniþróun sem er
framundan í hinum þráð-
lausa fjarskiptaheimi. Allt
frá stöðunni í dag, þar
sem við höfum GSM, og
fram til þriðju kynslóðar-
innar af farsímum, eða
3G, eins og hún er kölluð?
– Hvaða munur er á
GSM og 3G?
„GSM-kerfi var hannað með
það í huga að veita talþjónustu
en í dag eru komnar kröfur frá
markaðinum um fjölbreytta
gagnaþjónustu og 3G mun verða
öflugt gagnanet sem hefur tal-
þjónustu sem einungis eitt af
fjölmörgum þjónustusviðum.“
– Hvaða þjónustu umfram tal-
þjónustu veitir 3G?
„Það má nefna alla almenna
gagnaþjónustu eins og netað-
gang, aðgang að tölvupósti og að
innri netum fyrirtækja. Eins má
búast við fjölmörgum nýjum
þjónustuleiðum sem byggjast á
staðsetningu viðskiptavinar.
Þráðlaus skemmtun er líka mikið
í umræðunni og eins öll möguleg
bankaþjónusta og greiðsluþjón-
usta.“
– Verða fyrirlestrar um rann-
sóknir á 3G-kerfinu?
„Fyrirlesararnir sem verða á
ráðstefnunni fjalla bæði um upp-
byggingu kerfanna en einnig þá
þjónustu sem mun verða í boði.
Sem dæmi má nefna að Piet
Grootenboer, aðstoðarforstjóri
hjá Ericsson fyrir 3G, mun fjalla
um DoCoMo, sem er japanskt
farsímafyrirtæki sem þegar hef-
ur komið á markað ýmsum af
þessum þjónustuleiðum. Einnig
verður fjallað um stafrænar
þjónustuleiðir og fulltrúi frá So-
nera Smart Trust mun halda fyr-
irlestur sem kallast „Veskið í
símanum!“ Sjálfur ætla ég að
fjalla um uppbyggingu á GSM-/
GPRS-farsímaneti Íslandssíma
og möguleika þá sem felast í
hinni nýju tækni GPRS.“
– Hvaða möguleikar felast í
GPRS?
„Með GPRS getum við innleitt
margar af þeim þjónustuleiðum
sem munu verða ríkjandi í 3G –
segja má að GPRS sé eins konar
millistig á milli GSM og 3G.“
– Eruð þið að koma þessu kerfi
á núna?
„Já, okkar kerfi fer í loftið um
mánaðamótin janúar/febrúar.
Undirbúningsvinnan hefur ver-
ið geysilega mikil og síðustu
mánuði hafa verið miklar fram-
kvæmdir í gangi hjá okkur við
uppsetningu“
– Eru Íslendingar
framarlega í þessum
tæknimálum?
„Já, þeir eru það.
Einn fyrirlesara mun
einmitt svara þessari
spurningu. Við hjá Ís-
landssíma stefnum á
að fullnægja nýjustu
tækniþörfum.“
– Eru þetta kostnaðarsamar
framkvæmdir?
„Svona verkefni hleypur á ein-
hverjum milljörðum þegar allt er
tekið með.“
– Hverjir hafa verið ykkar
helstu samstarfsaðilar?
„Ericsson er okkar stærsti
samstarfsaðili og allur okkar
grunnkerfisbúnaður kemur frá
þeim. Af öðrum samstarfsaðilum
má sérstaklega nefna Keflavík-
urverktaka, sem hafa unnið mik-
ið starf við uppsetningu sendi-
stöðva. Við erum einnig búnir að
semja við fjölmarga aðila um
þjónustuhluta farsímakerfisins.
Þar á ég við ýmsar upplýsinga-
veitur og fyrirtæki með hugbún-
aðarlausnir.“
– Þú nefndir þráðlausa
skemmtun – hvað er það?
„Þráðlaus skemmtun getur
verið af ýmsum toga. Það má
nefna leiki, tónlist, getraunir og
jafnvel útvarp og sjónvarp.“
– Hvaða tæki eru notuð til
þess að uppfylla allar þessar
þarfir?
„Fyrsti fyrirlesturinn mun ein-
mitt fjalla um tækin sem notuð
verða í 3G. Fyrir utan hina hefð-
bundnu síma má búast við að
tæki eins og lófatölvur og ýmiss
konar önnur tæki sem eru hönn-
uð með sérstaka þjónustu í huga
verði notuð.“
– Horfir maður þá á sjónvarpið
í lófatölvu?
„Já, maður gæti verið með lít-
inn skjá á einhvers konar tæki
eins og lófatölvu. Sum tæki munu
eflaust ráða við margar tegundir
af þjónustuleiðum.“
– Er mikil nauðsyn á að koma
þessum búnaði sem fyrst á?
„Uppsetning á 3G verður gíf-
urlega kostnaðarsamt verkefni.
Búast má við að fyrstu
3G-kerfin í Evrópu
fari í loftið seinni hluta
næsta árs. Enn er
þetta allt á tilrauna-
stigi. Enginn er enn
með kerfi sem kalla
má 3G-kerfi. Hins veg-
ar eru mörg fyrirtæki
að setja á laggirnar
GPRS í sínum GSM-
kerfum. Ég tel að bæði fyrir-
tækjum og einstaklingum muni
finnast ráðstefna okkar í dag
svara ýmsum spurningum um
GSM, GPRS og 3G og hvernig
þessi tækni muni nýtast.“
Kjartan Briem

Kjartan Briem fæddist í
Reykjavík 19. nóvember 1970.
Hann lauk stúdentsprófi frá
Menntaskólanum við Hamrahlíð
1990 og verkfræðiprófi frá BTU-
verkfræðiháskólanum í Kaup-
mannahöfn árið 1997. Hann hef-
ur starfað hjá Landssímanum frá
námslokum og þar til hann hóf
störf hjá Íslandssíma haustið
2000. Kona Kjartans er Guðlaug
Erla Jóhannsdóttir, mark-
aðsfræðingur hjá Vífilfelli.
Með GPRS
getum við inn-
leitt margar
af þeim þjón-
ustuleiðum
sem ríkjandi
verða í 3G
Er eitthvert Kanarístuð á ykkur? Má ekki lengur ræna þá minnimáttar?
HEILDARFJÁRHÆÐ sam-
þykktra húsbréfalána dróst saman
um 10,7% á síðasta ári samanborið
við árið áður. Samdrátturinn er
nærfellt tvöfalt meiri ef miðað er
við markaðsvirði húsbréfanna eða
20,4%.
Samkvæmt skýrslu fjárstýring-
arsviðs Íbúðalánasjóðs var heildar-
fjárhæð samþykktra húsbréfalána
á árinu 2000 tæpir 28,2 milljarðar
króna en samsvarandi fjárhæð út-
gefinna húsbréfalána á árinu 1999
nam rúmlega 31,5 milljörðum
króna.
Fram kemur að mikil aukning
varð á útgáfu húsbréfa í upphafi
síðasta árs samanborið við árið áð-
ur en sú þróun snerist við um sum-
arið og eftir júnímánuð í fyrra var
samdráttur í útgáfu húsbréfa alla
mánuði ársins samanborið við
sömu mánuði árið áður. Samdrátt-
urinn er enn meiri ef miðað er við
áætlað markaðsvirði húsbréfanna
vegna hækkunar á ávöxtunarkröfu
húsbréfa í fyrra. Markaðsvirði hús-
bréfanna var rúmir 32,2 milljarðar
króna á árinu 1999 en tæpir 25,7
milljarðar króna í fyrra, sem er
samdráttur upp á 20,4%. Markaðs-
virðið er minna allt árið í fyrra
nema fyrstu tvo mánuðina.
Tæplega 11% samdráttur
í útgáfu húsbréfa
Húsbréf fyrir 28,2 milljarða króna gefin út í fyrra