Morgunblaðið - 10.01.2001, Blaðsíða 14

FLUGLEIÐIR eru að ganga
frá verðskrá sinni fyrir sumarið
og segir Guðjón Arngrímsson,
hjá upplýsingadeild fyrirtækis-
ins, að farmiði til Kaupmanna-
hafnar kosti 19.900 og London
17.900. Átt er við flug báðar leið-
ir án flugvallaskatts.
„Flugleiðir ætla sem fyrr að
bjóða viðskiptavinum sínum
betri þjónustu og hagstæðara
verð en keppinautarnir,“ sagði
Guðjón í samtali við Morgun-
blaðið og bendir á að ferðatíðni
sé mikil og áfangastaðir margir.
Þá nefnir hann að um 60 þúsund
manns séu í net- og vildarklúbb-
um Flugleiða og fái þeir reglu-
lega hagstæð ferðatilboð og geti
safnað ferðapunktum.
Guðjón leggur jafnframt
áherslu á að Flugleiðir séu
ferðaþjónustufyrirtæki sem út-
vegi farþegum ýmsa aðra þjón-
ustu sem tengist fluginu, svo
sem gistingu og áframhaldandi
ferðalög, hvort sem er með flugi,
bílaleigubíl eða lest. „Og við
leggjum áherslu á að verðið segi
ekki alla söguna heldur hvað er
innifalið,“ segir Guðjón.
Síðasta sumar var farmiða-
verð hjá Flugleiðum til átta
borga í Evrópu 14.900 krónur og
miðað við verðið á Kaupmanna-
höfn er hækkunin því rúm 30%.
Sumarferðir
Flugleiða
Farmiðinn
til London
kostar
17.900 kr.
FRÉTTIR
14 MIÐVIKUDAGUR 10. JANÚAR 2001 MORGUNBLAÐIÐ
ÁRANGUR nemenda í samræmd-
um prófum í 4. og 7. bekk árið 2000
var misjafn eftir skólum og land-
svæðum. Má nefna sem dæmi að
hæsta meðaleinkunn í íslensku í 7.
bekk var 6,9 í Hvassleitisskóla á
meðan lægsta meðaleinkunnin var
2,6 í grunnskóla á Suðurnesjum, en
árangur skólanna á Reykjanesi var
ekki góður að þessu sinni.
Ekki kunna menn einhlítar skýr-
ingar á slæmum árangri skólanna
þar, en ljóst er að erfitt hefur reynst
að fá þar til starfa réttindakennara
og jafnvel leiðbeinendur einnig.
Skólastjórar þeirra skóla sem best-
um árangri hafa náð eru aftur á móti
sammála um að góðir og áhugasamir
kennarar skipti höfuðmáli hvað það
varðar að ná árangri í skólastarfinu.
Hvassaleitisskóli náði mjög góð-
um árangri í þessum samræmdu
prófum, en í 7. bekk voru nemendur
með 6,6 í meðaleinkunn í íslensku og
6,3 í stærðfræði og í 4. bekk var með-
aleinkunn 5,9 í stærðfræði og 5,3 í ís-
lensku. Skólinn er með hæstu með-
aleinkunn í samræmdum prófum 4.
og 7. bekkjar árið 2000 og einnig ef
litið er til áranna 1998–2000.
Pétur Orri Þórðarson, skólastjóri
Hvassaleitisskóla, segir að góðir
kennarar skipti höfuðmáli varðandi
góðan árangur í skólastarfi. „Ef þú
hefur góða kennara þá hefur þú góð-
an aga sem er nauðsynlegur til þess
að árangur náist.“ Þá bendir hann á
að í Hvassleitisskóla séu fámennir
bekkir, sem skipti talsverðu máli
varðandi árangur, en að meðaltali
eru færri en 18 nemendur í hverjum
bekk skólans.
Nemendur í skólanum eru alls
rúmlega 300 og segir Pétur Orri að
skólastjórar og kennarar hafi mjög
góða yfirsýn yfir nemendur í skól-
anum. Allir kennarar eru réttinda-
kennarar og stendur hópurinn sam-
an af fólki sem hefur unnið í
skólanum árum saman. Þórunn
Kristinsdóttir aðstoðarskólastjóri
segir að mikil samheldni sé meðal
hópsins og að kennarar sinni sínu
starfi til fulls í skólanum. Þá hefur
skólinn unnið talsvert sitt eigið
námsefni, sérstaklega í stærðfræði,
til þess að bæta það upp sem
kennslubækurnar skortir og það
hefur skilað góðum árangri.
Nýjar kennsluaðferðir skila
góðum árangri í stærðfræði
Meðaleinkunn nemenda í 4. bekk í
stærðfræði var áberandi hæst í
Álftanesskóla í Bessastaðahreppi,
en þar var meðaleinkunn 6,9, sem
sker sig nokkuð frá meðaleinkunn
annarra skóla í stærðfræði 4. bekkj-
ar.
Erla Guðjónsdóttir, skólastjóri
Álftanesskóla, segir að góðan árang-
ur nemenda megi rekja til þess að
kennararnir séu mjög áhugasamir
um bætta kennsluhætti, en skólinn
tók þátt í átaki varðandi breyttar
kennsluaðferðir í stærðfræði með
skólayfirvöldum í Hafnarfirði, sem
stóð í tvö ár. „Við erum ennfremur
með sérstaka stofu sem við köllum
stærðfræðistofuna, þar sem við
leggjum áherslu á að hafa gott safn
af gögnum og kenna krökkunum
mjög hlutbundið og þá sérstaklega
fyrstu árin. Þá eru kennararnir
ákaflega áhugasamir og hafa verið
mjög drífandi og ákveðnir í að
breyta sínum kennsluaðferðum.“
Álftanesskóli er fremur fámennur
skóli og í 4. bekk eru tæplega 30
nemendur í tveimur bekkjum. Að
sögn Erlu eru kennarar þessara
tveggja bekkja komnir í útgáfu á
námsefni sem þeir hafa unnið út frá
þeim kennsluaðferðum sem notaðar
eru í skólanum. Erla segir að Náms-
gagnastofnun hafi á sínum tíma haft
mikinn áhuga á að taka þetta náms-
efni til útgáfu, en hafi síðan ekki haft
bolmagn til þess að greiða almenni-
lega fyrir það, þannig að kennararn-
ir ákváðu að gefa það út á eigin veg-
um.
Kennsluaðferð þeirra felst mikið í
svokallaðri þrautalausnaleið sem
byggist á því að börnin fá strax í sex
ára bekk að kynnast stærðfræði sem
er byggð á því að leysa einhverjar
þrautir úr daglega lífinu og tengist
þeim sem hópi eða einstaklingum.
Börnin eru látin vinna upplýsingar
úr textum, eða orðadæmum, og ráða
því síðan hvernig þau skila úrlausn-
um sínum. Þau þurfa þó að rökstyðja
niðurstöðuna og lögð er áhersla á að
leiðir þeirra að lausnum séu teknar
góðar og gildar, en þannig er ýtt
undir sköpunarhæfileika þeirra.
„Það var líka mjög gaman að
fylgjast með þeim þegar þau voru í
prófinu, hvernig þau fóru þessar
leiðir þegar þau skildu ekki alveg
dæmin. Þá byrjuðu þau mikið að
teikna og gera allskonar prik og
kassa, hreinlega til þess að átta sig á
um hvað dæmið snerist,“ segir Erla.
Hlutfall réttindakennara
hefur lækkað niður í 70%
Sé litið til árangurs eftir svæðum
á landinu er áberandi að grunnskól-
ar á Suðurnesjum ná fremur slökum
árangri. Þar fer meðaleinkunn að-
eins þrisvar sinnum yfir 5,0 í 32 próf-
um í 8 skólum og í öllum þeim til-
fellum er um að ræða einkunn í
stærðfræði í 7. bekk. Nemendur 4.
bekkjar ná hvergi 5 í meðaleinkunn í
grunnskólum á Suðurnesjum.
Eiríkur Hermannsson, skólamála-
stjóri Skólaskrifstofu Reykjanes-
bæjar, segir að auðvitað séu menn
ekki sáttir við útkomuna að þessu
sinni, en hins vegar sé staðan ekki
alslæm ef litið sé til þriggja síðustu
ára.
„Við höfum verið á stöðugri upp-
leið í stærðfræðinni en okkur hefur
ekki gengið eins vel með íslenskuna
og þá er ég einkum að tala um
Reykjanesbæ. Svo kemur bakslag í
þetta núna og ég kem í rauninni ekki
auga á neinar augljósar skýringar,
en við munum vinna áfram að um-
bótum þannig að betri árangur ná-
ist.“
Að sögn Eiríks valda sveiflurnar
áhyggjum, en menn hafa þó engar
einhlítar skýringar á því. „Við höfum
undanfarin ár notað niðurstöðurnar
til að bjóða upp á endurmenntunar-
námskeið og ég veit að skólarnir
hafa gert umbótaáætlanir sem hafa
byggst á þeim. Mestu máli skiptir að
skólarnir lesi úr niðurstöðum bekkja
og einstaklinga og að kennarar noti
þær niðurstöður til úrbóta í sam-
starfi við foreldrana.“
Undanfarin ár hefur gengið erf-
iðlega að ráða réttindakennara til
grunnskólanna á Suðurnesjum. Ei-
ríkur segir að menn hafi átti í basli
með að manna skólana með fag-
menntuðu fólki, en á síðustu þremur
árum hefur hlutfall réttindakennara
í skólum Reykjanesbæjar farið úr
80% niður í 70%. Hluta af skýring-
unni má rekja til þess að stöðugild-
um fjölgaði við einsetningu skól-
anna, en þá fengust ekki
réttindakennarar í ný stöðugildi sem
fjölgaði við einsetninguna. Eiríkur
segir að reyndar hafi ekki verið
hlaupið að því að fá leiðbeinendur
heldur.
„Þetta er auðvitað mikið áhyggju-
efni en er ekki bara bundið við okk-
ur. Þetta er vandamál alls staðar á
landinu þó að þetta sé kannski meira
vandamál hér en víðast annars stað-
ar.“
Misjafn árangur skóla í samræmdum prófum 4. og 7. bekkjar á síðasta ári
Góðir kennarar og
agi skipta höfuðmáli
ÞINGVALLAVATN er nú allt ísi
lagt og hefur þar myndast stærsta
skautasvell landsins. Að sögn Árna
B. Stefánssonar, augnlæknis og
skautakappa, er ísinn spegilsléttur
og svo tær að hægt er að sjá til
botns gjárinnar.
„Ísinn er óvenju fallegur og krist-
alstær þessa dagana, vatnið lagt fá-
dæma góðum lagnaðarís til skauta-
ferða, sk. bláís og fólk ætti að grípa
tækifærið og skoða þessa fegurð
áður en fer að snjóa.“
Íbúar Þingvallasveitar og aðrir
vel kunnugir vatninu segja vatnið
ekki hafa lagt á þann hátt sem nú er
frá vetrinum 1935–36 en þann vetur
sóttu Reykvíkingar og nær-
sveitamenn mjög á ísinn til skauta-
ferða. Fyrsta sunnudag febrúar-
mánaðar 1936 fóru t.d. um 500
skólabörn úr Reykjavík á skauta á
vatninu.
Ísinn var einnig notaður til flutn-
inga þegar ófærð var á Hellisheiði
og fóru mjólkurbílar um ísinn með
mjólk af Suðurlandsundirlendi til
Reykjavíkur. Þessir flutningar
stóðu í tvær vikur en léttum fólks-
bifreiðum var ekið um vatnið í um
tvo mánuði.
Skautað yfir gjábarminum
Árni og kona hans Gunnhildur
Stefánsdóttir eru mikið útivist-
arfólk og þekkja vel til á Þingvalla-
svæðinu. Hjónin fóru í leiðangur
um ísinn um áramótin og skautuðu
um allt vatnið. Þá var ísinn að sögn
Árna afar þunnur, ekki nema 3–8
cm á svæðinu milli Kárastaðaness
og Svínahlíðar.
„Þótt 3ja cm bláís beri samkvæmt
þumalfingursreglu 130 kg er slíkur
ís ekki traustvekjandi og ekki ætl-
andi nema vönu og vel búnu fólki.
Annan í nýári var ísinn öllu þykkari
og taldist okkur til að hann væri um
15–20 cm þykkur um allt vatn.“
Árni segir það ólýsanlega tilfinn-
ingu að skauta á Þingvallavatni
þegar aðstæður eru svo góðar eins
og verið hafa. „Það var ekki laust
við að við fyndum fyrir fiðringi í
maganum, sérstaklega þegar
skautað var yfir gjábarminn. Sil-
ungar skutust hér og þar fyrir fót-
um okkar, nokkrir þeirrra alveg
feikna boltar auk þess sem hornsíli
lágu víða frosin í ísnum,“ sagði
Árni.
„Einnig sáum við örn í Arnarfelli,
af öllum stöðum, að öllum líkindum
ungfugl sem við höfum áður séð við
vatnið og þá í um 15 m fjarlægð.
Samkvæmt heimildum verpti örn
síðast í Arnarfelli fyrir um 100 ár-
um.“ Spurður um hættur í ísnum
sagði Árni:
„Fólk þarf að kunna á skautum,
það þarf að vera vel búið og gæta
sín á hættum vatnsins – það eru
vakir í ísnum en þær eru afskaplega
lítið hættulegar sé farið með gát.
Það skiptir sköpum að vera vel bú-
inn, broddstafur eða ísöxi er nauð-
syn bæði sem öryggistæki og til að
meta þykkt íssins. Líflínu, gjarnan
kastlínu, 20–25 m langa er einnig
nauðsynlegt að hafa með skyldi ein-
hver fara niður um ísinn. Flauta til
að gera vart við sig og handbroddar
eru einnig afbrags hjálpartæki.
Skautaferð á Þingvallavatni er upp-
lifun sem enginn ætti að neita sér
um þótt margs beri að gæta.“
Að sögn Árna eru öruggustu
staðirnir til að fara á ísinn í mölinni
undan Svínahlíð, við Skálabrekku
og vestur til Kárastaðaness, undan
Vatnskoti, við Mjóanes og undan
Miðfellslandi.
Skautað
á stærsta
skauta-
svelli
Íslands
Stilltur og fagur dagur á Þingvallavatni.
Ljósmynd/Árni B. Stefánsson
Það skiptir sköpum að vera vel búinn á ísnum.